Morgunblaðið - 24.01.2001, Blaðsíða 8

FRÉTTIR
8 MIÐVIKUDAGUR 24. JANÚAR 2001 MORGUNBLAÐIÐ
Dagbók háskólastúdents
Frá daglegu lífi
til hugleiðinga
Í DAG stendur HáskóliÍslands og fleiri fyrirsöfnun dagbóka há-
skólastúdenta og verkefn-
ið Dagbók háskólastúd-
ents. Sif Sigmarsdóttir
sagnfræðinemi er einn
þeirra háskólastúdenta
sem ætla að halda dagbók
í dag. Hvers konar verk-
efni er þarna um að ræða,
Sif?
„Hugmyndin er nú sú
að nemendur skrifi dag-
bók einn dag og skili svo
inn til varðveislu í Lands-
bókasafni Íslands – Há-
skólabókasafni. Miðviku-
dagurinn 24. janúar varð
fyrir valinu“
– Vegna hvers varð sá
dagur fyrir valinu?
„Þetta þótti hentugur
dagur, ekki of nálægur helgi. Við
vildum fá sem raunsannasta
mynd af lífi háskólastúdents og
töldum því þennan dag tilval-
inn.“
– Um hvað á að skrifa?
„Dagbókarformið býður upp á
ýmsa möguleika en við viljum fá
sem fjölbreyttast efni. Fólk get-
ur skrifað um daglegt líf, um
nám sitt, um fjölskylduna og
ýmsar hugleiðingar.“
– Hver er tilgangurinn með
þessu?
„Hann er sá að skapa heim-
ildir. Ef maður hugar að ritun
sögu Háskóla Íslands þá kemur
fljótt í ljós að þrátt fyrir miklar
heimildir í skjalasafni skólans
um stjórnsýsluna skortir nú vitn-
eskju um daglegt líf stúdenta og
háskólasamfélagið yfir höfuð.“
– Ýmsir hafa skrifað um há-
skólanám sitt í endurminninga-
bókum, er slíkt ekki heimildir?
„Jú, vissulega eru það heim-
ildir og væntanlega mjög góðar
heimildir. En við viljum þarna
draga saman mynd af daglega
lífinu hjá háskólanemanum. Há-
skólasamfélagið breytist mjög
hratt í rauninni og því er mjög
gaman að geta fengið mynd af
því eins og það er nú. Svo mætti
endurtaka verkefnið eftir nokk-
urn tíma og bera saman þau
skrif og hin eldri.“
– Hvernig á að nýta þessar
heimildir sem svona safnast?
„Dagbækur eru mjög líflegar
heimildir og mikilvægar við
söguritun. Styðjast má við dag-
bækurnar, t.d. við ritun sögu
Háskóla Íslands, einnig kynnu
þær að nýtast við sjálfstæðar
rannsóknir um líf og störf há-
skólastúdenta. Svo eru þær
væntanlega skemmtileg lesning
fyrir háskólanema, bæði núna og
væntanlega síðar. Sú hugmynd
er einnig uppi að gefa út úrval
dagbókanna í tilefni 90 ára af-
mæli Háskóla Íslands nú á þessu
ári.“
– Á þetta verkefni sér erlenda
fyrirmynd?
„Það veit ég ekki, hins vegar
voru landsmenn allir hvattir til
þess árið 1998 að taka þátt í
sambærilegu verkefni,
en þá komu inn mjög
fáar dagbækur frá há-
skólanemum.“
– Eru allir háskóla-
nemar í landinu hvatt-
ir til að taka þátt í
þessu?
„Það eru einungis nemar við
Háskóla Íslands sem taka þátt í
þessu verkefni.“
– Hverjir standa að þessu
verkefni auk Háskóla Íslands?
„Það eru nokkrir aðilar, svo
sem Stúdentaráð HÍ, handrita-
deild Landsbókasafns Íslands –
Háskólabókasafns, Skjalasafn
HÍ og þjóðháttadeild Þjóðminja-
safns Íslands.“
– Hvað verður mikið gefið út
af þessum dagbókum?
„Við vonum að þetta geti orðið
sæmileg bók en það fer auðvitað
eftir því hvernig verkefnið geng-
ur og hvað við fáum mikið inn.
Við vonum að við fáum sem
flestar bækur þannig að verk-
efnið gangi upp og hægt verði að
nota heimildirnar eins og fyr-
irhugað er.“
– Hefur þú kannað dagbæk-
urnar sem fólk ritaði í einn dag
1998?
„Já, ég hef aðeins litið á þær
sem komu út í bók í úrvali þess-
ara dagbóka. Þetta var mjög
fjölbreytt úrval dagbóka sem
birtist í þessari bók, þær voru
bæði handritaðar og skrifaðar í
tölvu og voru prentaðar í upp-
runalegu formi. Yngri kynslóðin
myndskreytti oft sínar dagbæk-
ur.“
– Gerið þið einhverjar sérstak-
ar kröfur til frágangs á dagbók-
unum núna?
„Við hvetjum nemendur til
þess að senda okkur dagbæk-
urnar í tölvupósti á netfangið:
dagbok@hi.is. Einnig verður að
finna sérstaka kassa á háskóla-
svæðinu fyrir þá sem sjá sér
ekki fært að nýta sér tölvu-
tæknina. Svo bjóðum við einnig
upp á að fólk skrifi ekki undir
nafni. Þátttakendur mega ráða
slíku, en ef þeir eru nafnlausir
þá verða þeir að greina frá kyni
og aldri.“
– Væru heimildirnar ekki per-
sónulegri ef þær væru handrit-
aðar?
„Jú, þær væru það en það er
auðveldara fyrir okkur, bæði til
að skrá þær, vinna
með þær og varðveita,
að fá þær í tölvutæku
formi.“
– Ertu með nokkrar
leiðbeiningar um ritun
dagbókanna að lokum?
„Við viljum gefa sem minnstar
leiðbeiningar svo að við fáum
sem fjölbreyttast efni. Dagbæk-
ur geta verið sáraeinfaldar að
formi en einnig langar hugleið-
ingar og allt þar á milli. Þess má
geta að það verða dregnir út tíu
dagbókarritarar sem hljóta
bókaverðlaun frá Háskólaútgáf-
unni að launum fyrir þátttökuna.
Sif Sigmarsdóttir
 Sif Sigmarsdóttir fæddist í
Reykjavík 30. nóvember 1978.
Hún lauk stúdentsprófi frá
Menntaskólanum í Reykjavík árið
1998 og lýkur BA-prófi í íslensku
og sagnfræði í vor. Hún stundar
einnig tónlistarnám við Nýja tón-
listarskólann. Hún starfaði sem
blaðamaður hjá Morgunblaðinu
sl. sumar og einnig með námi nú.
Viljum fá sem
fjölbreyttast
efni frá sem
flestum
Því miður frú, gleraugu hjálpa ekkert í svona tilfelli. Hann er bara svona bláeygður.
LANDVERND hyggst hefja notk-
un hér á landi á svokölluðum Blá-
flaggi og Grænu flaggi. Bláflaggið
er umhverfismerki sem nýtur virð-
ingar víða í Evrópu sem tákn um
góða umhverfisstjórnun í smábáta-
höfnum og baðströndum. Græna
flaggið er umhverfismerki og tákn
um góða fræðslu og umhverfis-
stefnu í skólum.
Að baki merkjunum stendur
sjálfseignarstofnun sem heitir
Foundation for Environmental
Education in Europe, FEEE, sem
var stofnuð árið 1981. Aðildarfélög
eru 21 frjáls félagasamtök í 21 ríki
Evrópu. Landvernd er aðili að
FEEE.
Í tilefni af notkun merkjanna
hérlendis kom hingað til lands Jan
Eriksen frá Friluftsraadet í Dan-
mörku, sem heldur
utan um Bláflaggið
og Græna flaggið
þar í landi. Eriksen
segir að smábáta-
hafnir sem hyggist
sækja um Bláflagg-
ið þurfi að uppfylla
fjögur skilyrði, þ.e.
að geta veitt upp-
lýsingar um umhverfismál, geta
boðið upp á aðstöðu, geta boðið
upp á þjónustu og að síðustu að
geta haft stjórn á umhverfisþátt-
unum í smábátahöfninni.
Markmiðið er að auka umhverf-
isgæði smábátahafna og auka vit-
und notenda smábátahafnanna um
umhverfismál. Eriksen segir að
reynslan sé góð og ný lönd bætist
stöðugt við.
Hann segir að
ferðamenn sæki í sí-
fellt auknum mæli á
þá staði sem státi af
Bláflagginu, hvort
sem það eru bað-
strandir eða smá-
bátahafnir. Eriksen
segir að Græna
flaggið sé ætlað
skólum í kjölfar verkefnis sem ætl-
að er að efla vitund nemenda,
kennara og annarra starfsmanna
skólans um umhverfismál. Verk-
efnin snúast um losun úrgangs,
orkunotkun, vatnsnotkun og græn
svæði.
Eriksen heimsótti m.a. Selás-
skóla þar sem unnið er að umhverf-
isverkefni og sagði hann afar gott
starf unnið þar.
Landvernd tekur upp Blá-
flaggið og Græna flaggið
HALLDÓR Ásgrímsson, starf-
andi heilbrigðis- og tryggingaráð-
herra, segir að reglur um niður-
fellingu greiðslna til öryrkja
þegar þeir dveljast inn á sjúkra-
stofnunum umfram tiltekin tíma-
mörk hafi verið rýmkaðar veru-
lega í tíð núverandi ríkisstjórnar.
Hann sagði að hér væri um
reglur um svokallaða vasapeninga
að ræða sem hefðu gilt svo lengi
sem hann gæti munað.
Þær hefðu þótt of þröngar og
hefðu verið rýmkaðar verulega
fyrir frumkvæði Ingibjargar
Pálmadóttur.
Gilda einnig um
ellilífeyrisþega
Halldór sagði að þesar reglur
giltu ekki aðeins um öryrkja held-
ur einnig um elllífeyrisþega sem
dveldu á sjúkrastofnunum. Regl-
urnar hefðu á sínum tíma verið
settar til að jafnræði væri milli
þeirra sem þyrftu að sjá fyrir sér í
heimahúsum og þeirra sem væru
á stofnunum hins opinbera. Hvaða
mörk ættu að gilda í þessum efn-
um væri að sjálfsögðu umdeilan-
legt.
Aðspurður hvort ganga þyrfti
lengra í þessum efnum sagðist
Halldór ekkert vilja fullyrða um
það, en vísaði til þess að reglurnar
hefðu verið rýmkaðar verulega.
Greiðslurnar væru fyrst og fremst
ætlaðar til framfærslu og það
mætti ljóst vera að forsendur
breyttust mikið við það að ein-
staklingar færu inn á sjúkrastofn-
anir.
Starfandi heilbrigðisráðherra um
öryrkja inni á sjúkrastofnunum
Reglurnar rýmk-
aðar verulega
ÞORBJÖRG St. Þorsteinsdóttir,
verkefnastjóri hjá Tæknivali, kynnir
Skólatorgsverkefnið föstudaginn 26.
janúar kl. 15:15. Kynningin verður
haldin í stofu M 301 í aðalbyggingu
Kennaraháskóla Íslands við Stakka-
hlíð og er öllum opin.
Rannsóknir er sýna fram á gildi
samstarfs heimila og skóla og sá
möguleiki að nýta upplýsinga-
tæknina til að þjónusta skólasam-
félagið urðu kveikjan að þróunar-
verkefni sem hófst snemma árs 1999
og kallast Skólatorg. Skólatorgið er
vefútgáfukerfi og upplýsingavefur
fyrir grunnskóla. Meginmarkmið
þessarar nýju lausnar er að efla upp-
lýsingamiðlun, samskipti og sam-
starf milli fjölskyldna og skóla.
Í desember tók Menntasmiðja
Kennaraháskóla Íslands að sér rit-
stjórn á þjónustuvef Skólatorgsins.
Þetta var gert í þeim tilgangi að
stuðla að jákvæðum og lifandi
tengslum á milli Kennaraháskólans
og grunnskólanna í landinu enda eru
fjölmargir sérfræðingar innan skól-
ans sem geta miðlað af þekkingu
sinni, segir í fréttatilkynningu.
Kynning á
Skólatorgi
♦ ♦ ♦