Morgunblaðið - 24.01.2001, Blaðsíða 25

ERLENT
MORGUNBLAÐIÐ MIÐVIKUDAGUR 24. JANÚAR 2001 25
LÖGREGLUMENN leituðu dyrum
og dyngjum að vopnum og öðrum
vísbendingum í húsbílagarði eftir að
fjórir af sjö strokuföngum, sem verið
hafa á flótta í Bandaríkjunum í hálf-
an annan mánuð, voru teknir hönd-
um á mánudaginn. Fimmti fanginn
svipti sig lífi og tveir ganga enn laus-
ir og er ekki vitað hvar þeir halda sig.
Fanginn réð sér bana inni í húsbíl
sem lögreglumenn höfðu umkringt í
bænum Woodland Park, sem er sjö
þúsund manna bær í hæðardrögum
um 80 km suðvestur af Denver í
Coloradoríki. Yfirvöld telja að fang-
arnir sem enn ganga lausir kunni að
hafa verið í Woodland Park síðast á
sunnudaginn og kunni að hafa farið
að sækja meira af peningum. Nú er
talið að þeir séu á flótta til Mexíkó.
„Þessu er engan veginn lokið,“
sagði Mark Mershon, yfirmaður
bandarísku alríkislögreglunnar
(FBI) í Colorado. Ábendingar frá
bæjarbúum í kjölfar sjónvarpsþátt-
arins „Eftirlýstustu menn í Banda-
ríkjunum“, sem sýndur var á laug-
ardagskvöld, voru meðal þess sem
kom yfirvöldum á spor fanganna á
Coachlight-vegahótelinu og húsbíla-
garðinum. Telur lögregla að stroku-
fangarnir sjö hafi allir haldið sig í
húsbílnum í allt að þrjár vikur.
Fangarnir voru vel búnir vopnum.
Þeir brutust út úr fangelsi skammt
frá San Antonio í Texas 13. desemb-
er og nokkru síðar skutu þeir lög-
reglumann til bana er þeir rændu
verslun í Dallas.
Sýndu ekki mótþróa
Eftirlit með húsbílagarðinum
hófst klukkan tvö aðfaranótt mánu-
dags og lögreglumenn telja ekki að
mennirnir tveir, sem enn eru lausir,
hafi komist óséðir framhjá eftirlits-
mönnum, og segjast ekki vita hve-
nær mennirnir hafi farið úr bílnum.
Þrír voru handteknir á mánudaginn
þegar þeir yfirgáfu húsbílinn og fóru
í matvöruverslun. Allir voru vopnað-
ir en sýndu ekki mótþróa við hand-
tökuna.
Sá fjórði kom út úr húsbílnum og
vissi ekki af lögreglumönnunum.
Þegar hann sá að hann var um-
kringdur hljóp hann að hjólhýsi
skammt frá, en kom út aftur og gafst
upp. Sögðu lögreglumenn hann hafa
verið með gamalt sár sem hann
kunni að hafa fengið í skotbardag-
anum þegar lögreglumaðurinn var
skotinn í Dallas. Fimmti fanginn
skaut sig til bana inni í húsbílnum
eftir að félagi hans hafði verið hand-
tekinn, að sögn yfirvalda. Við leit í
bílnum fundust 13 skotvopn sem
rænt hafði verið í Dallas. Yfirvöld
vita ekki hvernig fangarnir komust
yfir húsbílinn, en getum er leitt að
því að þeir hafi keypt hann fyrir pen-
inga sem þeir höfðu upp úr krafsinu
við ránið.
Játaði á sig morðið
Meðal hinna handsömuðu er Ge-
orge Rivas, sem er þrítugur og talinn
hafa verið leitogi hópsins. Lögreglu-
menn sögðu að hann hefði látið í ljósi
iðrun og játað á sig morðið á lög-
reglumanninum í Dallas.
Leitin að föngunum hefur borist
um gervöll Bandaríkin, frá Texas til
Utah, Mississippi og norður til New
York, og hefur verið lýst sem um-
fangsmestu mannaveiðum í landinu
síðan Bonnie og Clyde. Dennis Bail-
ey, íbúi í Colorado, sagði að það hefði
verið heimskulegt af föngunum að
halda hópinn. „Ef þeir hefðu farið
hver í sína áttina hefðu þeir getað
verið lengi í felum. Það eru engir að
skipta sér af manni hérna.“
AP
Mark Mershon, fulltrúi FBI (í felulituðum jakka), talar við fréttamenn eftir að einn fanganna hafði svipt sig lífi.
Fjórir af sjö stroku-
föngum handsamaðir
Woodland Park í Colorado. AP.
STJÓRNUN og rekstur Carls
Bildts, fyrrverandi yfirmanns upp-
byggingarstarfs alþjóðastofnana í
Bosníu, sætir harðri gagnrýni í
nýrri skýrslu sem endurskoðendur
Evrópusambandsins, ESB, hafa tek-
ið saman. Í skýrslunni er Bildt sak-
aður um ábyrgðarleysi og eyðslu en
hann starfaði í Bosníu 1996–1997 og
var fyrsti yfirmaður starfsins.
Í skýrslunni er Skrifstofa æðsta
fulltrúa (Office of the High Repres-
entative) sem Bildt stýrði og fer enn
með æðstu stjórn alþjóðasamfélags-
ins í Bosníu, sögð hafa gert fjölmörg
mistök í stjórnun. Þau hafi í mörg-
um tilfellum kostað talsverð fjárút-
lát og gefið færi á misnotkun á sér-
réttindum. Skrifstofunni var komið
á fót af ESB og Sameinuðu þjóð-
unum sem skipta kostnaðinum með
sér.
Skýrsluhöfundar segja að í upp-
hafi hafi ekkert eftirlit verið með
rekstrinum, engar reglur eða leið-
beiningar um hvernig honum skyldi
háttað og með öllu óljóst hver hafi
borið ábyrgð á einstökum sviðum.
Þá hafi lengi vel skort skýra stefnu
um markmið starfseminnar í Bosn-
íu. Niðurstaðan hafi verið alger
óreiða sem endurskoðendur ESB
hafi þegar bent á vorið 1996. Spán-
verjinn Carlos Westendorp tók við
árið 1997 og segja endurskoðendur
að ekki hafi dregið úr óreiðunni,
þrátt fyrir ítrekaðar viðvaranir.
Á meðal þess sem endurskoðend-
urnir nefna er að háttsettir starfs-
menn hafi greitt fyrirtækjum í
þeirra eigu fé, að í mörgum tilvikum
hafi ekki verið samningar fyrir
hendi um þau verkefni sem téð fyr-
irtæki hafi átt að sinna og að ekki
hafi verið efnt til útboðs.
Endurskoðendurnir telja ekki að
um glæpsamlegt athæfi hafi verið að
ræða þótt ljóst sé að embættisfærsl-
urnar hafi margar hverjar verið á
mörkum hins ólöglega.
Stjórnun Bildts
harðlega gagnrýnd
Kaupmannahöfn. Morgunblaðið.
Borgartúni 28,
562 2901
www.ef.is
OSO
hitakútar
úr ryðfríu stáli
30 ára frábær reynsla á
þúsundum íslenskra heimila
 30/50/100/120/200 eða 300 lítra
 Blöndunar- og öryggisloki fylgir
 20% orkusparnaður
 Hagstætt verð
ISO 90
02
Frábæ
r endi
ng!