Morgunblaðið - 24.01.2001, Blaðsíða 60

Samráð haft
við dómara
Hæstaréttar
GARÐAR Gíslason forseti
Hæstaréttar sagði við Morgun-
blaðið í gærkvöld, að svarbréf
hans til forsætisnefndar Al-
þingis hafi verið sent forsætis-
nefnd að höfðu samráði við
dómara réttarins. Hann sagði
að tilefni svars síns til forsæt-
isnefndar hafi verið mjög
óvenjulegt en vildi ekki tjá sig
um málið að öðru leyti. „Þetta
er mjög óvanalegt og ég svara
þeim bréfum sem koma og
þetta var alveg sérstakt,“ sagði
Garðar Gíslason.
Forseti
Hæstaréttar
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 24. JANÚAR 2001 VERÐ Í LAUSASÖLU 165 KR. MEÐ VSK.
ARI Skúlason, framkvæmda-
stjóri ASÍ, segir að það sé af-
staða ASÍ að við samanburð á
þeim kjarasamningum sem
gerðir hafa verið að undan-
förnu beri að taka tillit til
kostnaðar launagreiðenda við
lífeyrisskuldbindingar. Það sé
ekki nóg að horfa á breytingar
á launalið samninga. Hann seg-
ir að Flóabandalagið og félög
sem gerðu samninga sl. vor
ættu að vera búin undir að ekki
náist samkomulag í nefndinni.
Ari sagði að launanefndin
hefði átt fund með fulltrúum
fjármálaráðuneytisins og for-
manni launanefndar sveitar-
félaganna. Þar hefði komið
fram að kostnaður við samn-
inga kennara væri í samræmi
við það sem önnur stéttarfélög
hefðu samið um á síðasta ári.
Fulltrúar ASÍ í nefndinni hefðu
lýst efasemdum um að þetta
væri rétt mat en fulltrúar Sam-
taka atvinnulífsins hefðu hins
vegar ekki séð ástæðu til að
draga þetta í efa.
Vilja vísa ágreiningi
til Félagsdóms
Samtök atvinnulífsins hefðu
enn fremur algerlega hafnað
því að það ætti að taka tillit til
lífeyrisskuldbindinga þegar
kostnaður við samningana væri
metinn og sagt að slík afstaða
kallaði á stríð. Þeir hefðu varp-
að fram þeim möguleika að vísa
ágreiningi um þetta atriði til
Félagsdóms.
Rannveig Sigurðardóttir,
hagfræðingur ASÍ, sagði á
fundinum að verðbólga hefði
lækkað frá því að kjarasamn-
ingarnir voru gerðir sl. vor.
Hún sagði erfitt að segja fyrir
um framhaldið, m.a. vegna
óvissu um hvaða áhrif lækkandi
gengi íslensku krónunnar hefði
á vöruverð.
Sigurður Bessason, formað-
ur Eflingar, sagðist telja mest-
ar líkur á að samningum yrði
sagt upp í næsta mánuði. Hann
sagði það vekja tortryggni hvað
ríki og sveitarfélög væru treg
til að gefa upp kostnað.
Formannaráðstefna
ASÍ um forsendur
samninga
Lífeyris-
skuldbind-
ingar verði
reiknaðar
með

Miklar/6
SÉRSTÖK nefnd Framsóknar-
flokksins hefur skilað ítarlegri
skýrslu um Evrópumál þar sem
metnir eru kostir og gallar við mögu-
lega aðild Íslands að Evrópusam-
bandinu. Í skýrslunni kemur m.a.
fram að byggja eigi áfram á samn-
ingnum um Evrópska efnahagssvæð-
ið, EES, geti hann haldið upphafleg-
um markmiðum sínum. Ef hins vegar
reynist ekki grundvöllur til að
byggja á EES-samningnum skuli
ákvörðun tekin um það hvort óskað
verði eftir viðræðum við ESB um
fulla aðild Íslendinga eftir að sú
ákvörðun hafi verið borin undir þjóð-
aratkvæði. Skili aðildarviðræður
sameiginlegri niðurstöðu um aðild
Íslendinga að Evrópusambandinu
skuli umsóknin borin undir þjóðarat-
kvæði að nýju.
Í skýrslunni segir að raunhæfir
kostir Íslendinga í Evrópumálum
virðist um þessar mundir vera
þrenns konar. Í fyrsta lagi er EES-
samningurinn nefndur og að hann
standist til frambúðar með viðeig-
andi breytingum, í öðru lagi full aðild
Íslendinga að ESB og í þriðja lagi er
talað um tvíhliða samning við ESB.
Sá valkostur er þó nefndur til þrau-
tavara þar sem hann sé að verulegu
leyti ósambærilegur við hina tvo og
sé miklu takmarkaðri á alla lund.
Raunhæf samningsmarkmið
Halldór Ásgrímsson, formaður
Framsóknarflokksins, ber lof á störf
nefndarinnar og telur skýrsluna mik-
ilvæga í umræðum um Evrópumál.
Hann telur að samningsmarkmið Ís-
lendinga, sem ekki hafi áður verið
sett fram hér á landi ef til viðræðna
við ESB komi, séu raunhæf. Halldór
segir að í skýrslunni sé sá kostur
nánast útilokaður að tvíhliða samn-
ingur verði gerður við Evrópusam-
bandið. Eftir standi því EES-samn-
ingurinn en haldi hann ekki verði að
leita nýrra leiða og komi þá viðræður
við ESB til greina. Hann segist ekki
vera tilbúinn að meta hvor kosturinn
hugnist honum betur. Málið þurfi
meiri umræðu innan Framsóknar-
flokksins og úti í þjóðfélaginu.
Formenn stjórnarandstöðuflokk-
anna lýsa yfir vonbrigðum sínum
með skýrslu Framsóknarflokksins.
Formaður Samfylkingarinnar segir
að skýrslan sé „undarleg lending“ og
formaður Vinstri hreyfingarinnar –
græns framboðs talar um „maga-
lendingu á þeirri flugferð sem Hall-
dór Ásgrímsson hóf í þessum efn-
um.“ Formaður Frjálslynda
flokksins segir skýrsluna vera yfirlit
en ekki stefnumörkun. Málið sé opin
í báða enda „eins og vant er um þenn-
an flokk.“
Evrópunefnd Framsóknarflokksins telur þrjá kosti
raunhæfa fyrir Íslendinga í Evrópumálum
Haldi EES ekki koma að-
ildarviðræður til greina

Niðurstöður/10
Blæs ekki byrlega/12
FORSETI Hæstaréttar segir að í
dómi Hæstaréttar í öryrkjamálinu
svonefnda hafi aðeins verið tekin af-
staða til þess að tekjutenging eins og
nú sé mælt fyrir um í lögum sé and-
stæð stjórnarskránni og dómurinn
feli ekki í sér afstöðu til frekari álita-
efna. Þetta kemur fram í bréfi hans til
forsætisnefndar Alþingis sem er svar
við fyrirspurn um hvort í dómnum sé
slegið föstu að almennt sé andstætt
stjórnarskrá að kveða á í lögum um
skerðingu tekjutryggingar öryrkja.
Öryrkjafrumvarpið svonefnda varð
að lögum á fyrsta tímanum í nótt.
Bréfaskiptin milli forseta Alþingis
og forseta Hæstaréttar sem fram
fóru í gær ollu nokkru uppnámi í
þinginu en gerð var grein fyrir þeim í
upphafi þingfundar í gærkveldi eftir
kvöldmatarhlé. Var 15 mínútna hlé
gert á þingfundi strax í kjölfarið til
þingflokksfunda um efni bréfaskipt-
anna en að því loknu var framhaldið
þriðju umræðu um frumvarpið.
Halldór Blöndal, forseti Alþingis,
sagði að hann hefði tekið ákvörðun
um að skrifa forseta Hæstaréttar
vegna þeirra hörðu deilna sem væru
uppi og hann skildi svar forseta
Hæstaréttar svo að það sé ekki algild
regla að ekki megi tengja tekjutrygg-
ingu við tekjur maka. Ef Hæstiréttur
hefði sagt að skerðing á tekjutrygg-
ingu örorkulífeyrisþega í hjúskap
vegna tekjuöflunar maka væri al-
mennt andstæð stjórnarskránni hefði
verið sjálfgert að taka frumvarpið til
athugunar. Sú væri ekki raunin og því
héldi málið áfram.
Halldór sagðist hafa skrifað bréfið
eftir að hafa átt fund með þeim tveim-
ur forsætisnefndarmönnum sem
væru á landinu. Enginn ágreiningur
hefði verið um að skrifa bréfið.
Stjórnarandstæðingar lýstu því yf-
ir að bréf forseta Hæstaréttar hefði
enga þýðingu fyrir málið.
Steingrímur Sigfússon, formaður
Vinstrihreyfingarinnar – græns
framboðs sagði að þeir teldu þessi
bréfaskipti fyrst og fremst vera til
marks um þá augljósu taugaveiklun
sem slegið hefði út hjá stjórnarliðinu
á síðustu klukkustundum umræðunn-
ar.
Össur Skarphéðinsson, formaður
Samfylkingarinnar, sagði engin dæmi
um slíkar bréfaskriftir í þeim löndum
sem við bærum okkur saman við.
Davíð Oddsson forsætisráðherra
sagði að í bréfinu kæmi fram að
Hæstiréttur teldi að menn væru ekki
að fremja stjórnarskrárbrot með því
að samþykkja frumvarp um að tekju-
trygging örorkulífeyrisþega í hjúskap
væri bundin að einhverju leyti við
tekjur maka.
Halldór Ásgrímsson, starfandi
tryggingaráðherra, sagði að bréfið
yrði ekki skilið öðruvísi en svo að það
samrýmdist stjórnarskrá að skerða
hámarkstekjutryggingu að einhverju
leyti við tekjur maka.
Forseti Hæstaréttar í svari til forsætisnefndar Alþingis
Dómurinn hafnar ekki
tekjutengingu almennt

Öryrkjafrumvarpið/30-31
Fjöldi manns var á þingpöllum í
gærkveldi og fylgdist með umræðu
um öryrkjafrumvarpið og sjást hér
lögreglumenn aðstoða konu í hjóla-
stól af þeim sökum en Halldór Blön-
dal forseti Alþingis fylgist með.
Frumvarpið varð að lögum á fyrsta
tímanum í nótt. 32 stjórnarþing-
menn voru frumvarpinu fylgjandi
en 23 á móti.
Morgunblaðið/Þorkell
Fjöldi manns
fylgdist með
umræðunum