Morgunblaðið - 09.02.2001, Blaðsíða 1

33. TBL. 89. ÁRG. FÖSTUDAGUR 9. FEBRÚAR 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 9. FEBRÚAR 2001
ÖFLUG bílsprengja sprakk í Jerú-
salem í gær, aðeins tveimur dögum
eftir að Ariel Sharon vann mikinn
sigur í forsætisráðherrakosningun-
um í Ísrael með fyrirheitum um að
binda enda á óöld og ofbeldi. Brást
hann við með því að ítreka, að ekki
yrði rætt við Palestínumenn fyrr en
ofbeldinu linnti. Sharon er farinn að
ræða myndun nýrrar stjórnar og er
haft eftir ráðgjöfum hans, að hann sé
tilbúinn til verulegra tilslakana
gagnvart Verkamannaflokknum vilji
hann setjast í stjórn með Likud-
flokknum.
Bílsprengjan sprakk í hverfi
strangtrúaðra gyðinga og þykir mik-
il mildi, að enginn skyldi bíða bana,
þar sem talið er, að mikið af sprengi-
efni hafi verið í bílnum. Ein kona
særðist lítillega og aðstoða varð níu
manns vegna áfalls. Ókunn samtök,
sem kalla sig Andspyrnusamtök Pal-
estínu, sögðust í gær bera ábyrgð á
sprengingunni, sem þau kváðu vera
svar við „hroka Sharons“.
Vill ekki reiða sig á
bókstafstrúarflokka
Sharon hefur hafið tilraunir til að
koma saman nýrri stjórn en hann
hefur lagt til, að mynduð verði þjóð-
stjórn með Verkamannaflokki
Ehuds Baraks, fráfarandi forsætis-
ráðherra. Er haft eftir ráðgjöfum
Sharons, að hann sé tilbúinn til ým-
issa tilslakana gagnvart Verka-
mannaflokknum til að þurfa ekki að
vera ofurseldur stuðningi margra
mjög hægrisinnaðra bókstafstrúar-
flokka. Barak og Shimon Peres, einn
helsti frammámaður í Verkamanna-
flokknum, eru hlynntir því að ræða
við Sharon en innan flokksins er
mikill ágreiningur um hvort setjast
eigi í stjórn með honum.
Romano Prodi, formaður fram-
kvæmdastjórnar ESB, átti í gær
fund með Abdullah II, konungi Jórd-
aníu, og sagði að honum loknum, að
Sharon yrði dæmdur af verkum sín-
um. Skoraði hann á hann að taka aft-
ur upp þráðinn í friðarviðræðunum
við Palestínumenn en Zalman Sho-
val, ráðgjafi Sharons, vísaði slíkum
áskorunum á bug í gær. Þykir það
ekki boða gott en í bréfi, sem Sharon
sendi Yasser Arafat, leiðtoga Palest-
ínumanna, segist hann tilbúinn til
viðræðna á grundvelli ályktana ör-
yggisráðs Sameinuðu þjóðanna nr.
242 og 338. Þær kveða á um brott-
flutning Ísraela af landi, sem þeir
lögðu undir sig 1967, en Ísraelar og
Palestínumenn hafa ávallt deilt um
umfang brottflutningsins.
„Búnir undir stríð“
Sigri Sharons hefur verið illa tekið
í arabaríkjunum. Hussein Tantawi,
varnarmálaráðherra Egyptalands,
sagði í Kaíró í gær, að Egyptar vildu
vinna að friði en yrðu þó „að vera
búnir undir stríð“. Stjórnvöld í Sýr-
landi sögðu augljóst, að ekki væri að
vænta neinna samninga við Sharon
og dagblöð í Sádi-Arabíu hvöttu leið-
toga arabaríkjanna til að gleyma
friðarferlinu í Mið-Austurlöndum.
Sögðu þau, að arabar yrðu að „draga
sínar ályktanir“ af kosningasigri
hægrimannsins Sharons.
Öflug bílsprenging í Jerúsalem tveimur dögum eftir kjör Ariels Sharons
Áhersla á samstjórn með
Verkamannaflokknum
Jerúsalem. AP, AFP, Reuters.
AP
Ísraelskir lögreglumenn og sprengjusérfræðingar hjá leifum bílsins sem sprakk í loft upp í Jerúsalem í gær.
Kona særðist lítillega og þykir það ganga kraftaverki næst, að ekki skyldi hafa farið verr.

Viðbrögð/24
GEIMFERJUNNI Atlantis var skot-
ið á loft í fyrrakvöld frá Canaveral-
höfða á Flórída með rándýran
farm, sjálfa „sálina“ í Alþjóðlegu
geimstöðina. Er þá átt við rann-
sóknastofu sem kostaði um 120
milljarða íslenskra króna. Munu
geimferjan og áhöfn hennar ná til
geimstöðvarinnar, eða Alfa eins og
hún kallast, í dag en einingunni
með rannsóknarstofunni verður
komið fyrir á morgun. Í Alfa eru nú
þrír menn, einn Bandaríkjamaður
og tveir Rússar. Geimskotið í fyrra-
kvöld þótti mjög tilkomumikið og
hér má sjá eldhafið aftan úr flaug-
inni lýsa upp himininn.
AP
Atlantis á
leið til Alfa
SAKSÓKNARAR í Þýskalandi hafa ákveðið
að falla frá málsókn gegn Helmut Kohl, fyrr-
verandi kanslara, en hann var sakaður um að
hafa tekið við leynilegum greiðslum í flokks-
sjóði Kristilega demókrataflokksins. Þess í
stað verður hann sektaður um tæplega 12
milljónir íslenskra króna.
Málið gegn Kohl hefur verið rekið í rúmt ár,
eða síðan hann viðurkenndi að hafa tekið við
leynilegum framlögum. Nú hefur verið ákveð-
ið að láta málið falla niður gegn sekt og hefur
Kohl samþykkt það, að því er lögfræðingar
hans sögðu í gær. Lögðu þeir raunar fram til-
lögu um að ljúka málinu með þeim hætti í
október síðastliðnum.
Dómstóll í Bonn mun taka afstöðu til þess-
ara málaloka fljótlega og fallist hann á þau,
mun það hlífa sameiningarkanslaranum við að
lenda á opinberri sakaskrá. Sá böggull fylgir
þó skammrifi, að þegar þessu máli lýkur getur
Kohl ekki lengur neitað að svara spurningum
þingnefndar sem er að kanna hvort hann hafi
selt fyrirgreiðslu stjórnvalda í valdatíð sinni,
1982 til 1998. Hann hefur raunar alltaf neitað
því en ekki svarað spurningum um það að
öðru leyti vegna hinnar rannsóknarinnar.
Málsókn gegn Kohl hætt
Berlín. AP, AFP.
Helmut Kohl
SENDINEFND frá Evrópusam-
bandinu, ESB, kom til Belgrad í gær
og skoraði þá á hina nýju stjórn í
Júgóslavíu að framselja Slobodan
Milosevic, fyrrverandi forseta, til
stríðsglæpadómstólsins í Haag.
Serbneskir þjóðernissinnar og
stuðningsmenn Milosevic efndu til
mótmæla vegna komu nefndarinnar,
sem í var meðal annars Javiers Sol-
ana, talsmanns ESB í utanríkis- og
varnarmálum, en fáir sóttu þau.
Anna Lindh, utanríkisráðherra
Svíþjóðar og einn nefndarmanna,
sagði á fundi með Vojislav Kost-
unica, forseta Júgóslavíu, að ESB
vænti þess, að stjórn hans hefði fullt
samstarf við stríðsglæpadómstólinn
en hann hefur sakað Milosevic um
stríðsglæpi í Kosovo. Hún nefndi þó
engar tímatakmarkanir varðandi
framsal Milosevic, ólíkt Bandaríkja-
stjórn sem hefur gefið Júgóslavíu-
stjórn frest til 31. mars næstkom-
andi. Að öðrum kosti muni
Bandaríkjamenn íhuga að hætta
fjárhagslegum stuðningi við hana.
Kostunica hefur áður lýst yfir and-
stöðu við stríðsglæpadómstólinn og
segir, að verði Milosevic saksóttur
eigi að gera það í Serbíu.
Fáir mótmælendur
Serbneskir þjóðernissinnar og
stuðningsmenn Milosevic boðuðu til
mótmæla vegna komu nefndarinnar
og sérstaklega gegn Solana sem var
framkvæmdastjóri NATO meðan á
loftárásunum á Serbíu stóð í mars til
júní 1999. Tóku ekki nema rúmlega
100 manns þátt í þeim.
Solana kvaðst hafa skilning á til-
finningum sumra Serba í sinn garð
en lagði áherslu á, að hann vildi
hjálpa Serbum við að aðlagast hinu
evrópska samfélagi.
Háttsettir fulltrúar ESB í Belgrad
Vilja að Milose-
vic verði fram-
seldur til Haag
Belgrad. AP, Reuters.
ÓTTAST er, að allt að 90% þeirra
tungumála, sem nú eru töluð, verði
horfin um næstu aldamót.
Í skýrslu frá Sameinuðu þjóðun-
um kemur fram, að nú séu töluð
5.000 til 7.000 tungumál í heiminum
og flest af frumbyggjahópum. Í
skýrslunni segir, að málvernd sé
hluti af umhverfisvernd vegna þess,
að með málunum hverfi mikil þekk-
ing, meðal annars á náttúrunni.
Tungumál-
um fækkar
Nairobi. AFP.