Morgunblaðið - 04.03.2001, Qupperneq 30

30 SUNNUDAGUR 4. MARS 2001 MORGUNBLAÐIÐ
MENN tengja ef til villekki Knattspyrnusam-band Íslands við hug-takið viðskipti og at-
vinnulíf, en tilfellið er að þarna er
afar umsvifamikið samband sem er
rekið eins og fyrirtæki, hefur vax-
andi veltu og er níu manna vinnu-
staður.
KSÍ er stærsta sérsambandið
innan Íþróttasambands Íslands.
Félögin innan þess eru um 80 tals-
ins að sögn Geirs og skráðir félagar
í þeim um 20.000. Þeir sem sam-
bandið þjónar beint eða óbeint eru
þó mun fleiri. Það gefur augaleið, að
mikið verk er að reka samband af
þessari stærðargráðu og umfangið
hefur farið stigvaxandi. Alls eru
skipulagðir 4.000 knattspyrnuleikir
í öllum aldursflokkum beggja kynja
og stendur sú skipulagsvinna frá
október og fram í apríl. Það er
nokkuð sérstakt í Evrópu að knatt-
spyrnusambandið sjái um allan
pakkann, því í Evrópu er það víðast
þannig, að sögn Geirs, að landsmót
yngri flokka eru skipulögð innan
héraðssambanda. Geir segist ekki
vita betur en að KSÍ hafi alla tíð
verið vel rekið, en aðstæður hafi
verið misjafnar. Hann segir að Egg-
ert Magnússon núverandi formað-
ur, hafi lyft Grettistaki fyrir KSÍ
þann áratug sem hann hafi verið
formaður. „Það var hann sem kom
með þær hugmyndir að það þyrfti
að reka sambandið eins og um fyr-
irtæki væri að ræða. Það hefur tek-
ist á þann hátt, að sambandið hefur
stóraukið tekjur sínar.“
Stórir tekjuliðir
En hverjir eru helstu tekjuliðirn-
ir?
„Það má segja að einn stærsti
tekjuliðurinn sé íslenska karla-
landsliðið. Með því að nýta okkur í
vaxandi mæli sjónvarps- og mark-
aðs- og auglýsingaréttindi tengd
landsliðinu hafa tekjur stóraukist,
einnig tekjur tengdar miðasölu, því
fólk kemur ekki lengur endilega til
að sjá mótherjann og einhverja
fræga leikmenn í þeirra röðum. Nú
er svo komið að við eigum alltaf 2–3
stjörnur sjálfir svo fólk vill gjarnan
mæta á völlinn og sjá þær með eigin
augum. Við vorum með 34 milljónir
í tekjur af sjónvarpsréttindum á
síðasta ári og 20,5 milljónir í tekjur
af aðgöngumiðum. Landsliðsmálin
hafa raunar gersamlega kúvenst
mitt í þessum auknu umsvifum í tíð
Eggerts formanns, eða frá því að
vera með ekkert kvennalandslið
upp í að vera með fjögur og þá alls
átta knattspyrnulandslið í hinum
ýmsu aldursflokkum.
Síðan má nefna að knattspyrnu-
samböndin tvö, FIFA og UEFA,
hafa aukið mjög framlög sín til
sambanda aðildarríkja sinna.
Ástæðan er stóraukið fjárstreymi
til þeirra vegna stórmóta á borð við
Meistaradeild Evrópu og loka-
keppni EM og HM. Í fyrra fékk
KSÍ t.d. 53 milljónir í sinn hlut og til
samanburðar fengum við 35 millj-
ónir í sams konar framlögum árið
1999. Í fyrra fengu félögin 40 millj-
ónir í sinn hlut frá UEFA.
Þá eru 10 til 12 samstarfsaðilar,
fyrirtæki sem hafa gert við okkur
samninga og báðir njóta góðs af.
Þessi fyrirtæki, sem hafa átt við
okkur langt og farsælt samstarf,
koma að hinum ýmsu þáttum starf-
seminnar og borga fyrir auglýs-
inga-, kynningar- og ímyndargildið
sem því fylgir að starfa með okkur.
Þetta er samstarf sem skilaði okkur
35 milljónum á síðasta ári. Við erum
með aðra fasta tekjuliði. Til dæmis
fengum við 7 milljónir úr lottóinu í
fyrra, 5 milljónir úr Íslenskum get-
raunum auk þess sem 3 milljónir
bárust frá ÍSÍ, ýmis framlög. Ásamt
öðrum lægri tekjum, svo sem af
fræðslustarfsemi, mótum og þess
háttar voru rauntekjur okkar á síð-
asta ári rúmar 184 milljónir.“
Kostar sitt
En í eitthvað fara allir þessir pen-
ingar?
„Já, já, það eru útgjöld. Allt kost-
ar þetta sitt. Öll umsvif með lands-
liðið á síðasta ári kostuðu um 84
milljónir og mótakostnaður nam 15
milljónum. Inni í þeirri tölu eru m.a.
öll laun dómara og útgáfumál, m.a.
mótaskrár. Stjórnunarkostnaður
var 34 milljónir og inni í þeirri tölu
eru m.a. rekstur skrifstofu, kostn-
aður og öll laun 8 starfsmanna.
Annar kostnaður er um 14 milljónir
og er ég þá enn og aftur að miða við
árið 2000.“
Þetta er jákvæður rekstur sam-
kvæmt tölunum. Hvernig ver svona
samband gróðanum?
„Þessi góða fjárhagsstaða styrkir
alla starfsemi KSÍ og við skilum því
til félaganna á ýmsan hátt. T.d. með
sífellt aukinni þjónustu, vandaðri og
nákvæmari vinnubrögðum. Þá má
segja að okkur beri að létta á með
félögunum á allan þann hátt sem
mögulegt er. Það er staðreynd að
þau standa mörg höllum fæti fjár-
hagslega. Við höfum brugðist við
með því að létta ýmsum álögum af
félögunum, t.d. undanþegið þau
gjöldum á borð við miðagjald og
þátttökugjöld á mótum. Á árinu
2001 munu eftirgjafir af þessu tagi
vera upp á 25 milljónir sem hefðu
runnið frá félögunum til KSÍ og alls
120 milljónir að verðmæti síðustu
árin. Það má segja að fjárstreymið
frá UEFA og FIFA sé ljós í myrkr-
inu fyrir mörg félög í landinu, en
staðreyndin er sú, að með aðild að
UEFA fáum við vissulega meiri
tekjur heldur en við leggjum til, en
á móti kemur að við lendum í alls
konar kvöðum sem eru í ýmsum til-
vikum alls ekki nauðsynlegar í ís-
lensku umhverfi. Þetta er ekki ein-
hliða samband og því er ekki hægt
að heimta sérstöðu í öllum málum.
Félögin þurfa ekki síður að lúta
kvöðum en KSÍ, alls konar kvöðum
sem snúa að stjórnun, aðstöðu,
rekstri og þess háttar. Hér þarf að
skoða málin vandlega, því slík mál
eru ekki alls staðar í lagi og verður
að bregðast við kröfunum. Það má
segja að KSÍ eigi hér hlutverki að
gegna, að hjálpa félögum að leita
Morgunblaðið/Árni Sæberg
Geir ásamt tveimur traustum starfsmönnum á skrifstofunni, systrunum Margréti t.h. og Ragnheiði Elíasdætrum.
KSÍ VERÐUR EKKI
REKIÐ NEMA
SEM FYRIRTÆKI

Geir Þorsteinsson er framkvæmdastjóri KSÍ. Hann er
borinn og barnfæddur vesturbæingur, fæddur 9. september
1964. Hann varð stúdent frá Menntaskólanum í Reykjavík
árið 1984 og hóf þá nám í stærðfræði við Háskóla Íslands,
hætti því námi þó til að starfa sem stærðfræðikennari og
var hann einn vetur við Menntaskólann að Laugarvatni og
svo annan við Menntaskólann í Reykjavík. Þá gerðist hann
framkvæmdastjóri Knattspyrnudeildar KR og í stjórn
félagsins til loka ársins 1992, er hann réð sig til KSÍ. Þar
starfaði hann fyrstu árin sem skrifstofustjóri auk þess að
sinna mótamálum innanlands og verkefnum tengdum lands-
liðunum. Frá 1997 hefur hann síðan verið framkvæmda-
stjóri sambandsins. Í gegnum tíðina hefur Geir Þorsteins-
son kryddað og bætt við þekkingu sína á knattspyrnumál-
efnum með því að þjálfa og dæma í yngri flokkum og segir
hann það hafa veitt sér ómetanlega hjálp við að halda góðri
yfirsýn og sjá hlutina í réttu ljósi. Sambýliskona Geirs er
Inga Kristjánsdóttir og dóttir þeirra ung heitir Ellen.
Eftir Guðmund Guðjónsson
Morgunblaðið/Árni Sæberg