Morgunblaðið - 14.03.2001, Page 6

FRÉTTIR
6 MIÐVIKUDAGUR 14. MARS 2001 MORGUNBLAÐIÐ
Í SKÝRSLU Borgarendurskoðunar
um framkvæmdir við tengibyggingu
Borgarleikhúss og Kringlu og Lista-
safn Reykjavíkur í Hafnarhúsi kem-
ur m.a. fram að ófullkomnar upplýs-
ingar um kostnaðarhluta
borgarsjóðs, flýtir á framkvæmdum,
flóknar boðleiðir, unnið hafi verið að
framkvæmdum samtímis hönnun og
að fulltrúi borgarverkfræðings í
stýrihópi framkvæmdanna og verk-
efnisstjóri hafi verið störfum hlaðnir
hafi allt stuðlað að því að kostnaður
við framkvæmdirnar fór langt fram
yfir áætlanir. Áætlaður kostnaður
við tengibygginguna var samkvæmt
viljayfirlýsingu Eignarhaldsfélags
Kringlunnar og Reykjavíkurborgar
62,5 milljónir kr. en í samningsdrög-
um sem borgarráð samþykkti 23.
febrúar 1999 var kostnaðurinn talinn
verða 106,5 milljónir kr. en heildar-
kostnaður borgarsjóðs af mannvirk-
inu varð á endanum 205 milljónir kr.
sem er 89% hækkun frá samnings-
drögunum. Upphafleg kostnaðar-
áætlun vegna Listasafns Reykjavík-
ur var 580 milljónir kr. en áætluð
útkoma er 740 milljónir kr. sem er
28% hækkun.
Skýrslan var kynnt á fundi borg-
arráðs í gær og létu borgarráðs-
fulltrúar Sjálfstæðisflokksins bóka
að niðurstöður skýrslunnar væru
mikill áfellisdómur yfir stjórnsýslu
borgarinnar. Borgarstjóri beri mikla
ábyrgð í þessu máli. Ljóst sé að báð-
ar þessar framkvæmdir hafi verið
notaðar í hreinum pólitískum tilgangi
fyrir síðustu sveitarstjórnarkosning-
ar og það hafi kostað borgarbúa gríð-
arlegar fjárhæðir eins og skýrsla
Borgarendurskoðunar beri glöggt
vitni um.
Borgarráðsfulltrúar Reykjavíkur-
listans létu bóka að skýrslan varpi
ljósi á mikilvægi þess að styrkja eft-
irlitskerfi borgarinnar, m.a. með
verklegum framkvæmdum og skýra
ábyrgðarmörk og hlutverk hinna
ýmsu aðila sem að verki koma.
Vinnuhópi undir forystu borgarrit-
ara hefur verið falið að gera tillögur
um úrbætur.
Kostnaðartölum ekki breytt
Sameiginleg viljayfirlýsing
Reykjavíkurborgar og Eignarhalds-
félagsins Kringlunnar hf. var undir-
rituð 7. apríl 1998 um smíði tengi-
byggingarinnar sem á jafnframt að
rúma leikhússal og útibú Borgar-
bókasafns. Samkvæmt yfirlýsing-
unni átti eignarhaldsfélagið að sjá
um framkvæmdina fyrir borgina og
fá kostnaðinn greiddan með skulda-
bréfum til 15 ára vegna bókasafns og
5 ára vegna tengisvæða og greiðsla
fyrir leikhússalinn voru afnot af hon-
um fyrstu 15 árin. Framkvæmdin
átti að kosta 95-110 milljónir kr. Í
desember 1998 var gerð kostnaðar-
áætlun eftir byggingarnefndarteikn-
ingum arkitekta sem hljóðaði upp á
124,6 milljónir kr. enda hafði fyrir-
huguð bygging verið stækkuð úr
1.250 fermetrum í 1.630 fermetra. Á
grundvelli þessarar kostnaðaráætl-
unar voru gerð samningsdrög sem
borgarráð samþykkti. Af hálfu Leik-
félags Reykjavíkur var lögð rík
áhersla á að félagið fengi afnot af
leikhússalnum strax og fékk félagið
þessu framgengt. Þessi breyting
leiddi til hækkunar á kostnaðarhlut
borgarsjóðs í tengibyggingunni mið-
að við fyrri áform. Í nýjum samnings-
drögum sem voru samþykkt í borg-
arráði 23. febrúar 1999 var reiknað
með að áætlaðar heildargreiðslur
borgarsjóðs yrðu 106,5 milljónir kr.
en niðurstaðan varð 205 milljónir kr.
Í skýrslu Borgarendurskoðunar
vegna tengibyggingarinnar segir að
fyrirliggjandi upplýsingar bendi ein-
dregið til þess að ákvörðunin um að-
ild borgarinnar að framkvæmdinni
hafi verið rétt þrátt fyrir afar ófull-
komnar upplýsingar um kostnaðar-
hluta borgarsjóðs. Eignarhaldsfélag
Kringlunnar lagði höfuðáherslu á að
framkvæmdum yrði hraðað. Við slík-
ar aðstæður megi gera ráð fyrir dýr-
ari lausnum en reiknað hafi verið
með í upphafi. Fyrir utan að fram-
kvæmdakostnaður hafi hækkað um
89% hafi kostnaður af hönnun verið
29 milljónir kr. sem borgin greiddi
sjálf.
Borgarendurskoðun segir að
kostnaðarhækkanir og skýringar á
þeim hafi skilað sér seint og illa til
borgarráðs og kostnaðartölum hafi
ekki verið breytt til samræmis við
upplýsingar um kostnað við stækkun
tengibyggingarinnar sem þó hafi leg-
ið fyrir. Ekki hafi verið tekið tillit til
þess að horfið hafi verið frá afnotum
eignarhaldsfélagsins af leikhússal
fyrstu 15 árin og þar með skuldajöfn-
un vegna framkvæmda við hann.
Ótvírætt óhagræði hafi hlotist af því
að hönnun og framkvæmd lutu ekki
sömu stjórn auk þess sem hönnunin
átti sér stað samtímis framkvæmd-
um.
Unnið samtímis að hönnun og
framkvæmd við Listasafnið
Í borgarráði 14. október 1997 var
samþykkt tillaga Reykjavíkurlistans
þar sem teikningar að Listasafni
Reykjavíkur í Hafnarhúsi voru sam-
þykktar. Í tillögunni kemur fram að
miða skuli við það í framkvæmdum á
árinu 1998 að hægt verði að nota sal-
arkynni á 1. hæð hússins til tíma-
bundins sýningarhalds á vegum
Listahátíðar í Reykjavík það ár. Í
skýrslu Borgarendurskoðunar segir
að kvöðin um sýningarhald 1998 hafi
hlotið að hafa í för með sér að unnið
yrði meira og minna samtímis að
hönnun og framkvæmdum. Slík til-
högun sé óhagkvæm og torveldi mjög
áætlunargerð. Í skýrslunni kemur
fram að hönnun, umsjón, eftirlit, op-
inber gjöld og tryggingar fóru 36
milljónum kr. fram yfir kostnaðar-
áætlun, frágangur innanhúss 94
milljónir kr., frágangur utanhúss 36
milljónir kr., rafkerfi 15 milljónir,
pípulagnir 24 milljónir en brot og
steypa var 19 milljónum undir áætl-
un, loftræsting fjórar milljónir og
frágangur næst húsi 22 milljónir.
Samtals er áætlað að verkið fari 160
milljónir kr. yfir áætlun.
Í skýrslu Borgarendurskoðunar
segir að nærtækasta skýringin á því
hvernig fór sé sú að þess hafi ekki
verið gætt sem skyldi hvort reikn-
ingar bærust reglulega og væru í
samræmi við verkstöðu. „Með hlið-
sjón af því að þess munu fá eða engin
dæmi að áætlanir borgarinnar um
meiri háttar breytingar og endurnýj-
un á gömlu húsnæði hafi staðist hefði
mátt ætla að hlutaðeigandi aðilar,
borgarráð, byggingarnefnd Lista-
safns og byggingadeild borgarverk-
fræðings, vildu hafa vaðið fyrir neðan
sig og gera af þeim sökum ráð fyrir
rúmum hönnunartíma áður en ráðist
yrði í framkvæmdir. Af gögnum og
eðli máls verður ekki annað ráðið en
að borgarráð beri höfuðábyrgð á því
að það var ekki gert og þar með má
segja að „kostnaðarþakið“ hafi fokið
út í veður og vind,“ segir í skýrslu
Borgarendurskoðunar.
Skýrsla Borgarendurskoðunar um tengibyggingu Kringlunnar og Listasafn Reykjavíkur
Flýtir á framkvæmd-
um og flóknar boð-
leiðir ollu hækkunum
TVÆR konur voru í gær ráðnar
til starfa sem slökkviliðsmenn í
Slökkviliði höfuðborgarsvæðisins
(SHS), fyrstar kvenna. Voru þær
meðal tíu úr hópi fjörutíu um-
sækjenda sem stóðust allar kröf-
ur, að sögn Halldórs Halldórs-
sonar, starfsmannastjóra SHS.
Nýju slökkviliðsmennirnir heita
Hafdís Björk Albertsdóttir og
Heiða Ingadóttir. Þetta eru ekki
fyrstu skref þeirra inn í hefð-
bundna karlaveröld þar sem Haf-
dís er lögreglumaður og Heiða
björgunarsveitarmaður, land-
vörður og fyrsta konan sem tekin
var inn í Flugbjörgunarsveitina.
Fyrsta vaktin þeirra verður 2.
apríl í hópi 108 slökkviliðsmanna
í stöðvum SHS.
Spurðar hvers vegna þær hafi
ákveðið að þreyta inntökupróf hjá
Slökkviliðinu segir Hafdís meg-
inástæðuna hafa verið að prófa
nýjan starfsvettvang. „Það er
mikill heiður að hafa komist inn
og ég hlakka til að takast á við
starfið. Viðfangsefnin hjá slökkvi-
liðinu og lögreglunni eru lík að
sumu leyti og ég hef auðvitað
ákveðinn bakgrunn úr lögreglu-
starfinu til að byggja á svo mér
líst vel á næstu vikur og mánuði,“
segir Hafdís. Heiða tekur undir
og segist afar ánægð með ráðn-
inguna. Hún segir sjúkraflutn-
ingana hafa verið helsta hvatann
til að sækja um starfið þar sem
störf hennar með Flugbjörg-
unarsveitinni geti nýst henni.
„Slökkvistarfið sjálft er svo
nokkuð sem við eigum eftir að
kynnast betur, við fengum smjör-
þefinn í reyk-
köfunarprófinu
og svo tekur
starfsþjálfunin
við. Þetta er
viss áskorun
að ganga inn í
þetta starf en
áskoranir eru
til að takast á
við þær.“
Ýmis merki
eru um að í
röðum slökkvi-
liðsmanna hafi
hingað til að-
eins verið karl-
menn. Engin
sérstök snyrti-
aðstaða er fyr-
ir konur í
slökkvistöðinni við Skógarhlíð,
sturturnar eru t.d. eingöngu ætl-
aðar karlmönnum, og það þarf
því sitthvað að breytast til að
mæta þörfum nýju starfskraft-
anna. „Mér skilst að það hafi far-
ið svolítill skjálfti um mannskap-
inn þegar það fréttist að tvær
konur hefðu komist inn – þetta
síðasta vígi karlmennskunnar
væri fallið,“ segir Heiða og bætir
við: „En það má ekki heldur
gleymast að við erum tíu nýlið-
arnir sem erum að byrja – ekki
bara við tvær konurnar, og það
er eins með alla nýliða, hvors
kyns sem þeir eru, að til þess að
vera tekinn inn í hópinn verður
maður að standa sig.“ Hafdís er á
sama máli.
„Ég er vön að vinna í karlaum-
hverfi svo það verður ekkert nýtt
fyrir mér að vera í fámennum
hópi kvenna á vinnustað – það er
eiginlega frekar spurning hvernig
þeir taka okkur.“
Konur hafa gegnt störfum
slökkviliðsmanna á Keflavík-
urflugvelli en starfið á Vellinum
er þó frábrugðið starfi höf-
uðborgarliðsins að því leyti að
Keflavíkurliðið sinnir ekki sjúkra-
flutningum
Konur ráðnar í fyrsta skipti í raðir slökkviliðsmanna á höfuðborgarsvæðinu
Morgunblaðið/Júlíus
Hafdís Björk Albertsdóttir og Heiða Ingadóttir eru fyrstu konurnar sem gegna starfi slökkviliðsmanna hjá
Slökkviliði höfuðborgarsvæðisins.
Áskorun
að takast á
við starfið
Heiða við reykköfun meðan á prófun umsækjenda
um störf slökkviliðsmanna stóð. Stóðst hún prófið
með láði og hlaut starfið.
Morgunblaðið/Júlíus
FLUGLEIÐIR hf. og embætti
sýslumannsins á Keflavíkurflugvelli
hafa náð samkomulagi um samstarf í
baráttunni gegn innflutningi fíkni-
efna til landsins.
Verður sérstakur þriggja ára sam-
starfssamningur um fyrirkomulag
þessa samstarfs kynntur í dag, sam-
kvæmt upplýsingum Morgunblaðs-
ins.
Fræðsla fyrir starfsmenn
Flugleiða um fíkniefnamál
Samningurinn kveður m.a. á um
að embætti sýslumannsins skuli ann-
ast sérstaka fræðslu um fíkniefna-
mál fyrir starfsmenn Flugleiða á
Keflavíkurflugvelli. Verður þessi
fræðsla gerð að föstum hluta í
tengslum við þjálfun nýliða og sí-
menntun starfsmanna Flugleiða.
Samningurinn gerir embætti
sýslumanns á Keflavíkurflugvelli
einnig kleift að afla sér þekkingar og
reynslu á sviði fíkniefnamála erlend-
is en félagið mun láta embættinu í té
15 farmiða til útlanda á ári.
Er gert ráð fyrir að löggæslumenn
sýslumannsembættisins geti einnig
með þessu móti eflt tengsl sín við
sérfræðinga á alþjóðlegum flugvöll-
um.
Flugleiðir og
embætti sýslumanns
á Keflavíkurflugvelli
Samstarf
um baráttu
gegn fíkni-
efnainn-
flutningi