Morgunblaðið - 14.03.2001, Blaðsíða 14

FRÉTTIR
14 MIÐVIKUDAGUR 14. MARS 2001 MORGUNBLAÐIÐ
SAMBAND íslenskra bankamanna
rekur nú mál fyrir hönd 12 starfs-
manna Byggðastofnunar í Reykja-
vík, sem sagt hefur verið uppp
störfum, þar sem þeir óska eftir að
flytja ekki með stofnuninni til
Sauðárkróks. Aðalkrafan í málinu
er að þeir fái að fara beint á eft-
irlaun og til vara er þess krafist að
þeim verði úrskurðuð biðlaun en
með því yrði þeim tryggð áfram-
haldandi aðild að Lífeyrissjóði rík-
isstarfsmanna.
Hópurinn sem málið er rekið
fyrir er 12 manna og þar af eru 10
konur sem unnið hafa hjá Byggða-
stofnun og fyrirrennara hennar,
Framkvæmdastofnun í 25 til 32 ár.
Þessum hópi hefur verið sagt upp
með fresti út maí. Einn hefur sam-
þykkt flutning norður og einn hef-
ur fengið starf í Seðlabankanum.
Friðbert Pálsson, formaður
Sambands íslenskra bankamanna,
segir konurnar í hópnum á aldri
frá tæplega fimmtugu til nærri
sextugs. Hann segir því mjög mik-
ilvægt fyrir þær hvernig lífeyr-
isréttindi þeirra verði skipað. „Ef
ekki er viðurkennt að starf þeirra
sé lagt niður ná þær ekki frekari
réttindum í lífeyrissjóði starfs-
manna ríkisins. Ef hins vegar það
er viðurkennt að starfið sé lagt
niður geta þær áfram greitt í líf-
eyrissjóðinn og fá áfram bak-
ábyrgð ríkisins þó að þær kjósi að
fara í starf í einkageiranum. Þess
vegna er mikilvægt að fá þetta við-
urkennt.“ Friðbert sagði að þegar
Húsnæðisstofnun var breytt í
Íbúðalánasjóð hefðu biðlaun verið
greidd, í tilviki nokkurra starfs-
manna hjá Landmælingum, sem
fluttar voru frá Reykjavík til
Akraness, hefði ígildi biðlauna ver-
ið greitt og starfsmönnum Jafn-
réttisstofu sem ekki vildu flytjast
með henni til Akureyrar hefðu
verið greidd biðlaun.
Allar aðrar
leiðir reyndar
Friðbert segir aðalkröfuna
byggða á fjórðu málsgrein 20.
greinar stjórnarskrárinnar, á rétti
sem embættismenn gátu nýtt sér
að fara fremur á eftirlaun en flytj-
ast milli byggðarlaga ef slíkt stóð
fyrir dyrum varðandi embætti
þeirra. „Þetta er aðalkrafa okkar
og það er ekki lengra síðan en
1998 að slíkur úrskurður var kveð-
inn upp,“ segir Friðbert. Varakröf-
una segir hann að viðurkennt verði
fyrir dómi að flutningur Byggða-
stofnunar frá Reykjavík til Sauð-
árkróks jafngildi því að störfin í
Reykjavík verði lögð niður og seg-
ir hann þar byggt á 34. grein laga
nr. 70/1996 um réttindi og skyldur
starfsmanna ríkisins um biðlauna-
rétt.
Friðbert sagði að allar leiðir
hefðu verið reyndar áður en
ákveðið var að höfða mál, bréfa-
skriftir við ráðuneyti og stjórn
Byggðastofnunar. Í málinu nú er
þremur aðilum stefnt, þ.e. fjár-
málaráðherra fyrir hönd fjármála-
ráðuneytis, iðnaðar- og viðskipta-
ráðherra fyrir hönd ráðuneytisisns
og formanni Byggðastofnunar.
Málið var lagt fram í byrjun febrú-
ar og fékk ríkislögmaður átta
vikna frest til að undirbúa máls-
vörn.
Samband íslenskra bankamanna höfðar mál fyrir hönd 12 starfsmanna Byggðastofnunar
Starfsmenn fari
beint á eftirlaun
ÍSLENDINGAR hafa gefið 500
bókapakka með Íslendingasög-
unum til skóla í Kanada og var
fyrsti pakkinn afhentur íslenska
bókasafninu í Manitobaháskóla í
Winnipeg fyrir skömmu og næst
var röðin komin að framhaldsskól-
anum í Árborg í Manitoba.
Davíð Gíslason, formaður Esju-
deildar Þjóðræknisfélagsins af-
henti gjöfina í Árborg að við-
stöddum öllum nemendum og
kennurum skólans en Maurice
Saltel, skólastjóri, veitti henni við-
töku.
Íslenska þjóðin gaf þessar bæk-
ur í fyrra í tilefni af komu Leifs
Eiríkssonar til Norður-Ameríku
fyrir 1000 árum. Davíð greindi frá
gjöfinni og gat þess að hún væri
studd af fjölmörgum fyrirtækjum,
stofnunum og íslensku ríkisstjórn-
inni, en bækurnar eru á ensku og
gefnar út af bókaútgáfunni Leifi
Eiríkssyni. Í máli Davíðs kom fram
hvernig sögurnar urðu til, hvernig
þær geymdust og hvaða þýðingu
þær hefðu fyrir íslenskt samfélag.
Hann sagði frá brunanum í Kaup-
mannahöfn og heimkomu handrit-
anna og sýndi krökkunum Skarðs-
bók. „Þetta er dýrmætasti
fjársjóður Íslands,“ sagði hann
þegar hann afhenti skólastjór-
anum bækurnar.
Maurice Saltel þakkaði höfð-
inglega gjöf og bar fyrir kveðjur
til gefenda á Íslandi. Hann sagði
að miklu máli skipti fyrir skólann
að eiga þessar bækur og að þær
myndu gegna veigamiklu hlut-
verki á árlegum sýningum skólans.
Bókagjöf til Árborgar
Dýrmætasti
fjársjóðurinn
Winnipeg. Morgunblaðið.
FYRIRTÆKIÐ Augun okkar ehf.,
sem er deild innan Baugs hf.,
hyggst hlíta úrskurði samkeppnis-
ráðs um að hætta að nota nafnið
Gleraugnabúðin með eða án end-
ingarinnar .is á gleraugnaverslanir
sínar sem reknar eru í Hagkaupi í
Skeifunni og Nýkaupi í Kringlunni.
Eins og greint var frá í Morg-
unblaðinu í gær fóru samkeppnisyf-
irvöld fram á það við Augun okkar
að fyrirtækið hætti að nota nafnið
Gleraugnabúðin í tengslum við
rekstur verslana sinna þar sem
nafnið hefur verið skráð í firmaskrá
frá árinu 1965 vegna samnefndrar
verslunar við Laugaveginn.
Þá úrskurðaði ráðið að fyrirtækið
hefði ekki rétt til að nota nafnið
með endingunni .is þrátt fyrir að
hafa tekið á leigu lén hjá Intís með
sama nafni þar sem það hugðist
starfrækja gleraugnaverslun á Net-
inu. Var Augunum okkar gefinn
frestur til næsta föstudags til að
láta af notkun nafnsins ella greiða
50 þúsund króna dagsektir.
Almennt kennileiti
Gunnar Gunnarsson, fram-
kvæmdastjóri Augnanna okkar,
segist undrast úrskurðinn mjög.
„Þetta er afskaplega einhliða úr-
skurður og okkur finnst einkenni-
legt að hægt sé að festa svona al-
mennt orð í íslensku máli, orð á
borð við fiskbúð eða apótek. Við
teljum að það sé ómögulegt að
eigna sér svona almennt kennileiti
fyrir hönd einhvers ákveðins rekst-
urs og mér skilst að í dag sé ekki
hægt að skrá slík heiti í firmaskrá.“
Þá er Gunnar afar ósáttur við að
ekki hafi heldur fengist leyfi fyrir
að nota nafnið með endingunni .is
þrátt fyrir að fyrirtækið væri með
samnefnt lén á sínum snærum.
„Þannig að við teljum svolítið stigið
á okkar tær í þessu máli,“ segir
hann.
Að sögn Gunnars var orðið gler-
augnabúðin besta aðferðin til að að-
greina gleraugnaverslanirnar.
„Hugmyndin var að verslanirnar
væru einfaldlega Gleraugnabúðin í
Nýkaup og Gleraugnabúðin í Hag-
kaup á sama hátt og gert er með
apótekið sem er rekið þarna við
hliðina á. Það heitir einfaldlega
Apótekið eins og sjoppan heitir
bara Sjoppan.“
Gunnar segir mjög óeðlilegt að
þetta skuli ekki vera leyfilegt en
segir að fyrirtækið muni hlíta úr-
skurðinum og finna nýtt nafn á
verslanirnar, sem kynnt verður á
næstu dögum.
„Teljum
að stigið
sé á tær
okkar “
Framkvæmdastjóri
Augnanna okkar
FRAMKVÆMDUM við breytingar á
Radisson SAS Hótel Sögu er lokið.
Breytingarnar taka til gesta-
móttöku, veitingastaðar og Mím-
isbars sem eru á jarðhæð hótelsins.
Í gestamóttöku hafa sérstakar
innritunareyjar verið teknar í notk-
un en þær eru eitt af sérkennum
Radisson SAS-hótela víða um heim.
Þá hefur veitingastaðurinn Skrúður
verið stækkaður auk þess sem Mím-
isbar hefur verið gjörbreytt. Meðal
nýjunga þar er koníaksstofa sem
einkum er ætluð gestum Grillsins.
Á sunnudag verður opið hús í hót-
elinu frá klukkan 14-18 þar sem
gestir og gangandi geta virt fyrir
sér breytingarnar.
Morgunblaðið/Jim Smart
Hótel Saga fær nýjan svip
BÚNAÐARÞING fjallaði um
vegagirðingar og aðgerðir til að
draga úr slysahættu á þjóðveg-
um þar sem búfé á í hlut. Sam-
þykkt var áskorun á ríkis-
stjórnina að beita sér nú þegar
fyrir breytingum á lögum og
reglugerðum þannig að allur
stofn- og viðhaldskostnaður við
vegagirðingar verði alfarið á
hendi veghaldara, í flestum til-
vikum Vegagerðarinnar.
Samstarf við lögreglu
og sveitarfélög
Að mati fulltrúa á Búnaðar-
þingi er það eðlilegt og sann-
gjarnt að öll mannvirki, þar
með taldar merkingar og und-
irgöng, sem gerð eru til að friða
vegsvæði, verði meðtalin í
stofn- og viðhaldskostnaði
þjóðvega og því fjármögnuð af
ríkissjóði. Vegagerðinni verði
þá falin öll samræming og um-
sjón framkvæmda.
Þá leggur Búnaðarþing til að
reglubundnu eftirliti með
lausagöngufénaði á vegsvæð-
um verði komið á í samstarfi við
viðkomandi sveitarfélög og lög-
reglu.
Skorað á
stjórnvöld
að breyta
lögum
Viðhald
vegagirðinga