Morgunblaðið - 14.03.2001, Síða 27

LISTIR
MORGUNBLAÐIÐ MIÐVIKUDAGUR 14. MARS 2001 27
ÞETTA eru aðrir tón-
leikar hópsins,sem
stofnaður var á síðast-
liðnum vetri, og að
sögn Camillu er stefn-
an sú að frumflytja á
hverjum tónleikum
nýtt íslenskt verk sem
samið er sérstaklega
fyrir hópinn.
Efnisskrá kvöldsins
samanstendur af döns-
um og sönglögum end-
urreisnartímans frá
Þýskalandi, Englandi
og Ítalíu, m.a. eftir Jo-
hann Hermann Schein, Thomas
Morley og John Dowland en einnig
verður flutt tónlist úr lagasöfnum
frá þessum tíma. Þá verður flutt nú-
tímatónlist eftir tvö erlend og tvö
íslensk tónskáld. Erlendu tónskáld-
in eru Bandaríkjamaðurinn David
Liptak, en eftir hann verður flutt
verk fyrir fiðlu og slagverk sem
samið var 1991, og Ungverjinn Gy-
örgy Kurtág en eftir hann verður
flutt verk fyrir sópran frá árinu
1996. Eftir Lárus H. Grímsson
verður flutt verkið „Þar sem syndin
er falleg“ fyrir kontra-
bassa-, tenór- og sópr-
anblokkflautu auk tón-
bands sem hann samdi
fyrir Camillu Söder-
berg árið 2000, og eftir
John Speight verkið
„What this night is
long“ fyrir sópran,
blokkflautur, gítar,
fiðlu, selló, víbrafón og
dansara. Það er byggt
á enskum miðaldatexta
en verkið er samið sér-
staklega fyrir
Contrasti.
Eini íslenski hópurinn sem
er sérhæfður í endur-
reisnartónlist
Contrasti er eini íslenski tónlist-
arhópurinn sem hefur sérhæft sig í
flutningi endurreisnartónlistar.
Einnig hafa allir tónlistarmennirnir
í hópnum flutt töluvert af nútíma-
tónlist á starfsferli sínum. Hópinn
skipa þau Marta Guðrún Halldórs-
dóttir sópransöngkona, Camilla
Söderberg blokkflautuleikari, Hildi-
gunnur Halldórsdóttir fiðluleikari,
en hún leikur jafnframt á tenór-
gömbu og syngur, Ólöf Sesselja
Óskardóttir sem leikur á selló og
bassagömbu, Snorri Örn Snorrason
gítar og lútuleikari og Steef van
Oosterhout slagverksleikari. Gestir
Contrasti í ár eru þau Auður
Bjarnadóttir listdansari og danshöf-
undur, en hún dansar í verki Johns
Speight, og listdansararnir Anna
Sigríður Guðnadóttir og Hrafn Stef-
ánsson sem dansa í Svítu eftir Jo-
hann Hermann Schein. Auður er
höfundur dansanna í báðum verkum
en í því síðarnefnda í samvinnu við
þau Önnu Sigríði og Hrafn.
Reyndi að byggja brú
„Camilla kom með þessa hug-
mynd í fyrra og bað mig um að
semja stykki fyrir Contrasti með
það í huga að hafa dansara með.
Það þótti mér mjög spennandi og
óvenjulegt. Það fyrsta sem ég gerði
var auðvitað að leita að ljóði sem er
alltaf svolítið vandamál. Hljóðfæra-
samsetningin er óvenjuleg og tón-
listarfólkið hefur gert mikið af því
að flytja eldgamla tónlist. Ég ákvað
að reyna að byggja brú á milli og
fann enskt ljóð frá miðöldum sem
mér fannst mjög fallegt og sterkt.
Þegar ég fór að lesa ljóðið, sem er
mjög erfitt að skilja á „frummál-
inu“, fann ég að þar var fullt af ís-
lenskum orðum og það fannst mér
mjög skemmtileg tenging.
Þetta eru þrjú ljóð sem mynda
sögu af konu sem er ástfangin af
manni sem er aftur á móti ekki ást-
fanginn af henni. Hún verður smám
saman brjáluð og það reyni ég líka
að túlka í tónlistinni,“ segir John
Speight. „Þannig er nú þetta verk –
og þau spila það mjög vel. Ég er bú-
inn að vera á einni æfingu en er
ekki enn búinn að sjá dansinn,“
bætir hann við. Það stóð þó til bóta,
því þegar blaðamaður kvaddi var
Auður Bjarnadóttir að setja sig í
stellingar og tónskáldið beið eftir-
væntingarfullt eftir að fá að sjá og
heyra verkið flutt á sviði Salarins.
Enn ein andstæðan
Camilla segir þetta ekki í fyrsta
sinn sem dans kemur við sögu á
tónleikum sem hún skipuleggur.
„Ég hef alltaf haft áhuga á að flétta
saman listgreinum,“ segir hún.
Camilla hefur líka gaman af að
flétta saman andstæðum og mark-
mið hópsins og nafn, Contrasti, vís-
ar til andstæðnanna sem felast í því
að stefna saman endurreisnar- og
nútímatónlist. „Við byrjum reyndar
á litlu miðaldalagi. Mér fannst það
viðeigandi vegna þess að John
Speight semur sitt verk við enskan
miðaldatexta. Þannig að við hefjum
tónleikana á miðöldum og ljúkum
þeim með nútímaverki sem er
byggt á miðaldaljóði.“
Annað íslenskt verk er eins og
áður sagði á efnisskránni, „Þar sem
syndin er falleg“ fyrir kontrabassa-,
tenór- og sópranblokkflautu auk
tónbands. Það samdi Lárus H.
Grímsson fyrir Camillu á síðastliðnu
ári og hún frumflutti það á opn-
unartónleikum Raf- og tölvutónlist-
arhátíðar í haust. Hún segir að sér
hafi þótt ástæða til að endurflytja
það nú, þar sem opnunartónleika-
rnir voru fyrst og fremst fyrir boðs-
gesti hátíðarinnar og hún vildi gefa
fleirum færi á að heyra það nú.
„Þar með erum við líka að bæta inn
á efnisskrána enn einni andstæðu,
raftónlistinni,“ segir Camilla.
Tónlistarhópurinn Contrasti flytur endurreisnar- og nútímatónlist í Salnum
Nýtt verk eftir
John Speight
frumflutt
Morgunblaðið/Árni Sæberg
Auður Bjarnadóttir túlkar í dansi óendurgoldna ást og sturlun sem af henni leiðir. Contrasti-hópinn skipa, tal-
ið frá vinstri, Hildigunnur Halldórsdóttir, Ólöf Sesselja Óskardóttir, Steef van Oosterhout, Camilla Söderberg,
Snorri Örn Snorrason og Marta Guðrún Halldórsdóttir. Einnig koma fram á tónleikunum dansararnir Anna
Sigríður Guðnadóttir og Hrafn Stefánsson.
Tónlistarhópurinn Contrasti flytur end-
urreisnar- og nútímatónlist í Salnum í kvöld
kl. 20. Listdansarar koma einnig við sögu í
tveimur verkanna. Margrét Sveinbjörns-
dóttir leit inn á lokaæfingu og hitti for-
sprakka hópsins, Camillu Söderberg, og
John Speight tónskáld en verk sem hann
samdi sérstaklega fyrir hópinn verður
frumflutt á tónleikunum.
John Speight
TÓNLEIKAR með saxófón-
leikaranum Jóel Pálssyni
verða á Múlanum, á 2. hæð í
húsi Málarans, annað kvöld,
fimmtudagskvöld, kl. 21.
Með Jóel leika að þessu
sinni Hilmar Jensson á gítar,
Valdimar Kolbeinn Sigurjóns-
son á bassa og Matthías
Hemstock á trommur.
Diskur væntanlegur
Þeir félagar leika tónlist af
væntanlegum diski Jóels,
KLIF. Það er diskur með Jó-
el Pálssyni og hljómsveit sem
skipuð er þeim Hilmari Jens-
syni, Skúla Sverrissyni og
Matthíasi Hemstock. Diskur-
inn er væntanlegur í byrjun
apríl.
Jóel
Pálsson
á Múl-
anum
HEILSUHRINGURINN
VILT ÞÚ FRÆÐAST?
Tímarit um holla næringu og
heilbrigða lífshætti.
Áskriftarsími 568 9933
Síðumúla 27 • 108 Rvík
Veffang: http:www.simnet.is/heilsuhringurinn/