Morgunblaðið - 30.03.2001, Síða 20

LANDIÐ
20 FÖSTUDAGUR 30. MARS 2001 MORGUNBLAÐIÐ
Selfossi - Sveitarfélög á Suðurlandi
leggjast eindregið gegn því að Al-
þingi breyti sveitarstjórnarlögum
með það að markmiði að þvinga
sveitarfélögin til sameiningar en fyr-
ir Alþingi liggur tillaga um lág-
marksfjölda íbúa í sveitarfélagi.
Þetta kom fram á aðalfundi Sam-
bands sunnlenskra sveitarfélaga
sem haldinn var á Flúðum 23. og 24.
mars. Fundinn sóttu fulltrúar sveit-
arfélaganna á Suðurlandi auk gesta.
Fyrir fundinum lá skýrsla stjórnar
og framkvæmdastjóra sambandsins,
Heilbrigðiseftirlits og Skólaskrif-
stofu Suðurlands. Einnig ársreikn-
ingar og fjárhagsáætlanir.
Þá lagði fundurinn áherslu í einni
samþykkta sinna á það að létt yrði af
15% kostnaðarhlutdeild sveitar-
félaga í meiriháttar viðhaldi og stofn-
kostnaði sjúkrastofnana.
Ný félagsþjónustulög
Eitt stærsta verkefni sveitarfélag-
anna í náinni framtíð er breytingar á
félagsþjónustulögum sveitarfélaga
en þar er m.a. gert ráð fyrir að sveit-
arfélögin annist málefni fatlaðra á
sama hátt og annarra íbúa. Fundur-
inn samþykkti eftirfarandi um þetta
mál:
„Verði frumvarp um félagsþjón-
ustu sveitarfélaga að lögum telur að-
alfundur SASS mjög mikilvægt að
allt málið verði vandlega frágengið
áður en til yfirfærslunnar kemur. Í
því sambandi er vísað í samþykkt frá
landsþingi Sambands íslenskra
sveitarfélaga en ýmsu er ólokið af því
sem þar kemur fram.“ Fundurinn
tók undir tillögur landshlutanefndar
SASS varðandi stærð þjónustu-
svæða en þar er bent á að til þess að
geta veitt grunnþjónustu þurfi svæð-
ið að ná yfir 4000 manns.
Páll Pétursson félagsmálaráð-
herra ávarpaði aðalfundinn og sagði
hann að gert væri ráð fyrir því að ný
félagsþjónustulög tækju gildi um
næstu áramót. Hann sagðist hafa
gefið þann möguleika að fresta gild-
istökunni um eitt ár en það væri ekki
hægt að bíða lengur með þetta mál.
Hann sagði ríkið vissulega geta hald-
ið áfram að sinna málefnum fatlaðra
en þá félli niður eftirsóknarverður
þáttur samþættingar í félagsþjón-
ustu sveitarfélaganna.
Albert Eymundsson, bæjarstjóri í
Hornafirði, sagði að það yrðu mikil
vonbrigði ef fresta þyrfti gildistöku
laganna um félagsþjónustu. Hann
flutti erindi um reynslu Hornfirðinga
af samþættri félagsþjónustu og gaf
henni góða einkunn. Hann hvatti
sveitarstjórnarmenn til að taka þátt í
umræðunni og fylgja henni eftir.
„Stóru sveitarfélögin mega ekki
draga lappirnar í þessu máli,“ sagði
Albert.
Þjóðlendulögunum
slátrað?
Aðalfundurinn átaldi í ályktun
harðlega þau vinnubrögð sem við-
höfð eru við kröfugerð ríkisins í svo-
kölluðu þjóðlendumáli. Skorað var á
fjármálaráðherra, ríkisstjórn og Al-
þingi að koma í veg fyrir frekara
uppnám og skaða af völdum kröfu-
gerða um mörk þjóðlendna. Fundur-
inn taldi mikilvægt að úrskurður
óbyggðanefndar varðandi Árnes-
sýslu liggi fyrir áður en lengra er
haldið. Þá segir í samþykkt fundar-
ins: „Fundurinn krefst þess að Al-
þingi setji óbyggðanefnd skýrari
verklagsreglur og komi í veg fyrir að
kvaðir verði þinglýstar á eignarlönd.
Jafnframt verði þinglýstar kvaðir af
hennar völdum máðar úr veðmála-
bókum.“
Páll Pétursson félagsmálaráð-
herra fór hörðum orðum um kröfur
ríkisins í þjóðlendumálinu og sagði
kröfur ósanngjarnar og settar fram
af óbilgirni. Hann sagði að ef úr-
skurður óbyggðanefndar yrði ósann-
gjarn mætti búast við 30 eða 50 ára
stríði í málinu.
Árni Johnsen sem ávarpaði fund-
inn fyrir hönd þingmanna sagði að ef
niðurstaða málsins yrði ekki ásætt-
anleg þyrfti að slátra þjóðlendulög-
unum og senda embættismennina
heim en hann kvaðst þó vonast eftir
farsælli niðurstöðu.
Jarðskjálftarnir dýrir
Aðalfundurinn ályktaði um við-
brögð við jarðskjálftum og hvatti
stjórnvöld til þess að hraða úttekt á
húsum, á jarðskjálftasvæðum, sem
talin eru ótrygg eða byggð úr vara-
sömu efni. Einnig vildi fundurinn
láta endurskoða lög um Viðlaga-
tryggingu og benti á að brunabóta-
mat tekur ekki á öllu tjóni sem verð-
ur í náttúrurhamförum og endur-
speglar ekki raunverulegan bygg-
ingarkostnað. „Tjónabætur verða að
gera fólki kleift að koma sér upp
sambærilegri aðstöðu og fyrir er og
tryggja áframhaldandi búsetuskil-
yrði,“ segir í ályktun fundarins. Þá
hvatti fundurinn til þess að endur-
skoðaðar yrðu aðgerðaráætlanir
varðandi náttúruhamfarir og útbún-
að almannavarnamiðstöðvar á Suð-
urlandi t.d. með tilliti til fjarskipta.
Ragnar Sigbjörnsson, fram-
kvæmdastjóri Rannsóknamiðstöðv-
ar HÍ í jarðskjálftaverkfræði, flutti
erindi um áhrif jarðskjálftanna á
Suðurlandi. Hann sagði að skjálft-
arnir jöfðnuðust fullkomlega á við
skjálfta sem verða erlendis og að
mikil mildi eða heppni hefði verið að
enginn skyldi týna lífi. Hann sagði
kostnað vegna skjálftanna kominn á
þriðja milljarðinn og það kæmi hon-
um ekki á óvart að kostnaðurinn hall-
aði í fjóra milljarða þegar öll kurl
væru komin til grafar. Hann hvatti
til þess að haldið yrði áfram að efla
forvarnir og kannanir á burðarþoli
mannvirkja. Nú væri komið að íbúð-
arhúsunum. Þessar kannanir og for-
varnir sagði hann hafa bjargað
mannvirkjum á Suðurlandi, s.s.
Þjórsárbrú. Guðmundur Gunnlaugs-
son, sveitarstjóri á Hellu, sagði frá
reynslu sinni af jarðskjálftunum í er-
indi sem hann flutti. Hann sagði
mjög mikilvægt fyrir stjórnendur að
vera í góðu sambandi við fólkið og
nauðsynlegt væri að það stæðist sem
ráðamenn segðu. Hann sagði gott
samstarf sveitarfélaganna á svæðinu
hafa tryggt samræmingu í aðgerðum
og að samstarf við ríkið hefði verið
gott. Hann sagði mikilvægt að vinna í
að útrýma veiku íbúðarhúsnæði eins
og SASS hefði ályktað um. Þá sagði
Guðmundur að áhersla væri lögð á að
ímynd sveitarfélagsins væri jákvæð
þrátt fyrir skjálftana og til marks um
það benti hann á að mikil eftirspurn
væri eftir nýjum lóðum á Hellu.
Víðtækar ályktanir
Fjöldi ályktana var samþykktur á
fundinum. Lýst var yfir eindregnum
stuðningi við áform Vegagerðarinn-
ar um lagfæringu og lýsingu vegar-
ins yfir Hellisheiði og um Þrengsli.
Einnig fagnaði fundurinn því að Suð-
urstrandarvegur verði boðinn út í
sumar og skorar á þingmenn Suður-
lands að beita sér fyrir auknu fjár-
magni til tengivega á Suðurlandi.
Loks er hvatt til þess að hafist verði
handa við byggingu brúar yfir Hvítá
og uppbyggingu Gjábakkavegar til
að leggja grunn að atvinnuuppbygg-
ingu, menningarlífi og hagkvæmari
þjónustu.
Fundurinn telur uppbyggingar-
áform hestamanna á Gaddstaðaflöt-
um mikilvægt framtak fyrir hesta-
miðstöð á Suðurlandi. Þá fagnar
fundurinn áhuga matvælafyrirtækja
á staðsetningu á Suðurlandi og bend-
ir á að úrvinnsla matvæla sé einn
styrkasti þátturinn í atvinnulífi
fjórðungsins og efling greinarinnar á
Suðurlandi því afar mikilvæg.
Skorað var á menntamálaráðherra
að endurskoða úthlutun dreifbýlis-
styrks vegna skólaársins 2000–2001
þar sem reglur lágu ekki fyrir við
upphaf skólaárs. Þá skoraði fundur-
inn á stjórnvöld að tryggja fjármagn
til stöðu sálfræðings við heilsugæslu-
stöðvarnar á Suðurlandi. Einnig tók
fundurinn undir fram komna hug-
mynd um stofnun fræðsluhóps vegna
endurmenntunarmála starfsmanna
sveitarfélaga.
Fundurinn fagnaði úttekt KPMG
á stafsemi Heilbrigðiseftirlits Suður-
lands og lýsti ánægju með störf heil-
brigðisnefndar Suðurlands. Einnig
fagnaði fundurinn fyrirhuguðum
framkvæmdum vegna viðbyggingar
við Heilbrigðisstofnunina á Selfossi.
Þá lýsti fundurinn undrun sinni á
þeim vinnuaðferðum sem viðhafðar
voru af hálfu stjórnvalda við undir-
búning og stofnun „Matvælastofu“
án samráðs við Samband íslenskra
sveitarfélaga.
Loks lagði fundurinn áherslu á að
náttúruperlur Suðurlands verði
varðveittar en jafnframt að ekki
verði gengið of langt í kröfum um að-
búnað sem hefta eðlilega umgengni
við náttúruna. Sérstaklega er bent á
að drög að reglugerð um náttúrulega
baðstaði gætu gengið óeðlilega langt
í kröfum sínum til hreinleika.
Nýr formaður var kosinn, Valtýr
Valtýsson, sveitarstjóri í Holta og
Landsveit. Varaformaður er Haf-
steinn Jóhannesson sveitarstjóri í
Mýrdalshreppi. Aðrir í stjórn eru
Ingunn Guðmundsdóttir Árborg,
Ágúst Ingi Ólafsson Hvolhreppi,
Sveinn Sæland, Biskupstungna-
hreppi, Torfi Áskelsson, Árborg,
Geir Ágústsson, Gaulverjabæjar-
hreppi, Aldís Hafsteinsdóttir,
Hveragerði og Sigurður Bjarnason,
Sveitarfélagi Ölfuss.
Samtök sunnlenskra sveitarfélaga andvíg því að sveitarfélög verði þvinguð til sameiningar
Áhersla á sjálfstæði og
skýra verkaskiptingu
Morgunblaðið/Sigurður Jónsson
Frá aðalfundi SASS á Flúðum.
Mývatnssveit - Skíðasvæði með tog-
braut var formlega opnað nærri
Kröfluvirkjun síðastliðin laug-
ardag. Af því tilefni var samkoma
við lyftuna. Þar flutti formaður Í F
Eilífs, Harpa Sigurðardóttir, ávarp
og sóknarpresturinn Sr. Örnólfur
J. Ólafsson fór með bæn og bless-
unaróskir. Veðrið var svo sem best
verður á kosið, logn og sólskin með
13°C frosti.
Þar heitir Grænagilsöxl sem tog-
brautin er og snýr skíðasvæðið
móti suðvestri.
Brekkufóturinn er í um 460
metrum og endar brautin í 560
metrum, hún er um 450 metrar að
lengd, við hana er stjórnhús, snyrt-
ing og skíðageymsla. Hönnun
brautarinnar var unnin af Þorsteini
Jóhannessyni á Verkfræðistofu
Siglufjarðar. Á svæðinu er einnig
frábært gönguskíðaland og snjór
er öruggur ef einhvers staðar er
hægt að tala um slíkt í byggð.
Vakning varð með skíðaiðkun í
sveitinni 1998 þegar Þorvaldur
Þorsteinsson fluttist með fjölskyldu
frá Siglufirði og tók strax til við að
æfa börn og unglinga á svigskíðum.
Viðbrögð krakkanna voru slík að
síðan hafa þau verið við skíðaiðk-
anir, leiki og æfingar allan vet-
urinn. Nú æfa um 40 börn og ung-
lingar hjá Þorvaldi. Farið var á
Andrésarleikana bæði í fyrra og
hitteðfyrra og hafði slíkt þá legið
niðri hér síðan upp úr 1980. Nú er
enn stefnt á Andrésar Andar-leika
síðar á þessum vetri.
Aðstaða niðri við Reykjahlíð var
ekki góð og gamla togbrautin sem
sett hafði verið upp eftir 1970 af
einföldustu gerð og fullnægði eng-
anveginn nútímakröfum, en einnig
oft snjóleysi til baga, þó var búið að
færa búnaðinn þar tvisvar sinnum
úr Salanum, í Háuhlíð og svo aftur í
Salann en nú er þeim þætti lokið.
Fyrir um ári var ráðist í að
kaupa notaða lyftu frá skíðadeild
Ármanns, hún fékkst fyrir lítið,
enda aflögð og ástand hennar lé-
legt. Sumarið 2000 og fram á síð-
ustu vikur var svo unnið af sjálf-
boðaliðum fyrst við að gera upp
búnaðinn og síðan að koma lyftunni
fyrir suðvestan í Grænagilsöxl, ör-
skammt frá Kröfluvirkjun. Kom sér
þá vel að fjöldi fagmanna, tækja-
menn og þúsundþjalasmiðir voru í
áhugahópnum sem stóð að þessu
framtaki og stutt í vélar og tæki.
Án fórnfúsra handa þessara manna
var slík framkvæmd óhugsandi.
Fólk hér gerði sér einnig grein
fyrir því að með skíðatogbraut var
verið að skapa börnunum góða að-
stöðu til hollrar útivistar og hreyf-
ingar, sem öllum er svo mikilvæg,
þess vegna reyndust allir sem til
var leitað boðnir og búnir til að-
stoðar. Á tímum þegar samvinna
og samhjálp á minnkandi hljóm-
grunn með þjóðinni og allir vilja fá
sitt, helst án þess að þurfa nokkuð
að gera sjálfir, er sú samstaða og
eindrægni sem þarna kom fram
sönnun þess að lyfta má Grettistaki
ef samstilltur vilji og einhuga for-
ysta er til staðar.
Fjöldi fólks var viðstaddur þegar
þessum ánægjulega atburði var
fagnað. Boðið var upp á kakó, kaffi
og kleinur fyrir alla, í meiri háttar
fallegu veðri og frábæru skíðafæri.
Skíðatog-
braut
fagnað
við Kröflu
Morgunblaðið/BFH
Skíðasvæðið sem formlega var opnað um síðustu helgi. Frá skíðabrekkunni er stutt að virkjuninni og nýtist vegurinn í Kröflu til að komast á svæðið.