Morgunblaðið - 10.04.2001, Side 21

VIÐSKIPTI
MORGUNBLAÐIÐ ÞRIÐJUDAGUR 10. APRÍL 2001 21
Spennandi litbrigði fyrir varir
Prófaðu Lasting Lip Color,
nýja varalitinn frá Origins
Áttu stundum erfitt með að brosa?
Prófaðu þá þennan splunkunýja varalit
og finndu hvað hann hefur til að bera.
Um leið og þú berð hann á varirnar
finnurðu hressandi svalann og upp-
lífgandi myntuilminn. Svo fæst hann í 16
frábærum og einstaklega
áferðarfallegum litum sem endast lengi
á, en þessi varalitur gerir annað og
meira, því hann er með E-vítamíni, sem
græðir, svalar og mýkir. Því þá að láta
þér nægja bara einhvern varalit þegar
þér býðst litrík, ilmandi og spennandi
upplifun á borð við þessa?
Komdu og sjáðu hvað litirnir sem þú
velur segja um þig.
Origins ráðgjafar verða í Lyf og heilsu,
Melhaga í dag þriðjudag og á morgun
miðvikudag kl.13-17 og Lyf og heilsu
Austurstræti í dag þriðjudag og á
morgun miðvikudag kl. 11-16.
Melhaga, sími 552 2190
Austurstræti, sími 562 9020
EFTA-dómstólinn hefur kveðið upp
dóm sem í segir að Norðmenn hafi
brotið gegn ákvæðum samningsins
um Evrópska efnahagssvæðið með
því að banna innflutning og mark-
aðssetningu á járn- og vítamínbætt-
um kornflögum í byrjun síðasta árs
en þær höfðu verið framleiddar og
markaðssettar með löglegum hætti í
öðrum ríkjum á Evrópska efnahags-
svæðinu. Málið var höfðað af eftir-
litsstofnun EFTA eftir að kvartanir
höfðu borist frá Nordisk Kellogg’s
A/S. Norska matvælaeftirlitið hafði
hafnað umsókn frá fyrirtækinu um
leyfi til þess að selja kornflögurnar á
þeirri forsendu að leyfi væri aðeins
veitt ef sýnt væri fram á að þörf væri
fyrir þessi bætiefni hjá norsku þjóð-
inni. Í niðurstöðu dómsins segir
meðal annars að meginatriðið sé
hvort heilsu manna geti stafað hætta
af matvælum sem hafa verið járn- og
vítamínbætt. Þau rök að yfirvöld
telji að ekki sé þörf fyrir viðkomandi
bætiefni nægi ekki til að réttlæta þá
miklu takmörkun sem felist í banni
við innflutningi og markaðssetningu.
Beiting svokallaðrar varúðarreglu í
ákvæðum EES-samningsins verði í
fyrsta lagi að byggjast á því að sýnt
sé fram á líkur á neikvæðum áhrifum
vörunnar á heilsu manna og í öðru
lagi á traustu mati á hættueiginleik-
um hennar sem byggt sé á nýjustu
vísindarannsóknum. Gögn geri ekki
kleift að meta til fullnustu hina raun-
verulegu hættu og gögn sem lögð
hafa verið fyrir dómstólinn hafi ekki
ótvírætt verið talin bera með sér að
norsk yfirvöld hafi framkvæmt ítar-
legt og vandað mat á hættunni.
Brot á EES-
samningnum
Norðmönnum óheimilt að banna inn-
flutning á vítamínbættum kornflögum
SAMÞYKKT var að breyta nafni
Hutabréfasjóðsins hf. í Fjárfesting-
arfélagið Straumur hf. á aðalfundi
félagsins 15. mars síðastliðinn. Jafn-
framt var samþykkt að fækka
stjórnarmönnum úr fimm í þrjá og til
samræmis að fækka varamönnum úr
tveimur í einn. Í stjórn Straums voru
kjörnir Ari Edwald, formaður
stjórnar, Bjarni Ármannsson og Jón
Halldórsson og Magnús Kristinsson
var kjörinn varamaður. Í stjórn
Hlutabréfasjóðsins hf. voru áður
Baldur Guðlaugsson, Jón Halldórs-
son, Kristján Óskarsson, Stanley
Pálsson og Rafn Johnson. Varamenn
voru Bragi Hannesson og Haraldur
Sumarliðason.
Þórður Már Jóhannesson, fram-
kvæmdastjóri Straums, segir að
Hlutabréfasjóðurinn hf. hafi verið
fyrsti sjóður sinnar tegundar hér á
landi, en hann hafi verið stofnaður á
árinu 1986. Með nafnabreytingunni
sé verið að breyta úr ímynd sjóðs yf-
ir í öflugt fjárfestingarfélag sem
muni verða virkur þátttakandi á fjár-
magnsmarkaði og nýja nafnið sé
meira í takt við tímann en gamla
nafnið.
Hlutabréfasjóðurinn
breytir um nafn