Morgunblaðið - 21.04.2001, Blaðsíða 4

FRÉTTIR
4 LAUGARDAGUR 21. APRÍL 2001 MORGUNBLAÐIÐ
ÓGJÖRNINGUR er að segja til um
það á þessu stigi hvernig endur-
skipulagningu og tímasetningum
prófa verður háttað í Háskóla Ís-
lands ef til verkfalls háskólakenn-
ara kemur í byrjun maí að því er
fram kemur í yfirlýsingu frá Páli
Skúlasyni, rektor Háskóla Íslands:
Í yfirlýsingunni kemur fram að
rektor hafi hinn 3. apríl sl. sett á
laggirnar samráðsnefnd með for-
mönnum Félags háskólakennara,
Félags prófessora, samráðsnefndar
háskólaráðs um kjaramál og Stúd-
entaráðs til að undirbúa þær
ákvarðanir sem taka þurfi ef til
verkfalls kemur.
„Ljóst er að ef til verkfalls kemur
lamast starfsemi háskólans að
mestu leyti. Ef verkfall hefst og
samningar takast skömmu síðar
verður samstundis hafin vinna við
að endurskipuleggja próftöflu og
hraða framkvæmd prófa eftir því
sem kostur er. Ef verkfall hefst og
því lýkur 16. maí án þess að samn-
ingar náist verður einnig hafin
vinna við að endurskipuleggja próf-
ahald og gera ráðstafanir til að gera
stúdentum kleift að ljúka prófum.
Í báðum tilfellum er um flókið
verkefni að ræða sem krefst góðrar
samvinnu margra aðila, þeirra á
meðal starfsmanna í Félagi há-
skólakennara. Á þessu stigi er
ógjörningur að segja til um hvernig
endurskipulagningu og tímasetning-
um prófa verður háttað. Í sumum
tilfellum kann stúdentum að verða
boðið að gangast undir próf í júní,
en í öðrum tilvikum kann niðurstað-
an að verða sú að próf frestist til
haustsins.
Rétt er að taka fram að Háskóli
Íslands er ekki beinn aðili að kjara-
deilunni og tekur ekki þátt í þeim
samningaviðræðum sem nú fara
fram.
Fyrir Háskóla Íslands skiptir
miklu máli að kjör háskólakennara
og starfsfólks verði bætt verulega
og að þau verði samkeppnishæf við
þau kjör sem bjóðast annars staðar
í þjóðfélaginu.
Rektor og stjórn háskólans hefur
veitt samningsaðilum alla aðstoð og
stuðning sem unnt er til að vinna að
lausn deilunnar. Á þessari stundu
er ég vongóður um að samningar
takist áður en til verkfalls kemur,
enda leggja allir aðilar sig fram um
að ná samkomulagi.
Öll starfsemi háskólans miðast
við að próf verði haldin á tveimur
fyrstu vikunum í maí, svo sem áætl-
að er. Hvet ég stúdenta eindregið
til að haga námsvinnu sinni í sam-
ræmi við það,“ segir í yfirlýsingu
rektors.
Næsti samningafundur háskóla-
kennara og viðsemjenda verður
haldinn næstkomandi mánudag. Að
sögn Róberts Haraldssonar, for-
manns Félags háskólakennara, er
tónninn í grundvallaratriðum góður
milli deiluaðila. Meira er ekki unnt
að segja að svo stöddu en líklegt að
málin skýrist betur í næstu viku.
Yfirlýsing frá rektor Háskóla Íslands vegna boðaðs verkfalls háskólakennara
Próf verða endurskipu-
lögð komi til verkfalls
KENNT var í Menntaskólanum
við Hamrahlíð og Menntaskólan-
um við Sund á sumardaginn fyrsta
vegna þess rasks sem verkfall
framhaldsskólakennara olli á
kennslu í vetur.
Að sögn Þorsteins Þorsteinsson-
ar, formanns Skólameistarafélags
Íslands og skólameistara Fjöl-
brautaskólans í Garðabæ, gáfu þó
flestir skólar nemendum sínum frí,
enda um lögboðinn frídag að ræða.
Þorsteinn sagði að flestir fram-
haldsskólanna skipulegðu lokapróf
að þessu sinni í lok maí og að
brautskráningar væru yfirleitt
áætlaðar í byrjun júnímánaðar.
Hann sagði að venjulega væru
prófin í byrjun maí og brautskrán-
ingar í kringum 20. maí.
Að sögn Þorsteins hefur vetur-
inn verið strembinn vegna verk-
fallsins, en eftir að því lauk hefur
kennslan verið mjög stíf.
Hann sagði að í FG fengju nem-
endur 66 kennsludaga á önninni í
stað 75.
Hann sagðist reikna með að aðr-
ir skólar stæðu í svipuðum sporum
þótt eitthvað öðruvísi væri farið
með þá skóla sem byggjast á
bekkjakerfi.
Morgunblaðið/Halldór Kolbeins
Kennt var í Menntaskólanum í Hamrahlíð á sumardaginn fyrsta. Búist er við því að próf í framhaldsskólum verði í lok maí.
Kennt var í nokkrum framhaldsskólum á sumardaginn fyrsta
Brautskráð verður í byrjun júní
SKÝRSLA Landsvirkjunar um mat
á umhverfisáhrifum vegna fyrirhug-
aðrar Kárahnjúkavirkjunar var send
Skipulagsstofnun í gær. Stofnunin
metur hvort skýrslan uppfyllir kröf-
ur og hefur til þess hálfan mánuð.
Stefnt er að því að efni skýrslunnar
verði gert opinbert föstudaginn 4.
maí.
Sigurður Arnalds, verkefnisstjóri
hjá verkfræðistofunni Hönnun hf.,
sem annast hefur umsjón með
skýrslugerðinni, segir að skýrslan sé
um 200 bls. að stærð. Henni fylgja
síðan 43 skýrslur sérfræðinga á ýms-
um sviðum sem fjalla m.a. um sam-
félagsleg áhrif, gróður, dýralíf, forn-
leifar og fleira. Einnig fylgja henni
tvær möppur með 26 styttri ágripum
og greinargerðum.
Umhverfisáhrif
Kárahnjúkavirkjunar
Skýrsla kom-
in til Skipu-
lagsstofnunar
Úrkoman var tæplega helmingur
þess sem venjan er, 25,6 mm, en í
Reykjavík var úrkoma hins vegar í
rúmu meðallagi eða 78,2 mm.
Febrúar var einnig í hlýrra lagi
og þarf að fara aftur til ársins
1994 til að finna hlýrri febrúar-
mánuð. Nokkuð næðingssamt var
sunnanlands um og eftir miðjan
mánuðinn. Höfuðborgarbúar nutu
þó óvenju bjartra daga þar sem
sólskinsstundir voru 91,8 eða 39,8
stundir umfram meðallag. Norðan
heiða mældust sólskinsstundir
28,2, sem er 7,8 stundum færra en
venja er. Á Hveravöllum var með-
alhitinn -5,9°, úrkoman mældist
91,9 mm og sólskinsstundir voru
59,2.
Tíðarfar febrúarmánaðar reynd-
ist afar ólíkt febrúarmánuði í
SUMARDAGURINN fyrsti heilsaði
landsmönnum undantekningarlítið
með björtu og hlýju veðri en sú
veðurlýsing er einnig einkennandi
fyrir veturinn sem nú hefur verið
kvaddur.
Samkvæmt upplýsingum frá
Veðurstofu Íslands var nýliðinn
vetur víðast hvar með léttara móti,
bæði bjartur og hlýr. Tíðarfar var
hagstætt og góðviðrasamt um
meginhluta landsins. Veðurfarið í
ársbyrjun var mjög hlýtt þrátt fyr-
ir snarpan kuldakafla fyrstu 10
daga janúarmánaðar. Það sem eft-
ir lifði mánaðar hlýnaði mikið og
var hitinn talsvert yfir meðallagi,
t.d. á Akureyri þar sem meðalhiti
mánaðarins var 1,2°, sem er 3,4°
yfir meðallagi, og hefur ekki orðið
svo hlýtt þar síðan í janúar 1992.
fyrra þegar tíðarfar var lengst af
óhagstætt. Má þar nefna að snjór
var þá þrálátur á jörðu og olli
nokkrum samgöngutruflunum. Í
Reykjavík var jörð hulin snjó 28
daga í febrúar 2000 og þurfti að
fara aftur til 1957 til að finna
jafnþrálátan snjó í þessum mánuði.
Veturinn 2000 reyndist enda verða
einn af snjóþyngstu vetrum síðustu
30 árin. Snjór hefur hins vegar
varla sést suðvestanlands í ár og
muna höfuðborgarbúar vart snjó-
léttari vetur.
Fyrst fór að kólna svo einhverju
nemur í marsmánuði, sem var í
kaldara lagi. Í heildina var mán-
uðurinn þó sólríkur og lítil úr-
koma var um miðbik landsins og
sunnanlands. Úrkoma í Reykjavík
mældist aðeins 24,4 mm, sem er
einungis 38% af meðalúrkomu. Á
Akureyri reyndist úrkoman rétt
undir meðallagi eða 40,4 mm. Með-
alhiti í Reykjavík var við frost-
mark og er það 1,5 stigum undir
meðallagi áranna 1961 til 1990. Á
Akureyri var meðalhitinn -2,8°,
sem er 2,5 stigum kaldara en í
meðalári. Meðalhitinn á Hveravöll-
um var -7,9° eða 2,1 stigi undir
meðallagi. Hveravellir voru sól-
ríkir í marsmánuði þar sem sól-
skinsstundir mældust 109. Sól-
skinsstundir mældust 126 í
Reykjavík og er það 15 stundum
meira en í meðalári og á Akureyri
mældust 94 sólskinsstundir, sem er
17 stundum yfir meðallagi.
Bjartur og hlýr
vetur kveður

 







 














 




 



  



 

 
RÍKISSJÓNVARPIÐ hefur nú til
skoðunar átta tilboð sem borist
hafa í framleiðslu fimm sjónvarps-
leikrita fyrir Sjónvarpið. Útboðið
er nýjung hjá Sjónvarpinu og segir
Rúnar Gunnarsson, dagskrárstjóri
innlendrar dagskrár, að Sjónvarpið
sé með þessu að tengjast betur að-
ilum utan stofnunarinnar og jafn-
framt leita eftir ferskum hugmynd-
um og nýjum aðferðum við
framleiðslu sjónvarpsefnis.
„Það stefnir í að það verði stöð-
ugt meira framleitt utan stofnun-
arinnar, því eina myndver Sjón-
varpsins annar vart meira en föstu
framleiðslunni,“ segir Rúnar.
Handrit að sjónvarpsleikritunum
fimm eru nánast fullgerð og er
stefnt að því að upptökur fari fram
í júní nk. Um er að ræða framhald
á þróunarvinnu handrita sem hófst
hjá Sjónvarpinu á síðasta ári. Haft
var samband við tíu leikskáld sem
beðin voru um 30 mínútna leikverk
í tveimur rýmum. Útkoman varð sú
að eftir eru áðurnefnd fimm hand-
rit á lokastigi. Höfundar þeirra eru
Árni Ibsen, Hrafnhildur Hagalín,
Ingólfur Margeirsson, Jónína
Leósdóttir og Ragnar Bragason.
Þeir átta framleiðendur sem
gert hafa tilboð í framleiðslu verk-
anna eru Arnarauga kvikmynda-
gerð, Björn Emilsson, Drauma-
smiðjan, Leikfélag Íslands, Mix
hf., Pluton ehf. kvikmyndagerð,
Sigurður Snæberg Jónsson og
Veni-vidi ehf. kvikmynda- og
myndbandagerð. Gerð eru tilboð
ýmist í tvö, þrjú eða öll verkin
fimm.
RÚV býður
út fram-
leiðslu fimm
leikrita
♦ ♦ ♦