Morgunblaðið - 21.04.2001, Blaðsíða 21

VIÐSKIPTI
MORGUNBLAÐIÐ LAUGARDAGUR 21. APRÍL 2001 21
6 manna fullbúin bandarísk fellihýsi á 12“ hjólbörðum
Aðeins kr.
Innifalið í verði:
1. Sjálfvirk miðstöð
2. Gluggatjöld
3. Kælibox
4. Gaseldavél
5. Gaskútur
6. Trappa
7. 48 lítra vatnstankur
8. Gasviðvörunarkerfi
9. Rafgeymabox
10. Útiljós
11. Varadekk með festingu
og hlíf (cover)
12. 50 mm kúlutengi
13. Öflugir stigalausir stál-
tjakkar á hverju horni (4)
14. Rafleiðslur í kapalhólk
um
15. Sleðar á hjólum á út
dregnum rúmum
16. Franskur rennilás vind-
ver rúmstæði
17. Krossviður í rúmbotn-
um
18. E-coat ryðvörn á undir
vagni, vatnsvarinn botn
19. Aðgengi í kæli þó
húsið sé lokað/fellt
o.m.fl.
Opnunartími
Virka daga frá kl. 10 - 18.30
Laugardaga frá kl. 10 - 17
Sunnudaga frá kl. 13 - 16
Tökum pantanir núna.
Takmarkað magn á þessu verði.
Verðbylting á 50w sólarrafhlöðum aðeins kr .46.500 með stjórnstöð
Lúxus fortjöld með gluggatjöldum og ál súlum aðeins kr. 89.000
Svefntjöld kr. 9.900 stk.
Sértilboð á pakka: Fellihýsi, fortjald, 2 svefntjöld, 50w sólarrafhlaða með
stjórnstöð, rafgeymir, gasfylling og skráning kr. 699.000.
Netsalan ehf.
Garðatorgi 3, 210 Garðabæ
Sími 544 4210/565 6241
Fax 544 4211.
OPIÐ HÚS Í DAG FRÁ KL. 13-15
í Arnarsmára 14, Kópavogi
1. hæð til vinstri
Gullfalleg 3ja herb. endaíb. á 1.
hæð með sér 20 fm verönd og
sérbyggðum 26 fm bílskúr.
Fallegar innréttingar. Flísar á
gólfum. Þvottahús í íbúð.
Frábær staðsetning.
Verð 14,4 millj. 1389
Heimir býður ykkur velkomin
milli kl. 13 og 15 í dag.
ÞÝSKIR ferðamenn eru þeir dýr-
mætustu í íslenskum ferðaiðnaði að
mati Guðmundar Kjartanssonar,
framkæmdastjóra ferðaskrifstof-
unnar Island Tours í Evrópu. Hann
segir Ísland vekja áhuga sífellt
fleiri þýskra ferðamanna en telur
að hvalveiðar muni hafa neikvæð
áhrif á ferðamannastraum frá
Þýskalandi.
Island Tours sérhæfir sig í mark-
aðssetningu og sölu ferða til Íslands
fyrir evrópska ferðamenn. Skrif-
stofan er í eigu Flugleiða og er að-
alskrifstofa hennar í Hamborg,
Þýskalandi. Utan aðalskrifstof-
unnar rekur Island Tours einnig
söluskrifstofur í París, Zürich og
Lecco á Ítalíu, auk þess sem um-
boðsmenn skrifstofunnar eru í
Austurríki og Luxemborg.
Island Tours á auk þess 50% hlut
í ferðaskrifstofunni Nordland To-
urs GmbH í Hannover og 30% hlut í
Nordwind Reisen GmbH í Memm-
ingen. Enn fremur á Island Tours
90% hlut í Ijsland Tours Holland í
Hollandi.
„Starfsemi okkar felst fyrst og
fremst í að markaðssetja Ísland
sem ferðamannaland. Við bjóðum
upp á nánast allt sem hægt er að
gera á Íslandi, allt frá einföldum
helgarferðum upp í langar og dýr-
ar ævintýraferðir. Við komum okk-
ur á framfæri í gegnum bæklinginn
okkar, Netið, auglýsingar, sýningar
og á ýmsan annan hátt. Við hjá Is-
land Tours erum að vinna á 150 til
200 milljón manna markaði en
þetta er ákaflega dýr og flókinn
markaður, því samkeppnin hér ger-
ist vart harðari. Möguleikar Íslands
eru miklir, margir vilja ekki lengur
fara í sólina, kjósa frekar að eyða
sumarfríinu í kyrrð og fallegri nátt-
úru.“
Guðmundur segir Þjóðverja
ferðast almennt mjög mikið. Öll
ytri skilyrði séu nú mjög jákvæð og
fólk hafi meiri tíma til að ferðast en
áður.
„Þjóðarframleiðsla í Þýskalandi
er um 2,75%, dregið hefur úr at-
vinnuleysi og verðbólga er til-
tölulega lág eða um 2,1%. Þá hefur
gengi evrunar styrkst en veik staða
hennar að undanförnu hefur háð
ferðamannaiðnaðinum í Þýska-
landi. Þýsk ferðaþjónusta er því
sókn og Þjóðverjar ferðast sífellt
meira, vöxturinn er um 4-6% á ári.
Á sama tíma hefur hlutur ferða-
þjónustunnar í gjaldeyristekjum á
Íslandi verið að aukast og er nú um
13% og hlutdeild í ferðaþjónustu í
þjóðarframleiðslunni er um 4,5%.“
Hæsta meðaltal gistinátta á Íslandi
Alls komu 31.664 þýskir ferða-
menn til Íslands á síðasta ári og
voru um 10,8% ferðamanna á Ís-
landi. Guðmundur segir því ljóst að
Þjóðverjar og aðrir þýskumælandi
ferðamenn, svo sem frá Austurríki
og Sviss, séu mjög mikilvægir fyrir
íslenska ferðaþjónustu. „Þeir hafa
hæsta meðaltal gistinátta erlendra
ferðamanna á Íslandi, eða um 11,5
nætur. Það er hærra meðaltal en
hjá breskum og bandarískum ferða-
mönnum til samans. Bandarískir
ferðamenn gista að meðaltali 2,8
nætur á Íslandi og breskir 4 nætur.
Þannig gistu þýskumælandi ferða-
menn samtals í 223 þúsund nætur á
Íslandi árið 1999 en breskir og
bandarískir í 208 þúsund nætur
samanlagt. Þýskir ferðmenn eru
því þeir dýrmætustu fyrir íslenska
ferðaþjónustu en að meðaltali eyðir
hver þýskur ferðamaður um 100
þúsund krónum á meðan hann
dvelst á Íslandi. Það stangast á við
ímynd þýskra ferðmanna á Íslandi
en þeir hafa til þessa verið taldir
fremur aðhaldssamir þegar kemur
að peningum.“
Guðmundur segir að sala far-
seðla til Íslands á Vefnum hafi auk-
ist en þó séu Þjóðverjar töluvert á
eftir öðrum þjóðum í þeim efnum
enn sem komið er. „Þeir vantreysta
óþekktum aðilum. Við seljum u.þ.b.
70% af ferðunum til Íslands í gegn-
um aðrar ferðaskrifstofur. Þar af
leiðandi eru góðar dreifileiðir lyk-
illinn að velgengni á hinum harða
þýska túristamarkaði.“
Hvalveiðar hefðu neikvæð áhrif
Guðmundur segir Ísland vekja sí-
fellt meiri áhuga þýskra ferða-
manna. Hann segir engan vafa
leika á því að heimssýningin í
Hannover hafi ýtt við þessum
áhuga en telur að væntanlegar
hvalveiðar Íslendinga muni ekki
falla í kramið hjá þýskum ferða-
mönnum. „Íslandsbásinn á heims-
sýningunni var mjög góður og vakti
verðskuldaða athygli. Ég tel að þótt
þátttaka Íslendinga í sýningunni
hafi kostað mikla peninga muni
þeir skila sér þegar fram líða
stundir.
Ég hef rætt við kollega mína hér
í Þýskalandi um áhrif hugsanlegra
hvalveiða Íslendinga á ferða-
mannastraum Þjóðverja til Íslands.
Ég er sannfærður um að þær
myndu hafa neikvæð áhrif en það
er erfitt að segja til um hversu mik-
il áhrifin yrðu og hve lengi þau
myndu vara. Það skiptir samt
mestu máli hvernig staðið er að
landkynningunni. Hér úti á mark-
aðnum er unnið gríðarlega mikið
starf, mun meira en flestir gera sér
grein fyrir. Það er mjög erfitt en
hvetjandi að „selja“ Ísland sem
ferðamannaland, við þurfum að
berjast á móti slæmri ímynd fólks
um hátt verðlag og vont veður, en á
móti vinnur ægifögur náttúra og
landslag,“ segir Guðmundur.
Þjóðverjar eru
dýrmætustu
ferðamennirnir
Morgunblaðið/Helgi Mar
Guðmundur Kjartansson, framkvæmdastjóri Island Tours.
ATVINNULEYSISDAGAR í
mars síðastliðnum jafngilda því að
2.013 manns hafi að meðaltali ver-
ið á atvinnuleysisskrá í mánuðin-
um, að því er fram kemur í yfirliti
frá Vinnumálastofnun um at-
vinnuástandið. Þar af eru 854
karlar og 1.159 konur. Þessar töl-
ur jafngilda 1,5% af áætluðum
mannafla á vinnumarkaði sam-
kvæmt spá Þjóðhagsstofnunar,
eða 1,1% hjá körlum og 2% hjá
konum. Það eru að meðaltali 111
færri atvinnulausir en í síðasta
mánuði, en um 365 færri en í mars
í fyrra. Í yfirlitinu segir að búast
megi við að atvinnuleysið í apríl
geti orðið á bilinu 1,5% til 1,9%.
Síðasta virkan dag marsmánaðar
voru 2.265 manns á atvinnuleys-
isskrá á landinu öllu, en það eru
um 195 færri en í lok febrúarmán-
aðar. Síðastliðna 12 mánuði voru
um 1.780 manns að meðaltali at-
vinnulausir eða um 1,3% en árið
2000 voru þeir um 1.865, eða um
1,3%. Atvinnulausum hefur fækk-
að í heild að meðaltali um 5,2% frá
febrúarmánuði en fækkað um
15,2% frá mars í fyrra. Vinnu-
málastofnun segir að þessar
breytingar séu innan eðlilegra
marka miðað við árstíðasveiflur.
Atvinnuástandið batnar eitthvað
alls staðar á landinu nema lítils-
háttar aukning er á höfuðborgar-
svæðinu. Atvinnuleysið minnkar
hlutfallslega mest á Suðurlandi,
Suðurnesjum og Vestfjörðum en
annars staðar eru litlar breyting-
ar. Atvinnuleysi er nú hlutfalls-
lega mest á Norðurlandi eystra og
vestra en minnst á Suðurnesjum
og Vesturlandi.
Atvinnuleysið er nú meira en í
mars í fyrra á öllum atvinnusvæð-
um nema á höfuðborgarsvæðinu
og á Vestfjörðum þar sem það er
verulega minna en í mars 2000 og
á Suðurnesjum, þar sem það er
nokkuð minna. Það er þó fyrst og
fremst á Austurlandi, á Suður-
landi og á Vesturlandi sem at-
vinnuástandið hefur versnað.
Atvinnuleysið
1,5% í mars