Morgunblaðið - 21.04.2001, Blaðsíða 20
VIÐSKIPTI
20 LAUGARDAGUR 21. APRÍL 2001 MORGUNBLAÐIÐ
NÚ lítur út fyrir að ekki verði gripið til jafn um-
fangsmikilla uppsagna hjá sænska tæknifyrirtæk-
inu Ericsson og ýmsir gerðu ráð fyrir fyrr í þess-
ari viku. Í gær var tilkynnt að um 10 þúsund
starfsmönnum verði sagt upp á þessu ári og jafn-
framt var kynnt afkoma Ericsson á fyrsta fjórð-
ungi þessa árs. Fyrir tilkynninguna var jafnvel
búist við að allt að 30% starfsfólks yrði sagt upp,
eða um 30 þúsund manns.
Skúli Valberg Ólafsson, framkvæmdastjóri OZ,
segir að sú deild innan Ericsson sem OZ sé í sam-
starfi við heiti EIP, Ericsson Internet Products,
og sé sjálfstætt fyrirtæki. Ekki hafi heyrst um
nokkurn samdrátt á því sviði hjá Ericsson sem
snúi að samstarfinu við OZ.
Bréf Ericsson falla um 15%
Að sögn Skúla hefur undanfarin tvö ár verið
unnið að hönnun iPulse hugbúnaðar hjá OZ, í sam-
starfi við Ericsson, sem geri kleift að flytja hluti
sem hingað til hafi þekkst á Netinu yfir á far-
símakerfið. Þessi hugbúnaður nýtist vel núna en
hann muni styrkjast enn frekar með áframhald-
andi þróun farsímakerfa, s.s. GPRS og 3G.
Hagnaður Ericsson á fyrstu þremur mánuðum
þessa árs er einungis tíundi hluti hagnaðar fyr-
irtækisins á sama tíma í fyrra og nemur sem sam-
svarar um 6 milljörðum íslenskra króna. Ef ekki
væri fyrir um 50 milljarða króna hagnað af sölu
hlutabréfa í bandaríska fyrirtækinu Juniper, hefði
Ericsson skilað tapi á fyrsta ársfjórðungi. Enda
varaði Ericsson við því í síðasta mánuði að 4-5
milljarða sænskra króna taprekstur kynni að
verða á rekstrinum á fyrsta fjórðungi. Hlutabréf
féllu um 15% í kjölfar tilkynningarinnar í gær-
morgun.
Helmingur uppsagna
utan Svíþjóðar
Að frátöldum hagnaði af sölu hlutabréfa nemur
tap Ericsson 44 milljörðum íslenskra króna og
fjármálastjóri Ericsson segir að ekki megi búast
við betri afkomu en svo á öðrum fjórðungi ársins.
Forstjóri Ericsson, Kurt Hellström, lýsti því yfir á
aðalfundi í lok mars að fyrirtækið myndi skila
hagnaði á árinu í heild en í gær vildi Hellström
ekki gefa neinar yfirlýsingar um afkomu félagsins
á árinu í heild vegna þess óöryggis sem ríkir á
mörkuðum í yfirstandandi niðursveiflu í Banda-
ríkjunum.
Áður hefur því verið lýst yfir af hálfu Ericsson
að nauðsynlegt sé að spara 150 milljarða króna
innan farsímaframleiðslunnar og í gær var til-
kynnt að enn frekari sparnaður væri nauðsynleg-
ur eða 30 milljarðar íslenskra króna til viðbótar.
Starfsmenn Ericsson eru nú 107 þúsund og Kurt
Hellström lýsti því yfir að starfsmönnum myndi
fækka í 90 þúsund fyrir árslok, að því er Dagens
Industri greinir frá. Rúmlega helmingur fyrirhug-
aðra uppsagna mun ná til starfsmanna Ericsson
utan Svíþjóðar, en nánar hefur ekki verið skýrt frá
hvar skorið verður niður. Þó er ljóst að uppsagnir
munu ná til Bretlands en t.d. ekki til Noregs.
Samstarf Ericsson og Sony
Á sama tíma og Ericsson berst í bökkum, skilar
helsti keppinauturinn, Nokia, afburðaafkomu á
fyrstu þremur mánuðum ársins og 22% meiri
hagnaði en á sama tíma í fyrra. Jorma Ollila, for-
stjóri Nokia, er enda afar ánægður með ársfjórð-
ungsuppgjörið. Forsvarsmenn Nokia gera ráð fyr-
ir að selja 450-500 milljónir símtækja á þessu ári
en væntingar Ericsson eru nokkru lægri eða um
430-480 milljónir tækja.
Hellström staðfesti að viðræður stæðu yfir við
japanska tæknirisann Sony, eins og greint hefur
verið frá, en tjáði sig ekki nánar um hugsanlegt
samstarf fyrirtækjanna.
Stjórnendur Ericsson segja upp tíu þúsund starfsmönnum
Ekki heyrt um samdrátt
í samstarfinu við OZ
KAUPFÉLAG Austur-Skaftfellinga
var rekið með 26,7 milljóna króna tapi
í fyrra en árið áður var hagnaður af
rekstrinum 102,5 milljónir. Þess ber
þó að geta að aðrar tekjur voru 11,4
milljónir í fyrra en 148,5 milljónir árið
1999, en þá tekjufærði félagið veru-
legan söluhagnað.
Í tilkynningu félagsins segir að
rekstrarumhverfi félagsins í fyrra
hafi verið óhagstætt, íbúum í sveit-
arfélaginu hafi fækkað og mun minni
umsvif hafi verið í atvinnulífinu á
staðnum. „Afkoma deilda félagsins er
langt undir væntingum og versnar
mikið frá árinu 1999, verulegur sam-
dráttur var í sölu á byggingavörum,
sérstaklega fyrri hluta ársins, einnig
var talsvert minni starfsemi hjá flutn-
inga- og skipaafgreiðslu fyrri hluta
ársins en það batnaði aftur þegar leið
á árið. Rekstur brauðgerðar gekk illa
á árinu, m.a. vegna samdráttar í sölu
og vegna aukinnar vörunotkunar.
Á yfirstandandi ári er nauðsynlegt
að ná fram markmiðum um hallalaus-
an rekstur og minnka fjárbindingu í
eignum sem gefa af sér lítinn arð og
nota þá fjármuni til að greiða upp
skuldir félagsins.“
Fjöldi ársverka hjá félaginu á árinu
voru 37,5 og hafði fækkað um 41,5
störf frá fyrra ári þegar þau voru
samtals 79, en í þessu sambandi ber
að geta að félagið hætti verslunar-
rekstri í dagvöruverslun í árslok 1999.
!"#$
%$$
&# $'$
$'$
%'
!"#
)$ $'*
+"$
$
#"#"#%&
,*$
)$ $#- ,#-
") *
!
!
' ()
' ()
!
"
"
#
!!! "### #
$ %
%
$ %
%
$ %
%
# $$
# !!! "###
Afkoma
KASK versn-
ar milli ára
Hrein fjármagnsgjöld voru neikvæð
um 313 milljónir en voru jákvæð um
39,4 milljónir á sama tímabili í fyrra
og er þetta sveifla upp á nær 353
milljónir króna.
Hagnaður fyrir afskriftir og fjár-
magnsliði nam 151,4 milljónum sam-
anborið við 102 milljónir á fyrri hluta
síðasta rekstrarárs. Tap fyrir fjár-
magnsliði var 54,3 milljónir saman-
borið við 109,7 milljónir á sama tíma-
bili í fyrra. Í tilkynningu til
Verðbréfaþings segir að heildar-
tekjur félagsins hafi verið 990 millj-
ónir króna og aukist um tæplega 20%
frá sama tímabili í fyrra. Heildargjöld
voru 839 milljónir króna og jukust um
tæplega 16% frá í fyrra og hækkaði
framlegðarhlutfall úr 12,3% í 15,3%.
Mikil óvissa
vegna verkfallsins
Sigurgeir segir að greinileg bata-
merki séu á sjálfum rekstri félagsins.
Unnið hafi verið að því að ná rekstr-
arkostnaði niður hjá félaginu en auk
þess hafi menn verið að sækja í sig
veðrið og vinna meira af fiski, þannig
aukist tekjurnar um 20% milli tíma-
bili, kostnaður hækki ekki jafnmikið.
„Svo er líka annað að, úthlutun til
félagsins nú og árið áður er mjög svip-
uð þrátt fyrir sameininguna við Gandí
en þar komu inn 1.000 þorskígildis-
tonn en þau hurfu í kvótaskerðing-
unni síðastliðið haust. Við erum samt
sem áður að ná þessum tekjum og
eigum 1.000 þorskígildistonnum
meira til ráðstöfunar en fyrir ári síð-
an, þ.e. eftirstöðvar sem færast milli
ára.“ Aðspurður segir Sigurgeir að
erfitt sé að spá um fiskveiðiárið í
heild, menn séu í miðju verkfalli og
allt í óvissu með samninga.
Það muni taka ansi mikið í ef verk-
fall dragist á langinn en leysist það
fljótlega horfi menn vonandi á batn-
andi framlegð hjá félaginu.
Milliuppgjör Vinnslustöðvarinnar í Vestmannaeyjum
Fjármagnsliðir versna
um 353 milljónir króna
VINNSLUSTÖÐIN í Vestmannaeyjum var rekin með 347,6 milljóna króna
tapi á fyrri hluta rekstrarárs félagsins (sept.-febrúar) samanborið við 67,6
milljóna tap á sama tímabili í fyrra. Sigurgeir Brynjar Kristgeirsson, fram-
kvæmdastjóri VSV, segir að afkoman sé talsvert lakari en áætlað var, nær
einvörðungu vegna 200 milljóna gengistaps á haustmánuðum 2000.
STUTTFRÉTTIR
● Á ÞINGI Samiðnar, lands-
sambands fagfólks í iðnaði, kom
fram í framsöguerindi Finnbjörns
A. Hermannssonar, formanns Sam-
iðnar, að sambandið yrði vart við
slæma lausafjárstöðu minni bygg-
ingaraðila. Fjárhagsstaða smærri
aðila á markaðnum færi versnandi
og ættu þeir oft á tíðum í veruleg-
um lausafjárerfiðleikum vegna
samdráttar í verkefnum og vegna
erfiðleika með að útvega lánsfé.
Finnbjörn sagði að samtökin
yrðu vör við samdrátt í gegnum
meðlimi í smærri viðhaldsverk-
efnum, útboðsmarkaður væri í
lægð og ekki útlit fyrir að breyting
yrði þar á. Bankar héldu einnig að
sér höndum varðandi útlán. Vaxta-
stig væri mjög hátt í landinu og
vextir sem byðust smærri fyr-
irtækjum á þessu sviði væru allt of
háir. Ef heldur fram sem horfir
myndu margir smærri byggingarað-
ilar koma illa út úr þróuninni.
Á þingi sambandsins sem hefur
staðið síðan á fimmtudag og lýkur
í dag hafa verið rædd ýmis mál
svo sem vinnuumhverfismál, at-
vinnumál og málefni ungs fólks og
verkalýðshreyfingarinnar.
Minni bygging-
araðilar í vand-
ræðum
● SAMRÆMD vísitala neysluverðs í
EES ríkjum var 108,3 stig
(1996=100) í mars síðastliðnum og
hækkaði um 0,4% frá febrúar, að því
er fram kemur í frétt frá Hagstofu Ís-
lands. Á sama tíma hækkaði sam-
ræmda vísitalan fyrir Ísland um 0,7%.
Frá mars 2000 til jafnlengdar árið
2001 var verðbólgan, mæld með
samræmdri vísitölu neysluverðs,
2,3% að meðaltali í ríkjum EES, 2,6%
í Evru ríkjum og 4,1% á Íslandi.
Mesta verðbólga á Evrópska efna-
hagssvæðinu á þessu tólf mánaða
tímabili var í Hollandi, 5,1%. Verð-
bólgan var minnst, 0,8%, í Bretlandi
og 1,4% í Frakklandi.
Meiri hækkun
á Íslandi en
í Evrópu
Samræmd vísitala
neysluverðs
● NÚ þegar hafa nokkur póstútibú
verið lögð niður í Noregi og póst-
þjónustan færð inn í matvöruversl-
anir. Í sumum verslananna hefur
afleiðingin orðið veruleg söluaukn-
ing og dæmi eru um að sala hafi
aukist um 25%, að því er Dagens
Næringsliv greinir frá.
Á síðasta ári var ákveðið að
póst- og bankaþjónusta á vegum
norska póstsins yrði færð inn í
verslanir, bensínstöðvar og fleiri
þjónustustofnanir. Markmiðið er
að auka þjónustu við viðskiptavini
með auðveldari aðgangi að þjón-
ustunni auk þess að minnka út-
gjöld póstsins en sparnaðurinn af
breytingunum er talinn nema um
einum milljarði norskra króna.
Pósturinn borgar verslunareig-
endum umsamið gjald fyrir leigu
og laun en söluaukningin hefur
komið sem gleðileg viðbót fyrir
verslunareigendurna. Nú eru ein-
ungis 18 verslanir með póstþjón-
ustu í Noregi en markmiðið er að
alls verði þær 1.100 talsins árið
2005.
Póstþjónusta í verslunum eykur sölu
Ósló. Morgunblaðið.
● HANDELSBANKEN í Svíþjóð hefur
gert tilboð í danska bankann Midt-
bank að upphæð sem samsvarar
um 25 milljörðum íslenskra króna.
Það eru fyrst og fremst útibú Midt-
bank á Jótlandi sem forsvarsmenn
Handelsbanken hafa augastað á,
að því er fram kemur í Aftenposten.
Handelsbanken hefur verið orð-
aður við ýmsa banka á Norðurlönd-
unum í þeirri samrunabylgju sem
gengið hefur yfir, m.a. Kreditkassen
og Fokus Bank í Noregi. Sænski
bankinn hefur þó orðið undir í sam-
keppninni við stærri banka og er
skemmst að minnast stofnunar
Nordea-samsteypunnar, eftir sam-
runa Unibank, MeritaNordbanken og
Kreditkassen.
Handelsbanken er einn af tíu
stærstu bönkum í Danmörku en
bankinn hefur haft starfsemi þar
síðan árið 1992. Sem lið í frekari
þróun starfseminnar í Danmörku
óska forsvarsmenn Handelsbanken
nú eftir að kaupa Midtbank. Eig-
endum bankans eru boðnar 850
danskar krónur á hlut, sem er um
160 krónum yfir lokagengi fyrir
páska og búist er við að því tilboði
verði tekið.
Midtbank er lítill banki með 24
útibú á Jótlandi og í Kaupmanna-
höfn, alls 175 starfsmenn og hagn-
að upp á um 1.300 milljónir ís-
lenskra króna á síðasta ári. Ekki
verður um neinar uppsagnir að
ræða ef af samrunanum verður og
Midtbank mun halda nafninu og öll-
um útibúunum.
Handelsbanken
eykur umsvif
í Danmörku
Ósló. Morgunblaðið.