Morgunblaðið - 06.06.2001, Page 10

FRÉTTIR
10 MIÐVIKUDAGUR 6. JÚNÍ 2001 MORGUNBLAÐIÐ
FJÖLMENNI var í hátíðarsal Há-
skóla Íslands í gær þegar tilkynnt
var um útnefningar úr Nýsköpunar-
sjóði námsmanna árið 2001 en þetta
er í tíunda skipti sem veitt er úr
sjóðnum. Af því tilefni voru allir fyrri
styrkþegar boðnir til samkomunnar
að ótöldum öllum styrkþegum ársins
2001 ásamt umsjónarmönnum þeirra
og fulltrúum þeirra stofnana og fyr-
irtækja sem tengst hafa og styrkt
starfsemi Nýsköpunarsjóðs náms-
manna á undanförnum árum.
Alls barst 231 umsókn um styrki úr
sjóðnum í ár og eru 150 þeirra styrkt-
ar en alls standa 180 nemendur að
verkefnunum og munu þeir því vinna
að nýsköpunarverkefnum í sumar.
Heildarstyrkupphæð nemur rúmum
37 milljónum króna en þegar mót-
framlag frá fyrirtækjum er talið með
nemur launaupphæð til námsmann-
anna hátt í 60 milljónum króna.
Páll Skúlason háskólarektorsagði í
ávarpi sínu að Nýsköpunarsjóðurinn
hafi á þessum áratug sem hann hefur
starfað skipt verulegu máli í rann-
sóknarstarfi ungs fólks. Rektor sagð-
ist vonast til að sjóðurinn verði áfram
sú hvatning til námsmanna að ná
góðum árangri í starfi sínu sem hann
hefur verið hingað til.
Björn Bjarnason menntamálaráð-
herra tók undir orð Páls og sagði í
ávarpi sínu að vonir væru bundnar
við það starf sem nemendur væru að
skila og það væri fagnaðarefni að
rannsóknir, vísindi og nýsköpun nytu
sífellt meiri virðingar í þjóðfélaginu
og starf vísindamanna efldist með
hverri dáð. Ráðherra sagðist vona að
Nýsköpunarsjóðurinn yrði áfram sá
vaxtarbroddur sem hann hafi verið í
íslensku vísindastarfi og ýti áfram
undir og styrki róttækar hugmyndir í
rannsóknarstarfi.
Fullmótaður rannsóknarsjóður
Baldur Þórhallsson, formaður
stjórnar Nýsköpunarsjóðs náms-
manna, sagði tilefni samkomunnar
þríþætt; að gefa styrkþegum sem
vinna að nýsköpunarstarfi í sumar
tækifæri til þess að kynna sig innan
háskólasamfélagsins, að vekja at-
hygli á þeim mikla fjölda verkefna
sem unnið er að og í þriðja lagi að
veita stúdentum og umsjónarmönn-
um verkefnanna tækifæri til að
kynna verkefni sín fyrir þeim stofn-
unum og fyrirtækjum sem unnið
verður í samvinnu við. Baldur sagði
mikinn mun vera á starfi Nýsköpun-
arsjóðsins nú og á upphafsárum hans
þegar sjóðurinn var fyrst og fremst
nokkurs konar atvinnubótasjóður en
hann er í dag fullmótaður rannsókn-
arsjóður. Umsóknir úr sjóðnum
spanna nú nær allar fræðigreinar
sem kenndar eru á Íslandi og sóttu
nemendur úr 8 háskólastofnunum af
landinu öllu um styrk frá sjóðnum í ár
auk nema sem stunda nám við er-
lenda háskóla. Hlutfall umsækjenda
hefur einnig breyst þar sem kven-
stúdentar eru nú í fyrsta skipti fleiri í
hópi umsækjenda en karlstúdentar.
Helga Jónsdóttir, borgarritari
Reykjavíkurborgar, lagði í erindi
sínu ríka áherslu á mikilvægi rann-
sókna og nýsköpunar í háskólaborg-
inni Reykjavík en samspil höfuðborg-
ar og háskóla væri sífellt
mikilvægara. Helga sagði flestum
ljóst að með aukinni alþjóðavæðingu
reyndist sífellt erfiðara að halda í
gott fólk sem leitaði á milli landa og
álfna eftir bestu menntun og starfi.
Hún sagði borgina vera brjóstvörn
sem ætti að stuðla að því að lífsgæði
borgarbúa væru sambærileg eða
betri hér en annars staðar og mann-
auðurinn héldist innan landstein-
anna. Verkefni Nýsköpunarsjóðsins
væru þar mikilvægur hlekkur sem
virkjaði sem best þann kraft sem býr
í hugum ungs og vel menntaðs fólks.
Hafsteinn Helgason verkfræðing-
ur hjá Línuhönnun tók því næst til
máls en hann hefur haft umsjón með
tíu verkefnum á starfstíma sjóðsins.
Hafsteinn sagðist telja að nýsköpun-
arstarf háskólastúdenta væri afar
gagnlegt fyrir íslenskt atvinnulíf og
hann þekkti þess mörg dæmi að sum-
arverkefni styrkþega hefðu velt af
stað viðameiri þróunarverkefnum
innan fyrirtækja. Hann sagði af-
rakstur af samstarfi Línuhönnunar
við Nýsköpunarsjóð m.a. hafa skilað
einu einkaleyfi auk þess sem mörg
sprotafyrirtæki hefðu verið stofnuð
upp úr verkefnunum. Auk þess væri
samstarfið atvinnuskapandi og gam-
an væri að geta þess að afurðir tengd-
ar starfinu væru komnar á markað.
Samstarfið vekti líka athygli og virð-
ingu út á við sem væri góð og jákvæð
auglýsing fyrir þau fyrirtæki sem
tækju þátt í starfinu. Hafsteinn sagð-
ist því geta fullyrt að það tiltölulega
litla fjármagn sem veitt væri til verk-
efnanna skilaði miklum árangri beint
til samfélagsins.
Hagnýtt nýsköpunargildi fyrir
atvinnulíf og fræðigreinar
Nýsköpunarsjóður námsmanna
var stofnaður árið 1992 til að stuðla
að nýsköpun í atvinnulífi og á fræða-
sviði og veitir sjóðurinn námsmönn-
um kost á að vinna að rannsóknum
sem byggja á þeirra eigin hugmynd-
um og tengjast Háskóla Íslands, öðr-
um háskóla- og rannsóknarstofnun-
um og fyrirtækjum. Sjóðurinn
greiðir námsmanni styrk en fyrir-
tæki eða umsjónaraðili sér fyrir að-
stöðu og efniskostnaði. Sjóðurinn er
fjármagnaður að stærstum hluta með
framlögum frá ríki og Reykjavíkur-
borg en önnur sveitarfélög taka einn-
ig þátt í kostnaðinum. Á seinni árum
hefur það færst í vöxt að fyrirtæki
fjármagni verkefnið að hluta. Til þess
að verkefni hljóti styrk þarf það að
uppfylla þær tvær meginkröfur að
verða að reyna á hæfni námsmanns
og sjálfstæði í vinnubrögðum en einn-
ig þarf það að hafa hagnýtt nýsköp-
unargildi fyrir atvinnulíf eða stuðla
að fræðilegri nýsköpun í viðkomandi
fræðigrein. Þeir námsmenn sem
þykja hafa unnið framúrskarandi
starf við úrlausn verkefnis sem
styrkt var af Nýsköpunarsjóði náms-
manna koma svo til greina sem verð-
launahafar Nýsköpunarverðlauna
forseta Íslands sem veitt hafa verið
ár hvert frá árinu 1996.
Úthlutanir úr Nýsköpunarsjóði námsmanna kynntar í tíunda sinn í gær
Vaxtar-
broddur í
íslensku vís-
indastarfi
Morgunblaðið/Kristinn Ingvarsson
Nemendur og umsjónarmenn þeirra verkefna sem styrkt eru af Nýsköpunarsjóði námsmanna í ár auk Páls
Skúlasonar háskólarektors og Björns Bjarnasonar menntamálaráðherra.
DAGINN eftir gildistöku nýrra laga,
sem afnema einkarétt Háskóla Ís-
lands á að útskrifa viðskiptafræð-
inga, brautskráði Viðskiptaháskólinn
á Bifröst fyrstu 10 viðskiptafræð-
ingana frá skólanum. Á fjölmennri
Háskólahátíð í Reykholtskirkju s.l.
laugardag voru einnig brautskráðir
frá skólanum 46 rekstrarfræðingar
með diplomagráðu eftir 2ja ára nám.
Skömmu fyrir þingslit Alþingis í
vor, var afgreidd lagabreyting sem
heimilar Viðskiptaháskólanum að út-
skrifa nemendur með BS gráðu og
starfsheitið viðskiptafræðingar og
tók hún gildi 1. júní. Hingað til hafa
einungis þeir sem hafa útskrifast
með BS gráðu í viðskiptafræði frá
Háskóla Íslands haft rétt á því að
kalla sig viðskiptafræðinga, sem er
lögverndað starfsheiti. Þetta er 7.
hópurinn sem útskrifast frá Bifröst
með BS gráðu, sem hingað til hefur
heitið BS gráða í rekstrarfræðum, en
lögin heimila hins vegar að verði BS
gráða í viðskiptafræðum og veiti rétt
til notkunar á starfsheitinu við-
skiptafræðingur.
Í hátíðarræðu hvatti rektor Við-
skiptaháskólans, Runólfur Ágústs-
son, útskriftarnemendur til að líta á
heiminn allan sem sinn starfsvett-
vang og að nota þá alþjóðlegu mennt-
un sem þeir hefðu fengið. Hann
gagnrýndi einangrunarhyggju í ís-
lensku samfélagi og talaði fyrir auk-
inni alþjóðahyggju og nánara sam-
starfi við Evrópulönd í efnahags-,
menningar- og stjórnmálum.
Framsýni og frumkvöðlastarf
Mikil uppbygging á sér stað við
skólann, 400 manna háskólaþorp
með nýjum nemendaíbúðum, hönnun
á nýju skólahúsi, nýrri deild, Lög-
fræðideild, sem farið hafi vel af stað,
og aukinni aðsókn ár frá ári. Rektor
benti á að þessi atriði séu ekki gefnir
hlutir en hins vegar þjóni skólinn enn
í dag sama meginmarkmiði og við
stofnun hans árið 1918.
Valgerður Sverrisdóttir, við-
skiptaráðherra, var heiðursgestur
hátíðarinnar. Afhenti hún fyrstu við-
skiptafræðingunum sem útskrifast
frá háskólanum, skírteini sín og
hrósaði skólanum í ávarpi sínu fyrir
framsýni og frumkvöðlastarf á meðal
íslenskra háskóla. Ráðherra benti á
að tengsl skólans og atvinnulífsins
væru stöðugt að eflast, sem stuðlaði
að nýjungum og aukningu á fram-
leiðni á Íslandi. Sagði ráðherra að
Viðskiptaháskólinn skilaði fólki með
ferskar hugmyndir inn í atvinnulífið.
Í þrjár deildir skólans, Frum-
greinadeild, Viðskiptadeild og Fjar-
námsdeild voru skráðir í vetur 184
nemendur. Af útskrifuðum við-
skiptafræðingum með BS gráðu
náðu þau Bernhard Þór Bernhar-
dsson og Birna Þorbergsdóttir best-
um árangri, en Bernhard útskrifast
með 8,60 sem er hæsta meðalein-
kunn nemanda sem útskrifast frá
Bifröst af háskólastigi frá upphafi og
Birna hlaut 7,75. Bestum árangri
rekstrarfræðinga náðu þær Ásthild-
ur Magnúsdóttir (7,93), Sigrún
Hjartardóttir (7.79) og Jenný Lind
Tryggvadóttir (7,77).
Á hátíðinni var boðið upp á tónlist
listamannanna Stefáns Arnar Arn-
arssonar sem lék á selló og Halldóru
Friðjónsdóttur sem söng við undir-
leik Zuzsönnu Budai á píanó. Páll
Ingólfsson flutti kveðju frá stjórn
skólans en fyrir hönd útskriftarnema
töluðu þau Sigrún Hjartardóttir og
Ólafur M. Einarsson, en hann þakk-
aði skólanum það að gefa tækifæri til
náms þeim sem eru búnir að vera í
atvinnulífinu í nokkur ár.
Fyrstu tíu viðskiptafræðing-
arnir brautskráðir frá Bifröst
Morgunblaðið/Sigríður Kristinsdóttir
Nýútskrifaðir viðskiptafræðingar ásamt öðrum sem brautskráðust frá Viðskiptaháskólanum á Bifröst.
MIKILL erill var hjá lögreglunni í
Borgarnesi um hvítasunnuhelgina
en alls voru 97 ökumenn stöðvaðir
vegna hraðaksturs. Það eru um
helmingi fleiri en voru stöðvaðir um
síðustu hvítasunnuhelgi.
Lögreglan vill þó ekki slá því föstu
að þetta sé til marks um aukinn
hraðakstur heldur sé það fremur
vegna öflugs umferðareftirlits um
helgina. Alls urðu sjö umferðar-
óhöpp í umdæmi lögreglunnar í
Borgarnesi um helgina.
Borgarfjörður
97 stöðvaðir
vegna hrað-
aksturs
ELLERT Eiríksson, bæjarstjóri
Reykjanesbæjar, segist sáttur við
hugmyndir Vegagerðarinnar um
hönnun nýrrar Reykjanesbrautar að
því undanskildu að lagt sé til að
framkvæmdum við mislæg gatnamót
við Seilubraut, Reykjanesbraut og
Hafnarveg verði frestað.
Hann segir mikilvægt að greiða úr
umferð á þessum stað og til þess
þurfi umrædd gatnamót. Hann
kvaðst sáttur við tillögurnar ef mis-
lægu gatnamótin fylgja eins og
stefnt hafi verið að.
Mislægum
gatnamótum
ekki frestað
Bæjarstjóri
Reykjanesbæjar
♦ ♦ ♦