Morgunblaðið - 22.06.2001, Qupperneq 27

ERLENT
MORGUNBLAÐIÐ FÖSTUDAGUR 22. JÚNÍ 2001 27
STJÓRN öflugustu samtaka frum-
byggja Ástralíu, ATSIC, lýsti í gær
yfir stuðningi við leiðtoga samtak-
anna, Geoff Clark, sem hefur verið
sakaður í tveimur áströlskum dag-
blöðum um að hafa nauðgað fjórum
konum á áttunda og níunda áratugn-
um. Clark kveðst saklaus af þessum
ásökunum og lögreglan segir að eng-
in áform séu um að ákæra hann.
Vangaveltur höfðu verið um að
Clark kynni að verða vikið frá sem
formanni ATSIC en stjórn samtak-
anna samþykkti einróma yfirlýsingu
um stuðning við hann. Ray Robinson,
varaformaður samtakanna, sagði að
dagblöðin tvö, The Age og Sydney
Morning Herald, hefðu tekið sér vald
dómstóla og dæmt Clark sekan.
„Með framferði sínu hefur The Age
svipt Clark tækifærinu til sann-
gjarnra réttarhalda og það ætti að
valda miklum óhug meðal allra op-
inberra persóna í Ástralíu,“ sagði
hann.
Clark sagði ásakanirnar lið í
ófrægingarherferð í fjölmiðlunum og
kvaðst þakklátur fyrir þann stuðning
sem hann hefði fengið meðal frum-
byggja. „Ég tel að þetta marki tíma-
mót í sögu frumbyggjatengslanna í
landinu,“ sagði hann. „Ég trúi því að
frumbyggjar Ástralíu viti núna að
þeir þurfi að sameinast.“
Samtök frumbyggja
Ástralíu
Leiðtoginn
verst ásök-
unum um
nauðganir
Adelaide. AP.
FJÖRUTÍU og sex bandarískir
stjórnarerindrekar sem vísað var frá
Rússlandi í mars síðastliðnum eiga
að vera búnir að yfirgefa landið fyrir
fyrsta júlí, að sögn bandarísks emb-
ættismanns í Moskvu. Brottvísunin
var svar rússneskra stjórnvalda við
brottvísun 46 rússneskra stjórnarer-
indreka frá Bandaríkjunum í febrú-
ar. Deilan spratt vegna handtöku
Roberts Hanssen, starfsmanns
bandarísku alríkislögreglunnar
(FBI), en hann var fundinn sekur um
að hafa stundað njósnir fyrir Sovét-
ríkin og Rússland í að minnsta kosti
15 ár.
Bandaríski embættismaðurinn
segir málið ekki á neinn hátt tengt
fundi þeirra George W. Bush,
Bandaríkjaforseta, og Vladimírs
Pútíns, Rússlandsforseta, í Slóveníu
hinn 16. júní. Um það bil 500 manns
starfa á vegum bandaríska utanrík-
isráðuneytisins í Rússlandi, þar á
meðal 325 diplómatar.
Framhald njósnadeilu
Diplómötum
vísað úr landi
Moskvu. AFP.
♦ ♦ ♦
MÓTMÆLENDUR í
höfuðborg Rúmeníu,
Búkarest, nota hér
regnhlífar til að verjast
sólskini fyrir framan
stjórnarráðið í borg-
inni. Fólkið missti allt
sitt sparifé þegar
einkarekinn fjárfest-
ingarsjóður varð gjald-
þrota fyrir ári og vill
það að stjórnvöld bæti
sér tapið.Reuters
Mótmæli
í sumar-
hita