Morgunblaðið - 01.07.2001, Side 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 1. JÚLÍ 2001 VERÐ Í LAUSASÖLU 165 KR. MEÐ VSK.
UNDIRBÚNINGUR vegna vor-
fundar utanríkisráðherra Atlants-
hafsbandalagsríkjanna, sem haldinn
verður í Reykjavík 13.-15. maí á
næsta ári, er hafinn á vegum Ríkis-
lögreglustjórans. Fundurinn er
stærsta alþjóðaráðstefna sem haldin
hefur verið á Íslandi en alls er búist
við um þúsund þátttakendum auk
fjölda blaða- og fréttamanna. Að
sögn Halldórs Ásgrímssonar utan-
ríkisráðherra hefur verið rætt um
það að halda hér næsta vor fund
utanríkisráðherra ESB. „Spánverjar
verða í formennsku ESB og þeir hafa
minnst á það hvort við gætum fallist
á að fundurinn yrði haldinn hér á
landi. Við höfum sagt að það sé í lagi
af okkar hálfu en það hefur ekki verið
tekin nein endanleg ákvörðun um
þetta,“ segir Halldór. Ef af verður
yrði fundur utanríkisráðherra ESB
haldinn daginn áður en fundur utan-
ríkisráðherra Atlantshafsbandalags-
ríkjanna. Halldór á von á því að línur
um þetta skýrist með haustinu.
Þetta verður í þriðja sinn sem
utanríkisráðherrafundur NATÓ er
haldinn hérlendis en vorfundirnir
eru ávallt haldnir í einhverju aðildar-
ríkjanna. Áætlaður kostnaður Ís-
lands vegna fundarhaldanna er um
200 milljónir.
Haraldur Johannessen ríkislög-
reglustjóri segir að hér sé um afar
umfangsmikið verkefni að ræða fyrir
lögregluna. Viðbúnaður lögreglu
verði meiri en áður hafi þekkst.
„Þetta er á undirbúningsstigi núna
en ég reikna með því að mjög margir
aðilar innan lögreglunnar komi að
málinu. Við munum hafa hliðsjón af
atburðum sem hafa orðið í tengslum
við stóra fundi í Gautaborg og víðar,“
segir Haraldur, en þar hafa orðið gíf-
urleg mótmæli eins og fram hefur
komið í fréttum.
Hann vildi ekki tjá sig um einstök
atriði í tengslum við löggæsluna, eins
og t.a.m. það hvort lögreglan yrði
vopnuð. „Við erum að skoða það núna
hvernig við getum verið sem best
undirbúnir fyrir þennan fund án þess
að ég vilji segja nákvæmlega í hverju
það verður fólgið. Við erum að kanna
það hvernig við getum best undirbúið
okkar lögreglumenn fyrir þennan at-
burð bæði hvað varðar þjálfun,
mannafla og tækjabúnað. Þetta mun
skýrast á næstu vikum,“ segir Har-
aldur.
Hann kveðst reikna með því að
leitað verði liðsinnis erlendra aðila
sem muni hafa með höndum örygg-
isgæslu. „Ef taka á mið af fundum
sem haldnir hafa verið upp á síðkast-
ið í Gautaborg, Seattle og víðar sýn-
ist mér að við stöndum frammi fyrir
hópi fólks sem hefur það að skemmt-
un sinni eða atvinnu að koma saman
og hleypa stórum fundum upp með
tilheyrandi skemmdarverkum og of-
beldi gagnvart lögreglu og borgur-
um. Þessi hópur manna kemur til
þess að valda sem mestum usla og á
ekkert skylt við friðsama mótmæl-
endur.“
Hugsanlega leitað heimildar til
persónueftirlits á landamærum
Haraldur segir að velta verði
þeirri spurningu upp hvort ekki sé
nauðsynlegt að haga undirbúningn-
um með tilliti til þess sem gerst hefur
erlendis á fundum af þessu tagi.
Hann segir að kannað verði næstu
vikurnar hvernig lögreglan geti
mætt óróaseggjum en þarna sé um
að ræða hópa sem virðist vel skipu-
lagðir, eigi samskipti á Netinu og
flakki á milli landa. Haraldur segir að
einnig þurfi að skoða hvort hægt sé
að taka upp persónueftirlit á landa-
mærum og hvort ástæða sé til þess
að fá slíka heimild. „Það eru til upp-
lýsingar um þessa óróaseggi og við
munum að sjálfsögðu leita eftir þeim
og afla búnaðar og tækja til þess að
vera undirbúnir fyrir atburð eins og
þennan,“ segir Haraldur.
Undirritaður var sl. miðvikudag
samstarfssamningur milli Europol,
lögregluskrifstofu Evrópusam-
bandsríkjanna, Íslands og Noregs.
Haraldur telur að samstarfið nýtist
íslenskum lögregluyfirvöldum án efa
í tengslum við löggæsluna í kringum
fundinn á næsta ári. Íslendingar fái
aðgang að upplýsingum sem Europol
hefur um þá aðila sem bera ábyrgð á
uppþotum í kringum alþjóðlegar ráð-
stefnur og fundi. En jafnframt fá ís-
lensk lögregluyfirvöld upplýsingar
frá Interpol og segir Haraldur að
einnig verði haft beint samband við
sænska ríkislögreglustjórann vegna
atburðanna í Gautaborg, þar sem
þrír menn létust.
ÍSLENSKA sumarið er misjafnlega
hlýtt og getur stundum verið nap-
urt á morgnana. Ekki vitum við
hvort þessi ferðamaður var að leita
hlýju eða einhvers annars, þegar
hann gægðist inn í eiminn frá
hvernum í Námaskarði í gær.
Morgunblaðið/RAX
Gáð í
gufuna
Undirbúningur hafinn fyrir vorfund utanríkisráðherra NATO
Búa sig undir komu al-
þjóðlegra mótmælenda
Líkur á því að utanríkisráð-
herrafundur ESB verði haldinn
á undan NATO-fundinum
RANNSÓKN stendur yfir á or-
sökum bilunar, sem varð í Boeing
757-vél Flugleiða í Kaupmanna-
höfn á fimmtudagskvöld, en ekki
er komin nein niðurstaða úr þeirri
rannsókn. Vélin var kyrrsett í
Kaupmannahöfn og komust far-
þegar til Íslands á föstudags-
morgun með annarri vél.
Í samtali við Morgunblaðið
sagði Guðjón Arngrímsson, upp-
lýsingafulltrúi Flugleiða, að í
framhaldi af biluninni hefði verið
tekin sú ákvörðun að skoða allar
757-vélar félagsins af öryggis-
ástæðum. Skoðunin gæti hugsan-
lega valdið einhverjum töfum á
flugi og breytingum á brottfarar-
tímum, en henni yrði væntanlega
lokið fljótlega eftir helgi.
Allar Boeing 757-vélar
Flugleiða rannsakaðar
MEINDÝRAEYÐIRINN í Vest-
mannaeyjum hefur orðið að leggja
að velli 300 kanínur á síðustu sex ár-
um vegna ágangs þeirra í lunda-
byggðum og í görðum íbúa. Í Vest-
mannaeyjum eru mörg kjörskilyrði
fyrir hendi fyrir viðgangi kanínunn-
ar því þar eru hvorki refur né mink-
ur og veðurfar milt að viðbættum yl
frá nýja hrauninu.
Ásmundur Pálsson meindýraeyðir
segir að allt sé morandi af kanínum á
morgnana og seint á kvöldin og næt-
urnar. Sérstaklega sé mikið af þeim
við Lyngfellið og hestar séu farnir að
stíga niður úr jörðinni vegna þess
hve allt er sundurgrafið af kanínum.
Ekki er ljóst hvenær kanínur
námu land hérlendis en vitað er að
upp úr 1930 var tamin afbrigði að
finna á ýmsum stöðum í landinu. Vit-
að er að kanínur hafa lifað úti einn
vetur eða lengur í Öskjuhlíð, Gunn-
arshólma, við Reynisvatn, við
Rauðavatn, við Hvaleyrarvatn, í
Heiðmörk, Hvammsvík í Hvalfirði, á
Hvanneyri, í Hrappsey á Breiðafirði,
Rauðseyjum á Breiðafirði, Bolung-
arvík, í Ísafjarðardjúpi, Þaraláturs-
firði, Hallormsstaðarskógi sem og
mörgum stöðum í öllum landshlut-
um. Hvert kanínupar getur hæglega
eignast 20 unga á ári og ef allir lifa
og hver þeirra eignast 20 unga verða
orðnar í þeirri fjölskyldu 24,3 millj-
ónir kanína að fimm árum liðnum.
Kanínur taka sér bú-
setu í íslenskri náttúru
Kanínum
eytt vegna
ágangs
í Eyjum
 Villikanínur/B1
♦ ♦ ♦