Morgunblaðið - 23.12.2001, Blaðsíða 21
um til þess að markmiðin náist.
Þess vegna höfum við lært að
vinna saman og það er dýrmæt
reynsla,“ segir Adam.
„Ég held samt að mikilvægast sé
að læra að skilja að vinnuna og
einkalífið. Þetta eru tvö ólík svið og
það verður að skilja þarna á milli,
annars gengur þetta ekki upp,“
bætir Karen við og segir að það sé
nokkuð algengt í dansheiminum að
danspör séu jafnframt í sambandi.
Adam og Karen segjast búa í
ferðatösku þegar þau eru spurð að
því hvar þau búa. „Við erum mest
hér á Íslandi og í Bretlandi en þess
á milli erum við að ferðast um allan
heiminn. Við höfum keppt á milli
fimmtán og tuttugu mótum í ár og
kennt í öðrum löndum þess á milli.
Við þurfum oftast að skipuleggja
okkur ár fram í tímann,“ segir
Karen. „Ofan á keppnir og kennslu
bætast svo sýningar sem við höfum
verið bókuð í t.d. í Singapore,
Hong Kong, Japan og Ástralíu,
þannig að ferðalögin eru orðin ansi
mörg þegar uppi er staðið. Við
þurfum bara að vera mjög skipu-
lögð og fara vel með tíma okkar,“
segir Adam.
Karen og Adam stunda helst æf-
ingar í London og eru á sífelldu
flakki á milli Íslands og Bretlands,
sérstaklega á veturna. Þess á milli
keppa þau og æfa í Asíu og Ástr-
alíu, en þau æfa sex daga vikunnar,
allt frá tveimur tímum til fjögurra
tíma á dag, stundum meira. Æfing-
arnar skiptast í tvennt, annars veg-
ar að þjálfa upp þol, styrk og lið-
leika og hins vegar tækniæfingar.
Gullverðlaun
í Ástralíu
Opna ástralska mótið er stærsta
keppni ársins í Ástralíu. Um 50 pör
öttu kappi við Karen og Adam í at-
vinnumannaflokki en yfir 2.000 pör
kepptu á mótinu öllu. „Það var frá-
bært að sigra þarna. Ég hafði ekki
keppt heima í sex ár og því var
gaman að koma heim og vinna.
Þetta var hörkuspennandi keppni
og við sigruðum meðal annars sig-
urvegarana frá því í fyrra sem var
góð tilfinning,“ segir Adam og Kar-
en bætir við: „Ég hef aldrei keppt í
Ástralíu áður svo þetta var allt
saman mjög spennandi. Svo var að
sjálfsögðu öll fjölskyldan hans
Adams að fylgjast með sem var
líka mjög skemmtilegt.“
Er mikill munur á viðhorfi til
samkvæmisdans á Íslandi og í
Ástralíu? „Ég held að viðhorf til
dansins sé svipað á Íslandi og í
Ástralíu, jafnvel þótt löndin séu
mjög ólík. Mér finnst þó eins og
dansinn standi oft í skugganum af
öðrum íþróttum og ég veit hrein-
lega ekki hvers vegna svo er,“ seg-
ir Adam og Karen bætir við: „Ég
held þó að stuðningur við dans-
íþróttina sé meiri í Ástralíu en hér
á Íslandi. Dansinn er ekki mjög
áberandi hérlendis en samt sem
áður eru íslensk pör að standa sig
frábærlega úti í hinum stóra dans-
heimi. Við eigum til dæmis tvö pör
sem eru nýbakaðir Norðurlanda-
meistarar og fleiri titlar hafa kom-
ið í Íslands hlut. Mér finnst stund-
um að það mætti sýna þessum
afrekum meiri athygli. Það hvetur
þetta unga hæfileikaríka fólk
áfram.“
Leikstjóri Moulin Rouge
yfir sig hrifinn
Eins og Karen og Adam minnt-
ust á eru sýningar stór hluti af
starfi þeirra sem dansarar.
Þau tóku meðal annars þátt í
sýningunni Burn the Floor sem
fyllti sýningarhallir víða um heim á
síðasta ári, en valin brot úr sýning-
unni voru sýnd í Ríkissjónvarpinu í
fyrra og vakti mikla athygli. „Burn
the Floor var mjög viðamikil og
gríðarlega vinsæl sýning. Baz Lu-
hrmann, leikstjóri Moulin Rouge,
sem er Ástrali og fyrrverandi
dansari, kom á sýninguna með Ew-
an McGregor og Nicole Kidman
þegar við sýndum í Sydney. Hann
kom baksviðs eftir sýninguna og
sagðist vilja fá allan dansarahópinn
eins og hann lagði sig til að dansa í
Moulin Rouge. En leikstjórinn
okkar varð því miður að neita því
þar sem við vorum öll fullbókuð
fram í tímann,“ segir Adam okkur
til fróðleiks.
Hvernig gengur ykkur að ná
endum saman fjárhagslega í þess-
um heimi dansins, er þetta ekki
gríðarlega dýrt ævintýri?
„Jú dansinn er að sjálfsögðu
mjög dýr íþrótt en við vinnum
kostnaðinn upp með kennslu og
sýningum. Við getum séð fyrir okk-
ur með því en við höfum ekki hlotið
neina styrki enn sem komið er. Það
er kostnaðarsamt að koma sér á
framfæri en því betri
árangri sem við náum
á meðan við erum að
keppa því fleiri dyr
opnast fyrir okkur í
framtíðinni og einnig
möguleiki á að geta lifað
góðu lífi þegar við leggjum
dansskóna á hilluna,“ segir
Karen.
Að lokum. Hvað stendur
upp úr á ferlinum til þessa?
„Það er án efa sigurinn á Evr-
ópumeistaramótinu. Sá dagur var
stærsti dagur lífs míns, fyrir utan
brúðkaupsdaginn að sjálfsögðu, en
það var frábær tilfinning að sigra
þarna, sérstaklega þar sem við átt-
um alls ekki von á því,“ segir Kar-
en og Adam tekur undir með
henni.
Að loknu annasömu ári þar sem
þau hjónin hafa bætt árangur sinn
verulega frá því í fyrra, eru þau
komin heim til Íslands til að slappa
af, svona rétt yfir hátíðarnar. Strax
á milli jóla og nýárs munu þau
þó byrja að kenna hér á Íslandi
og svo tekur við ströng dag-
skrá keppna og sýninga
strax á nýju ári. Við Íslend-
ingar munum fylgjast
með þeim héðan úr
Norður-Atlantshafi og
það verður spennandi
að sjá hver árangur
þeirra verður á
nýju ári, miðað við
framfarir síðustu
tveggja ára.
Stoltir sigurvegarar taka við
verðlaununum á Evrópumeist-
aramóti atvinnumanna í Bonn í
desember árið 2000. Það sem
stendur upp úr á ferlinum í
huga Karenar er „án efa sig-
urinn á Evrópumeist-
aramótinu. Sá dagur var
stærsti dagur lífs míns, fyrir
utan brúðkaupsdaginn að sjálf-
sögðu, en það var frábær tilfinn-
ing að sigra þarna, sérstaklega
þar sem við áttum alls ekki von
á því.“
MORGUNBLAÐIÐ SUNNUDAGUR 23. DESEMBER 2001 B 21
BÆJARLIND 6 200 KÓPAVOGI
SÍMI: 554 6300
netfang: mira@mira.is
Falleg
gjafa
vara
ÁFSLÁTTUR
TIL
ÁRAMÓTA
84
5
/
TA
K
T
ÍK
-
-3
--
Gleðileg jól
og farsælt komandi ár
Þökkum viðskiptin á árinu
sem er að líða