Morgunblaðið - 23.12.2001, Blaðsíða 32

32 B SUNNUDAGUR 23. DESEMBER 2001 MORGUNBLAÐIÐ
bílar
SALA er að hefjast á nýrri kynslóð
Toyota Corolla. Þetta eru talsverð
tíðindi af tveimur ástæðum. Í fyrsta
lagi hefur Corolla verið mest seldi bíll
á Íslandi í þrettán ár í röð, eða frá
1987 til 1999, og er auk þess mest
seldi bíll í heimi. Í öðru lagi er níunda
kynslóð bílsins gjörbreytt í hönnun
og smíði. Hér er um alveg nýjan bíl að
ræða og miðað við fyrstu kynni eru
breytingarnar til bóta. Bíllinn er ekki
ósvipaður Yaris, söluhæsta bílnum
hérlendis á síðasta ári. Í þeim bíl
lærðu hönnuðir Toyota að skapa mik-
ið innanrými í litlum bíl. Það að Cor-
olla missti þarna fyrsta sætið segir
líka sína sögu um forverann sem var
orðinn dálítið lúinn og í raun ekki
samkeppnisfær lengur við nýjan VW
Golf, Ford Focus og Opel Astra. Nú
má vænta breytinga því nýi bíllinn er
100 mm lengri en forverinn, 65 mm
hærri og rými í aftursætunum hefur
verið aukið um 70 mm og það munar
um minna.
Fimm gerðir yfirbygginga
Sem fyrr verður Corolla fáanleg í
þrennra og fimm dyra hlaðbaksútgáf-
um, og langbaksgerð og nú bætist
ennfremur við fjölnotabílsútgáfan
Verso. Stallbaksgerðin verður kynnt
árið 2003. Þá er von á fimm dyra T-
Sport með 192 hestafla vél innan tíð-
ar.
Við prófuðum tvær gerðir af bíln-
um í síðustu viku, þ.e. fimm dyra hlað-
bakinn með 1,6 lítra vél og sjálfskipt-
ingu, og langbakinn með sömu vél og
beinskiptingu. Auk þess er bíllinn fá-
anlegur með 1,4 lítra, 97 hestafla vél
og 1,8 lítra, 135 hestafla vél sem ein-
göngu er fáanleg í Verso. T-Sport fær
síðan 1,8 lítra VVTL-i vél, sem er með
ventlalyftubúnaði sem gefur aukaaf-
köst á háum snúningi. Sú vél skilar að
hámarki 192 hestöflum.
Fyrir það fyrsta þá er ný Corolla að
öllu leyti hönnuð í Evrópu fyrir Evr-
ópubúa og má glögglega sjá bregða
fyrir svipeinkennum evrópskra bíla í
hönnuninni, kannski ekki síst hliðar-
svip Opel Astra og ekki er hann held-
ur ósvipaður Fiat Stilo. Corolla er í
sama stærðarflokki, C-flokknum, en
á að öðru leyti fátt sameiginlegt ann-
að en merkið með forveranum. Bíllinn
er lengri, hærri og breiðari og við
hönnun hans hefur það verið haft að
leiðarljósi að Evrópubúar eru að jafn-
aði hærri og líklega líka breiðari en
Japanir. Það er m.ö.o. allt orðið mun
rúmbetra innan í bílnum og þægi-
legra aðgengi bæði að fram- og aft-
ursætum.
Bylting á innanrýminu
Þegar sest er inn kemur berlega í
ljós að innanrýminu hefur verið gjör-
bylt. Það er eins og Corolla hafi færst
upp um heilan gæðaflokk hvað varðar
frágang og efnisval. Sætin eru ný með
þröngu sætisbaki sem skorðar öku-
mann vel af og lengri setu sem veitir
fótunum hvíld í langkeyrslu. Ekki
færri en fjögur lokuð hólf eru bílnum
og auk þess vasar á hurðunum. Á
handbremsu, gírstöng og hurðaropn-
urum er króm og sérstök alúð hefur
verið lögð við hljóðeinangrun bílsins.
Í hanskahólfinu er t.a.m. að finna sér-
stakt hljóðeinangrandi efni. Þá er
bíllinn með baklýstum mælum og í
miðjustokknum er innbyggt útvarp
með geislaspilara og á litlum skjá
birtast upplýsingar frá lítilli aksturs-
tölvu. Í þriggja arma stýrishjólinu er
komin stýring fyrir hljómtækin.
hnakkapúðar og þriggja punkta ör-
yggisbelti eru fyrir ökumann og fjóra
farþega. Eins og sjá má af þessari
upptalningu er mikið lagt í innanrým-
ið.
Hljóðlátur og góður akstursbíll
En það er ekki fyrr en ekið er af
stað að mönnum verður ljóst hvaða
bylting hefur átt sér stað. 1,6 lítra
VVT-i er einhver skemmtilegasta vél-
in á markaði með tilliti til stærðar.
Hún skilar að hámarki 110 hestöflum
og líður einstaklega vel á háum snún-
ingi. Bíllinn er virkilega frískur með
þessari vél. Sjálfskiptingin er fjög-
urra þrepa og vinnur vel með vélinni;
þ.e. með öðrum orðum hægt að þenja
vélina vel yfir 5.000 snúninga með
hraustlegri inngjöf áður en hún skipt-
ir sér. Vélin lætur líka heyra í sér á
háum snúningi en að öðru leyti hefur
hljóðeinangrun bílsins tekist sérlega
vel.
Ein af sterkum hliðum Corolla er
hljóðeinangrunin. Það verður t.a.m.
ekki vart við götuhljóð í akstri á mal-
biki og vindgnauð er hverfandi. Það
er heldur ekkert dósahljóð þegar
hurðum er lokað og er Corolla líkari
bíl í D-flokki en C-flokki hvað þessi
atriði snertir.
Ein af nýjungunum í Corolla er raf-
stýrt stýrið, sem er mátulega létt og
þægilegt innanbæjar. Beygjurhring-
urinn er lítill og bíll allur hinn með-
færilegasti. Ný gerð fjöðrunarkerfis
er í bílnum, sjálfstæð McPherson-
fjöðrun að framan og gormafjöðrun
með snúningsás að aftan. Bíllinn hef-
ur mikið veggrip og leggur sig lítið í
beygjum en langbakurinn hefur til-
hneigingu til undirstýringar við viss-
ar aðstæður. Þarna hefur engu að síð-
ur orðið bylting í aksturseiginleikum.
Fjöðrunin er miðuð við evrópskar
þarfir, ekki of mjúk, eins og tíðkast í
Japan og Bandaríkjunum, og alls ekki
of stíf. Bíllinn kemur á 15 tommu
dekkjum á stálfelgum. Hann er vel
búinn með tilliti til öryggis. Staðal-
búnaður er fjórir öryggispúðar, ABS-
hemlar og rafræn hemlunardreifing.
Verðið er samkeppnisfært. 1.849.000
krónur kostar fimm dyra hlaðbakur-
inn með handskiptingu og bætast
110.000 krónur við fyrir sjálfskipt-
inguna. Langbakurinn kostar
1.979.000 krónur beinskiptur og
2.089.000 sjálfskiptur.
Fullvíst má telja að Toyota veldur
aðdáendum sínum ekki vonbrigðum
með nýjum Corolla, sem hefur tekið
stórstígum framförum hvar sem á
hann er litið.
Guðjón Guðmundsson
VVT-i vélin er frísk og skilar að hámarki 110 hestöflum.
Morgunblaðið/Guðjón Guðmundsson
Langbakurinn er 45 mm lengri en fyrri gerðin.
Vandaður frágangur og efnisval er í innanrýminu. gugu@mbl.is
Farangursrýmið er 402 lítrar en stækkar með því að fella niður aftursætisbökin.
Toyota Corolla breyttur frá grunni
Fimm dyra hlaðbakurinn verður væntanlega mesti sölubíllinn.
Vél: Fjórir strokkar, 1.598
rsm., 16 ventlar,
breytilegur opnunartími
ventla (VVT-i).
Afl: 110 hestöfl við
6.000 sn./mín.
Tog: 150 Nm við
4.800 sn./mín.
Gírkassi: Fimm gíra
handskiptur.
Lengd: 4.385 mm.
Breidd: 1.710 mm.
Hæð: 1.520 mm.
Eigin þyngd: 1.255 kg.
Farangursrými:
402 lítrar.
Hröðun: 10,2 sekúndur.
Eyðsla: 7 lítrar í
blönduðum akstri.
Hemlar: Diskar að framan
og aftan, kældir að fram-
an. Læsivarðir og með
hemlunardreifingu.
Verð: 1.979.000 kr.
Umboð: P. Samúelsson hf.
Toyota Corolla Wagon
1.6 VVT-i