Morgunblaðið - 23.12.2001, Blaðsíða 31

MORGUNBLAÐIÐ SUNNUDAGUR 23. DESEMBER 2001 B 31
bílar
REGNSKYNJARAR verða stöðugt
útbreiddari í bílum og verða vænt-
anlega innan fáeinna ára stað-
albúnaður í öllum bílum. En hvernig
virkar svona búnaður?
Regnskynjarar, sem setja rúðu-
þurrkurnar sjálfkrafa af stað þegar
bleyta sest á framrúðuna, er ekki
aðeins þægindabúnaður heldur ekki
síður öryggisbúnaður. Hver hefur
ekki orðið fyrir því að fá skyndilega
yfir bílinn vatnsgusu þegar stórum
flutningabíl er mætt? Þegar regn-
skynjari er í bílnum verða óþæg-
indin vegna þessa mun minni því
áður en ráðrúm gefst til að bregð-
ast við svona gusum er rúðuþurrk-
an búin að hreinsa rúðuna.
Skynjarinn sjálfur er yfirleitt á
innanverðri rúðunni aftan við aft-
ursýnisspegilinn á því svæði sem
rúðuþurrkurnar ná til. Regnskynjari
er samsettur úr sendi og móttak-
ara. Sendirinn sendir stöðugt frá
sér ljós. Ljósið endurspeglast í rúð-
unni til móttakarans. Meðan mót-
takarinn tekur við jafnmiklu ljós-
magni og sendirinn sendir frá sér
telst rúðan vera þurr. Þegar rignir
eða vatn lendir á framrúðunni af
öðrum orsökum breytist yfirborð
rúðunnar. Endurspeglunin minnkar
eða hverfur alveg, sem leiðir til
þess að minna ljósmagn berst til
móttakarans. Um leið og þetta ger-
ist berast rafboð frá búnaðinum
sem setur rúðuþurrkurnar í gang.
Þess verður skammt að bíða að
afturrúðuþurrkur verði samtengdar
við framrúðuþurrkur og geta þar
með nýtt regnskynjarann fyrir
framrúðuna. Sömuleiðis eru uppi
áform um að tengja ljósskynjarann
við mælaborðið þannig að ljósmagn
frá mælum verði í sem réttustu
samræmi við birtustigið úti.
En þeir sem hafa keypt bíl með
regnskynjara þurfa að muna að
slökkva á búnaðinum áður en farið
er með bílinn í sjálfvirka þvotta-
stöð.
Regnskynjarar að verða algengari
Vissara er að aftengja regnskynjarann áður en farið er
með bílinn í þvott.
Skynjarinn er á innanverðri rúðunni í vari fyrir baksýnis-
speglinum.

FRAMLEIÐSLA hefst á nýjum Opel
Vectra í janúar næstkomandi. Bíllinn
er hannaður út frá þörfum öku-
mannsins en um leið mun rúmbetri
en fyrri gerð og í honum verður að
finna ýmsan tæknibúnað sem brýtur
blað í bílum í þessum stærðarflokki.
Vectra kom fyrst á markað haustið
1995 og er nú að koma í þriðju kyn-
slóð. Opel hefur varið um 800 millj-
ónum evra í þróun bílsins og verður
hann framleiddur í nýrri verksmiðju
sem Opel reisti sérstaklega fyrir
framleiðslu á
Vectra í Rüssels-
heim. Bíllinn
verður frum-
sýndur á bílasýn-
ingunni í Genf í
mars á næsta ári.
Í fyrstu verður
bíllinn í boði sem
fernra dyra stall-
bakur með fjög-
urra strokka ECOTEC-bensínvélum,
122–147 hestafla, og 100 og 125 hest-
afla dísilvélum. Í boði verður fimm
þrepa sjálfskipting með handskiptivali
og er það í fyrsta sinn að slík skipting
er í boði í Opel. Um mitt sumar bætist
svo við spennandi GTS-gerð með 211
hestafla, 3,2 lítra V6-vél. Þetta verð-
ur aflmesta Vectra sem nokkru sinni
hefur verið framleidd. Vélin togar
300 Nm að hámarki.
Fleiri gerðir á næstu árum
Á næstu tveimur árum bætast síð-
an við framleiðslulínuna aðrar gerðir
yfirbygginga, véla og gírkassa.
Ný Vectra er smíðuð á nýjan und-
irvagn sem kallast IDS sem verður
eitt af trompum þessa bíls. Að aftan
er ný gerð fjölliðafjöðrunar, hjólupp-
hengjur eru úr áli sem dregur úr
ófjaðrandi þyngd bílsins sem ætti að
bæta aksturseiginleikana. Þá er hann
með rafstýrðu stýri, sem dregur úr
eyðslu og er nákvæmara. Ný gerð
stöðugleikastýringar, ESP Plus, verð-
ur kynnt í bílnum. Hefðbundin gerð
ESP-búnaðar dregur úr alvarlegri
undirstýringu með því að beita heml-
um á það afturhjól sem er nær
beygju, nýja kerfið eykur stöðugleik-
ann með því að beita hemlum á allt að
þrjú hjól í einu.
Opel segir að ný
yfirbygging Vectra
standist ströng-
ustu kröfur sem
gerðar eru til bíla í
efri millistærðar-
flokki á sviði stöð-
ugleika, öryggis,
þæginda og gæða.
Þetta megi þakka
notkun léttmálma eins og áls og
magnesíums og hástyrktarstáls. Stíf-
leiki bílsins sé af þessum sökum 74%
meiri en í fyrri gerð.
Ýmis búnaður verður í nýjum
Vectra sem ekki hefur áður verið í
boði, þ.á m. rafstýrð loftstýring með
loftgæðaskynjara, breitt úrval af sam-
skipta- og afþreyingarbúnaði (leið-
sögukerfi, farsímakerfi og hljómkerfi),
framsæti sem eru stillanleg á átta
vegu, búnaður sem fylgist með loft-
þrýstingi í dekkjum og regnskynjara.
Meðal öryggisbúnaðar má nefna
sex öryggispúða, þar af fjóra hliðar-
belgi, fetla sem leggjast niður í gólf
við árekstur og virka hnakkapúða,
sem draga úr líkum á hálshnykks-
meiðslum.
Nýja Vectran er 10 cm lengri, 6 cm breiðari og 4 cm hærri en forverinn.
Ný hönnun og annað efnisval er í innanrýminu.
Ný Vectra lofar góðu í samkeppni við Ford Mon-
deo og Passat.
Framleiðsla á Vectra hefst í janúar
VOLKSWAGEN kynnti nýlega lúxusbíl sinn, sem gengið hefur
undir heitinu D1, við nýbyggða verksmiðju sína í Dresden í
Þýskalandi. Um leið var kynnt nýtt nafn á bílinn sem skal heita
Phaeton í höfuðið á forngrískum guði.
Phaeton á að keppa við bíla eins og Audi A8, BMW 7, Jaguar
XJ og Mercedes-Benz S. Samkvæmt Der Spiegel hefur VW
einnig ákveðið nöfn á tvo aðra bíla sem eru væntanlegir á mark-
að. Haustið 2002 kemur á markað fyrsti jeppi Volkswagen og sá
skal heita Tuareg, en hann hafði áður gengið undir heitinu Colo-
rado. Dýrasta útgáfa þess bíls verður með W12 vél, 420 hestafla.
Nýi ofursportbíllinn, sem sýndur var á bílasýningunni í Tók-
ýó í október undir heitinu VW W12 fær heitið Nardo. Hann
ásamt Phaeton og Tuareg, verður smíðaður í nýju verksmiðj-
unni í Dresden. Hann verður með 600 hestafla vél og á að ná 100
km hraða á 3,5 sekúndum.
Nýr lúxusbíll VW á að heita Phaeton. Fyrsti jeppi VW á að heita Tuareg. Ofursportbíll VW á að heita Nardo.
Ný nöfn á nýja VW-bíla
eru

Hreinsivörur

Andlitsvörur

Unglingavörur

Líkamsvörur
Um leið og
við þökkum
þúsundum
ánægðra
notenda fyrir
ánægjulegt
samstarf
óskum við
landsmönnum
öllum hjartan-
lega gleðilegrar
jólahátíðar