Morgunblaðið - 09.02.2002, Blaðsíða 4
FRÉTTIR
4 LAUGARDAGUR 9. FEBRÚAR 2002 MORGUNBLAÐIÐ
MOKVEIÐI var á loðnumiðunum út
af Austfjörðum í gær og fyrrinótt.
Loðnan virðist vera á nokkuð stóru
svæði í Reyðarfjarðardýpi, um 50
sjómílur undan landi. Loðnan held-
ur sig enn í landgrunnskantinum en
hrognafyllingin í henni var í gær
orðin um 10% og þess er varla langt
að bíða að hún gangi upp á grunnið.
Að sögn Ólafs Einarssonar, skip-
stjóra á Faxa RE, voru stórar torf-
ur á svæðinu í gær og öll skip fengu
góðan afla, bæði í nót og flottroll.
„Trollskipin eru að fá allt upp í 500
tonn í hali og það er stutt dregið,
vanalega ekki lengur en í klukku-
tíma.“ Ólafur sagði loðnuna enn
halda sig nokkuð djúpt og því væri
erfitt að segja til um hvenær loðnan
gengi upp á landgrunnið. Það gæti
þó gerst á næstu dögum og nokkur
trollskipana væru þegar búin að
taka nótina um borð en myndu
skipta yfir á nót um leið og loðnan
grynnkaði á sér.
Myndin sýnir Faxa RE á loðnu-
miðunum í vikunni.
Morgunblaðið/Þorgeir
Loðnan
mokveiðist
TVÆR greinar frá vísindamönnum
Íslenskrar erfðagreiningar, Land-
spítala, Hjartavernd og Hoffmann
La Roche hafa birst í netútgáfu
bandaríska vísindatímaritsins The
American Journal of Human Gene-
tics sem fjallar m.a. um genarann-
sóknir. Fjalla greinar vísindamann-
anna annars vegar um staðsetningu
gens sem tengist æðaþrengingu eða
æðakölkun og hins vegar um gen er
tengist heilablóðfalli.
Greinarnar eru byggðar á rann-
sóknum sem vísindamenn Íslenskr-
ar erfðagreiningar höfðu forgöngu
um. Greint var frá þessum uppgötv-
unum ÍE snemma á síðasta ári. Vís-
indamenn ÍE höfðu árið 2000 kort-
lagt erfðavísi sem tengdist heila-
blóðfalli og á síðasta ári tókst að
einangra ákveðinn erfðavísi á því
svæði. Var greint frá því í fréttum
ÍE að það væri í fyrsta sinn sem
sterkur erfðaþáttur fyndist í al-
gengustu gerðum heilablóðfalls. Þá
var einnig snemma árs í fyrra
greint frá því að ÍE hefði fundið
erfðavísi sem veldur æðakölkun.
Þar væri um að ræða erfðavísi sem
byggi til efnahvata sem gegndi mik-
ilvægu hlutverki í því að stjórna
fjölgun frumna sem þekja æðar að
innan. Greint var frá þessum upp-
götvunum áður en greinar eru
sendar vísindaritum af viðskiptaleg-
um ástæðum.
Í framhaldi af slíkum uppgötv-
unum og niðurstöðum rannsókna
senda vísindamennirnir greinar til
vísindatímarita í viðkomandi grein.
Voru greinar um áðurnefndar upp-
götvanir sendar bandaríska tímarit-
inu í maí á síðasta ári. Þær voru
samþykktar til birtingar í desember
síðastliðnum. Birtust þær í netút-
gáfu ritsins 6. febrúar síðastliðinn
og munu birtast í tímaritinu sjálfu í
næsta mánuði.
Greinar um gena-
rannsóknir ÍE í
bandarísku tímariti
HVERFISLÖGREGLUMAÐUR á
hverfisstöð lögreglunnar í Mos-
fellsbæ og á Kjalarnesi upplýsti fyrir
nokkru hverjir kveiktu í fokheldu
einbýlishúsi á Esjugrund 18 á Kjal-
arnesi í mars 1998. Í ljós kom að tveir
drengir sem bjuggu í nágrenninu
höfðu fyrir slysni borið eld að húsinu
þannig að það brann til grunna.
Heimir Ríkharðsson, rannsóknar-
lögreglumaður sagði í samtali við
Morgunblaðið að í janúar hefði lög-
regla fengið vísbendingar um hverjir
hefðu verið að verki. Upplýsingarnar
komu úr rannsókn annars máls sem
tengdist piltunum að öðru leyti ekki.
Piltarnir voru kallaðir til yfir-
heyrslu og játuðu þeir strax að eiga
sök á brunanum. Báru þeir við að
krakkar hefðu oft farið inn í húsið til
að hlýja sér. Hefðu þeir kveikt lítið
bál og slökkt það. Síðan kveiktu þeir
aftur í en misstu þá tök á eldinum.
Þeir reyndu að slökkva eldinn og
hlupu m.a. eftir vatni en allt kom fyr-
ir ekki og urðu piltarnir frá að
hverfa. Málinu er lokið af hálfu lög-
reglunnar en piltarnir voru ósakhæf-
ir þegar bruninn varð.
Piltunum leið
betur á eftir
Heimir segist halda að piltunum
líði betur eftir að hafa losnað við
þetta af samviskunni. Þeir hafi þó
ekki beinlínis gefið neitt út á það.
Á sínum tíma varð vart við sögu-
sagnir um að eigandi hússins hefði
átt þarna hlut að máli og því segir
Heimir sérstakt ánægjuefni að málið
skuli nú vera upplýst.
Heimir upplýsti fyrir stuttu hverj-
ir stóðu að stórfelldum eignaspjöll-
um á gröfu sem stóð mannlaus í ná-
grenni Klébergsskóla á Kjalarnesi.
Þrír piltar um tvítugt hafa viður-
kennt að hafa unnið skemmdirnar en
sömu nótt brutust þeir einnig inn á
athafnasvæði Sorpu á Kjalarnesi og
gerðu tilraun til innbrots í Nýja
Esjuskálann. Mennirnir eiga yfir
höfði sér skaðabótakröfu vegna
þessa.
Fjögurra
ára gamalt
íkveikjumál
upplýst
Drengir kveiktu
í fyrir slysni
ÞRÍR voru fluttir með sjúkrabifreið-
um á sjúkrahúsið á Akranesi eftir
harkalega aftanákeyrslu á Vestur-
landsvegi rétt sunnan við Grundar-
tanga í gærkvöldi.
Ekið var aftan á kyrrstæða bifreið
á veginum og þeyttist hún 7 metra út
fyrir veginn. Tveir úr aftari bifreið-
inni voru fluttir á sjúkrahús og sá
sem í kyrrstæðu bifreiðinni var.
Ekki munu þó meiðsli fólksins hafa
verið alvarlegs eðlis.
Þeyttist út
af við aftaná-
keyrslu
STAÐFESTUR hefur verið
bráðsmitandi sjúkdómur í kan-
ínum hér á landi í fyrsta sinn en
sjúkdómurinn kom upp í kan-
ínubúi á Suðurnesjum og dráp-
ust flestar kanínurnar á því búi.
Í tilkynningu frá Embætti yf-
irdýralæknis segir að hér sé um
að ræða veirusjúkdóm, lifrar-
drep, sem leggist eingöngu á
kanínur og valdi dauðsföllum í
mörgum tilfellum.
Gripið hafi verið til niður-
skurðar og einangrunar á þeim
kanínum sem vitað sé að tengj-
ast búinu þar sem veikin kom
fyrst upp. Hins vegar sé ekki
vitað hvernig sjúkdómurinn
barst til landsins en talið sé að
veiran geti borist með dýrum,
mönnum og jafnvel hlutum.
Yfirdýralæknir biður kan-
ínueigendur um að halda kan-
ínum sínum í einangrun, þ.e.a.s.
ekki fara með þær af heimilum
eða búum og hleypa ekki
ókunnugum að þeim. Komi upp
veikindi eða dauðsföll eigi
menn að snúa sér beint til síns
dýralæknis.
Bráðsmit-
andi sjúk-
dómur finnst
í kanínum
JÚLÍUS Vífill Ingvars-
son mun ekki taka sæti
á lista Sjálfstæðis-
flokksins til borgar-
stjórnarkosninga nú í
vor. Hann segir að
þessi ákvörðun tengist
á engan hátt aðdrag-
anda leiðtogaprófkjörs-
ins sem hætt var við.
„Ég hef haft sam-
band við formann kjör-
nefndar Sjálfstæðis-
flokksins vegna
borgarstjórnarkosn-
inganna og tilkynnt
honum að ég muni ekki
þiggja sæti á framboðs-
lista flokksins. Ástæð-
urnar eru þær að ég ætla að snúa
mér að rekstri fyrirtækja minna og
fjölskyldu minnar.“
Aðspurður segir Júlíus Vífill að
hann telji enn að framboðslisti Sjálf-
stæðisflokksins eigi að vera þver-
skurður þeirra sem í borginni búa og
starfa. Þar á meðal þurfi vissulega
að vera fulltrúar úr at-
vinnulífinu. Hann beri
fullt traust til þeirra
sem starfa í kjörnefnd-
inni að finna slíka full-
trúa. „Ég útiloka hins
vegar ekki frekari
þátttöku í stjórnmál-
um en það er þó ekki á
dagskrá sem stendur.
Ég fylgist auðvitað
með og ljái Sjálfstæð-
isflokknum lið.“
Júlíus Vífill segir að
það sé vissulega með
söknuði að hann kveðji
borgarmálin. „Þetta
hefur verið mjög
skemmtilegur og
ánægjulegur tími fyrir mig. Ég hef
náð að kynnast borgarmálefnum og
ekki síður borgarbúum með öðrum
hætti en ella hefði verið.“
Aðspurður hvort þessi ákvörðun
muni ekki veikja lista Sjálfstæðis-
flokksins, segir Júlíus Vífill að það
sé sem betur fer svo að maður komi
oftast í manns stað. „Ég vona að sá
framboðslisti, sem mun væntanlega
líta dagsins ljós innan fárra daga,
verði öflugur og muni duga okkur til
sigurs og ég hef fulla trú á því að svo
verði. Ég mun að minnsta kosti ekki
liggja á liði mínu í kosningabarátt-
unni sem framundan er.“
Menn úr athafnalífinu þurfa
að vera á framboðslistum
Júlíus Vífill segir að hann hafi fyr-
ir síðustu kosningar verið kallaður
til af kjörnefnd og beðinn um að taka
þátt í prófkjörinu sem þá var fram-
undan: „Ég hlýddi því kalli. Og það
er mín skoðun að við sem höfum
sagt að það þurfi að vera menn úr
athafnalífinu á framboðslistum
flokksins getum ekki jafnframt
skorast undan því að taka þátt þegar
svo ber undir og þess vegna ákvað
ég að gera það fyrir síðustu kosn-
ingar. Slík ákvörðun er hins vegar
ekki yfirlýsing þess efnis að maður
ætli sér að gera stjórnmálin að ævi-
starfi.“
Framboðslisti sjálfstæðismanna í Reykjavík
Júlíus Vífill Ingvars-
son tekur ekki sæti
Júlíus Vífill
Ingvarsson
♦ ♦ ♦
ÚRVALSVÍSITALA Verðbréfa-
þings Íslands var 1.286,7 stig við lok
dags í gær eftir 4,4% hækkun í vik-
unni og hefur vísitalan ekki verið
hærri síðan 20. desember árið 2000.
Frá áramótum hefur Úrvalsvísi-
talan hækkað um 11% og hækkunin
frá lægsta gildi í fyrra, 24. ágúst, er
rúmlega 30%.
Viðskipti með hlutabréf á Verð-
bréfaþingi námu í vikunni 9,2 millj-
örðum króna.
Úrvalsvísi-
talan hækkar
um 11% frá
áramótum
♦ ♦ ♦