Morgunblaðið - 09.02.2002, Blaðsíða 12
Könnun um ferðavenjur fólks í fullum gangi þessa daga
Á NÍUNDA þúsund manns
fær þessa dagana sent bréf
vegna könnunar um ferða-
venjur íbúa á höfuðborgar-
svæðinu. Í bréfinu segir að
könnunin muni m.a. nýtast við
endurbætur umferðarskipu-
lags og leiðakerfis strætis-
vagna.
Þátttakendur í könnuninni
eru á aldrinum 6–80 ára og
voru þeir valdir af handahófi
úr þjóðskrá. Stendur fram-
kvæmd könnunarinnar yfir á
sex vikna tímabili frá byrjun
janúar til loka febrúar.
Í bréfi sem sent var til íbúa í
borgarhverfum 101 og 105 á
dögunum segir að um sé að
ræða könnun á því hvernig
íbúar höfuðborgarsvæðisins
ferðast á virkum degi. Er
spurt um hvaða ferðamáli er
notaður (bíll, strætó eða ann-
að), tilgangur ferðar, á hvaða
tíma dags, lengd ferðar og
ákvörðunarstaður.
Aðstandendur könnunar-
innar eru Gallup, borgarverk-
fræðingur, Strætó b.s. og
skipulagsyfirvöld í Reykjavík.
Að sögn Stefáns Hermannson-
ar borgarverkfræðings nær
könnunin þó yfir allt höfuð-
borgarsvæðið og er gerð að
höfðu samráði við samvinnu-
nefnd um svæðisskipulag höf-
uðborgarsvæðisins, sem Stef-
án gegnir formennsku í.
Óvíst um úrvinnslu
Hann segir ekki búið að
ákveða endanlega hversu mik-
ið verði unnið úr gögnunum.
„Ef menn ætla að nota þetta í
tæknilegum tilgangi, t.d. til
þess að bera saman við um-
ferðarmagn í borginni, þarf
töluverða úrvinnslu sem við
erum ekki enn þá búin að
ákveða hvað við göngum langt
í. En þetta getur gagnast til
dæmis þeim sem eru að spá í
umferðarstraumana og sömu-
leiðis varðandi leiðakerfi al-
menningsvagna,“ segir hann
og bendir á að eftir að Strætó
varð byggðarsamlag nái leið-
arkerfið yfir allt höfuðborgar-
svæðið.
Kostnaðurinn við könn-
unina er að sögn Stefáns rúm-
ar fimm milljónir en þá er ekki
talin með ítarlegri úrvinnsla
könnunarinnar. Þetta er í
fyrsta sinn sem ráðist er í
könnun af þessu tagi fyrir allt
höfuðborgarsvæðið en í fyrra
var gerð sambærileg athugun
í Breiðholtshverfi. Segir Stef-
án að reynslan úr þeirri könn-
un nýtist við gerð könnunar-
innar nú. „Síðan hafa svipaðar
kannanir verið gerðar erlendis
þannig að þetta er mjög stöðl-
uð aðferðafræði í sjálfu sér til
að komast að því hversu mikið
höfuðborgarbúa hreyfa sig og
hvernig.“
Á níunda þúsund manns í úrtaki
Morgunblaðið/Golli
Niðurstöður könnunarinnar er meðal annars hægt að nýta við að bæta leiðarkerfi almenn-
ingsvagna, sem eftir tilkomu byggðarsamlagsins Strætó nær yfir allt höfuðborgarsvæðið.
Höfuðborgarsvæðið
FJÖLMENNI var við opnun
nýs gæsluvallar við Háholt í
Hafnarfirði sem tekinn var í
notkun á fimmtudag. Heild-
arkostnaður við völlinn er
11 milljónir.
Nýi gæsluvöllurinn mun
leysa gamla gæsluvöllinn
við Háabarð af hólmi. Hann
er á milli leikskólans Álfa-
steins og Hvaleyrarskóla
með útsýni yfir Ásvellina til
Keilis og fleiri fallegra
fjalla, að því er segir í
fréttatilkynningu frá Hafn-
arfjarðarbæ. Er gæsluvall-
arlóðin um 940 fermetrar
að stærð en húsið tæpir 30
fermetrar.
Hönnuður lóðarinnar er
Dagný Kristjánsdóttir,
landslagsarkitekt hjá Lands-
lagi ehf., en aðalhönnuður
hússins er Loftur G. Þor-
steinsson hjá Verkvangi ehf.
Nýr gæsluvöllur við
Háholt tekinn í notkun
Morgunblaðið/Kristinn
Hafnarfjörður
HÖFUÐBORGARSVÆÐIÐ
12 LAUGARDAGUR 9. FEBRÚAR 2002 MORGUNBLAÐIÐ
FORELDRAFÉLAG Fella-
skóla hefur samþykkt tvær
ályktanir þar sem skorað er á
yfirvöld að auka öryggi við
skólann og í hverfinu. Óska
foreldrarnir eftir að skólinn
fái aukna fjárveitingu vegna
öryggismála við skólann og
að löggæsla í hverfinu verði
efld.
Ályktanirnar voru sam-
þykktar á fjölmennum for-
eldrafundi sem haldinn var í
skólanum á fimmtudags-
kvöld. Í þeirri fyrri er skorað
á yfirmenn fræðslumála í
Reykjavík að auka fjárveit-
ingu til Fellaskóla „svo að
hann geti betur sinnt örygg-
ismálum sínum og þannig
aukið á öryggi og velferð
nemenda“.
Segir að aukin fjárveiting
ætti að fara í fleiri öryggis-
myndavélar, aukna lýsingu á
skólalóðina allt í kring um
skólann, afgirðingu lóðar en
girðing sé bágborin og nánast
engin á köflum og að bæta
aðstöðu barnanna á skólalóð-
inni með fleiri leiktækjum.
Stórt hverfi og
lítil löggæsla
Seinni ályktuninni er beint
til dómsmálaráðherra og lög-
reglustjórans í Reykjavík þar
sem skorað er á þessa aðila
að efla löggæslu í Breiðholti.
„Í hverfinu búa u.þ.b. 22 þús-
und íbúar og er löggæsla í
dag ekki í neinu samræmi við
þörf og stærð hverfisins,“
segir í ályktuninni.
Að sögn Þuríðar Helgu
Guðbrandsdóttur, formanns
foreldrafélagsins, var hvatinn
að fundinum og ályktununum
nýlegt mál þar sem barn var
numið á brott af skólalóðinni.
Það mál sé afgreitt þannig að
málsaðilar séu sáttir við sitt
en atvikið hafi orðið til þess
að ýta við fólki varðandi ör-
yggismál við skólann. Ýmis-
legt þurfi að bæta í þeim efn-
um, t.a.m. girðingu og lýs-
ingu.
Þá segir hún löggæslumál-
um í hverfinu ábótavant. „Við
erum með lögreglustöð sem
er lokuð á kvöldin og aðeins
opin í stuttan tíma um helgar
og það er ekki viðunandi mið-
að við hvað við erum með
stórt hverfi. Stöðin þjónar
Fella- og Hólahverfi, Selja-
hverfi, Bökkunum, Árbæ og
Grafarvogi og á sama tíma
sjáum við í fréttum að það er
aukin fíkniefnaneysla og
þetta er orðinn harðari heim-
ur. Þannig að almennt þarf að
bæta löggæsluna.“
Að sögn Þuríðar var fund-
urinn mjög gagnlegur. „Fólk-
ið kom með margar spurn-
ingar, bæði hvað varðar
tómstundastarfið og almennt
öryggi hér í kring og ég held
að foreldrar hafi verið nokk-
uð sáttir eftir þennan fund.“
Fjölmennur fundur foreldrafélags Fellaskóla samþykkir tvær áskoranir til yfirvalda
Öryggismálum ábótavant
Foreldrar fengu svör við fjölmörgum spurningum um ör-
yggismál í hverfinu á fundinum í Fellaskóla í fyrrakvöld.
Breiðholt
JÓHANN Sigurjónsson, bæj-
arstjóri í Mosfellsbæ, segir
ekki rétt að óstaðfestar sögu-
sagnir hafi valdið því að um-
sækjandi um starf skólastjóra
í Mosfellsbæ hafi ekki fengið
starfið heldur annar umsækj-
andi. „Ákvörðun bæjarstjórn-
ar byggðist eingöngu á því að
ráðinn var hæfasti einstak-
lingurinn til starfans,“ segir
hann.
Í Morgunblaðinu í gær er
greint frá því að umsækjandi
um starfið hafi krafist skaða-
bóta vegna þeirrar ákvörðun-
ar bæjaryfirvalda að falla frá
því að ráða hann til starfans
og haft eftir lögmanni hans að
bæjarráð hafi látið óstaðfest-
ar sögusagnir hafa áhrif á
ákvörðun sína.
Jóhann Sigurjónsson segir
að áður en fræðslunefnd hafi
tekið afstöðu til umsókna hafi
Birgir Einarsson dregið um-
sókn sína um starfið til baka.
Fræðslunefnd hafi í kjölfarið
farið yfir aðrar umsóknir og
mælt með einum umsækj-
anda. Bæjarráð hafi tekið
undir tillögu fræðslunefndar,
en síðan hafi það gerst að
Birgir Einarsson hafi hætt við
að hætta.
Í Morgunblaðinu í gær er
vitnað í bréf þar sem Jóhann
segir að ýjað sé að því að hann
hafi fengið Birgi til að hætta
við að hætta, en hann segir
staðreynd málsins vera þá að í
vitnaleiðslum hafi komið fram
og haft eftir Birgi að hann hafi
fengið mikinn stuðning og
áskoranir með óskum um að
halda umsókn sinni til streitu.
Hann hafi orðið við áskorun-
unum og Jóhann segir að í
ljósi breyttrar stöðu hafi bæj-
arráð ákveðið að framlengja
umsóknarfrestinn enda hafi
endanleg staðfesting á ráðn-
ingu fyrrnefnds umsækjanda,
sem mælt hafði verið með,
ekki verið gerð. Úrskurður
hefði fallið um það að mönn-
um væri heimilt að fram-
lengja umsóknarfrest enda
ljóst að aðalmarkmiðið væri
að ráða hæfasta einstakling-
inn, sem byðist, í starfið. Því
hafi umsóknarfresturinn ver-
ið framlengdur og síðan hafi
fræðslunefndin mælt með
Birgi á grundvelli þess að hún
hefði talið hann hæfasta ein-
staklinginn, bæði með tilliti til
menntunar og reynslu. „Það
er ekkert í gögnum málsins
sem dregur það í efa að hæf-
asti einstaklingurinn hafi ver-
ið ráðinn,“ segir Jóhann.
Sá hæfasti ráðinn
Mosfellsbær
Bæjarstjóri um kröfu umsækjanda
LÖGMAÐUR vinningshafa
verðlaunasamkeppni um
hönnum deiliskipulags fyrir
Hrólfsskálamel hefur óskað
eftir gögnum frá bæjaryfir-
völdum varðandi útboð verk-
efnisins. Telur hann að bærinn
hafi hugsanlega brotið á vinn-
ingshöfunum með því að gefa
þeim ekki færi á að semja um
verkið og bakað sér þar með
skaðabótaskyldu.
Í lok árs 2000 voru kynntar
niðurstöður samkeppni um
skipulag á Hrólfsskálamel og
báru arkitektarnir Nicholas
Guichet, Fiona Meierhans,
Laurent Bonthonneau og Guð-
rún Sigurðardóttir sigur úr
býtum. Að sögn Gunnars Jó-
hanns Birgissonar hæstarétt-
arlögmanns, sem hefur tekið
mál vinningshafanna að sér,
kom fram í samkeppnislýsingu
að það ætti að stefna að því að
semja við vinningshafa um
hönnun verksins. „Í því sam-
bandi skuldbatt sveitarfélagið
sig til þess að senda með út-
boðsgögnum drög að hönnun-
arsamningi til vinningshaf-
anna en okkur skilst að það
hafi ekki verið gert. Þannig að
einhvern veginn í ferlinu týnd-
ust vinningshafarnir og málið
endaði síðan með því að það
var samið við allt aðra aðila.“
Hafa ekki fengið
umbeðin gögn
Gunnar segir skjólstæðinga
sína að vonum ekki sátta við
þessi málalok. „Menn taka
þátt í samkeppni og eiga þá
von á því að fá ákveðið verk.
Hins vegar fá þeir aldrei tæki-
færi til þess að semja um verk-
ið vegna þess að þeim er ýtt út
úr ferlinu. Væntanlega er
bærinn búinn að baka sér
skaðabótaskyldu og þarf að
greiða það tjón sem vinnings-
hafarnir urðu fyrir sem snýst
um það að missa þetta verk-
efni.“
Aðspurður segir Gunnar að
ekki hafi verið settar fram
fjárkröfur á hendur bænum
heldur áskilji vinningshafarnir
sér rétt til að hafa uppi skaða-
bætur í málinu. „Við erum bú-
in að kalla eftir því að fá upp-
lýsingar um þessi útboðsgögn
en þrátt fyrir ítrekuð tilmæli
þá höfum við ekki fengið
þau.Við munum að sjálfsögðu
leita til úrskurðarnefndar um
upplýsingamál til að fá aðgang
að þessum gögnum ef við fáum
þau ekki.“
Vinningshafar í verðlaunasamkeppni um
Hrólfsskálamel óska eftir gögnum frá bænum
Áskilja sér rétt
til skaðabóta
Seltjarnarnes