Morgunblaðið - 09.02.2002, Blaðsíða 50
50 LAUGARDAGUR 9. FEBRÚAR 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SUNNUDAGINN 3. febrúar s.l.
birtist ágæt og tímabær forustu-
grein í Mbl. um þá hættu sem Íslend-
ingum stafar af alþjóðlegri glæpa-
starfsemi og árangursríkum aðgerð-
um lögreglu til að stemma stigu við
allri viðleitni óþjóðalýðs og glæpa-
hyskis í þá veru. Greinin fjallaði um
meinta tilraun svokallaðra „Vítis-
engla“ til að ná fótfestu hér á landi,
en þau samtök eru þekkt af ólöglegri
starfsemi víða um lönd, svo sem eit-
urlyfjasölu, vændi, morðum, bar-
smíðum og öllu því „sem við Íslend-
ingar höfum ekki áhuga á að nái
hingað“, eins og ritstjóri bendir
réttilega á. Hins vegar hnaut ég um
það dæmi sem ritstjóri nefnir máli
sínu til stuðnings (um viðleitni Vít-
isengla til að ná fótfestu hér á landi)
að íslenskir nektarstaðir hafi haft
viðskipti á sínum tíma við umboðs-
skrifstofu í Kanada, sem væri í eigu
Vítisengla. Ég hafði viðskipti við um-
rædda umboðsskrifstofu á sínum
tíma, og þeim viðskiptum er löngu
lokið, en mér að vísu láðist að líta á
hluthafaskrána. Ég hef engan áhuga
á því að eiga viðskipti við glæpahyski
og vil ekkert annað en reka mína
starfsemi að réttum lögum, en mér
þykir dæmi Morgunblaðsins ósæmi-
legt, því það felur í sér tengingu
minnar starfsemi við alþjóðlegan
glæpalýð.
Ég get heilshugar tekið undir þau
orð dómsmálaráðherra að breið sam-
staða eigi að vera um það „í íslenska
stjórnkerfinu að berjast með öllum
tiltækum ráðum gegn skipulagðri
glæpastarfsemi, þ. á m. starfsemi,
sem þrífst innan samtaka Vítis-
engla“, en mín starfsemi er algerlega
ótengd allri alþjóðlegri glæpastarf-
semi, þannig að samlíkingin er
óheppileg og til þess fallin að koma
óorði á starfsemi mína.
GUÐJÓN R. SVERRISSON,
framkvæmdastjóri Bóhem.
Viðnám gegn skipu-
lagðri glæpastarfsemi
Frá Guðjóni R. Sverrissyni:
HVERT mannsbarn sem hefur augu
og eyru veit að illa hefur verið staðið
að einkavæðingu Símans og mistök
hafa verið gerð. Ekki nóg með það að
dræm þátttaka hafi verið í hlutafjár-
útboðinu og forstjóra fyrirtækisins
verið kastað út á stétt með vænan
starfslokasamning og fjárfestinga-
mistök sem kostuðu fyrirtækið 400
milljónir á bakinu heldur hefur nú
frjálshyggjulögfræðingurinn Hreinn
Loftsson ákveðið að stíga niður sem
formaður einkavæðingarnefndar.
Allt þetta gengur á og samt sem áður
leyfir Sturla Böðvarsson samgöngu-
ráðherra sér að fullyrða í fjölmiðlum
„að allt sé í himnalagi“ og að þessar
sviptingar muni ekki hafa áhrif á
siglingu Símans í átt að eyju hins
frjálsa markaðar.
Vitur eftir á
Það er alltaf hægt að vera vitur
eftir á. Samt hljóta menn að velta því
fyrir sér hvort ekki hafi verið skyn-
samlegra að einkavæða Símann
meðan markaðsvirði hans var sem
mest og markaðshlutdeild fyrirtæk-
isins sem stærst. Þá hefði fengist
langmestur peningur fyrir fyrirtæk-
ið. Einnig er einkennilegt að ríkis-
stjórnin vilji halda í 51% ráðandi
eignaraðild að fyrirtækinu í stað
þess að selja það allt á einu bretti því
að tíminn flýgur og önnur fyrirtæki á
fjarskiptamarkaðnum eru smátt og
smátt að saxa á forskot Símans og
hirða viðskiptavini frá fyrirtækinu.
Þar gilda lögmál hins frjálsa mark-
aðar. Þar með hlýtur verðmæti
þessa 51% sem ríkið á í fyrirtækinu
að rýrna. Vissulega mun Síminn
halda velli sem leiðandi fjarskipta-
fyrirtæki á þessu landi en fyrirtækið
mun líklega aldrei ná aftur þeirri
gríðarlegu markaðshlutdeild sem
fyrirtækið hafði áður en fyrirtæki
eins og Tal og Íslandssími hófu að
sækja í sig veðrið á þessum markaði.
Það er í raun og veru ótrúlegt að
hlusta á þingmenn Sjálfstæðis-
flokksins og aðra básúna um það í
fjölmiðlum að hið opinbera (borgin)
eigi ekki að standa í rekstri á fyr-
irtæki eins og Lína.net en á sama
tíma á ríkið 51% eignarhlut í fyrir-
tæki sem er í harðvítugri beinni sam-
keppni við tvö fjarskiptafyrirtæki
sem hafa skotið rótum á farsíma-
markaðnum og í samkeppni við
fjölda annarra fyrirtækja á sviði
gagnaflutninga og annarrar há-
tækniþjónustu. Borgin á ekki að
standa í rekstri á þessum markaði og
ríkið ekki heldur. Við viljum trúa að
með hverjum deginum sem líður
séum við að nálgast drauminn um
hið fullkomna hagkerfi en það hlýtur
að vera óskhyggja meðan ríkið á
ennþá ráðandi meirihluta í þjónustu-
fyrirtæki og á í erfiðleikum með að
losa sig við minnihlutann!
Móðgun
Það er hrein og bein móðgun við
þegna þessa lands að ríkisstjórnin
með Sturlu Böðvarsson samgöngu-
ráðherra í broddi fylkingar hafi ekki
undirbúið skútuna betur undir ferð-
ina til fyrirheitna landsins. En það er
samt jákvætt að það hafi verið stefna
ríkisstjórnarinnar frá byrjun að
einkavæða fyrirtækið og maður get-
ur hreinlega ekki hugsað þá hugsun
til enda ef afturhaldsseggirnir í VG
sem eru á móti einkavæðingu fyrir-
tækisins hefðu farið með völdin í
landinu.
ÞORBJÖRN ÞÓRÐARSON,
nemi í Verzlunarskóla Íslands og
félagi í Heimdalli f.u.s. í Reykjavík.
Sóðaskapur
um Símann?
Frá Þorbirni Þórðarsyni: