Morgunblaðið - 09.02.2002, Blaðsíða 18
ÁRBORGARSVÆÐIÐ
18 LAUGARDAGUR 9. FEBRÚAR 2002 MORGUNBLAÐIÐ
Á NÆSTU vikum verður komið
upp færanlegu fartölvuveri í Fjöl-
brautaskóla Suðurlands með átta
fartölvum sem kennarar geta
bókað og haft með sér í tíma.
„Þetta er nýjung í skólastarfinu
en hugmyndin er að nýta þennan
litla fartölvuvagn sem tæki í
hópavinnu en upplýsingatæknin
er tilvalin til að efla slíka þætti í
skólastarfinu,“ sagði Sigurður
Sigursveinsson, skólameistari
Fjölbrautaskóla Suðurlands.
Hann sagði einnig að þótt
margir nemendur væru með sínar
eigin fartölvur væru hinir mun
fleiri sem ekki væru með slík
tæki. Mikil þróunarvinna hefur
verið í skólanum í tölvumálum en
í vor lýkur svokölluðu þróunar-
skólaverkefni í þeim efnum og í
sumar munu liggja fyrir skýrslur
um mat á árangri verkefnisins.
Innan skólans er umræða í gangi
um hvað taki við á þessu sviði.
Fjöldi nemenda er mikill í skól-
anum, alls 754, sem er mesti
fjöldi á vorönn hingað til, áður
hafa nemendur verið flestir 686
en það var á vorönn 2000. „Það
er mikið púsluspil að koma þess-
um fjölda fyrir í húsum skólans
en það hefur þó tekist. Forsenda
þess er að samkomusalurinn er
nú mikið notaður til kennslu, m.a.
til kennslu stórra námshópa – á
haustönninni var þarna t.d. 75
manna hópur sem þrír kennarar
sinntu. Hvað framtíðina varðar
ætti að skýrast á næstunni hvort
leyfi fæst fyrir hestabraut við
skólann í samvinnu við Íslenska
reiðskólann á Ingólfshvoli.
Reyndar er einn valáfangi kennd-
ur þar núna með svipuðum hætti
og á sl. vorönn,“ sagði Sigurður
skólameistari
Undirbúningur að byggingu
íþróttahúss við Fjölbrautaskólann
hefur staðið í ríflega eitt ár. Sig-
urður sagði að hvað íþrótta-
húsmálið varðaði væri reynt að
þoka því áfram. „Það verður
fundað um málið í næstu viku –
það þyngir heldur róðurinn að
uppi eru hugmyndir um breytta
verkaskiptingu ríkis og sveitarfé-
laga sem m.a. fela í sér að bygg-
ing húsnæðis framhaldsskóla
verði alfarið í höndum ríkisins.
Eigi að síður er staðfastur vilji
allra aðila að húsið verði byggt
sem allra fyrst,“ sagði Sigurður
Sigursveinsson skólameistari.
Færanlegt fartölvuver og
íþróttahús í undirbúningi
Morgunblaðið/Sig. Jóns
Sigurður Sigursveinsson skólameistari í tölvustofunni.
Selfoss
MIKIL fjölgun lánþega og útlána í
Bókasafninu í Hveragerði bendir
til aukins bóklestrar í Hveragerði.
Þetta kemur fram þegar rýnt er í
tölur síðustu ára. Uppgjör ársins
2001 sýnir að frá árinu 1998, áður
en safnið flutti, jókst meðaltal út-
lána á dag um 115,4%. Á sama tíma
fjölgaði lánþegum um 167%. Safn-
kort, sem flest eru heimiliskort, ár-
ið 1998 voru alls 255 en árið 2001
voru þau orðin 608; aukning um
138,4%, og enn virðist ekkert lát á
bókaáhuga Hvergerðinga. Þegar
janúar þessa árs er borinn saman
við janúar í fyrra kemur í ljós að
útlán jukust um 15,5% og heildar-
gestafjöldi jókst um 36,7%.
Í maí 1999 flutti bókasafnið í
glæsilegt húsnæði í Austurmörk 2
þar sem aðstaða öll og aðgengi er
til sóma. Hlíf Arn-
dal, forstöðumaður
safnsins, leggur
áherslu á að bóka-
safnið eigi að vera
miðstöð upplýs-
inga, fróðleiks og
skemmtunar. Þar
sé ekki einungis
hægt að fá lánaðar
bækur. Fólk kem-
ur og getur grúsk-
að í ró og næði, set-
ið og spjallað, kíkt í
dagblöð og tímarit.
Þá geta safngestir nýtt sér tölvur
safnsins til ritvinnslu, heimildaleit-
ar á veraldarvefnum og til að skoða
póstinn sinn.
Bryddað hefur verið upp á ýms-
um nýjungum bæði fyrir unga og
aldna. Á miðvikudögum kl. 13.30
koma yngstu safngestirnir með
foreldrum sínum, hlýða á sögur og
föndra eða spila. Rithöfundar hafa
komið í heimsókn og lesið upp úr
verkum sínum. Hvergerðingar
hafa lesið úr eftirlætisritverkum
sínum. Á bangsadaginn koma allir
með bangsann sinn og árlega tekur
bókasafnið þátt í „norrænni bóka-
viku“ ásamt „viku bókarinnar“
sem haldin er í tengslum við af-
mæli Halldórs Laxness. Í ár verð-
ur vika bókarinnar tileinkuð
barnabókmenntum.
Um síðustu páska gátu gestir
sundlaugarinnar í Laugaskarði
lesið ljóð í heitu pottunum meðan
þeir létu þreytuna líða úr sér.
Nefndist uppátækið „Perlur í pott-
inum“ og líkaði vel.
Ýmis félagasamtök hafa fengið
inni á bókasafninu með fundi. Má
þar nefna Sjálfsbjörgu, félag fatl-
aðra, sem hefur fundað þar vegna
góðs aðgengis fyrir alla.
Athugasemdir gesta
Ýmsar skemmtilegar athuga-
semdir hafa heyrst um bókasafnið,
eins og: „Við höfum aldrei lesið
eins mikið hjónin eins og eftir að
við fluttum í Hveragerði. Safnið er
svo aðgengilegt og gott að finna
bækurnar.“ Eða: „Dóttir mín sagð-
ist vera búin að finna einn stað í
Hveragerði þar sem hægt er að
slappa af – það væri bókasafnið.“
Og einn þriggja ára sagði um leið
og hann kjagaði út með bókina sín í
poka: „Þetta er sko uppáhalds-
bókasafnið mitt.“
Ýmsir vinir safnsins hafa fært
því bækur að gjöf. Þeirra vegleg-
asta verður að telja hluta af bóka-
safni Indriða G. Þorsteinssonar
sem synir hans færðu safninu að
honum látnum. Ekki er ennþá búið
að skrá safnið en það verður gert
þegar tölvuskráningin heldur inn-
reið sína.
Á fundi bókasafnsnefndar í
fyrra fæddist sú hugmynd að fá
einn listamann í mánuði til að sýna
verk sín á safninu. Hrönn Walters-
dóttir leirlistarkona reið á vaðið og
var apríllistamaður safnsins 2001.
Síðan hefur hver sýningin annarri
skemmtilegri komið upp í safninu.
Þeir listamenn sem hafa sýnt eru
tengdir Hveragerði á einhvern
hátt; búa í Hveragerði, hafa búið í
Hveragerði eða dvalið í lista-
mannahúsi Hveragerðisbæjar.
Fyrstur til að sýna verk sín á
þessu ári var Örvar Árdal Árna-
son, fæddur á Ísafirði 1974 en hef-
ur búið í Hveragerði í rúmlega
tuttugu ár. Hann sýndi olíumál-
verk sem vöktu mikla athygli.
Febrúarlistamaðurinn verður
Hans Christiansen, innfæddur
Hvergerðingur og landsþekktur
fyrir fallegar vatnslitamyndir,
myndefni sitt sækir hann í náttúr-
una, atvinnu og borgarlíf. Hans
sótti námskeið í Myndlistarskólan-
um í Reykjavík, Myndlista- og
handíðaskólanum og Akademiet
for fri og merkantil kunst í Kaup-
mannahöfn. Hans hefur haldið 35
einkasýningar á verkum sínum
víðs vegar um land og að auki hef-
ur hann verið með opnar vinnu-
stofur í Reykjavík og Hveragerði.
Einnig hefur hann haldið mynd-
listarnámskeið og þá aðallega í
meðferð vatnslita, núna stendur
yfir námskeið, á vegum eldri borg-
ara í Hveragerði, undir stjórn
Hans.
Framtíðardraumar
En hverjir eru framtíðardraum-
ar til handa bókasafninu. Þessu
svarar Hlíf.
„Það er fyrst og fremst tenging
safnsins í sameiginlegt landskerfi
bókasafna, þar sem safngögn
flestra bókasafna á landinu verða
tengd saman í einn sameiginlegan
gagnagrunn. Þá verða útlánin hér
líka tölvuskráð og það sparar
mikla pappírsvinnu og útreikn-
inga. En þetta verður heilmikil
vinna og verður ekki að veruleika
fyrr en á næsta ári. Svo langar
okkur auðvitað alltaf til að sjá
fleira fólk hér á safninu og viljum
gera okkar besta til að útvega fólki
það efni sem það vantar,“ segir for-
stöðumaður safnsins að lokum.
Bókasafnið
vinsælt og
lestur eykst
Hveragerði
Hans Christianssen við eitt verka sinna.
Morgunblaðið/Margrét Ísaksdóttir
Örvar Árdal Árnason við eitt
verka sinna, þegar hann var
að taka niður sýninguna.
BARNASKÓLINN á Eyrarbakka
og Stokkseyri er elsti samfellt
starfandi barnaskóli á Íslandi og
hefur í ár starfað í 150 ár, fyrsta
skólasetningin var 25. október
1852. Við skólann stunda 160 nem-
endur frá Eyrarbakka og Stokks-
eyri nám, í tíu bekkjardeildum.
Þeim yngri, 1.–5. bekk, er kennt á
Stokkseyri og 6.–10. bekk á Eyr-
arbakka. Auk þess eru verkgrein-
ar kenndar á Stokkseyri en íþrótt-
ir á Eyrarbakka.
Skólarnir á Eyrarbakka og
Stokkseyri voru sameinaðir aftur
eftir langan aðskilnað árið 1997,
m.a. til að koma til móts við kröfur
nýrrar aðalnámskrár. Þannig náð-
ust heilar bekkjardeildir í hverjum
árgangi og betri nýting mannauðs.
Í dag er hér rekið metnaðarfullt
skólastarf undir merkjum upplýs-
ingatækni og mannræktar. Skólinn
er einn af þremur þróunarskólum í
upplýsingatækni á grunnskólastigi
í landinu. Hann er þátttakandi í
ýmsum samstarfsverkefnum milli
Norðurlandanna og á Evrópuvísu.
Samningur
heimilis og skóla
Nemendasamningar, þ.e. sátt-
máli eða skjalfest samkomulag
milli heimilis, skóla og nemandans
um velferð hans í starfi og leik,
eru nú gerðir við alla nemendur
skólans.
Í næstu viku hefjast hátíðahöld
vegna afmælisársins. Þá verður
þemavika í skólanum og þemað er
að sjálfsögðu „150 ára skóli“. Þá
viku er hefðbundin stundaskrá
lögð til hliðar og afraksturinn
verður til sýnis fyrir gesti og
gangandi á öskudag, miðvikudag-
inn 11. febrúar, frá kl. 11:00 í báð-
um þorpum. Skólastjóri Barna-
skólans á Eyrarbakka og
Stokkseyri er Arndís Harpa Ein-
arsdóttir.
150 ára afmæli
Eyrarbakki
HREPPSNEFND Hraungerðis-
hrepps ákvað á fundi sínum 6. febr-
úar að fresta öllum áformum um
sameiningu við Árborg og sam-
þykkti að draga fulltrúa sína úr
samninganefnd sem hafði verið
skipuð. Hreppsnefndin telur of
stuttan tíma til sveitarstjórnar-
kosninga svo vinna megi að samein-
ingu með farsælum hætti. Vill
nefndin að stefnt verði að því að
vinna að málinu með markvissum
hætti á næsta kjörtímabili sveit-
arstjórnanna.
Áður höfðu sveitarfélögin ákveðið
að stefna að sameiningarkosningu
23. mars. Í bæjarráði Árborgar var
þessi ákvörðun hreppsnefndar
Hraungerðishrepps kynnt á fundi
ráðsins á fimmtudagsmorgun.
Hætta við
sameiningu
við Árborg
Selfoss