Morgunblaðið - 20.03.2002, Qupperneq 12

FRÉTTIR
12 MIÐVIKUDAGUR 20. MARS 2002 MORGUNBLAÐIÐ
INGVAR Jóhannsson,
fyrrverandi fram-
kvæmdastjóri, lést á
heimili sínu í Reykjavík
mánudaginn 18. mars
sl.
Ingvar fæddist í
Reykjavík 26. maí árið
1931. Hann var sonur
hjónanna Jóhanns O.
Jónssonar vélstjóra og
Þuríðar D. Hallbjörns-
dóttur. Ingvar ólst upp
í Reykjavík og þar út-
skrifaðist hann sem
vélfræðingur frá Vél-
skólanum í Reykjavík árið 1954 og
vann ýmis störf til sjós og lands þar til
hann tók þátt í stofnun Keflavíkur-
verktaka hf. árið 1957. Þá varð hann
framkvæmdastjóri J.P.K. til ársins
1999. Hann sat í hreppsnefnd Njarð-
víkur um árabil og varð fyrsti forseti
bæjarstjórnar Njarð-
víkur. Ingvar var í
stjórn Sjálfstæðisfélags
Njarðvíkur frá 1970,
formaður fulltrúaráðs
Gullbringusýslu 1965–
1969, varaþingmaður
Sjálfstæðisflokksins í
Reykjaneskjördæmi
1971–1978 og tók sæti á
þingi 1971 og 1976.
Ingvar var stofnfélagi
í Lionsklúbbi Njarðvík-
ur, átti sæti í stjórn
Landssambands iðnað-
armanna 1967–1973 og
sat í stjórn Útflutningsmiðstöðvar
iðnaðarins frá 1971.
Hinn 16. júní 1953 kvæntist Ingvar
eftirlifandi konu sinni, Sigríði Höllu
Einarsdóttur hárgreiðslumeistara.
Halla og Ingvar eignuðust fjórar dæt-
ur.
Andlát
INGVAR
JÓHANNSSON
RAFORKUNOTKUN á Íslandi hef-
ur aukist mikið síðustu árin, aðallega
vegna eflingar orkufreks iðnaðar.
Almenn notkun hefur einnig vaxið
talsvert og nú er svo komið að Ís-
lendingar eiga heimsmet í raforku-
notkun á hvern íbúa. Hver Íslend-
ingur notaði á síðasta ári 28.200
kílówattstundir af raforku.
Þetta kemur fram í nýrri saman-
tekt Orkuspárnefndar sem er sam-
starfsvettvangur Fasteignamats rík-
isins, Hagstofunnar, Hitaveitu Suð-
urnesja, Landsvirkjunar, Orku-
stofnunar, Orkuveitu Reykjavíkur,
Rafmagnsveitna ríkisins, Samorku
og Þjóðhagsstofnunar.
Orkuspárnefnd gefur á hverju ári
út spá um raforkunotkun lands-
manna og á um fimm ára fresti er
spáin endurskoðuð frá grunni og birt
í ítarlegu riti.
Aukna notkun má helst rekja
til uppbyggingar stóriðju
Árið 2001 nam raforkuvinnsla á
landinu samtals 8.028 gígawatt-
stundum (GWh) og hafði þá aukist
um 4,5% frá árinu áður. Raforku-
notkun stóriðjuveranna nam 4.955
GWh, en almenn notkun 2.825 GWh.
Aukningu í raforkunotkun hér á
landi síðustu árin má að stærstum
hluta rekja til þeirrar uppbyggingar
stóriðju sem átt hefur sér stað síð-
ustu fimm ár. Þar kemur til stækkun
álvers Ísals og járnblendiverksmiðj-
unnar á Grundartanga auk álvers
Norðuráls sem byggt var í tveimur
áföngum. Raforkunotkun stóriðj-
unnar hefur þannig tvöfaldast und-
anfarin fimm ár. Fyrir 1997 hafði
hins vegar lítil aukning orðið í stór-
iðjunni síðan rekstur Íslenska járn-
blendifélagsins hófst á Grundar-
tanga 1979.
Á höfuðborgarsvæðinu hefur
aukning almennrar raforkunotkunar
síðustu fimm árin verið tvöfalt örari
en á landinu í heild. Á höfuðborg-
arsvæðinu hefur vöxturinn verið
4,7% á ári, en til samanburðar var
aukningin á landinu í heild 2,4% á
ári. Einungis á Vestfjörðum hefur
notkunin minnkað á tímabilinu.
Samantekt Orkuspárnefndar um orkunotkun árið 2001

 










 




    


 
 
 


  
      
  


Raforkunotkun lands-
manna á uppleið
F-LISTI frjálslyndra og óháðra
kynnti í gær framboðslista sinn fyrir
borgarstjórnarkosningarnar í vor og
lagði fram stefnuskrá. Ólafur F.
Magnússon, læknir og borgarfulltrúi,
leiðir listann og á blaðamannafundi í
gær sagði hann framboðið leggja ríka
áherslu á heilbrigðis- og velferðar-
mál. Þannig væri sýndur stuðningur í
verki við baráttu aldraðra og öryrkja
og skýr tengsl mynduð við velferðar-
þjónustuna, sem væri „afar rýrt hjá
stóru framboðunum“. Vísaði hann þar
til Reykjavíkurlistans og Sjálfstæðis-
flokksins.
Í stefnuskrá F-listans eru taldir
upp fimm meginþættir. Í fyrsta lagi
eru það velferðarmálin. Sérstaklega á
að sinna málefnum sjúkra, aldraðra,
öryrkja og barnafjölskyldna, m.a.
með því að tryggja lægri þjónustu-
gjald og aukið framboð á ódýru hús-
næði. F-listinn vill að uppbyggingu
heilsugæslunnar í borginni verði
hraðað, einkum í Voga- og Heima-
hverfi og úthverfum borgarinnar.
Gera á átak í ferlimálum fatlaðra og
verja merkt bílastæði þeirra.
Ábyrgð hvers íbúa ein milljón
vegna Kárahnjúkavirkjunar
Í öðru lagi eru það umhverfismálin.
Minnt er á að F-listinn sé eina fram-
boðið sem sé andvígt þátttöku
Reykjavíkurborgar í Kárahnjúka-
virkjun með 45% eignaraðild í Lands-
virkjun. Bent er á að borgin skuldsetji
sig umfram heildareignir og ábyrgð
Reykvíkinga „í þessu fjárhættuævin-
týri“ sé ein milljón kr. á hvern íbúa
borgarinnar.
Í þriðja lagi er áhersla lögð á skipu-
lags- og samgöngumál og vill F-list-
inn að sameiningu sveitarfélaganna á
höfuðborgarsvæðinu verði flýtt eins
og kostur er. Þar taki sveitarfélögin
fullt tillit hvert til annars og heildar-
hagsmuna, eins og t.d. á útivistar-
svæðunum við Elliðavatn og Nes-
stofu. Listinn leggur áherslu á
flýtingu Sundabrautar og byggðar
meðfram strandlengjunni og vill efla
almenningssamgöngur. Þá vill F-list-
inn þétta byggðina og byggja upp
þekkingarsamfélag á svæðinu milli
Landspítalans og Háskóla Íslands.
Í fjórða lagi er sérstök áhersla lögð
á umferðaröryggi og aukna löggæslu.
Fjölgun göngubrúa yfir umferðaræð-
ar og átak til að tryggja öruggar
gönguleiðir í borginni hafi þar for-
gang. Brýnt sé að fjölga mislægum
gatnamótum með sérstakri áherslu á
mót Miklubrautar og Kringlumýrar-
brautar. Listinn vill að lögreglan
verði sýnilegri í umferðinni og á göt-
um borgarinnar. „Áhersla er lögð á
breytta forgangsröðun í þágu þessara
verkefna fremur en gæluverkefna
stjórnmálamanna og hvers kyns
bruðls hjá hinu opinbera eins og birt-
ist með skýrum hætti í milljarðafjár-
festingum í sendiráðum,“ segir m.a. í
stefnuskránni.
Vilja ábyrga fjármálastjórn
Í fimmta lagi leggur framboðið
áherslu á fjármál borgarinnar. Aukin
yfirbygging sé skattgreiðendum dýr
og hana þurfi að minnka. Fjárfesting-
ar borgarinnar í Línu.net eru sagðar
ámælisverðar. Þá leggst framboð
frjálslyndra og óháðra gegn einka-
væðingu Orkuveitu Reykjavíkur og
varar við því að fleiri „auðlindir al-
mennings“ komist í hendur fárra.
Skuldasöfnun borgarinnar er sögð
áhyggjuefni, listinn vill ábyrga fjár-
málastjórn en viðurkennir þó að hluti
af þessari söfnun skulda sé vegna arð-
bærra fjárfestinga OR, t.d. á Nesja-
völlum.
Stefnuskrá F-lista frjálslyndra og óháðra vegna borgarstjórnarkosninganna
Rík áhersla verður lögð á heil-
brigðis- og velferðarmálin
MORGUNBLAÐINU hefur borist
eftirfarandi athugasemd:
„Fimmtudaginn 14. mars s.l.
gekk í Hæstarétti dómur sem
heimilaði Öryrkjabandalagi Ís-
lands aðgang að minnisblaði sem
fjórir embættismenn sömdu fyrir
ríkisstjórnina þann 22. desember
2000. Blaðið var lagt fyrir rík-
isstjórnarfund þennan sama dag,
er við undirritaðir vorum skipaðir
í starfshóp með því verkefni að
greina, hvernig bregðast ætti við
dómi Hæstaréttar 19. desember
2000 í máli bandalagsins gegn ís-
lenska ríkinu. Í þeim dómi hafði
tiltekinn háttur á ákvörðun bóta til
öryrkja í hjúskap verið talinn and-
stæður stjórnarskránni.
Eftir að Öryrkjabandalag Ís-
lands fékk minnisblaðið í hendur
hafa talsmenn þess farið mikinn á
opinberum vettvangi og talið, að í
blaðinu fælust fyrirmæli ríkis-
stjórnarinnar til starfshópsins um,
hver verða ætti niðurstaðan af at-
hugun hans, að því er virðist í því
skyni, að öryrkjar fengju ekki not-
ið þess réttar, sem fólst í dómi
Hæstaréttar.
Þessi málatilbúnaður er að
sjálfsögðu alveg út í hött. Starfs-
hópurinn fékk það verkefni að
greina hvað í dóminum fælist og
hvernig bregðast bæri við honum
með löggjöf og greiðslum til ör-
yrkja til þess að mæta kröfum
dómsins. Það er eins og talsmenn
Öryrkjabandalagsins telji nú, að
ríkisstjórnin hafi viljað fá niður-
stöðu, sem áfram bryti í bága við
stjórnarskrána, líklega þá til að
tapa öðru dómsmáli sem höfðað
yrði í framhaldinu. Þessi málflutn-
ingur dæmir sig alveg sjálfur.
Staðreyndir málsins eru þær,
að minnisblaðið var samið fyrir
ríkisstjórnarfund til að auðvelda
ráðherrum að átta sig á meginefni
dóms Hæstaréttar og úrræðum til
að bregðast við honum. Í blaðinu
fólust engin fyrirmæli um eitt eða
neitt, eins og allir menn sjá sem
lesa það. Verkefni starfshópsins
var að greina hvað í dóminum fæl-
ist og hvað þyrfti að gera til að
uppfylla stjórnskipulegar kröfur
til lagareglna á þessu sviði.
Skýrsla hópsins greinir verkefnið
og færir svo fram ítarlegan lög-
fræðilegan rökstuðning fyrir nið-
urstöðunum. Tilgangurinn með
þessu starfi var vitaskuld að verða
við öllum kröfum sem í dómnum
fólust. Málið er ekki flóknara en
þetta.“
Reykjavík, 19. mars 2002.
Jón Steinar Gunnlaugsson hrl.
Jón Sveinsson hrl.
Baldur Guðlaugsson
ráðuneytisstj.
Þórir Haraldsson
lögfræðingur.
Athugasemd
FRAGTSKIP frá Tallin
í Eistlandi sigldi tvisvar
sinnum á löndunar-
bryggju við Strandberg
á Seyðisfirði á sunnudag
og rauf 2–3 metra
breiða geil í bryggjuna
og sigldi auk þess inn í
síldar- og loðnufrysti-
hús Strandbergs og
rauf gat á húsið. Talið er
að tjónið í heild nemi um
5 milljónum króna.
Drög að ábyrgðaryfir-
lýsingu hafa komið fram
af hálfu tryggingafélags
skipsins.
Bilun í bakkgír skips-
ins er talin hafa orsakað óhappið en
skipið var að leggjast bryggju þegar
atvikið henti.
Skemmdirnar á bryggjunni munu
ekki hafa áhrif á starfsemi við hana
enda er loðnu- og síldarfrystingu
lokið. Hafist verður handa við við-
gerðir fljótlega, bæði á bryggu og
húsi.
Skipið er 5–600 tonna fragtskip,
um 55 metra langt og var að lesta
frysta loðnu þegar óhappið varð.
Sigldi inn í bryggju og
frystihús á Seyðisfirði
Ljósmynd/Helgi Einarsson
Talið er að bilaður bakkgír hafi valdið því að
skipið sigldi á bryggjuna og húsið.
SÝSLUMAÐURINN í Reykjavík
hafnaði í gær kröfu aðstandenda
keppninnar Ungfrú Ísland.is um að
sett verði lögbann á heimildarmynd-
ina „Í skóm drekans“. Í henni er
fjallað um þátttöku Hrannar Sveins-
dóttur í keppninni árið 2000. Að sögn
Ingvars Haraldssonar, fulltrúa hjá
sýslumanni, þóttu ekki lagaskilyrði til
lögbanns. Aðstandendur keppninnar
hafa ákveðið að áfrýja úrskurði sýslu-
manns til Héraðsdóms Reykjavíkur
en framleiðendur myndarinnar fagna
niðurstöðu sýslumanns.
Ásta Kristjánsdóttir, fram-
kvæmdastjóri Ungfrú Ísland.is, sagði
við Morgunblaðið að strax hefði verið
tekin sú ákvörðun að skjóta ákvörðun
sýslumanns til héraðsdóms. Greinar-
gerð yrði skilað þangað innan viku.
„Þetta mál er rétt að byrja. Báðir
aðilar hefðu áfrýjað niðurstöðu sýslu-
manns, á hvorn veginn sem hún hefði
farið. Við ætlum ekkert að gefast
upp,“ sagði Ásta og minnti á að ekki
aðeins aðstandendur keppninnar
væru ósáttir við heimildarmyndina,
heldur keppendur einnig. Að hennar
sögn snerist lögbannskrafan einkum
um þrennt. Í fyrsta lagi hvort hver
sem væri hefði heimild til að taka
myndir án samþykkis, og það á vett-
vangi sem annar aðili hefði einkarétt
á, og í öðru lagi hvort heimilt væri að
birta myndir af fólki án þess að það
samþykkti myndbirtinguna. Sá hluti
kæmi inn á friðhelgi einkalífsins. Hún
sagði að í þriðja lagi væri um brot á
höfundarrétti að ræða, þar sem Stöð 2
hefði einkarétt á sýningu frá keppn-
inni.
Ásta sagði að þrátt fyrir ítrekaðar
beiðnir hefðu hvorki hún né aðrir í
kringum Ungfrú Ísland.is fengið að
sjá heimildarmyndina.
Myndin sýnd fyrir
kvikmyndafólk
Böðvar Bjarki Pétursson, einn
framleiðenda heimildarmyndarinnar,
ásamt Hrönn og Árna Sveinsbörnum,
sagði í samtali við blaðið fagna
ákvörðun sýslumanns.
Að sögn Böðvars Bjarka var vinnu-
eintak af heimildarmyndinni sýnt á
mánudag fyrir stjórnir samtaka kvik-
myndagerðarmanna hér á landi. Þar
hefðu menn m.a. lýst þeirri afstöðu
sinni að fróðlegt yrði að málið færi
fyrir dómstóla. „Við fengum góð við-
brögð við myndinni og samtök kvik-
myndagerðarmanna eru tilbúin að
styðja okkur í yfirvofandi málaferl-
um. Við erum með góða samvisku,
enda ekki að gera nokkrum manni
mein, hvorki keppendum né aðstand-
endum,“ sagði Böðvar Bjarki.
Lögbanni hafnað
á sýningu myndar
um Ungfrú Ísland.is
Synjun
sýslumanns
áfrýjað