Morgunblaðið - 23.04.2002, Blaðsíða 15

MORGUNBLAÐIÐ ÞRIÐJUDAGUR 23. APRÍL 2002 15
ANNAÐ kvöld kl. 18–22 verður
Hafnfirðingum boðið að taka þátt í
vinnufundi, svokallaðri Fjarðarvakt,
í Setbergsskóla þar sem aðferðir
íbúaþings verða notaðar.
„Með Fjarðarvakt gætum við að
því hvernig við eflum kosti Hafnar-
fjarðar, ekki síður fyrir afkomendur
okkar en okkur sjálf,“ segir í frétt frá
Hafnarfjarðarbæ. Tilgangur fundar-
ins er að endurskoða og útvíkka
Staðardagskrá 21 sem er áætlun
sveitarfélagsins um sjálfbæra þróun
á 21. öldinni. Þar skal þess gætt að
núlifandi kynslóðir rýri ekki mögu-
leika og lífsskilyrði afkomenda sinna.
Þetta er þriðji fundur Fjarðar-
vaktar en þeir hafa verið haldnir ár-
lega. „Þetta er vettvangur íbúa og at-
vinnulífs til að taka þátt í mótun
hafnfirsks samfélags til framtíðar,“
segir í fréttinni. „Ef þú vilt vita
hvernig skórinn passar, spurðu þá
þann sem gengur í honum, en ekki
þann sem framleiddi hann.“ Því er
leitað eftir sjónarmiðum Hafnfirð-
inga um mótun bæjarins. Boðið verð-
ur upp á veitingar í matarhléi.
Kostir
Hafnarfjarð-
ar efldir
Hafnarfjörður
Í GÆR komu 15 áhugasamir einstak-
lingar saman á fundi til að ræða stofn-
un félags eldri borgara í Mosfellsbæ.
Fundurinn var haldinn í þjónustumið-
stöð aldraðra við Hlaðhamra. Til
fundarins var boðað að tilstuðlan fé-
lagsmálasviðs Mosfellsbæjar.
Ólafur Gunnarsson, formaður fé-
lagsmálanefndar, setti fundinn og
kynnti tildrög hans. Markmið og hlut-
verk hliðstæðra félaga í Reykjavík,
Kópavogi og Árborg voru kynnt.
Stefnt er að því að halda stofnfund
n.k. haust og í undirbúninghóp voru
valin þau Davíð Guðmundsson, Hulda
Sigurjónsdóttir, Jón Vigfússon, Leif-
ur Kr. Jóhannesson, María Gísladótt-
ir, Paul Hansen og Sverrir Guðvarð-
arson.
Stofnun félags
eldri borgara í
undirbúningi
Mosfellsbær
FJÁRFRAMLÖG til grunnskóla
Garðabæjar hafa aukist ár frá ári frá
því að rekstur skólanna færðist frá
ríki til sveitarfélaga árið 1996. Á síð-
ustu fjórum árum, þ.e. 1998–2002,
hefur nemendum í grunnskólum
Garðabæjar fjölgað um 12,4% en
rekstrarfé til grunnskóla hefur á
sama tíma aukist að raunvirði um
65%. Fjárframlög á hvern nemanda
hafa á þessum árum hækkað um
47%, úr 306 þúsund krónum í 450
þúsund. Í frétt frá Garðabæ segir að
helstu ástæður þessarar hækkunar
séu fjölgun stöðugilda, kjarasamn-
ingar kennara og rekstrarkostnaður
vegna hugbúnaðar og tækja.
Fjárframlag
á hvern nem-
anda hækkar
um tæp 50%
Garðabær
Málarar - Múrarar - Píparar - Smiðir
Dúkarar - Rafvirkjar - Ræstitæknar
Til þjónustu reiðubúnir!
Eitt númer - 511 1707
www.handlaginn.is
handlaginn@handlaginn.is
♦ ♦ ♦
♦ ♦ ♦