Morgunblaðið - 23.04.2002, Blaðsíða 20

VIÐSKIPTI/ATHAFNALÍF
20 ÞRIÐJUDAGUR 23. APRÍL 2002 MORGUNBLAÐIÐ
FJALLASPORT hefur hafið mark-
aðssókn í Noregi fyrir breytta
jeppa en fyrirtækið sérhæfir sig í
hönnun og breytingum á fjór-
hjóladrifnum jeppum. Eigendur
Fjallasports segja þessháttar
breytingar á jeppum lítt þekktar í
Noregi og falla vel í kramið bæði
hjá almenningi og fyrirtækjum.
Reynir Jónsson og Steinar Sig-
urðsson, eigendur Fjallasports,
hafa allt frá árinu 1998 boðið upp
á breytingar á fjórhjóladrifnum
jeppum fyrir almenning. Breyting-
arnar felast einkum í því að sett
eru stærri dekk undir bílana, 31 til
44 tommu, stærri brettakantar og
ýmiskonar aukahlutir. Þeir segja
breytingar byggjast á langri hefð
á Íslandi. „Við erum að selja ís-
lenska hönnun og íslenska fram-
leiðslu. Íslendingar eru skrefi á
undan öðrum þjóðum þegar kem-
ur að breytingum á jeppum en
hugmyndin hefur enn sem komið
er ekki verið flutt mikið út. Það er
hinsvegar ekki svo ýkja langt síð-
an menn fóru að horfa á breyt-
ingar í líkingu við þær sem við
gerum. Það er mun lengra síðan
menn fóru að setja stór dekk undir
jeppa og fara á þeim á jökla eða
fjöll. Hinsvegar er ekki langt síðan
almenningur fór að sækja í
breytta jeppa. Þá skiptir útlitið
mun meira máli og við erum eink-
um að sækja inn á þann markað.“
Í mörgum tilfellum
spurning um lífsstíl
Fjallasport hefur nýverið komið
sér upp bækistöðvum í Drammen í
Noregi og segja þeir Reynir og
Steinar að breyttir jeppar af þessu
tagi falli vel í kramið hjá Norð-
mönnum. „Við flytjum út brettak-
anta, upphækkunarsett og fleira
sem framleitt er á Íslandi, en
breytum bílunum í Noregi. Þetta
eru hlutir sem hafa verið þróaðir á
Íslandi í gegnum tíðina. Við höfum
lagt mikla vinnu í að undirbúa
sókn á erlendan markað. Bílarnir
hafa farið í gegnum svokallaða
TUV-skoðun í Þýskalandi, þar sem
gerðar eru mjög strangar kröfur
um gæði og öryggi. Þar voru öll
vinnubrögð og útlit bílanna lofuð í
hástert og þeir standast alla þá
staðla og kröfur sem til slíkra bíla
eru gerðar. Við teljum okkur því
vera að selja mjög frambærilega
vöru sem á erindi við almenning
hvar sem er í heiminum.“
Norðmenn sjá ótal
möguleika í breyttum bílum
Fjallasport hefur nýverið und-
irritað samning við norska bílaum-
boðið DAF, sem m.a. selur Ssanyo-
ong jeppa í Noregi, um breytingar
á 70 bílum á tímabilinu frá 15. júlí
til 15. september nk. og 30 bílum
frá 15. september fram að áramót-
um. Auk þess er stefnt að því að
gera samskonar breytingar á 300
bílum á næsta ári. Auk þess hefur
Fjallasport hefur gert samning við
umboð Nissan, Ssanyoong,
Chervolet og Mitsubishi í Noregi
um að kynna viðskiptavinum þær
breytingar og þjónustu sem Fjalla-
sport býður upp á. Reynir og
Steinar segja þennan samning
hafa skipt höfuðmáli í markaðs-
sókn Fjallasports í Noregi. „Sölu-
menn þessara umboða skipta
hundruðum í Noregi og þeir
kynna allir þessa möguleika fyrir
viðskiptavinum sínum. Annars lít-
um við svo á að hver bíll sem við
breytum sé í raun akandi auglýs-
ing, því á bílunum sést best hvað
við erum að gera.“
Norðmenn hafa tekið bílunum
mjög vel að sögn þeirra félaga og
sjá ótal möguleika í notkun breytt-
ra bíla af þessu tagi. „Okkur hefur
alls staðar verið tekið mjög vel og
Norðmenn hafa verið ótrúlega
fljótir að koma auga á mögu-
leikana sem í breytingunum á bíl-
unum felast. Norðmenn sækja
mjög til fjalla í fríum sínum, enda
eru norskir fjallakofar hliðstæðir
íslensku sumarbústöðunum. Þar
eru hinsvegar víða slæmir vegir
og oft mikil ófærð. Á breyttum
jeppum komast þeir á áfangastað
án mikillar fyrirhafnar. Þetta er
líka spurning um lífsstíl. Fólk vill
vera á flottum og vel búnum bílum
auk þess sem mörgum finnast
stórir og háir bílar veita meiri ör-
yggistilfinningu í umferðinni.
Við höfum auk þess fengið fyr-
irspurnir frá norsku orkuveitunni
sem er mikið á ferðinni uppi á há-
lendi og hafa að sögn oft hreinlega
lent í því að brjóta bíla sína. Þeir
gætu komist hjá því þegar bílarnir
eru á stærri og mýkri dekkjum.
Eins vorum við nú að breyta bíl
fyrir björgunarfyrirtækið Viking í
Noregi, sem er bílabjörgunarfyr-
irtæki með útibú um allan Noreg
og hundruð bíla á sínum snærum.
Þeir sjá ýmsa mögulega í þessum
breyttu bílum. Við höfum auk þess
breytt bílum fyrir skíðasvæði í
Noregi sem hafa reynst mjög vel.“
Spennandi möguleikar
í Svíþjóð og Finnlandi
Þeir Reynir og Steinar segjast
síður en svo ætla að láta staðar
numið í Noregi og stefna að koma
útfærslum sínum á framfæri í öðr-
um löndum. Þeir segja að til dæm-
is sé spennandi markaður í Svíþjóð
og í Finnlandi. „Við teljum fram-
tíðarmöguleika þessa fyrirtækis
mjög mikla þegar tekið er tillit til
stærðar markaðarins í öðrum
löndum. Markaðurinn í Svíþjóð er
til að mynda tvöfalt stærri en í
Noregi. Þar eru miklir möguleikar
að okkar mati.“
Fjallasport tók þátt í sýningu sem haldin var í Ósló fyrir skömmu, sýningu sem aðeins var ætluð karlmönnum.
Norðmenn falla fyrir
breyttum jeppum
Fjallasport
hyggst hasla sér
völl í útflutningi á
breyttum jeppum
Morgunblaðið/Árni Sæberg
SÆPLAST hf. á Dalvík, ásamt
nokkrum öðrum íslenskum fyrir-
tækjum, hóf fyrir þremur árum
samstarf um þróun á eins konar ör-
flögum eða tölvuupplýsingakubbum
til þess að fella inn í kerin frá Sæ-
plasti. Þessi tækni hefur ekki áður
verið nýtt með þessum hætti í ís-
lenskum sjávarútvegi.
Fiskiðjan-Skagfirðingur á Sauð-
árkróki hefur á síðustu mánuðum
reynt þessa tækni um borð í Hegra-
nesi SK-2, ísfisktogara fyrirtækis-
ins. Stærðarflokkari frá Marel var
settur um borð í Hegranesið í maí
2001 og í kjölfarið var mögulegt að
reyna þennan nýja flögubúnað um
borð.
Í Hegranesinu eru 460 lítra ker
frá Sæplasti með áðurnefndum ör-
flögum. Hver flaga hefur ákveðið
númer og hún veitir upplýsingar um
þann fisk sem er í viðkomandi keri;
t.d. fisktegund, veiðislóð, veiðitíma
og stærðarflokk á fiskinum. Sér-
stakur aflestrarbúnaður frá Mari-
tech les upplýsingarnar af örflög-
unum og þær eru síðan sendar í
tölvupósti á hverjum morgni til út-
gerðar- og vinnslustjóra.
Þórir Matthíasson, sölustjóri hjá
Sæplasti hf., telur að þessi tækni sé
mikilvægur þáttur í að uppfylla
stöðugt auknar kröfur erlendra
kaupenda um rekjanleika sjávaraf-
urða. „Það er í raun hægt að velja
hvaða og hversu miklar upplýsingar
eru vistaðar í hverri flögu. Með
tölvupósti er unnt að senda allar
nýjustu upplýsingar um aflann til
lykilstjórnenda í landi og þar geta
menn fylgst nákvæmlega með því
hvaða fisk er verið að veiða úti á sjó
og í hvaða magni. Ef ástæða er til er
hægt að senda upplýsingarnar
áfram til fiskkaupenda eða annarra
sem þurfa á þeim að halda. Þegar
síðan fiskinum er landað er komið
fyrir nema á lyftaranum sem tekur
kerið. Neminn les þær upplýsingar
sem flagan í kerinu hefur að geyma
og þær birtast á litlum skjá á lyft-
aranum. Lyftaramaðurinn fær
þannig strax upplýsingar um inni-
hald kersins og ráðstafar því í sam-
ræmi við þær. Í móttökunni eru
sömuleiðis nemar sem lesa upplýs-
ingar úr flögunni og þannig er hægt
að fylgjast með öllu ferlinu, segir
Þórir Matthíasson.
Sæplast hf. verður með sýning-
arbás á sjávarútvegssýningunni í
Brussel í næstu viku og þar mun
fyrirtækið m.a. veita upplýsingar
um þessi nýju flöguker og þá mögu-
leika sem þau gefa.
Sæplast hf. á Dalvík
Unnið að þróun
flögukera
ALÞJÓÐLEGA matsfyrirtækið
Moody’s Investors Service hefur
breytt horfum í A3 / Prime 2 / C
lánshæfismati Landsbankans úr
„stöðugum í „jákvæðar. Í tilkynn-
ingu frá Landsbankanum kemur
fram að breytingin byggist m.a. á
endurskipulagningu samstæðunnar
sem leitt hefur til hagræðingar í
rekstri bankans, treyst rótgróna
ímynd hans sem og styrkt stöðu
hans í hinni hörðu samkeppni sem
ríkir meðal íslenskra banka. Breyt-
ingin endurspeglar einnig þá stað-
reynd að dótturfyrirtæki Lands-
bankans í Bretlandi, Heritable
Bank, hafði töluverð áhrif á heildar-
afkomu bankans á síðasta ári, sem
veldur því að betri áhættudreifing
hefur náðst í tekjustofnum bankans.
„Samkvæmt Moody’s byggist láns-
hæfismat Landsbankans sem fyrr á
traustum fjárhagslegum grunni,
sem hefur reynst bankanum vel –
við þær erfiðu efnahagslegu aðstæð-
ur sem ríkt hafa undanfarna tólf til
átján mánuði. Því var bætt við af
hálfu Moody’s að þótt lánveitingar
til sjávarútvegsins vægju hlutfalls-
lega þungt í heildarútlánum, sökum
mikilvægis þeirrar greinar í atvinnu-
lífi landsins, hefði Landsbankinn,
eins og reyndar aðrir íslenskir bank-
ar, gripið til virkra aðgerða á und-
anförnum árum til þess að draga úr
útlánavægi í þessari grein. Einnig
var tekið fram að eftir því sem fjöl-
breytni ykist í atvinnulífi landsins
með vaxandi vægi þjónustugreina,
álframleiðslu og hátækniiðnaðar,
væri hlutdeild sjávarútvegs í útlán-
um bankans smám saman að minnka
með samsvarandi hætti.
Framtíðarþróun varðandi láns-
hæfismat bankans mun markast að
verulegu leyti af áframhaldandi
hæfni bankans til þess að dafna við
ríkjandi óvissu í efnahagsmálum
sem einkennt hefur hið litla og opna
hagkerfi Íslands. Þótt dregið hafi úr
líkum á beinum efnahagslegum sam-
drætti, er allt eins víst að aðstæður
verði áfram erfiðar. Árangur Lands-
bankans í að auka enn hagræði í
rekstri sínum verður einnig mikil-
vægt atriði sem litið verður til þegar
mat verður lagt á bankann í framtíð-
inni, samkvæmt Moody’s,“ að því er
fram kemur í tilkynningu frá Lands-
bankanum.
Jákvæðar horf-
ur framundan
Moody’s endurskoðar
lánshæfismat Landsbankans