Morgunblaðið - 22.05.2002, Blaðsíða 8

Morgunblaðið/Helga Mattína
ÞAÐ lifnar ætíð yfir mönnum þegar nýr bát-
ur kemur til Grímseyjar. Að þessu sinni má
segja: Einn kemur þá annar fer, því eigendur
útgerðarfélagsins Bratta voru að skipta út
gamalli „Öldu“, sem var trébátur smíðaður
1951. Nýja Aldan er dagabátur með 23 veiði-
daga á fiskveiðiárinu og mun verða á hand-
færum í sumar.
Skipstjóri Öldunnar verður Sigfús Jóhann-
esson. Eigendur og skipstjóri eru bjartsýnir á
góða sumarveiði. Hann er hér ásamt eig-
endum Bratta, þeim Alfreð Garðarsyni, Svaf-
ari og Bjarna Gylfasonum og Gylfa Gunn-
arssyni.
Ný Alda
FRÉTTIR
8 MIÐVIKUDAGUR 22. MAÍ 2002 MORGUNBLAÐIÐ
„Sumarhúsið og garðurinn“
Ein stærsta
sýning ársins
Útgáfufyrirtækið Ritog rækt gengstfyrir „stórsýn-
ingu“ í og við íþróttamið-
stöðina að Varmá á næst-
unni. Yfirskriftin er „Sum-
arhúsið og garðurinn“.
Sýningarstjórnina skipa
Auður Ottesen og Páll Pét-
ursson eigendur Rits og
ræktar, Ágúst Pétursson
markaðsráðgjafi, Birna
Sigurðardóttir fram-
kvæmdastjóri og Þorbjörn
Árnason lögfræðingur.
Páll svaraði nokkrum
spurningum Morgunblaðs-
ins í tilefni af sýningunni.
„Sumarhúsið og garður-
inn“, hvað á að sýna, hvar,
hvenær og af hvaða tilefni?
„Stórsýningin Sumar-
húsið og garðurinn verður
haldin í íþróttamiðstöðinni í Mos-
fellsbæ dagana 31. maí til 2. júní
nk. og þar verður til sýnis á einum
stað allt það nýjasta í vörum og
þjónustu fyrir sumarhúsaeigend-
ur og garðeigendur. Tilefni þess-
arar sýningar er að „Sumarhúsið“
er tíu ára á þessu ári og þess
vegna ákváðum við að gefa fyr-
irtækjum í þessum geira kost á að
kynna sig fyrir garðeigendum í
landinu og þeim stóra hópi fólks
sem á sumarhús, eða langar til að
eignast sumarhús.“
Verður þetta alvöru „stórsýn-
ing“, þ.e.a.s. eru margir bókaðir
með sýningarsvæði?
„Já, við erum mjög ánægð með
viðtökur fyrirtækja og þetta virð-
ist ætla að verða ein af stærstu
sýningum á þessu ári hér á landi.
Yfir 70 fyrirtæki og stofnanir hafa
skráð sig, bæði stórir og smáir, og
erum við þá að tala um mörg
stærstu fyrirtækin hér á landi.
Þessi sýning spannar mjög vítt
svið eins og nafnið bendir til.“
Á hvað verður einkum lögð
áhersla?
„Við munum leggja áherslu á að
gera þessa sýningu skemmtilega
fyrir gesti og sýnendur. Meðal
annars verður boðið upp á
kennslu í gömlu góðu íslensku
leikjunum sem henta svo vel í
sumarbústaðinn, svo sem fallin
spýta, hlaupið í skarðið og fleiri
leiki sem allir geta tekið þátt í.
Fyrir þetta höfum við heilan
íþróttavöll, Varmárvöll, og nokkra
eldhressa íþróttakennara sem sjá
um að engum leiðist. Við vitum
líka að sumarhúsaeigendur og
garðeigendur þyrstir í fróðleik og
það verður bæði sýnt verklag í
steinhöggi, skrúðgarðyrkju og
blómaskreytingum og boðið upp á
stutta fyrirlestra þar sem gestir
geta komið og sest niður í 10-15
mínútur og hlustað á það sem vek-
ur áhuga þeirra. Fyrirlesarar
koma m.a. úr græna geiranum,
byggingariðnaðinum, frá Fugla-
verndarfélagi Íslands og Rauða
krossi Íslands.“
Nefndu okkur einhver dæmi
um skemmtilegar uppákomur á
sýningunni?
„Já, það er eitt sem
mér dettur strax í hug.
Einn sýningaraðili
verður með heila sund-
laug inni í sýningar-
salnum. Þetta er laug
sem er sex metra löng
og er hún með búnaði sem gerir
fólki kleift að synda án þess að
hreyfast úr stað. Ég býst fastlega
við því að þau bregði sér í laugina
og sýni gestum á sýningunni
hvernig hún virkar. Nú, svo er
fyrirtæki sem ætlar að sýna
hvernig jarðbor vinnur, og bora
holu á sýningarsvæðinu. Það er að
færast í vöxt að sumarhúsa-
eigendur eða einstök félög sum-
arhúsaeigenda láti bora eftir heitu
eða köldu vatni þar sem ekki er
auðvelt að nálgast það.“
Er búið að panta hjá veðurvætt-
unum?
„Aðstandendur sýningarinnar
eru búnir að liggja á bæn að und-
anförnu og við erum sannfærð um
að það gengur eftir að við fáum sól
og sumarveður þessa helgi. Nú, ef
það bregst, þá erum við Íslend-
ingar öllu vanir og kippum okkur
ekki upp við smárigningu.“
Er vitað hvað margir Íslending-
ar stunda sumarhús og garðrækt-
ina?
„Já, við vitum allavega með
nokkurri nákvæmni hversu marg-
ir sumarbústaðir eru í landinu því
að við gerðum könnun á því síð-
asta haust og kom þá í ljós að það
eru rúmlega 15 þúsund bústaðir,
þar af yfir 13 þúsund í eigu einka-
aðila. Þetta er mikill fjöldi og hef-
ur aukist hratt á undanförnum ár-
um. Við höfum líka fundið að það
eru margir að velta fyrir sér að
byggja bústað eða eru að taka við
bústað foreldra sinna og svo eru
alltaf þeir sem láta sig dreyma.
Svo er hitt með garðræktendur,
það er erfiðara að áætla þann
fjölda. Stór hluti þjóðarinnar hef-
ur aðgang að görðum og áhugi á
garðrækt er mikill og
okkur hefur sýnst að
upp úr fertugu kvikni
almennur áhugi.“
Er þetta einhver
sveifla eða tíska eða
viðvarandi áhugi?
„Ég tel að áhugi á sumarhúsum
sé að aukast. Þeim fjölgar alltaf
sem kjósa dvöl í sumarhúsum og
úti í náttúrunni fjarri skarkala
þéttbýlisins.
Fólk fer í bústaðinn til þess að
slaka á, hvíla sig frá amstri hvers-
dagsins og hlaða batteríin áður en
snúið er heim aftur og vinnan tek-
ur við.“
Páll Pétursson
 Páll Pétursson er fæddur 18.
desember 1959 á Litlu-Heiði í
Mýrdal. Stundaði nám við Sam-
vinnuskólann á Bifröst árin
1977-1980 og starfaði að mestu
við verslunar- og bankastörf til
ársins 1987 er hann fór í sjálf-
stæðan rekstur við bókhalds-
þjónustu. Keypti útgáfuréttinn
að Sumarhúsinu árið 1985. Páll
og eiginkona hans, Auður I.
Ottesen, stofnuðu síðan Rit og
rækt ehf. árið 1998 og gefa þau
út tímaritin Sumarhúsið og Við
ræktum, ásamt ferðakortum og
bæklingunum Veiðisumar og
Sundsumar. Páll á þrjú börn frá
fyrra hjónabandi, Áslaugu,
Guðna Pál og Fríðu Brá, en Auð-
ur á soninn Hálfdán Mörð Gunn-
arsson.
Upp úr fer-
tugu kviknar
almennur
áhugi
Nei, nei, strákar, það þýðir ekkert að bjóða upp á einhvern samning, og þið skuluð eiga
mig á fæti ef bilið á milli okkar verður minna en 5%.
GUÐMUNDUR Hallvarðsson, for-
maður sjómannadagsráðs sem á og
rekur Hrafnistu, segir að þeir vænti
þess að þeir muni fá 70% af stofn-
kostnaði sextíu rúma hjúkrunarálmu
sem fyrirhugað er að byggja við
Hrafnistu í Reykjavík. Til þessa hef-
ur gilt að 40% komi úr Fram-
kvæmdasjóði aldraðra vegna bygg-
ingar hjúkrunarheimila fyrir
aldraðra, en í viljayfirlýsingu
Reykjavíkurborgar og heilbrigðis-
ráðherra er gert ráð fyrir að ríkið
greiði 70%.
Guðmundur sagði að þeir væru að
leggja upp með sextíu rýma
hjúkrunarálmu við Hrafnistu í
Reykjavík og hann ætlaði að þetta
myndi gagnast þeim líka og að þeir
myndu geta fengið 70% frá ríkinu.
Hann sagði að þeir hefðu verið
búnir að bíða eftir því að fá að byggja
þessa hjúkrunarálmu í mörg ár og
hvorki fengið nein viðbrögð né
nokkrir lýst því yfir að þeir vildu
koma til aðstoðar í því máli. Borgin
hefði ekki verið mjög hávær út af
þessum áformum þeirra.
Hann sagði að þeir hefðu sótt um
lóð á Kirkjusandi þar sem strætis-
vagnarnir væru, því rætt hefði verið
um að flytja þá, og þeir hefðu sótt um
lóð í Hamrahlíðarlöndum en hefðu
ekki fengið nein afgerandi svör við
þeirri umleitan.
Guðmundur sagði aðspurður að
þeir hefðu í mörg ár sótt um fram-
kvæmda- og rekstrarleyfi fyrir níu-
tíu rýma hjúkrunarálmu við Hrafn-
istu í Hafnarfirði og sextíu rýma
hjúkrunarálmu við Hrafnistu í
Reykjavík. Í desember hefðu þeir
fengið bréf frá heilbrigðisráðuneyt-
inu þar sem þeim hefði verið heim-
ilað að vinna að uppbyggingu á heim-
ili í Reykjavík. Í bréfinu hefði komið
fram að Framkvæmdasjóður aldr-
aðra myndi leggja fram 40%. „Núna
hafa allar forsendur breyst svoleiðis
að við viljum bara fá viðræður um
þetta mál að nýju,“ sagði Guðmund-
ur.
Hann sagði að ef borgin ætlaði að
leggja fram fjármagn væri það bara
hið besta mál. Þeir fögnuðu því að
borgin legði fram 30% og ríkið 70%
og þeir rækju starfsemina. „Við ætl-
um að orð skuli standa í þessu,“
sagði Guðmundur.
Höfum þurft að berjast
fyrir hverjum eyri
Sigurður Helgi Guðmundsson,
forstjóri Eirar og Skjóls, sagði að
þeir hefðu alltaf þurft að berjast fyr-
ir hverjum eyri sem þeir hefðu feng-
ið í þessum efnum. Þeir fögnuðu
þessum yfirlýsingum um átak í þágu
aldraðra. Í fyrsta lagi því sem komið
hefði fram í stefnuyfirlýsingu Sjálf-
stæðisflokksins, sem komið hefði
fram strax í vetur og síðan þessari
viljayfirlýsingu R-listans sem hefði
ekkert gert í átta ár. Það væri út af
fyrir sig mjög gleðilegt að það ætti
nú allt í einu að bæta um betur.
Hann sagði hins vegar að sér fynd-
ist að heilbrigðisráðherra hefði á
margan hátt tekið á þessum málum
af röggsemi. Þeir hjá Eir hefðu sótt
um stækkun heimilisins í janúar árið
2000 og hefðu endurnýjað þá um-
sókn eftir að Jón Kristjánsson varð
ráðherra og hefðu fengið svar í jan-
úar síðastliðnum um að þeir mættu
stækka. Ráðherra virtist þannig að
allur af vilja gerður í þessum efnum.
Formaður Sjómannadagsráðs vegna viljayfirlýsingarinnar
Væntum þess að
geta fengið 70% líka
Sigurður Helgi
Guðmundsson
Guðmundur
Hallvarðsson