Morgunblaðið - 22.05.2002, Side 26

Reuters
Boeing 747-þota South African Airlines á Heathrow-flugvelli í mars sl., er tveir menn dulbúnir sem örygg-
isverðir rændu peningasendingu er komið hafði með tveim vélum félagsins.
BRESKIR rannsóknarlögreglu-
menn sem rannsaka stórþjófnað er
framinn var á Heathrow-flugvelli í
mars gerðu í gær leit í húsum á fimm
stöðum í London, handtóku 12
manns og endurheimtu „umtals-
verða peningaupphæð“, að sögn
Scotland Yard. „Þetta rán var eitt
það stærsta sem framið hefur verið á
undanförnum árum,“ sagði John
Coles, aðstoðarrannsóknarlögreglu-
stjóri. Að baki handtökunum lægi
tveggja mánaða vinna sérstaks rann-
sóknarhóps lögreglumanna.
Þjófnaðurinn var framinn 19.
mars og höfðu þjófarnir upp úr
krafsinu sem svarar rúmum 300
milljónum króna. Tóku þeir féð úr
brynvörðum bíl. Nokkrum vikum áð-
ur hafði svipað rán verið framið á
Heathrow og einnig höfðu öryggis-
ráðstafanir allar verið hertar mjög í
kjölfar hryðjuverkanna í Bandaríkj-
unum 11. september.
Þjófarnir fóru inn á afgirt svæði
þar sem flugvélum er lagt og ógnuðu
bílstjóra peningaflutningabílsins
með hnífi rétt eftir að peningarnir
Tólf handteknir og „um-
talsvert fé“ endurheimt
London. AP.
Rannsókn á stórþjófnaði á Heathrow-flugvelli í mars
höfðu verið fluttir í bílinn úr flugvél
South African Airways. Tveir menn
neyddu bílstjórann til að aka sér til
Cranford, um þrjá km frá flugvell-
inum, þar sem þeir tóku peningana
með sér yfir í annan bíl og óku á
brott. Bílstjórann sakaði ekki og
hringdi hann á lögreglu.
Í febrúar fyrirskipuðu bresk
stjórnvöld rannsókn á öryggisgæslu
á Heathrow eftir að tveir menn
rændu sem svarar um 650 milljónum
króna úr peningaflutningabíl með
svipuðum hætti.
BÚLGARSKUR verkamaður setur
upp veggmynd af Jóhannesi Páli
páfa fyrir utan kaþólsku kirkjuna
í miðborg Sófíu í gær. Páfi mun
koma í fjögurra daga heimsókn til
Búlgaríu á morgun. Fyrst heldur
páfi í dag til Azerbaídsjan þar sem
hann mun dvelja í sólarhring. Það
verður 96. erlenda heimsókn páfa,
en vangaveltur hafa verið um að
vegna heilsuleysis kunni hann að
láta af embætti. Páfi er 82 ára og
haldinn parkinsonsveiki og gikt.
Heimsókn hans til Búlgaríu
markar tímamót fyrir búlgörsku
rétttrúnaðarkirkjuna, sem loksins
hefur veitt skilyrt samþykki fyrir
páfaheimsókn til landsins. „Við
buðum honum ekki, við einfald-
lega svöruðum óskum hans um að
koma í heimsókn,“ sagði Maxim
patríarki. Samband kaþólsku
kirkjunnar og rétttrúnaðarkirkj-
unnar í Austur-Evrópu hefur ver-
ið stirt, en þar hefur mönnum þótt
Páfagarður vera að reyna að seil-
ast til aukinna áhrifa á svæðum
rétttrúnaðarkirkjunnar.
Reuters
Undirbúa
heimsókn
páfa
ERLENT
26 MIÐVIKUDAGUR 22. MAÍ 2002 MORGUNBLAÐIÐ
VIÐRÆÐUR um myndun stjórnar
í Hollandi munu miða að samstarfi
íhaldsmanna og hægriflokks Pims
Fortuyns, sem myrtur var 6. maí
sl., að sögn Piets Heins Donners,
embættismanns sem Beatrix Hol-
landsdrottning hefur falið það
verkefni að greiða fyrir viðræðun-
um. Kristilegir demókratar (CDA),
undir forystu háskólaprófessorsins
Jans-Peters Balkenendes, sigruðu
í þingkosningunum er fram fóru
15. maí sl. og fengu 43 sæti af 150.
Í öðru sæti varð flokkur Fortuyns
með 26 sæti.
Myndun samsteypustjórnar er
flókið mál í Hollandi og er þessi
ekki vænst að endanleg niðurstaða
liggi fyrir fyrr en eftir nokkrar
vikur, eða jafnvel mánuði. Úrslit
kosninganna voru sigur fyrir
hægriflokka og bundu endi á átta
ára stjórnartíð Verkamannaflokks-
ins. Verði flokkur Fortuyns aðili
að nýrri stjórn verður Holland
fimmta landið í Evrópusamband-
inu þar sem hægriöfgaflokkur sit-
ur í stjórn. Hin löndin eru Dan-
mörk, Ítalía, Austurríki og
Portúgal.
Holland
Stjórn-
arvið-
ræður
hefjast
Haag. AFP.
MOHSEN Mirdamadi, formað-
ur utanríkismála- og þjóðarör-
yggisnefndar íranska þingsins,
staðfesti í gær, að leynilegar við-
ræður við Bandaríkjamenn
hefðu átt sér stað. Kvaðst hann
jafnframt undrandi á ráðherra
leyniþjónustumála, sem neitaði
því á sunnudag, að um nokkurt
samband hefði verið að ræða
milli Teheran og Washington.
Viðræður við erkifjendurna
Bandaríkjamenn eru mjög við-
kvæmt mál í Íran en íranskir
fjölmiðlar hafa haldið því fram
að undanförnu, að viðræður hafi
átt sér stað, annaðhvort á Kýpur
eða í Tyrklandi. Umbótasinnuð
blöðin segja raunar, að einn
helsti fulltrúi harðlínumanna,
Rafsanjani, fyrrverandi forseti,
hafi tekið þátt í þeim en íhalds-
blöð neita því.
Þúsundir
milljarða í
mútur
MÚTUR tröllríða rússnesku
samfélagi og áætlaður kostnað-
ur þeirra vegna hleypur á
nokkrum þúsundum milljarða
íslenskra króna. Kemur það
fram í nýrri skýrslu, sem Georgí
Satarov, ráðgjafi Rússlands-
stjórnar og forstöðumaður
óháðrar rannsóknastofnunar,
hefur kynnt. Obbinn af mútu-
greiðslunum tengist viðskiptum,
um 3.300 milljarðar kr., en
næststærsti liðurinn er læknis-
þjónusta með hátt í 60 milljarða
kr. Hátt í 50 milljarðar fara í að
tryggja ungu fólki háskólavist
og ekki langt undan eru
greiðslur til umferðarlögregl-
unnar og dómara. Segir Sat-
arov, að þessar upphæðir séu
mjög varlega áætlaðar.
Danir hlynntir
líknarmorði
MIKILL meirihluti Dana er
hlynntur líknarmorði að því er
fram kemur í skoðanakönnun,
sem gerð var fyrir Jyllands-
Posten. 68% styðja það almennt
en 93% þegar um er að ræða að
binda enda á líf dauðvona fólks.
82% eru hlynnt því þegar um er
að ræða fólk með ólæknandi
sjúkdóm. Lars Løkke Rasmus-
sen, heilbrigðisráðherra Dan-
merkur, lýsti í gær hneykslan
sinni á þessari afstöðu og sér-
staklega á því hve margir voru
hlynntir því að binda enda á líf
gamals fólks, geðsjúkra og fatl-
aðra. Þá sagði Jesper Poulsen,
formaður dönsku læknasamtak-
anna, að líknarmorð gæti aldrei
orðið hlutverk læknis.
Njósnarar
gegn próf-
svindli
STJÓRNVÖLD í Litháen hafa
skipað leyniþjónustunni í land-
inu að koma í veg fyrir og grípa
þá, sem reyna að stuðla að
svindli á vorprófunum, en þau
hefjast á morgun í flestum skól-
um. Ástæðan er sú, að á und-
anförnum árum hafa „væntan-
leg“ próf oft verið boðin til sölu á
Netinu. Oftast hefur bara verið
um svik að ræða en þau hafa
samt orðið til að veikja traust al-
mennings á skólakerfinu.
STUTT
Staðfestir
viðræður
við Banda-
ríkjamenn
BRJÓSTAGJÖF virðist draga úr
hættunni á að ungbörn deyi
vöggudauða, samkvæmt niðurstöð-
um nýrrar rannsóknar er birtar
voru í gær. Vísindamenn á Barna-
sjúkrahúsi Silvíu drottningar í
Gautaborg í Svíþjóð ræddu við for-
eldra 244 sænskra og danskra
barna sem létust svonefndum
skyndidauða ungbarna (sudden in-
fant death syndrome, eða SIDS),
eins og vöggudauði kallast, og for-
eldra 869 heilbrigðra barna. Kom-
ust vísindamennirnir að því, að því
lengur sem börn voru höfð á
brjósti því meiri voru líkurnar á að
þau slyppu við vöggudauða.
Til dæmis var barni, sem ein-
ungis var gefið brjóst í viku eftir
að það fæddist, og síðan gefinn
peli, fjórum sinnum hættara við
skyndidauða innan fjögurra mán-
uða en barni sem nærðist á
brjóstamjólk allan tímann. Vís-
indamennirnir tók með í reikning-
inn aðra þætti sem gætu haft áhrif
á niðurstöðurnar, t.d. heildar-
tekjur fjölskyldu og reykingar
móður á meðgöngu. Þeir geta sér
þess til, að brjóstamjólk dragi úr
hættu á sýkingu, en leggja einnig
áherslu á að svefnstaða barns hafi
hingað til verið mikilvægasti þátt-
urinn varðandi hættu á skyndi-
dauða. Greint er frá niðurstöðum
rannsóknanna í breska læknaritinu
Archives of Disease in Childhood.
Vöggudauði verður með þeim
hætti að ungbörn kafna í rúminu
vegna þess að þau velta sér í þann-
ig svefnstöðu að þau geta ekki and-
að. Áhættutíminn er frá þriggja til
fimm mánaða aldri þegar börnin
eru farin að geta hreyft sig nokk-
uð. Talið hefur verið að þau skorti
„fælingarviðbragð“ sem fær þau til
að grípa andann á lofti eða gráta til
þess að koma öndun aftur í eðlilegt
horf þegar hún hefur verið heft.
En óljóst er hvað veldur því að
börn hafa ekki þetta viðbragð.
Reykingar móður á meðgöngu eru
vel þekktur áhættuþáttur, en rann-
sóknir í Danmörku, Skotlandi,
Englandi og Nýja Sjálandi hafa
leitt til misvísandi niðurstaðna um
það, hvort skortur á brjóstagjöf
kunni einnig að hafa áhrif.
Brjóstagjöf talin
draga úr hættu
á vöggudauða
París. AFP.