Morgunblaðið - 22.06.2002, Blaðsíða 13

FRÉTTIR
MORGUNBLAÐIÐ LAUGARDAGUR 22. JÚNÍ 2002 13
LANDSMÓT skáta verður haldið að
Hömrum við Akureyri dagana 16.–
23. júlí næstkomandi og er und-
irbúningur í fullum gangi, en skáta-
hreyfingin kynnti á dögunum Fjöl-
miðlasetrið sem verður á
mótssvæðinu.
Guðmundur Pálsson mótsstjóri
segir að búist sé við fimm þúsund
manns þegar mest verði, en lands-
mótið er haldið á þriggja ára fresti.
Að hans sögn koma þátttakendur al-
staðar að úr heiminum, til dæmis
koma nokkrir þátttakendur frá
Hong Kong.
„Við gefum einnig fjölskyldum
skátanna og öðru áhugafólki kost á
að koma og dvelja með okkur allan
tímann eða skemur. Þá gista þau á
sérstöku fjölskyldusvæði en á því
gilda önnur lögmál en á að-
almótsvæðinu,“ segir Guðmundur
og bendir á að hápunktur mótsins
verði laugardagurinn 20. júlí, en þá
verði sérstök hátíðardagskrá sem
endi með glæsilegri kvöldvöku.
Landsmótið er sóknarfæri
fyrir skátahreyfinguna
Hann segir að landsmót skáta sé
sóknarfæri fyrir skátahreyfinguna
og því sé mikil áhersla lögð á kynn-
ingarmál. Einar Elí Magnússon,
starfsmaður Bandalags íslenskra
skáta, heldur utan um þau málefni
og mun stýra Fjölmiðlasetrinu.
Hann segir að kynningarstarfið und-
anfarna mánuði hafi einkum beinst
að innviðum hreyfingarinnar, það er
skátafélögunum sjálfum, en nú
standi til að efla það út á við. „Það er
að sjálfsögðu heilmikil vinna sem
felst í að koma Fjölmiðlasetrinu á
laggirnar,“ segir Einar og útskýrir
að Fjölmiðlasetrið, sem starfrækt
verði á mótssvæðinu, muni hýsa vef-
setur, mótsblað, útvarpsstöð og
standa fyrir tengslum við sjónvarps-
og annað fjölmiðlafólk. „Þeir sem
munu koma til með að bera hitann
og þungann af þessari umfjöllun er
ungt fólk, sem þegar hefur reynslu
af fjölmiðlum,“ bætir hann við.
„Miðpunktur fjölmiðlasetursins
verður fréttastofa sem mun á hverj-
um degi leggja línurnar í umfjöllun
þeirra miðla sem starfa á mótinu, en
það er til að tryggja að fjölmiðlun af
mótinu segi frá því sem við viljum
segja frá og verði vönduð,“ bendir
Guðmundur á.
Að sögn Einars verður aðstaða
fyrir fréttaritara á svæðinu til að
vinna sitt efni beint frá mótsstað og
senda það sínum fréttastofum ásamt
mynd- og hljóðefni, auk þess sem öll-
um fjölmiðlum verður veittur raf-
rænn aðgangur að ljósmyndabanka
mótsins.
Öflugt fjölmiðlasetur
á landsmóti skáta
Morgunblaðið/Arnaldur
Fulltrúar skátahreyfingarinnar á fundi, þar sem stofnun Fjölmiðlaseturs var kynnt.
LANDHELGISGÆSLAN lítur al-
varlegum augum atvik sem varð í
Kollafirði þegar skemmtibátur
stefndi á mikilli ferð á eftirlitsbát
varðskipsins Ægis. Með snarræði
tókst að forðast ásiglingu. Gæslu-
menn hafa ekki lent í ásiglingartil-
raun síðan á þorskastríðsárunum.
Þetta kemur fram í upplýsingum
frá Landhelgisgæslunni vegna atviks
sem varð þegar eftirlitsbáturinn var
sendur inn á Kollafjörð til eftirlits síð-
astliðna helgi. Þetta var gert eftir að
Gæslunni barst listi frá Siglingastofn-
un um að fjöldi skemmtibáta væri án
haffæris og því í farbanni. Einn
skemmtibátanna stefndi á mikilli ferð
á eftirlitsbát varðskipsins en með
snarræði tókst að forðast ásiglingu.
Veitti skemmtibátnum eftirför
„Eftirlitsbáturinn kom að nokkrum
skemmtibátum við Þerney og þar af
voru tveir án haffæris, skv. lista Sigl-
ingastofnunar. Ákveðið var að fara á
svæðið og tilkynna skipstjórum
bátanna að þeir mættu ekki vera á
sjó. Þegar viðræðum við umráða-
menn bátanna var lokið varð stýri-
maður varðskipsins þess var að einn
skemmtibátanna sigldi af stað og
stefndi á mikilli ferð á eftirlitsbát
varðskipsins. Með snarræði tókst að
forða ásiglingu með því að beita
fyllsta vélarafli eftirlitsbátsins og
bægja þannig hættunni frá. Að mati
stýrimanns varðskipsins mátti litlu
muna að þarna yrði stórslys.
Eftirlitsbáturinn veitti skemmti-
bátnum eftirför til að reyna að ná tali
af skipstjóra en honum tókst að kom-
ast undan. Skipherra varðskipsins
hringdi tvisvar í hann en hann huns-
aði fyrirmæli en hélt þó að lokum til
hafnar þar sem lögregla tók á móti
honum."
Reyndi ásiglingu
INGIBJÖRG Sólrún Gísladóttir
borgarstjóri var kosin formaður
hverfisráðs miðborgar á borgar-
stjórnarfundi í fyrradag en kosið var
nú í fyrsta skipti í átta hverfisráð
borgarinnar. Frestað var kosningu í
hverfisráð Nesja.
Árni Þór Sigurðsson var kjörinn
formaður hverfisráðs Vesturbæjar og
auk hans sitja í ráðinu Birna Kristín
Jónsdóttir, R-lista, og Kjartan Magn-
ússon, D-lista. Borgarstjóri er sem
fyrr segir formaður hverfisráðs mið-
borgar og ásamt henni sitja í ráðinu
Steinunn Birna Ragnarsdóttir, R-
lista, og Gísli Marteinn Baldursson,
D-lista. Hverfisráð Austurbæjar-
norður er skipað Björk Vilhelmsdótt-
ur formanni, Steinunni Valdísi Ósk-
arsdóttur, R-lista, og Jórunni Frí-
mannsdóttur, D-lista. Formaður
hverfisráðs Austurbæjar-suður er
Anna Kristinsdóttir og auk hennar
eru í ráðinu Guðmundur Magnússon,
R-lista, og Guðrún Ebba Ólafsdóttir,
D-lista. Hverfisráð Grafarvogs er
skipað Stefáni Jóni Hafstein sem
kjörinn var formaður ráðsins, Þorláki
Björnssyni, R-lista, og Guðlaugi Þ.
Þórðarsyni, D-lista. Dagur B. Egg-
ertsson er formaður hverfisráðs Ár-
bæjar og auk hans sitja í ráðinu Rún-
ar Geirmundsson, R-lista, og Hanna
Birna Kristjánsdóttir, D-lista. Alfreð
Þorsteinsson er formaður hverfisráðs
Breiðholts og auk hans sitja í ráðinu
Þorlákur Þorláksson, R-lista, og Vil-
hjálmur Þ. Vilhjálmsson, D-lista.
Samkvæmt tillögu um hverfisráð
sem samþykkt var í borgarstjórn fyr-
ir áramót munu auk kjörinna fulltrúa
öll hverfisbundin félög og stofnanir
eiga fulltrúa í ráðunum. Í greinargerð
sem fylgdi tillögunni sem samþykkt
var segir að hverfisráð verði sam-
starfsvettvangur íbúa, félagasam-
taka, athafnalífs og borgaryfirvalda
og virkur þátttakandi í allri stefnu-
mörkun hverfisins. Þar verði kynntar
framkvæmdir og önnur verkefni sem
tengjast hverfunum og leitað skipu-
lega eftir ábendingum íbúa um hvað
betur megi fara í hverju hverfi. Einn-
ig segir að hverfisráðin séu kjörinn
vettvangur fyrir samstarf á sviði for-
varna, unglingamála, foreldrasam-
starfs og menningar- og íþróttasam-
starfs.
Kosið í hverfisráð Reykjavíkur
Borgarstjóri for-
maður hverfis-
ráðs miðborgar
ALBANI sem handtekinn var við
komu til Íslands nýlega, þar sem á
honum fundust fölsuð vegabréf, var
sýknaður af ákæru um að hafa komið
með bréfin í því skyni að hjálpa hjón-
um með tvö börn, sem vegabréfin
voru ætluð, að dvelja ólöglega hér á
landi, en þau hafi komið til landsins án
löglegra ferðaskilríkja og dvalar-
heimilda á Schengen-svæðinu.
Í niðurstöðum dómara segir að
komið hafi í ljós að fjölskyldan um-
rædda hafi komið til landsins á alb-
önskum vegabréfum sínum með árit-
un inn á Schengen-svæðið sem enn
hafi verið í gildi er ákærði var hand-
tekinn 8. maí.
Ein af meginstoðum ákæruvalds-
ins undir þá fullyrðingu að ákærði
hafi ætlað sér að aðstoða fjölskylduna
við að dvelja ólöglega á Íslandi var
fyrri framburður þeirra hjóna fyrir
dómi, um að þau hefðu sent sín albön-
sku vegabréf með pósti til Albaníu og
að þau dveldu því hér án löglegra
ferðaskilríkja. Ákæruvaldið hafi því
talið að forsenda fyrir áframhaldandi
dvöl fólksins hér á landi væri að þau
fengju í hendur þau fölsuðu slóvensku
vegabréf sem ákærði hafði undir
höndum. Nú væri upplýst að fjöl-
skyldan sendi vegabréf sín ekki úr
landi og í umræddum vegabréfum
væri vegabréfsáritun inn á Schengen-
svæðið sem enn var í gildi þegar
ákærði var handtekinn. Fjölskyldan
hafi því ekki dvalið ólöglega á Íslandi
þegar ákærði var handtekinn og ekk-
ert í rannsókn málsins bendir til þess
að tilgangur ákærða með því að af-
henda henni vegabréfin hafi verið sá
að gera henni kleift að dvelja ólöglega
á Íslandi. Sú verknaðarlýsing sem
fram kæmi í ákæru fengi því ekki
staðist.
Það væri því mat dómsins að
ákærði hafi ekki gerst sekur um þann
verknað sem lýst væri í ákæru og hafi
þar af leiðandi ekki gerst sekur um
brot þau á lögum sem vísað væri til í
ákæruskjali. Væru því ekki efni til
annars en að sýkna hann af kröfum
ákæruvaldsins í máli þessu.
Í ljósi þessarrar niðurstöðu felldi
dómari allan kostnað sakarinnar á
ríkissjóð og eru þar með talin 400.000
króna málsvarnarlaun skipaðs verj-
anda ákærða. Þótti sýnt að Albaninn
hafi verið fenginn til að koma vega-
bréfum og fatnaði til fjölskyldunnar.
Hins vegar segir í dóminum að
rannsókn málsins hafi miðað að því að
upplýsa meinta skipulagða alþjóðlega
glæpastarfsemi sem fælist í því að
smygla fólki milli landa með því að
nota fölsuð ferðaskilríki. Dómara
þótti að í ljós hafi verið leitt að fjöl-
skyldan umrædda hafi átt von á því að
fá send hin fölsuðu vegabréf og hafi
ætlað að nota þau til að halda för sinni
áfram til Bandaríkja Norður-Amer-
íku. Þá taldi dómurinn og ljóst að fjöl-
skyldan hafi notið aðstoðar frá Alb-
ananum við að hrinda þessari áætlun í
framkvæmd. Hjónin hafi borið fyrir
dómi að þau hefðu átt von á manni
með sendingu til þeirra. Ákærði hefði
haft í fórum sínum fölsuð vegabréf
með myndum af fjölskyldunni ásamt
fötum sem konan staðfesti fyrir dómi
að hún ætti. Einnig hefði ákærði haft í
tösku sinni orðsendingu til fjölskyld-
unnar með rithönd móður konunnar.
Skýringar sem ákærði gaf, fyrst
fyrir tollyfirvöldum, síðan fyrir lög-
reglu og fyrir dómi, segir dómari að
hafi verið misvísandi, mótsagna-
kenndar og í hróplegu ósamræmi við
aðrar upplýsingar sem lægju fyrir í
málinu. Þegar gögn málsins væru
könnuð í heild, ásamt framburði
vitna, yrði að telja að ákærði hafi ver-
ið fenginn til að koma umræddum
vegabréfum og fatnaði til fjölskyld-
unnar sem hér dvaldist. Miðað við
fjarstæðukenndar skýringar ákærða
á því hvers vegna hann hafði þessa
muni í fórum sínum yrði að telja lík-
legt að hann hafi gert sér fulla grein
fyrir því að umrædd ferðaskilríki
voru fölsuð, segir í dómnum.
Komust ekki til
Minneapolis vegabréfalaus
Þrátt fyrir þetta yrði ekki undan
því vikist að horfa til þess að fjöl-
skyldan kom til Íslands og dvaldist
hér á grundvelli vegabréfsáritunar
inn á Schengensvæðið. Hefði ekki
verið byggt á því af hálfu ákæruvalds-
ins að vegabréfsáritanir þessar væru
falsaðar. Yrði því að leggja það til
grundvallar að um gildar áritanir
væri að ræða. Samkvæmt því sem í
þeim stæði var heimill dvalartími ekki
liðinn þegar hjónin báðu um hæli hér
10. maí síðastliðinn. Rannsóknargögn
málsins bentu eindregið til þess að
hjónin hafi ætlað sér að fljúga til
Minneapolis 10. maí en þær áætlanir
hafi brugðist vegna þess að þau fengu
ekki hin fölsuðu vegabréf eins og til
hafi staðið.
Albaninn sýknaður
í vegabréfamálinu