Morgunblaðið - 24.07.2002, Blaðsíða 10
FRÉTTIR
10 MIÐVIKUDAGUR 24. JÚLÍ 2002 MORGUNBLAÐIÐ
NORÐURLJÓS hf. skulda lífeyris-
sjóðum hér á landi um tvo milljarða
króna í skuldabréfum.
Samkvæmt upplýsingum Morg-
unblaðsins á Landsbankinn 22 af
þessum bréfum, sem voru með
gjalddaga á vaxtagreiðslum hinn 30.
maí sl., og hefur bankinn nú gjald-
fellt 19 þessara bréfa, en vaxta-
greiðslur af þremur bréfanna eru í
skilum. Hvert skuldabréf er upp á
fimm milljónir króna, þannig að
gjaldfellingin er upp á 95 milljónir
króna.
Sigurður G. Guðjónsson, forstjóri
Norðurljósa, segir að í maímánuði
hafi þegar verið ljóst, að félagið gæti
ekki að fullu staðið í skilum með
vaxtagreiðslurnar til lífeyrissjóð-
anna. Því hafi verið hringt í alla
sjóðina og þeir hafi verið spurðir
hvort Norðurljós mættu dreifa
greiðslum á afborguninni yfir sum-
armánuðina þrjá, og allir lífeyris-
sjóðirnir hafi samþykkt þá tilhögun.
„Við höfum því borgað öllum líf-
eyrissjóðunum mánaðarlega. Þar á
meðal borguðum við Landsbankan-
um þrjú bréf sem Lífeyrissjóður sjó-
manna átti og bankinn var með í
innheimtu og þrjú bréf að fullu sem
bankinn átti sjálfur, af þeim 22 sem
bankinn átti.
Núna sér Landsbankinn sínum
hag best borgið, andstætt öllum öðr-
um, með því að senda þau 19 bréf
sem hann á í lögfræðilega innheimtu
og gjaldfellir þau öll,“ segir Sigurð-
ur, „þessi bréf eru með gjalddaga
árið 2008. Fram til þess tíma eru
bara vaxtagjöld á þeim.“
Bréf til Landsbankans
Morgunblaðið hefur undir hönd-
um afrit af bréfi sem Sigurður G.
Guðjónsson, forstjóri Norðurljósa,
ritaði Brynjólfi Helgasyni, aðstoð-
arbankastjóra Landsbankans, af
þessu tilefni 15. júlí sl. Í bréfinu seg-
ir m.a.: „Með bréfi þessu leyfi ég
mér að senda þér fyrir hönd Lands-
banka Íslands hf. röksemdir mínar
fyrir því að greiða beri af hinum
óveðtryggðu skuldabréfum, en þær
voru svar mitt við bréfi umboðs-
manns lánveitenda sambankalánsins
frá 14. júní 2002. Í lok þess bréfs
óskaði ég eftir skriflegum fyrirmæl-
um frá umboðsmanni bankanna, ef
ég ætti að hætta að gæta hagsmuna
þeirra og eigenda Norðurljósa sam-
skiptafélags hf. að þessu leyti.
Mér hafa ekki borist nein fyrir-
mæli um að hætta að greiða af
skuldum Norðurljósa samskipta-
félags hf. og lít ég því svo á að lán-
veitendur sambankalánsins telji
hagsmunum sínum best borgið með
því að halda ró um Norðurljós sam-
skiptafélag hf., eins og tekist hefur
vonum framar. Í raun eru það að-
eins ríkisbankarnir tveir, Lands-
banki Íslands hf. og Búnaðarbanki
Íslands hf., sem virðast fjandsam-
legir Norðurljósum samskiptafélagi
hf. og leggja sig sérstaklega fram
við að koma höggi á félagið í stað
þess að reyna að ná samkomulagi
um uppgjör skulda og/eða endur-
skipulagningu á fjármálum þess.
Búnaðarbanki Íslands hf. með því að
gjaldfella lán, sem er í skilum, á
tæknilegum forsendum einum sam-
an og Landsbanki Íslands hf. nú síð-
ast með tilraun til að gjaldfella,
þrátt fyrir samkomulag um hið
gagnstæða, ótryggð skuldabréf, sem
forsvarsmenn Landsbanka Íslands
hf. telja jafnframt að óeðlilegt sé að
greitt sé af. Það má því segja að það
sé vandlifað þegar kemur að við-
skiptum við Landsbanka Íslands hf.
Með bréfi þessu fylgir tékki að
fjárhæð kr. 3.818.326,26 til greiðslu
vaxtaafborgunar þeirra 19 skulda-
bréfa sem ógreitt var af frá 30. maí
2002 ásamt dráttarvöxtum reiknuð-
um til dagsins í dag.
Ekki kemur til álita að Norðurljós
samskiptafélag hf. greiði lögmanns-
þóknun vegna þessarar innheimtu,
enda hafði bankinn ekki fyrir því að
senda félaginu áminningu eða aðra
tilkynningu en þá að skuldabréfin
hefðu verið send til lögfræðings.
Svona vinnubrögð af hálfu Lands-
banka Íslands hf. fá illa samrýmst
vinnureglum þeim, sem Benedikt
Guðbjartsson, lögfræðingur bank-
ans, lýsti í Morgunblaðinu fyrr á
þessu ári. Virtust þær allar miða að
því að fara sem mýkstum höndum
um skuldara og sýna þeim ríka til-
litssemi. Norðurljós samskiptafélag
hf. á rétt til sömu meðferðar, enda
hefur félagið bæði getu og vilja til að
standa við skuldbindingar sínar.
Hafni Landsbanki Íslands hf.
móttöku þessarar greiðslu verður
henni deponerað. Greiðslunni má
ekki ráðstafa með neinum öðrum
hætti en til greiðslu vaxtaafborgana
frá 30. maí 2002 og dráttarvaxta af
þeim.
Norðurljós samskiptafélag hf.
mun jafnframt taka til varnar í inn-
heimtumálinu sem bankinn kann að
láta lögmann sinn hefja en ekkert af
skuldabréfunum er aðfararhæft.
Jafnframt mun Lögmannafélagi Ís-
lands gert viðvart um að lögmanna-
stofan hyggist taka sérstaka þóknun
af hverju skuldabréfi að fjárhæð kr.
277.229 auk virðisaukaskatts, en
slíkri gjaldtöku hefur margsinnis
verið hafnað af Lögmannafélagi Ís-
lands og dómstólum sem eiga síð-
asta orðið um þóknanir lögmanna úr
hendi þeirra sem þeir beina spjótum
sínum að fyrir hönd skjólstæðinga
sinna.
Virðingarfyllst,
Sigurður G. Guðjónsson
forstjóri.“
Landsbankinn gjaldfellir
19 skuldabréf Norðurljósa
Höfuðstöðvar Landsbanka Íslands í Austurstræti. Landsbankinn gjaldfelldi nýverið 19 skuldabréf Norðurljósa að upphæð 95 milljónir króna.
SIGURÐUR G. Guðjónsson, for-
stjóri Norðurljósa, hefur ákveðið
að höfða meiðyrðamál á hendur
Árna Tómassyni, bankastjóra Bún-
aðarbankans, og/eða DV vegna
ummæla Árna í blaðinu sl. mánu-
dag þess efnis að Sigurður hafi
leynt bankann upplýsingum um
sambankalán sem Norðurljós tóku
á sínum tíma. Sigurður segist ekki
hafa tekið ákvörðun um hvort
meiðyrðamálið verði höfðað gegn
bæði Árna og DV eða öðrum hvor-
um aðilanum.
Sigurður gaf Árna frest til há-
degis í gær að draga ummæli sín
til baka en í svarbréfi Árna, sem
birt er hér í heild sinni á síðunni
með heimild Sigurðar, segir hann
m.a. að um misskilning Sigurðar
sé að ræða. Sættir Sigurður sig
ekki við svarbréfið og segist í sam-
tali við Morgunblaðið ætla í fram-
haldinu að leita leiða til að fá um-
mælin leiðrétt á opinberum
vettvangi með atbeina dómstóla,
eins og hann orðar það.
„Af bréfi bankastjórans má það
helst ráða að ég og Norðurljós
séum eitt og hið sama, að ég hafi
verið lögfræðingur og stjórnar-
maður í félaginu þegar samið hafi
verið um lánið. Þess vegna hafi ég,
líkt og aðrir, leynt Búnaðarbank-
ann einhverjum upplýsingum.
Þetta er alrangt og Árni Tómasson
veit það.
Lánið var verk hans og Jóns
Ólafssonar, sem sömdu um láns-
kjör og alla skilmála. Árni gaf
starfsmönnum Búnaðarbankans
fyrirmæli um það í rafpósti, sem
sendur var áfram til okkar, að lög-
fræðingar bankans myndu ganga
frá þessu máli í samráði við þáver-
andi forstjóra Norðurljósa,“ segir
Sigurður og telur það meginmáli
skipta að þarna hafi Árni lagt það
fyrir lögfræðinga Búnaðarbankans
að fá að sjá lánasamninginn og
m.a. gjaldfellingarákvæði hans.
Sigurður segir að ef eitthvað hafi
skort á vitneskju Búnaðarbankans
um inntak lánasamningsins þá hafi
það væntanlega verið vegna þess
að starfsmenn bankans hafi ekki
unnið sína heimavinnu rétt.
„Við mig, hvorki sem lögfræðing
né stjórnarmann, var aldrei
nokkru sinni talað af hálfu Bún-
aðarbankans um þessi skjöl. Það
er alveg á tæru að ég ætla ekki að
láta Búnaðarbankann, eða banka-
stjóra hans, komast upp með það
að halda því að þjóðinni, í gegnum
Dagblaðið, að ég hafi leynt Bún-
aðarbankann einhverjum upplýs-
ingum. Ég mun láta höfða mál á
hendur þeim sem standa fyrir
þessum aðdróttunum í minn garð.
Ef ég man rétt, er það væntanlega
Dagblaðið sem situr uppi með
skömmina, samkvæmt prentlög-
um,“ segir Sigurður.
Í ljós kemur hver segir satt
Hann segist ætla að ganga eftir
svörum frá DV við þeim óskum að
blaðið hætti að nota nafn sitt í
tengslum við þetta tiltekna mál.
„Ég get ekki skilið bankastjóra
Búnaðarbankans öðruvísi en svo
að hann hafi ekki nafngreint mig í
neinum viðtölum, þennan svikula
mann, heldur séu það ályktanir
fjölmiðlamanna. Það mun svo
koma í ljós hver er að segja satt
og rétt frá, er það Dagblaðið eða
bankastjórinn?“
Sigurður G. Guðjónsson, forstjóri Norðurljósa, ætlar í meiðyrðamál
Alrangt að ég hafi
leynt upplýsingum
ÁRNI Tómasson, bankastjóri Bún-
aðarbankans, sendi eftirfarandi
svarbréf til Sigurðar G. Guðjóns-
sonar, forstjóra Norðurljósa,
skömmu fyrir hádegi í gær eftir að
Sigurður hafði gefið Árna frest til
hádegis um að draga ummæli sín í
DV sl. mánudag til baka:
„Norðurljós hf.
Hr. Sigurður G. Guðjónsson
Lyngháls 5
130 Reykjavík.
Reykjavík, 22. júlí 2002.
Varðar: Bréf yðar dags. 22. júlí
2002.
Bréf yðar virðist byggt á mis-
skilningi. Upplýst var að bankinn
teldi Norðurljós hf. hafa leynt okk-
ur upplýsingum um þau skilyrði
fjölbankalánsins að fyrirtækinu
væri óheimilt að efna til lántöku án
samþykkis bankanna sem stóðu að
lánveitingunni. Fram kemur opin-
berlega að þér voruð í stjórn Norð-
urljósa hf. þegar umrætt lán var
veitt auk þess sem þér voruð lög-
maður félagsins.
Á fundi sem við áttum fyrr í
þessum mánuði var yður gerð ræki-
lega grein fyrir þessu atriði.
Virðingarfyllst,
Árni Tómasson,
bankastjóri Búnaðarbanka Ís-
lands hf.“
Svarbréf
bankastjóra
Búnaðar-
bankans
ÁRNI Tómasson, bankastjóri Bún-
aðarbankans, segir að bankinn sé
að vinna greinargerð til Fjármála-
eftirlitsins í tilefni af kæru Norð-
urljósa á hendur bankanum og
muni ekki tjá sig frekar um ein-
staka þætti málsins.
Árni var spurður að því hvort
yfirleitt væri einhver möguleiki á
því að upplýsingar um lánamál
Norðurljósa hjá Búnaðarbankan-
um hefðu borist til Fjölmiðla-
félagsins á annan hátt en frá bank-
anum sjálfum, fyrst upplýsingar
um lánanúmerin sjálf og fjárhæð
eftirstöðva lánanna lægju fyrir í
drögum að yfirlýsingu sem birt
var í Morgunblaðinu í gær.
Árni kaus að tjá sig ekki um
málið að öðru leyti en því að Bún-
aðarbankinn ítrekaði það sem áður
hefði komið fram, að lög um
bankaleynd hefðu ekki verið brot-
in.
Tjáir sig ekki
frekar um
einstaka
þætti málsins
Búnaðarbankinn
♦ ♦ ♦