Morgunblaðið - 24.07.2002, Blaðsíða 41

FRÉTTIR
MORGUNBLAÐIÐ MIÐVIKUDAGUR 24. JÚLÍ 2002 41
FLUGUVEIÐISKÓLI
VEIÐIFERÐ
Vegna fjölda áskorana frá fólki sem
ekki komst í júnískólann verður flugu-
veiðiskóli og veiðiferð um helgina
17.-19. ágúst.
Rífandi gangur er í veiði í Langá og meðaldagsveiði
í júlí er um 20 laxar.
Bókanir og upplýsingar á langa.is eða í símum
864 2879, 437 2377, 437 1704 eða 899 2878.
Á LANGÁRBÖKKUM
17.-19. ÁGÚST
STEINÞÓR Skúlason var sig-
urvegari Íslandsmótsins í svif-
flugi sem fór fram á Hellu dag-
ana 6.–14. júlí. Þetta var í þriðja
sinn sem Steinþór nær þessum ár-
angri en hann hlaut alls 2541
stig. Í öðru sæti var Kristján
Sveinbjörnsson með 2446 stig og í
þriðja sæti Theodór Blöndal með
2233 stig.
Veðurguðirnir munu hafa verið
svifflugi gjöfulir þetta árið á Ís-
landsmóti en fjórir keppnisdagar
voru gildir. Í fréttatilkynningu
frá Flugmálafélagi Íslands sem
hélt mótið segir að langt sé síðan
keppni hafi verið eins hörð og á
þessu móti, sem sýni að íslenskum
svifflugmönnum hefur farið mikið
fram á liðnum árum.
Steinþór Skúlason fékk Atl-
antabikarinn, sem er eignarbikar
til handa Íslandsmeistara í svif-
flugi. Auk þess fékk hann Ráð-
herrabikarinn fyrir bestan árang-
ur í markflugi fram og til baka
og einnig Olís skálina fyrir bestan
árangur í svokölluðu Post flugi.
Kristján Sveinbjörnsson fékk
Pfaff skálina fyrir bestan árang-
ur í þríhyrningsflugi. Alls kepptu
níu svifflugmenn í ár.
Kristján Sveinbjörnsson er hér í flugtaki en hann hafnaði í öðru sæti á Íslandsmótinu í svifflugi.
Íslandsmeistarinn Steinþór
Skúlason sitjandi í TF-SIS.
Steinþór Skúlason
Íslandsmeistari í svifflugi
Styður álver
og virkjun á
Austurlandi
STJÓRN Alþýðusambands Austur-
lands hefur sent frá sér ályktun þar
sem fagnað er undirskriftum iðnaðar-
ráðuneytisins, Landsvirkjunar og Al-
coa vegna virkjunar við Kárahnjúka
og byggingu álvers í Reyðarfirði.
„Stjórn ASA telur að hér sé um að
ræða upphaf nýs velmegunarskeiðs á
Austurlandi sem verði til farsældar
öllum Íslendingum.
Stjórn ASA skorar á launþegasam-
tök um allt land að lýsa yfir samstöðu
í þessu mikla þjóðþrifamáli.
Stjórn ASA lýsir yfir ánægju með
störf Valgerðar Sverrisdóttur iðnað-
arráðherra í þessum málum og telur
að hún hafi með vasklegri framgöngu
þokað þeim í þann farveg sem þau eru
í dag.
Stjórnin lýsir undrun sinni yfir af-
stöðu þingsflokks VG til uppbygging-
ar atvinnulífs á Austurlandi. Með
henni er verið að sýna Austfirðingum
lítilsvirðingu.“
Flugfélag
Íslands opnar
nýja heimasíðu
„FRÁ því í febrúar 2001 hefur
Flugfélag Íslands boðið viðskipta-
vinum sínum bókunarmöguleika á
heimasíðu félagsins. Þessum nýja
möguleika hefur verið tekið ákaf-
lega vel og hefur salan á vefnum
farið fram úr björtustu vonum. Nú
er svo komið að um 25% af heild-
arsölu félagsins koma í gegnum
heimasíðuna, fyrstu 6 mánuði þessa
árs var innanlandsflug selt fyrir um
250 milljónir króna eða rúmlega 40
milljónir á mánuði.“ segir m.a. í
fréttatilkynningu frá flugfélagi Ís-
lands.
„Nýja heimasíðan sem tekur við
af þeirri sem nú er notuð mun bæta
þjónustuna á vefnum mikið. Helstu
breytingar eru: Hægt er að bóka
millilandaflug til Færeyja og Græn-
lands, skrefum í bókunarkerfinu er
fækkað úr 7 í 5, nýtt útlit sem gerir
vefinn mun aðgengilegri,“ segir þar
ennfremur. Tilboð eru send til yfir
7.000 netklúbbsmeðlima í hverri
viku og kostar ekkert að skrá sig í
klúbbinn, en hægt er að gera það á
heimasíðunni www.flugfelag.is sam-
kvæmt því sem segir í fréttatil-
kynningu.
Gönguferð að
Draugatjörn
Í DAG, miðvikudaginn 24. júlí, efnir
Ferðafélag Íslands til gönguferðar
að Draugatjörn. Tjörnin sú stendur
rétt undir Húsmúla, við Bolavelli og
skammt frá skíðaskálum. Við tjörn-
ina er m.a. að finna rústir gamals
sæluhúss þar sem þótti afar reimt.
Í eitt skipti gengu reimleikar svo úr
hófi fram að þeir sem gistu sælu-
húsið sáu sitt óvænna og hófu skot-
hríð að draugnum. Þetta er um
þriggja klst. kvöldganga, brottför
er frá BSÍ kl. 19.30 og komið við í
Mörkinni 6. Fararstjóri er Hjalti
Kristgeirsson og þátttökugjald
1.200/1.500 kr.
Kjötkveðju-
hátíð hjá ÍTR
FIMMTUDAGINN 25. júlí verður
haldin „Karnivalhátíð“ á vegum
Íþrótta- og tómstundaráðs Reykja-
víkur í Hljómskálagarðinum.
Stærðar skrúðganga prýdd grímu-
klæddum börnum mun fara frá
Austurbæjarskóla klukkan 11.15 í
fylgd lúðrasveitar og lögreglu.
Gengið verður niður Laugaveg og
endað í Hljómskálagarðinum þar
sem tekur við grillveisla og
skemmtidagskrá. Á dagskrá eru
söng- og dansatriði, auk töfra-
manns. Einnig mun götuleikhúsið
standa fyrir líflegum uppákomum,
bæði í göngunni og í garðinum, og
sumargrín ÍTR verður að sjálf-
sögðu á staðnum. Dagskránni lýkur
klukkan 15, segir í fréttatilkynn-
ingu.
LEIÐRÉTT
ÞAÐ skal leiðrétt vegna fréttar um
söluskálann Bauluna sem birtist í
blaðinu í gær að hann er ekki í Norð-
urárdal eins og þar stóð heldur í
Stafholtstungum í Mýrasýslu. Beðist
er velvirðingar á þessu ranghermi.
Saman-hóp-
urinn vekur at-
hygli á ábyrgð
„SAMAN-hópurinn hefur undan-
farið staðið fyrir herferð til að
vekja athygli á að börn verða ekki
sjálfráða fyrr en við 18 ára aldur.
Saman-hópurinn er samstarfs-
vettvangur ýmissa stofnana og
samtaka sem vinna að velferð
barna og ungmenna. Í hópnum eru
fulltrúar frá Áfengis- og vímu-
varnaráði, lögreglunni í Reykjavík,
Ríkislögreglustjóra, Íþrótta- og
tómstundaráði Reykjavíkur, Fé-
lagsþjónustunni í Reykjavík, Fé-
lagsþjónustunni í Kópavogi, Heim-
ili og skóla, SAMFOK,
Fræðslumiðstöð í fíknivörnum,
Götusmiðjunni, Rauðakrosshúsinu,
Vímulausri æsku, Heilsugæslunni í
Reykjavík og þjóðkirkjunni.
Hópurinn vinnur m.a. að því að
vekja athygli á þeirri ógn sem
börnum og ungmennum stafar af
útbreiðslu áfengis og vímuefna í
samfélaginu. Slíkri neyslu fylgir
alltaf hætta á að börn verði fyrir
ýmiss konar ofbeldi sem getur haft
alvarlegar afleiðingar. Þess vegna
vill hópurinn vekja athygli foreldra
á ábyrgð þeirra í uppeldi barnanna
og hvetja til jákvæðra samskipta
og samverustunda fjölskyldunnar
á sérstökum tímamótum.
Nú þegar verslunarmannahelgin
fer í hönd og tilboð um hvers kyns
skemmtanir og samkomur hljóma í
eyrum okkar vill hópurinn beina
því til foreldra og barna að þau
ferðist saman og fylgist að. Besti
valkosturinn er að eyða fríinu sam-
an, hvort sem það er utan bæjar
eða í byggð, efla tengsl og njóta
þess að vera saman og að for-
eldrar stuðli að því að allir eigi eft-
ir fríið góðar minningar saman,“
segir í fréttatilkynningu.
ANNAÐ risaveiðiholl hefur nýlok-
ið sér af við Norðurá, alls var 147
löxum landað og þar sem hollið á
undan var með yfir 170 laxa er
ljóst að vikan gaf vel yfir 300 laxa.
Ógreint er frá efra svæðinu, svo-
kölluðu Norðurá 2, sem hefur gefið
vel síðustu daga, oft 7–8 laxa á dag
á 2–3 stangir.
Þetta er mikil veiði og að sögn
manna sem verið hafa á bökkum
árinnar síðustu daga er sama
hvert litið er, alls staðar nóg af
laxi og enn mikið af grálúsugum
fiski í bland við eldri lax. Nokkuð
á þrettánda hundrað laxa er komið
á land og 1.500 laxar hafa farið um
teljarann í Glanna.
Enn dauft í Rangánum
Enn er rólegt í Ytri- og Eystri-
Rangá, sú eystri með aðeins á
þriðja hundrað laxa veidda og sú
ytri með á annað hundrað. Á þess-
um tíma í fyrra veiddust um og yf-
ir 100 laxar á dag í Eystri-Rangá
einni. Reynsla síðustu sumra segir
að veiðin eigi að vera farin í gang,
en menn reyna þó enn að vera
bjartsýnir og benda á að laxveiðin
hafi alls staðar farið seinna í gang
í sumar heldur en venjulega.
Að sögn leiðsögumanns sem hef-
ur verið á svæðinu af og til, Arnar
Sigurhanssonar, hefur verið bót í
máli að sá lax sem veiðst hefur er
yfirleitt mjög vænn. Eitt kvöldið
hefðu t.d. tveir verið teknir í Ár-
bæjarflúðum sem voru 15 og 16
punda. Stór hluti aflans til þessa
er sem sagt um og yfir 10 punda.
18 punda úr Hrútunni
„Þetta var flott taka og alvöru
glíma, hörkuslagur með einhendu
og smáflugu í 70 mínútur,“ sagði
Pétur Broddason, leiðsögumaður
við Hrútafjarðará, í gær eftir að
skjólstæðingur hans, Svisslending-
urinn Silvian Faessler, hafði sett í
og landað 18 punda hæng í Lang-
hólmahyl á svokallaða „Hitstúpu“.
Talsvert er af laxi í ánni að sögn
Péturs, en hann hefur tekið frem-
ur illa og vantar rigningu.
Alvöru stórlaxar hafa veiðst og
sloppið í Laxá í Aðaldal síðustu
daga. 20 pundari veiddist á Nes-
veiðum á fluguna Silver Rat ný-
verið, Bandaríkjamaður þar á
ferðinni, og risafiskar slitu og
sluppu, bæði „við Staurinn“ í Kis-
tukvísl og á Hólmavaðsstíflu. Á
Stíflunni var glímt við boltalax á
einhendu og æddi laxinn til skiptis
upp og niður bæði ræsin með
hólmanum með veiðimann og leið-
sögumann puðandi á eftir ýmist í
báti eða á tveimur jafnfljótum.
Báðir þessir laxar voru áætlaðir
vel yfir 20 pundum. Laxinn er nú
að dreifa sér betur í Laxá og veiði
er þokkaleg þessa dagana.
Morgunblaðið/Örn Sigurhansson
Silvian Faessler og Pétur Broddason með 18 punda hænginn.
Sama mokið í Norðurá
ERU
ÞEIR AÐ
FÁ’ANN?