Morgunblaðið - 13.08.2002, Blaðsíða 14

AKUREYRI
14 ÞRIÐJUDAGUR 13. ÁGÚST 2002 MORGUNBLAÐIÐ
HÖFUÐBORGARSVÆÐIÐ
Rammen om et godt liv...
ELDASKÁLINN
Invita sérverslun
Brautarholti 3, 105 Reykjavík
Sími: 562 1420 - Netfang: eldask@itn.is
Umgjörð u gott líf...
Persónulega eldhúsið
NOKKRAR fimm til sex metra aspir
sem standa í bakgarði við Dúfnahóla
2 voru eyðilagaðar á dögunum. Að
sögn Júlíusar Daníelssonar, íbúa í
húsinu, var börkurinn skorinn af
trjánum.
Lífræn starfsemi í trénu fer að
mestu leyti fram í berkinum og því
lítið annað að gera en að fella trén.
Að sögn Júlíusar voru þrjú tré
eyðilögð fyrir nokkrum árum en þar
voru börn að verki. Í garðinum eru
nokkrir trjálundir en Júlíus segist
ekki vita hverjir voru að verki í þetta
sinn.
„Þetta er afar fallegt og verndað
svæði og gróðurinn ótrúlega mikill
sem hefur orðið til á nokkrum ár-
um,“ segir Júlíus. Hann segir mikla
eftirsjá meðal íbúa af trjánum og vill
að lokum benda foreldrum og for-
ráðamönnum á að brýna fyrir börn-
um sínum að ganga vel um svæðið.
Aspir
eyðilagðar
Breiðholt
Morgunblaðið/Arnaldur
Júlíus við eina af öspunum sem búið var að fletta berkinum af.
KÓPAVOGSBÆR hefur sent
skipulags- og byggingarsviði
Reykjavíkurborgar bréf með at-
hugasemdum vegna tillögu að deili-
skipulagi Norðlingaholts sem nú er
í auglýsingu, þar sem meðal annars
er lagt til að fallið verði frá jafn
þéttri byggð og ráðgert er að reisa
á umræddu svæði.
Samkvæmt tillögunni er gert ráð
fyrir 1.100 íbúðum á svæðinu ásamt
grunnskóla, 2–3 leikskólum og sam-
býli auk 43.000 m² af atvinnuhús-
næði.
Í bréfinu, sem Sigurður Geirdal
bæjarstjóri ritar undir, segir að í
svæðisskipulagi höfuðborgarsvæð-
isins 2000–2024 sé lögð áhersla á
varðveislu hinna „grænu geira“
sem tengi upplandið – Græna tref-
ilinn, „um ár og dali til sjávar og
stranda“. Augljóst megi vera, af
umfjöllun um svæðisskipulagið, hve
mikla áherslu sveitarfélögin sem
stóðu að gerð þess, ætli að leggja á
þennan þátt skipulagsins.
Í bréfinu segir m.a.: „Bæjaryf-
irvöld Kópavogs vilja því benda
borgaryfirvöldum á að fyrirhuguð
3.000–3.300 manna byggð með sex
hæða blokkum ásamt atvinnusvæð-
um og tveimur bensínstöðvum í
Norðlingaholti slíti í sundur Græna
trefilinn og um leið tengslin milli
útvistarsvæðisins umhverfis Rauða-
vatn annars vegar og útvistarsvæða
við Rauðhóla og Elliðavatn hins
vegar.“ Í bréfinu segir að byggðin í
Norðlingaholti muni mynda „fimb-
ulstíflu“ og verða taktleysa milli
fjölsóttra útuvistarsvæða.
Kópavogsbær þakkar sérstak-
lega að bærinn hafi fengið til kynn-
ingar með formlegum hætti tillögu
að deiliskipulagi eins og mælt sé
fyrir um í skipulags- og bygging-
arlögum. Slíkt sé nýmæli sem beri
að þakka sérstaklega.
Minnt er á að í desember 2000
hafi samkomulag verið undirritað
milli Reykjavíkurborgar og Kópa-
vogs um skipulag umhverfis Elliða-
vatn og lífríki vatnsins. Í kjölfarið
hafi verið settur á laggirnar vinnu-
hópur með fulltrúum beggja sveit-
arfélaga sem í júní sl. hafi fundað
17 sinnum. Bæjaryfirvöld í Kópa-
vogi telja vinnuhópinn ágætan vett-
vang til skoðanaskipta, m.a. um
skipulag fyrirhugaðarar byggðar
við vatnið, bæði í lögsögu Kópavogs
og Reykjavíkur.
Ekki hægt að útiloka að olía
eigi greiða leið í grunnvatn
Bent er á það í bréfinu að deili-
skipulagssvæðið sem um ræðir liggi
að lögsögu Kópavogs og því eðlileg
vinnubrögð í samskiptum grann-
sveitarfélaga að Reykjavíkurborg
hefði kynnt tillöguna bæjarfyrir-
völdum í Kópavogi áður en borgin
samþykkti að auglýsa hana til at-
hugasemda.
Bæjaryfirvöld telja nauðsynlegt
að endurskoða tillöguna með tilliti
til þess hvar ráðgert sé að heimila
byggingu bensínstöðvar. Vísað er í
berggrunnskort Orkustofnunar og
Náttúrufræðistofnunar Íslands þar
sem sýndar eru sprungur og mis-
gengi á deiliskipulagssvæðinu og er
bent á að ekki sé hægt að útiloka
að bensín og olíur eigi greiða leið í
grunnvatn svæðisins. Segir þar að
þetta sé sérstaklega alvarlegt fyrir
drykkjarvatn íbúa höfuðborgar-
svæðisins þar sem fyrirhuguð bens-
ínstöð við Suðurlandsveg sé á
mörkum vatnsverndar og að
sprungur á svæðinu liggi jafnframt
inn í vatnsverndarsvæðið að Bugu
sem renni í Elliðavatn. Slíkt gæti
því haft skaðleg áhrif á lífríki
Elliðavatns.
4–6 hæða blokkir í 50–60 m
fjarlægð frá Bugðu
Minnt er á að í umhverfisáætlun
Reykjavíkurborgar – Staðardag-
skrá 21, komi fram að unnið verði
að stofnun fólkvangs og friðlýsingu
á 100–200 m svæði umhverfis Úlf-
arsá, Leirvogsá og vatnasvæði
Elliðavatns, þ.e. Bugðu, Suðurá og
Hólmsá, í samstarfi við nærliggj-
andi sveitarfélög. Bent er á í því
sambandi að fyrirhugaðar fjögurra
til sex hæða blokkir suðvestast á
deiliskipulagssvæðinu séu aðeins í
50–60 m fjarlægð frá bakka Bugðu.
„Hæð byggðarinnar hefur því
tröllaukin áhrif á umhverfi árinnar.
Með tilvísan í ofangreinda „um-
hverfisáætlun“ telja bæjaryfirvöld í
Kópavogi því eðlilegt að deiliskipu-
lagstillagan verði endurskoðuð á
ofangreindu svæði og fjölbýlishúsin
færð fjær,“ segir í bréfinu.
Bent er á að þéttleiki byggðar í
Norðlingaholti sé 26 íbúðir á hvern
hektara en í lögsögu Kópavogs í
Vatnsenda sé gert ráð fyrir 8,5
íbúðum á ha. Um reginmun sé því
að ræða á áætlunum sveitarfélag-
anna varðandi þéttleika byggðar á
svæðum sem liggja að Elliðavatni
og útivistarsvæðum umhverfis það.
Bent er á að í bréfi Borgarskipu-
lags til Bæjarskipulags Kópavogs
frá ágúst í fyrra hafi komið fram sú
krafa skipulagsyfirvalda í Reykja-
vík að uppbygging á svæðinu verði
í samræmi við meginmarkmið
svæðisskipulagsins og umhverfis-
stefnu sveitarfélaganna sem fram
komi t.d. í Staðardagskrá 21. Bæj-
aryfirvöld telji því eðlilegt að
Reykjavíkurborg endurskoði tillögu
sína að deiliskipulagi Norðlinga-
holts til að mæta eigin stefnu í um-
hverfismálum.
Athugasemdir Kópavogsbæjar vegna tillögu að deili-
skipulagi 3.000 manna byggðar í Norðlingaholti
Reginmunur á áætlunum
um þéttleika byggðar
Kópavogur
ALDARAFMÆLIS Steindórs
Steindórssonar frá Hlöðum var
minnst á Akureyri í gær. Í Mennta-
skólanum á Akureyri var haldin
vísindaráðstefna og í Amts-
bókasafninu var opnuð sýning um
líf og starf Steindórs. Tómas Ingi
Olrich menntamálaráðherra setti
ráðstefnuna í MA en mennta-
málaráðherra var bæði nemandi
og samstarfsmaður Steindórs við
skólann.
Í máli menntamálaráðherra kom
m.a. fram að í persónu Steindórs
Steindórssonar endurspeglaðist
margt af því besta sem þjóðin hef-
ur öðlast á einni öld og leggur í
hendur þeirra sem á eftir koma.
Bjartsýni og þrá eftir þekkingu,
starfsgleði og fórnfýsi, tryggð við
menningararf og trú á framfarir.
„Hann var þó síst af öllu maður
einnar aldar. Þekking hans stóð
mjög djúpum rótum, hann var
glöggur og hann var smekkvís á
verðmæti liðins tíma, hann var haf-
sjór fróðleiks um þjóðleg fræði,“
sagði menntamálaráðherra.
Á ráðstefnunni fjölluðu fjórir
vísindamenn um efni sem tengdist
grasafræðirannsóknum Steindórs,
auk þess sem sex vinir og kunn-
ingjar hans fjölluðu um aðra þætti
í lífi hans og starfi. Á sýningunni í
Amtsbókasafninu, sem stendur út
ágústmánuð, eru til sýnis bækur,
handrit og munir sem tengjast lífi
og starfi Steindórs.
Morgunblaðið/Kristján
Fjöldi fólks sat vísindaráðstefnu í Menntaskólanum á Akureyri í gær,
sem haldin var í aldarminningu Steindórs Steindórssonar frá Hlöðum.
Aldarafmælis Steindórs
Steindórssonar minnst
TÓMAS Ingi Olrich menntamála-
ráðherra sagði það fjarri því að
hætt yrði við byggingu rannsóknar-
og nýsköpunarhúss við Háskólann á
Akureyri, þrátt fyrir úrskurð kæru-
nefndar útboðsmála. Eins og fram
kom fyrir helgi hefur kærunefnd
útboðsmála lagt fyrir Ríkiskaup að
hafna tilboði Íslenskra aðalverk-
taka, ISS á Íslandi og Landsafls í
bygginu hússins, sem ógildu.
„Við munum fara ítarlega yfir
þennan úrskurð, til að átta okkur á
því hvað í honum felst og skoða
stöðuna í framhaldi af því. Í raun
má segja að við höfum orðið fyrir
nokkrum vonbrigðum með að fá
ekki að byggja það hús sem mælt
var með og við óskuðum okkur að
fá. Það var mikil ánægja með þá
lausn sem mælt var með að samið
yrði um en það er ekki þar með
sagt að hin lausnin sé slæm.“
Menntamálaráðherra sagði það
óhjákvæmilegt þegar mál af þessu
tagi kæmi upp, bæði kæran sem
slík og svo úrskurðurinn eins og
hann er, að tafir yrðu á málinu.
„Við munum leita leiða til að láta
þær tafir verða sem minnstar en
málið mun skýrast frekar á næstu
dögum.“
Tvö tilboð bárust í framkvæmd-
ina að undangengnu lokuðu útboði í
forvali, annars vegar frá Ístaki og
Nýsi og hin vegar Íslenskum að-
alverktökum, ISS á Íslandi og
Landsafli. Tilboð ÍAV, ISS og
Landsafls varð fyrir valinu og í
kjölfarið kærðu Ístak og Nýsir út-
boðið til kærunefndar útboðsmála.
Sigfús Jónsson framkvæmdastjóri
Nýsis sagði í Morgunblaðinu á
laugardag, eftir að úrskurðurinn lá
fyrir, að ríkið hefði aðeins um tvo
kosti að ræða í stöðunni, að semja
við Ístak og Nýsi eða hætta við
framkvæmdina.
Hér er um svonefnda einkafram-
kvæmd að ræða upp á vel á annan
milljarð króna. Til stóð að hefja
framkvæmdir við byggingu hússins
nú í sumar og afhenda það fullbúið
næsta haust.
Ekki hætt við að byggja rannsóknar-
og nýsköpunarhús við HA
Vonbrigði að fá
ekki það hús sem
við óskuðum eftir
HANDVERKSHÁTIÐINNI Hand-
verk 2002 lauk á Hrafnagili í Eyja-
fjarðarsveit á sunnudag en hátíðin
var sett sl. fimmtudag. Að sögn Ingi-
bjargar Aspar Stefánsdóttur fram-
kvæmdastjóra, sóttu sýninguna á
milli 10 og 11 þúsund gestir. Ingi-
björg sagði að aðsókn hefði farið
langt umfram væntingar og að bæði
sýnendur og gestir hefðu verið mjög
ánægðir með hvernig til tókst.
Alls voru sýnendur um 110 talsins
á inni- og útisvæði og auk þess að
kynna vörur sínar seldu þeir mikið.
Sýningin stóð yfir í fjóra daga og
sagði Ingibjörg að dreifing fólks yfir
sýningardagana hafi verið mun jafn-
ari en áður. Ingibjörg sagði að sýn-
endur hefðu verið af öllu landinu og
gestir einnig og að gestir hefðu verið
á öllum aldri.
Handverkshátíðin var nú haldin í
10. sinn og var torf og grjót þemað að
þessu sinni. Þegar er farið að und-
irbúa næstu sýningu að ári en þá
verður kýrin þema hátíðarinnar.
Aðsókn umfram vænt-
ingar á Handverk 2002