Morgunblaðið - 22.08.2002, Blaðsíða 2

Morgunblaðið/Golli
Á slysalausum degi eykur lög-
reglan umferðareftirlit og
verða tvöfalt fleiri lögreglu-
þjónar á ferðinni en venja er til.
Í DAG stefnir lögreglan í Reykjavík
að slysalausum degi í umferðinni og
verða um tvöfalt fleiri lögreglumenn
og lögreglubílar við umferðareftirlit
en venja er til.
Þetta er í þriðja skipti sem lög-
reglan í Reykjavík stendur fyrir
slíku umferðarátaki. Enn hefur
markmiðið ekki náðst.
Karl Steinar Valsson aðstoðaryf-
irlögregluþjónn segir það miður en
bendir á að það séu ökumenn sem
ákveði hve örugg umferðin er. „Við
viljum minna ökumenn á að hafa
hugann við aksturinn. Flest umferð-
aróhöpp verða vegna hraðaksturs
eða skorts á einbeitingu. Þannig
verða um 20–30% umferðaróhappa
þegar ökumenn bakka á eitthvað,“
segir Karl.
70 lögreglumenn á 30 ökutækj-
um við umferðarlöggæslu
Hátt í 70 lögreglumenn á um 30
ökutækjum verða við umferðarlög-
gæslu í umdæmi lögreglunnar sem
nær yfir Reykjavík, Seltjarnarnes,
Mosfellsbæ, Kjalarnes og Kjós.
Lögreglumenn frá ríkislögreglu-
stjóra taka þátt í átakinu og lög-
regluembætti í nágrenninu lána
ökutæki. „Við ætlum að vera eins
áberandi og mögulegt er og láta
reyna á hvers virði það er að hafa
sýnilega löggæslu,“ segir Karl.
Tilviljun ræður ekki valinu á dag-
setningu því um þessar mundir eru
skólar að hefjast. Um leið eykst um-
ferð til muna og málaskrá lögregl-
unnar sýnir að umferðaróhöppum
fjölgar á þessum tíma. Að meðaltali
er tilkynnt um 14–16 umferðar-
óhöpp á dag til lögreglunnar í
Reykjavík. Á mánudag voru þau 35
sem er með því allra mesta sem
gerist.
Lögreglan í Reykjavík stefnir að
slysalausum degi í dag
Ökumenn
hafi hugann
við aksturinn
FRÉTTIR
2 FIMMTUDAGUR 22. ÁGÚST 2002 MORGUNBLAÐIÐ
Fylgstu
með
nýjustu
fréttum
www.mbl.isLennon hættur með
N-Írum vegna hótana/B1
Íslendingar ekki í vandræðum
með Andorra/B1, B2, B3
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
Morgunblaðið/Þorkell
NÝ hliðarakbraut á Reykjavík-
urflugvelli, meðfram flugbraut-
inni frá norðri til suðurs, er óðum
að taka á sig mynd og hefur hluti
hennar þegar verið tekinn í notk-
un. Byrjað er að nota suðurhluta
hennar en norðurhlutinn verður
tekinn í notkun um næstu mán-
aðamót.
Að sögn Hermanns Her-
mannssonar, deildarstjóra hjá
Flugmálastjórn og annars af
tveimur verkefnisstjórum með
verkinu, er með nýju akbrautinni
unnt að aka inn á og út af flug-
brautinni sjálfri. Með akbrautinni
getur flugvöllurinn afkastað
meiru þar sem flugvélar geta ekið
til hliðar við brautina þótt hún sé
í notkun auk þess sem hún stuðlar
að auknu umferðaröryggi á vall-
arsvæðinu, að sögn Hermanns.
Hann segir að hliðarakbrautir
eigi í raun að vera meðfram flug-
brautum á öllum flugvöllum. Sam-
svarandi akbraut er ekki við aust-
ur-vesturbrautina vegna skorts á
rými en hingað til hafa flugmenn
notast við litla akbrautarkafla
sem liggja meðfram flugbraut-
unum. Nýja akbrautin sem um
ræðir liggur enda á milli og er
alls 1.567 m á lengd.
Búið er að ljúka framkvæmdum
við norður- og suðurhluta ak-
brautarinnar. Kaflanum meðfram
gömlu flugskýlunum er hins veg-
ar ólokið og segir Hermann að
því verki verði að líkindum lokið
að hluta á næsta ári. Fram-
kvæmdir við akbrautina hófust í
fyrra.
Ný hliðar-
akbraut
meðfram
n/s-flug-
brautinni
OPINBER heimsókn Davíðs Odds-
sonar forsætisráðherra til Færeyja
hófst síðdegis í gær en ráðherrann
kom þangað beint frá Litháen þar
sem hann var einnig í opinberri heim-
sókn.
Davíð fundaði með Anfinn Kalls-
berg, lögmanni Færeyja, og Jonath-
an Motzfeldt, formanni grænlensku
heimastjórnarinnar, stuttu eftir
komuna til Þórshafnar. Segir Davíð
fundinn hafa verið ánægjulegan, ým-
is mál er snerta löndin þrjú hafi verið
rædd, t.d. nauðsyn þess að efla sam-
göngur milli Íslands, Færeyja og
Grænlands sem samgönguráðherrar
landanna muni taka upp sín á milli.
„Þetta er ekki í nógu góðu fari eins og
þetta er í bili að minnsta kosti,“ segir
Davíð í samtali við Morgunblaðið að
fundi loknum. Auk þess hafi tollar,
skattamál, Evrópumálin og hvalveið-
ar verið rædd.
„Grænlendingar vilja gjarnan taka
upp það sem þeir kalla samstarfs-
samning við Evrópusambandið af
sinni hálfu. Þótt þeir vilji ekki ganga í
ESB telja þeir sig þurfa að gera ein-
hverja slíka samninga. Við erum í
annarri stöðu út af EES-samningn-
um, en það var fróðlegt að fara yfir
þessi mál og ræða þau í botn,“ segir
forsætisráðherra.
Jonathan Motzfeldt, formaður
grænlensku heimastjórnarinnar,
sagði að það væri mikilvægt fyrir
þessi þrjú lönd að standa saman
gagnvart Evrópusambandinu sem
alltaf yrði stærra og stærra.
„Við viljum ekki gleymast hér í
Norður-Atlantshafinu,“ sagði Motz-
feldt á blaðamannafundi eftir fund-
inn og benti á að Ísland, Grænland og
Færeyjar væru öll andvíg fiskveiði-
stefnu Evrópusambandsins. „Við er-
um allir sammála um það að á meðan
fiskveiðistefnan í ESB er eins og hún
er geta þessi þrjú lönd ekki gerst
meðlimir að Evrópusambandinu,“
sagði Davíð. Anfinn Kallsberg benti á
að aðstæður landanna væru mismun-
andi. Grænlendingar og Danir hefðu
verið með í EFTA-samstarfinu þar
til Danmörk hætti í því.
„Við getum ekki orðið meðlimir í
EFTA því við erum ekki sjálfstæð
lönd og getum heldur ekki verið með
í Evrópusambandinu vegna fisk-
veiðistefnunnar,“ sagði Kallsberg.
Hann sagði að Færeyingar hefðu
einnig áhuga á að auka samstarfið við
Evrópusambandið en það sé tíma-
frekt og erfitt ferli þar sem ESB hafi
ekki sérstakan áhuga á slíku sam-
starfi.
„Við erum sammála um að á meðan
fiskveiðistjórnun er miðstýrt frá
Evrópusambandinu er ekki mögu-
leiki fyrir okkur sem lifum af sjávar-
útvegi að vera með í ESB, en við
verðum að reyna að fá það besta út úr
því sem við höfum,“ sagði Kallsberg.
Samstarf landanna mun
aukast á næstu árum
Sagði Kallsberg að formennska Ís-
lendinga í Norðurlandaráði hefði
varpað kastljósinu á Norður-Atlants-
hafið og Norðurlöndin þrjú á því
svæði. Eftir að Eystrasaltsríkin
komu inn í Norðurlandaráðssam-
vinnuna hefði athyglin beinst meira í
austurátt. Segist Davíð telja að sam-
starf þessara landa muni aukast á
næstu árum.
„Ég held að það sé nauðsynlegt að
það aukist og að skilningur sam-
starfslanda okkar í Norðurlandasam-
starfinu eflist.“
– Myndi það ekki gefa samstarfinu
aukið vægi ef Færeyjar og Grænland
yrðu sjálfstæðar þjóðir?
„Ég þori ekki að nefna það, þetta
er flókið mál og viðkvæmt hér en því
er ekki að neita að sjálfstæðið gerir
ríkjum auðvitað fært að vinna út frá
sínum hagsmunum með öðrum hætti
en áður. En svo kunna að vera ein-
hverjir aðrir þættir sem leiða til þess
að menn vilji fara sér hægt í slíkum
efnum. Ég er skyldugur til þess að
mínu mati sem forsætisráðherra í
nánu vinaríki að blanda mér á engan
hátt inn í slík deilumál,“ segir Davíð
við Morgunblaðið.
Fundur forsætisráðherra með lögmanni Færeyja og formanni grænlensku heimastjórnarinnar
Samstaða gagnvart
ESB er mikilvæg
Þórshöfn, Morgunblaðið.