Morgunblaðið - 22.08.2002, Blaðsíða 24

ERLENT
24 FIMMTUDAGUR 22. ÁGÚST 2002 MORGUNBLAÐIÐ
ÖFLUG sprenging varð í fjölbýlis-
húsi í Moskvu seint í fyrrakvöld og
varð hún átta manns að bana. 12
slösuðust og þar af þrír alvarlega
en óttast var, að einhverjir væru
grafnir undir rústunum. Embætt-
ismenn segja að gasleki hafi valdið
sprengingunni en hún minnir
óþyrmilega á sprengingarnar í
nokkrum fjölbýlishúsum í Moskvu
fyrir þremur árum en talið er að
tsjetsjneskir skæruliðar eða út-
sendarar þeirra hafi staðið fyrir
þeim.
Vladímír Pronín, lögreglustjóri í
Moskvu, sagði að mikil gasspreng-
ing hefði orðið í húsinu, líklega á
annarri hæðinni, og talsmaður
rússnesku leyniþjónustunnar tók
undir það. Atburðurinn hefur hins
vegar vakið ótta við ný hryðjuverk
en fyrir þremur árum kostuðu þau
300 manns lífið í Moskvu og Suður-
Rússlandi. Rússnesk yfirvöld not-
uðu hryðjuverkin sem ástæðu til
að ráðast aftur inn í Tsjetsjníu 1.
október 1999.
Sögðust hafa
fundið púðurlykt
Haft var eftir fólki, að það hefði
fundið púðurlykt eftir spreng-
inguna en Valerí Shantsev, aðstoð-
arborgarstjóri í Moskvu, sagði, að
ekki hefðu fundist nein merki um
sprengiefni. Sagði hann, að eftir
sprengingu gæti plast gefið frá sér
lykt, sem minnti á púður. Hrundi
húsið að hluta, allar fimm hæðir
þess, og óttast var, að fleiri ættu
eftir að finnast grafnir undir rúst-
unum.
Rússar nota yfirleitt jarðgas til
eldunar og leki úr gömlum rörum
og ofnum er algengur. Verða gas-
sprengingar af þeim sökum tugum
manna að bana árlega.
Þótt yfirvöld fullyrði, að gas-
sprenging hafi orðið í húsinu, ótt-
ast margir, að um hryðjuverk hafi
verið að ræða og þær grunsemdir
fengu byr undir báða vængi er fjöl-
miðlar skýrðu frá því, að í húsinu
hefði búið fjölskylda frá Kákasus-
löndunum en flust þaðan fyrr um
daginn.
Mikil sprenging í fjölbýlishúsi í Moskvu
Gassprenging eða
hermdarverk?
Reuters
Unnið að því að hreinsa burt brak úr þeim hluta hússins, sem hrundi í
sprengingunni. Lík sjö manna höfðu fundist í rústunum í gær.
Moskvu. AFP.
LAM Yee-hin, sem er nemandi í
Hong Kong, leggur saman hundr-
að einstafstölur á 18,80 sekúndum
í gær. Hann taldi á fingrunum og
sló gamla metið sem skráð er í
Heimsmetabók Guinness.
Var það 19,23 sekúndur og sett
árið 1980.
Reuters
Heimsmet í samlagningu
YFIRVÖLD í Illinois í Bandaríkj-
unum reyna nú að þvinga 34 ára
gamla einstæða móður átta ára
drengs til að hætta að gefa honum
brjóst. Konan, Lynn Stuckey,
lætur drenginn sjúga einu sinni á
tíu daga fresti en er samt ekki
viss um að hún mjólki. Stuckey
kom nýlega fram í sjónvarpi og
var þar sýnt myndband af
brjóstagjöfinni. Hún er sökuð um
að láta drenginn verða aðhláturs-
efni og skaða tilfinningalíf hans.
„Við erum ofur venjuleg banda-
rísk millistéttarfjölskylda og er-
um ekki að gera neitt af okkur,“
sagði Stuckey.
Ofbeldismaður
fyllist iðrun
RÆNINGI í Malasíu stakk fyrir
skömmu fórnarlamb sitt, kokk-
inn Tarajah Nagaiah, í brjóstið
með hnífi þar sem sá síðarnefndi
svaf í mesta sakleysi heima hjá
sér og stal síðan af honum 1.600
ringgit, sem mun samsvara um
36 þúsund krónum. Nagaiah
þekkti manninn, sem er fyrrver-
andi vinnufélagi hans og heitir
Guna, og bað hann um vægð.
Guna lét til leiðast, ók honum á
sjúkrahús en tók af honum loforð
um að kæra sig ekki. Ættingi
Nagaiah lét lögregluna vita.
Gömul gildi
RÚMENSK kona á eftirlaunum,
hin 65 ára gamla Cornelia Andr-
eescu, tók óvart einum poka of
mikið heim með sér úr búðinni um
daginn. Upp úr óhreinum plast-
poka komu 120 milljón lei sem
mun jafngilda tæpum 320 þúsund
krónum.
Cornelia dregur fram lífið á um
2.600 krónum á mánuði en arkaði
með pokann á lögreglustöðina og
sagðist vera hrædd um að eigand-
inn fengi hjartaáfall vegna taps-
ins. Eigandinn, 74 ára gömul
kona, Ghergina Grigore að nafni,
var himinlifandi og þakkaði
Corneliu innilega fyrir heiðarleik-
ann. Peningana hafði hún ætlað
að færa börnunum eftir að hafa
selt húsið sitt.
„Aldrei myndi ég snerta pen-
inga annarra,“ sagði Cornelia.
„Það eina sem ég bið um er að
Guð gefi mér góða heilsu.“
Átta ára
og enn á
brjósti
NEYÐARÁSTANDI var í gær lýst
yfir í héraðinu Hunan í Kína þar
sem milljónir manna eru í hættu
vegna mikilla vatnavaxta í ám og
vötnum. Búið er að rýma svæði í
kringum Dongting-vatnið í Hunan,
sem er í miðju Kína, en Yangtze-áin
rennur úr vatninu.
Byrjað er að flytja fólk af svæð-
inu í kringum Dongting en yfirborð
vatnsins hækkar nú hratt, að sögn
embættismanna. Þar sem Yangtze
rennur úr vatninu er vatnsyfirborð-
ið nærri tveimur metrum fyrir ofan
hættumörk. Búist er við því að
vatnsyfirborðið hækki um hálfan
metra á dag næstu daga.
„Embættismenn hafa miklar
áhyggjur af ástandinu. Með því að
lýsa yfir neyðarástandi gerist það
sjálfkrafa að fleira fólk kemur til að
taka þátt í björgunarstörfum og
fleiri verða fluttir á brott af svæð-
unum í kringum vatnið,“ sagði tals-
maður Rauða krossins, France
Hurtubise.
Um 900 hafa farist
Alls létust 4.150 manns þegar
Dongting og Yangtze flæddu yfir
bakka sína árið 1998. Óttast er að
ástandið verði jafnslæmt að þessu
sinni en nú þegar hafa um 900
manns farist í flóðunum í Kína.
Ennfremur hefur fjöldi aurskriðna
fallið.
Neyðarástandi
lýst yfir í Hunan
Changsha. AFP.
Vatnavextirnir í Kína
Gjafavara – matar- og kaffistell .
All ir verðflokkar.
- Gæðavara
Heimsfrægir hönnuðir
m.a. Gianni Versace.
VERSLUNIN
Laugavegi 52, s. 562 4244.