Morgunblaðið - 22.08.2002, Qupperneq 6

FRÉTTIR
6 FIMMTUDAGUR 22. ÁGÚST 2002 MORGUNBLAÐIÐ
G E T R A U N
Hefurðu lesið nýja vetrarbæklinginn
„Suður um höfin“ - vandlega?
Þú getur unnið til veglegra verðlauna með því að svara eftirfarandi lauflétt-
um spurningum, sem þú finnur svar við í bæklingnum:
Frítt flug f. 2 til London m. Flugleiðum.
Dregið verður úr réttum svörum 1. sept. 2002.
1) Með hvaða skipi sigla farþegar okkar frá Orlando?
Svar:____________________
2) Með hvaða skipi eru farþegar Heimsklúbbsins nú að sigla í
Miðjarðarhafi? Svar:_____________________
3) Hver er afsláttur farþega í ferð til Singapore, Malasíu og Bali í ferð
Heimsklúbbsins 8. nóv. miðað við almennt verð?
Svar:_____________________
4) Á hvaða hótelum Heimsklúbbsins er allt innifalið?
Svar:_______________
5) Í hvaða ferð Heimsklúbbsins í ár eru skoðaðir
IGUAZU-fossar? Svar:____________________
Fyllið út: Nafn: _____________________________ Kt.___________
Heimilisfang:___________________________
Póstfang: ______________________________
Merkt: Heimsklúbbur Ingólfs-PRÍMA,
GETRAUN, Pósthólf 140, 121 Reykjavík - (fyrir 1. sept.)
TALSMENN Falun Gong í Evr-
ópu og Bandaríkjunum hafa sent
forsætisráðherra Íslands, utanrík-
isráðherra og dómsmálaráðherra
bréf þar sem óskað er eftir við-
ræðum við íslensk stjórnvöld í
tengslum við að hópi iðkenda Fal-
un Gong var meinað að koma til
landsins í júní sl.
Í fréttatilkynningu sem Falun
Gong hefur sent frá sér segir að
talsmenn samtakanna muni koma
hingað til lands í byrjun septem-
ber og að þeir njóti lögfræðilegrar
aðstoðar Ragnars Aðalsteinssonar
hæstaréttarlögmanns. Jafnfram er
vonast til þess að viðræður milli
fulltrúa Falun Gong og stjórnvalda
geti hafist eins fljótt og auðið er
og að þeim verði lokið fyrir 6.
september nk.
Í bréfinu, sem sent var ráðherr-
unum og afrit sent til alþingis-
manna, segir að samtök Falun
Dafa í Evrópu og Bandaríkjunum
hafi myndað sameiginlega við-
ræðunefnd um málefni Falun
Gong á Íslandi. Ekkert hafi þokast
í þá átt að leysa þau mál sem upp
komu í tengslum við að fólkinu var
meinað að koma hingað til lands á
meðan á heimsók Kínaforseta stóð.
Í bréfinu segir m.a. að þau áhrif
sem sú framkoma hafi haft á orð-
spor íslensku ríkisstjórnarinnar og
íslensku þjóðarinnar séu ekki síð-
ur áhyggjuefni.
Von nefndarinnar að hægt
sé að bæta fyrir tjónið
Í fréttatilkynningu sem samtök-
in sendu frá sér í gær segir að
rúmlega 100 iðkendum Falun
Gong hafi verið neitað um vega-
bréfsáritun, þeim snúið við á
landamærunum, haldið í stofufang-
elsi eða meinað að ganga um borð í
vélar Flugleiða í Evrópu og
Bandaríkjunum.
Segir þar að iðkendur Falun
Gong hafi með bréfaskriftum og
símleiðis ítrekað óskað eftir fund-
um við íslensk stjórnvöld auk þess
sem stjórnvöld annarra ríkja hafi
sent stjórnvöldum fyrirspurnir
fyrir hönd iðkenda Falun Gong.
Fram kemur að það sé von við-
ræðunefndarinnar (FIDC) að hægt
verði að komast að niðurstöðu og
bæta þann skaða sem þegar hefur
hlotist af. Bent er á að hugsanleg-
ar lyktir málsins gætu verið op-
inber afsökun, skaðabætur til
þeirra sem hlut áttu að máli, op-
inber fordæming á ofsóknum á
hendur Falun Gong í Kína og að
allir iðkendur sem á svarta listan-
um eru fái aðgang að honum og
jafnframt að honum verði eytt.
Talsmenn Falun Gong væntanlegir til Íslands
Óskað eftir viðræðum
við íslensk stjórnvöld
BÖRNIN þrjú voru niðursokkin í
leik sinn á Markarfljótsaurum og
virtust ekki veita hinu stórkost-
lega umhverfi athygli. Stóri-
Dímon blasti við, tignarlegur og
friðsæll.
Nú fer leikjum sumarsins senn
að ljúka því hausta tekur og
grunnskólar landsins hefjast í
þessari viku. Eflaust verður gam-
an fyrir ungviði landsins að hitta
félagana á ný eftir sumarfrí.
Sumri hallar við Stóra-Dímon
Morgunblaðið/Kristinn
ÍSLENSKIR kúabændur ættu að
hafa sóknartækifæri á mörkuðum
Evrópusambandsins eins og allir
aðrir, að sögn Grétars Más Sig-
urðssonar, skrifstofustjóra við-
skiptaskrifstofu utanríkisráðuneyt-
isins.
Eins og fram kom í Morgun-
blaðinu í gær gerði Þórólfur
Sveinsson, formaður Landssam-
bands kúabænda, framtíð kúa-
bænda að umtalsefni sínu á fyrri
degi aðalfundar LK í fyrradag og
sagði að hugsanleg aðild Íslands að
Evrópusambandinu myndi koll-
varpa núverandi forsendum naut-
griparæktar á Íslandi. Hitt hefði
farið miklu hljóðar að í samningn-
um um hið Evrópska efnahags-
svæði, sem Ísland er aðili að, kæmi
fram sá vilji að ræða frekari tolla-
lækkanir í viðskiptum með land-
búnaðarvörur milli aðila samnings-
ins.
Grétar Már vísar í þessu sam-
bandi á 19. grein EES-samnings-
ins, en þar segir: „...samningsað-
ilar skulu taka til athugunar alla
erfiðleika sem upp kunna að koma
í viðskiptum þeirra með landbún-
aðarafurðir og leitast við að finna
viðeigandi lausn á þeim. 2. Samn-
ingsaðilar skuldbinda sig til að
halda áfram viðleitni sinni til að
auka smám saman frjálsræði í við-
skiptum með landbúnaðarafurðir.
3. Í þeim tilgangi skulu samnings-
aðilar framkvæma endurskoðun á
skilyrðum fyrir viðskipti með land-
búnaðarafurðir fyrir árslok 1993
og á tveggja ára fresti þaðan í frá.
4. Samningsaðilar munu, í ljósi
þeirra niðurstaðna sem fást af
þessari endurskoðun, innan ramma
landbúnaðarstefnu hvers um sig og
með tilliti til niðurstaðna Úrúgvæ-
viðræðnanna, ákveða, innan
ramma samnings þessa, á grund-
velli fríðinda, með tvíhliða eða
marghliða hætti og með gagn-
kvæmu samkomulagi sem er hag-
stætt hverjum aðila, frekara afnám
hvers kyns viðskiptahindrana í
landbúnaði, að meðtöldum þeim
viðskiptahindrunum sem leiðir af
ríkiseinkasölum í viðskiptum á
sviði landbúnaðar.“
Grétar Már segir að viðræður
séu ekki hafnar en fram hafi komið
áhugi af hálfu Evrópusambandsins
á því að þær fari fram. Hins vegar
verði að hafa í huga að ekki sé ein-
ungis um viðskipti í aðra áttina að
ræða heldur báðar. ESB sé ekki
það frjálsasta í landbúnaðarafurð-
um heldur fylgi verndarstefnu eins
og Íslendingar. Samtöl hafi átt sér
stað en ekki eiginlegar viðræður
enda hafi hingað til ekki verið sér-
stakur áhugi á þeim, hvorki hjá Ís-
lendingum né ESB. Auk þess teng-
ist málið 20. grein samningsins,
sem fjalli um ákvæði og fyrirkomu-
lag varðandi fisk og aðrar sjávaraf-
urðir sem sé að finna í bókun 9.
Að sögn Grétars Más eru Íslend-
ingar ósáttir við ýmislegt varðandi
útflutning á landbúnaðarvörum til
ESB og hafa beri í huga að ekki
ríki jafnvægi á milli útflutnings frá
Íslandi til Evrópusambandsins og
innflutnings þaðan. Íslendingar
kaupi miklu meira af landbúnaðar-
vörum frá ESB en það frá Íslandi
og ekki séu full fríðindi inn á
markaðinn, sem Íslendingar sætti
sig ekki við. Hins vegar sé meiri
ástæða til að hafa áhyggjur af við-
ræðum innan Alheimsviðskipta-
stofnunarinnar en 19. greininni,
því þar sé gengið út frá miklum
þrýstingi um að auka frelsi í við-
skiptum með landbúnaðarafurðir.
Kúabændur ættu að
hafa sóknartækifæri
ÚLFAR Helgason tannlæknir veiddi
160 punda lúðu, um 80 kg, á sjóstöng
á Breiðafirði fyrir 39 árum og er það
sennilega stærsta lúða sem veiðst
hefur á sjóstöng hér við land.
Í Morgunblaðinu sl. sunnudag var
greint frá því að konur í Kvenfélagi
Hrunamannahrepps hefðu veitt 40
kg lúðu á sjóstöng rétt norðan við
Engey og haft eftir skipstjóra báts-
ins að svo stór lúða hafi aldrei veiðst
á sjóstöng áður. Í Morgunblaðinu 25.
ágúst 1963 er hins vegar sagt frá
sjóstangaveiðiferð átta Reykvíkinga
á Breiðafirði um verslunar-
mannahelgina það árið og þar kem-
ur fram að Úlfar Helgason tann-
læknir hafi veitt stærsta fisk sem
dreginn hafi verið á stöng hér við
land. „Áður hafa sjóstanga-
veiðimenn að vísu fest í sprökum, en
ekki tekist að innbyrða fyrr en nú.
Lúðan var ekki vegin en gamal-
reyndir lúðuveiðimenn töldu hana
„Með samstilltu
átaki gekk þetta“
vega um 160 pund,“ segir í fréttinni.
Áttmenningarnir gerðu út frá
Grafarnesi í Grundarfirði. Þeir reru
á vb. Sigurfara í stað áttærings og
höfðu sér til fulltingis tvo breið-
firska skipstjóra, þaulkunnuga
flyðrumiðum vestra. Veiðarnar
stóðu yfir í tvo daga og í frétt Morg-
unblaðsins kemur fram að veiði-
mennirnir gátu gefið öllu byggð-
arlaginu í soðið og selt að auki afla
fyrir 2.360 krónur. „Lúðan var mjög
þung, sögð um 80 kíló,“ sagði Úlfar í
samtali við Morgunblaðið í gær.
„Hún var frekar löt og það var eng-
inn hasar í henni, en ég man að Clau-
senbræður, Örn og Haukur, urðu
ógurlega veiðibráðir, enda hressir
menn. Við vorum ekki á miklu dýpi,
en ætli það hafi samt ekki tekið um
15 til 20 mínútur að innbyrða
lúðuna. Ég var með hörkusterka
línu og krókurinn réttist ekkert upp,
en með samstilltu átaki gekk þetta.“
Úlfar Helgason veiddi 160 punda lúðu á stöng