Morgunblaðið - 22.08.2002, Side 14
HÖFUÐBORGARSVÆÐIÐ
14 FIMMTUDAGUR 22. ÁGÚST 2002 MORGUNBLAÐIÐ
VATNSVIRKINN ehf
Ármúla 21 · Sími 533 2020
www.vatnsvirkinn.is
ÞAKRENNUR
Frábærar Plastmo
þakrennur með 20 ára
reynslu á Íslandi.
Til í gráu, brúnu, hvítu
og svörtu.
Heildsala - Smásala
BÆJARSTJÓRN Hafnarfjarðar
hefur samþykkt að auglýsa breyt-
ingu á deiliskipulagi fyrsta áfanga
Valla. Um er að ræða endurskoðun á
deiliskipulagi sem öðlaðist gildi þann
10. maí síðastliðinn.
Að sögn Gunnars Svavarssonar,
formanns Skipulags- og byggingar-
ráðs Hafnarfjarðar, er forsaga máls-
ins sú að í mars síðastliðnum sam-
þykkti þáverandi meirihluti nýtt
deiliskipulag svæðisins en þar er
gert ráð fyrir tveimur raðhúsum, um
35 einbýlishúsum og sjö fjölbýlishús-
um. Fóru þá atkvæði þannig í skipu-
lagsnefnd að tveir fulltrúar nefndar-
innar veittu málinu brautargengi,
annar fulltrúi Sjálfstæðisflokksins
greiddi atkvæði á móti því en fulltrú-
ar Samfylkingarinnar sátu hjá.
„Þetta fór í gegn með minnsta mun
og minnihlutinn hefði í sjálfu sér get-
að fellt það,“ segir Gunnar og bætir
við að aðalágreiningurinn hafi snúist
um það að byggingarskilmálarnir
þóttu nokkuð stífir.
Skipulagið var svo samþykkt í
bæjarstjórn og öðlaðist gildi þann
10. maí síðastliðinn, aðeins 15 dögum
fyrir bæjarstjórnarkosningar.
Gunnar segir að þegar Samfylk-
ingin hafi tekið við meirihlutastjórn
hafi hún boðið minnihlutanum upp á
að taka skipulagið upp. „Fulltrúarnir
í skipulagsráði höfðu áhuga á því og
þess vegna settum við málið aftur í
skoðun.“ Hann segir að með endur-
skoðuðu skipulagi sé verið að rýmka
byggingareiti og gefa íbúunum meiri
möguleika á að nýta hús sín.
Háhýsi í framtíðinni
Meðan á endurskoðun skipulags-
ins stóð barst bæjaryfirvöldum er-
indi frá Fjarðarmótum ehf., sem er
lóðarhafi Burknavalla 17, þar sem
farið var fram á að þar yrði leyft að
byggja tvö samstæð sex til átta hæða
fjölbýlishús sem mætt gætu þörfum
eldri borgara.
Í endurskoðuðu skipulagi er ekki
fallist á þetta heldur er bókað að
breytingin er talin of „umfangsmikil
í grundvallaratriðum alls skipulags
innan reitsins,“ eins og segir í bókun
Skipulagsráðs. Hins vegar er tekið
undir þá staðhæfingu umsækjenda
að mikil eftirspurn sé eftir húsnæði
sem henti aldurshópnum 50 ára og
eldri. Segir í bókuninni að Skipulags-
ráð muni nýta þessar upplýsingar
inn í áframhaldandi skipulagsvinnu á
Völlum í nánustu framtíð.
„Það er kannski verið að gefa und-
ir fótinn með það að það megi byggja
háhýsi í Hafnarfirði sem ekki hefur
verið gert undanfarin ár,“ segir
Gunnar aðspurður um þetta og bætir
við að þá verði næstu reitir Valla-
skipulagsins hafðir í huga.
Endurskoðað skipulag Valla samþykkt
Hafnarfjörður
ÞESSA dagana er verið að skipta
um gras á aðalvelli íþróttasvæðis ÍR
í Skógarseli. Að sögn fram-
kvæmdastjóra félagsins er þetta í
fyrsta sinn sem skipt er um gras á
vellinum frá því að hann var gerður.
Þorbergur Eysteinsson, fram-
kvæmdastjóri ÍR, segir fram-
kvæmdina felast í því að torfið verði
tekið af, sandur settur á svæðið og
loks tyrft yfir. „Svo þarf þetta að
gróa og við vonum að þetta gangi
heim og saman fyrir næsta vor
þannig að það verði hægt að leika á
vellinum þá.“
Hann segir endingu vallarins með
eindemum góða því ekkert hafi ver-
ið skipt um gras á honum frá því að
hann var gerður á árunum upp úr
1990. „Á sumum stöðum er hrein-
lega verið að skipta um árlega
þannig að hann er búinn að endast
svakalega vel. Við ÍR-ingar erum
mjög vel settir því við erum með svo
mikið gras að það er hægt að spara
vellina aðeins með því að færa æf-
ingar á milli valla. Það er lykilatriði
því við erum á mörkum þess að geta
notað gras vegna þess hve hátt
íþróttasvæðið liggur.“
Þrír grasvellir eru á íþróttasvæð-
inu og að sögn Þorbergs hefur verið
skipt um yfirborð hinna vallana
tveggja.
Morgunblaðið/Jim Smart
Framkvæmdastjóri ÍR vonar að grasið, sem nú er verið að leggja á aðalvöll félagsins, grói fyrir næsta vor.
Skipt um gras á aðalvelli ÍR
Breiðholt
ÞAÐ að nemendur og kennarar
koma fyrr til skóla nú en áður er
hugsanleg skýring á því að ekki hef-
ur tekist að ljúka við framkvæmdir
við alla grunnskóla fyrir skólabyrjun
að sögn forstöðumanns Fasteigna-
stofu Reykjavíkur. Veðurfar og tafir
við hönnun geta einnig átt sinn þátt í
seinkunum.
Morgunblaðið hefur greint frá því
að útlit sé fyrir að tafir á fram-
kvæmdum við tvo skóla í Reykjavík,
Klébergsskóla á Kjalarnesi og
Hlíðaskóla, muni valda röskun í
starfsemi þeirra í upphafi skólaárs-
ins. Tafirnar í ár eru þó ekki eins-
dæmi og aðspurður hvað valdi segir
Guðmundur Pálmi Kristinsson, for-
stöðumaður Fasteignastofu, raunina
þá að verktakar séu oft með hlutina á
síðasta snúningi. „Þetta er bara eins
og gerist og gengur í þessum fram-
kvæmdum. Menn eru allir af vilja
gerðir að klára á tilskildum tíma en
það sem er kannski nýtt þetta árið er
að kennarar og nemendur koma fyrr
en áður. Skólaskyldan er orðin
lengri um eina tíu daga miðað við það
sem áður var og það getur kannski
verið ástæðan fyrir því að þetta er
svona.“
Hann segir ekki eingöngu því um
að kenna að menn hafi verið seinir að
átta sig á þessari lengingu skólaárs-
ins heldur komi einnig til að verkin
séu oft boðin út árið á undan. Vegna
þessa sé ástandið nú svolítið verra en
önnur haust.
Unnið öll kvöld og helgar
Að sögn Guðmundar Pálma er
ekki alltaf hægt að grípa til úrræða á
borð við dagsektir þegar um seinkun
er að ræða því oft á tíðum hafi menn
gildar útskýringar á því hvers vegna
hún er til komin. „Það þarf að taka
tillit til lögmætra tafa, til dæmis
vegna veðurs. Það gæti verið ef
menn ná ekki að steypa upp vegna
frosts og vetrarhörku eða þegar
menn geta ekki notað krana og
steypumót vegna hvassviðris. Í sum-
um tilfellum hefur hönnun tafist og
það kemur niður á verktökunum sem
leiðir til þess að allur tíminn hliðrast.
Svona ófyrirséðir hlutir koma upp.“
Aðspurður hvort ekki sé hægt að
kalla til aukamannskap fyrr en raun
ber vitni segir Guðmundur Pálmi að
það sé gert. „Í Hlíðaskóla er til dæm-
is búið að vinna öll kvöld og allar
helgar í sumar. Það getur líka verið
erfitt hjá verktökunum að halda
mönnum að verki, til dæmis um
verslunarmannahelgi, því þá taka
menn sér hreinlega frí og fara eitt-
hvað. Þannig að þetta er allt mann-
legt.“
Hann segist hafa skilning á um-
kvörtunum skólastjórnenda vegna
slíkra tafa. „Kennararnir eru komnir
til starfa og svo koma nemendurnir
22. ágúst og þá þarf þetta allt að vera
tilbúið. Hins vegar er þetta spurning
um nokkra daga og þetta gengur yfir
á viku, hálfum mánuði. Það hefur
gert það á undanförnum árum þann-
ig að í mínum huga er þetta ekkert
stórvandamál.“
Forstöðumaður Fasteignastofu um tafir á framkvæmdum við grunnskóla
Morgunblaðið/Arnaldur
Frá framkvæmdum við Hlíðaskóla í vikunni: Tafir á framkvæmdum þar
og við Klébergsskóla á Kjalarnesi eru ekki einsdæmi.
Lenging skólaársins
hefur hugsanlega áhrif
Reykjavík
ÓÁNÆGJA er meðal foreldra í
Vesturbæjarskóla vegna þess stutta
fyrirvara sem hafður var á því að
greina frá nýrri tilhögun bekkja-
skipunar í 1.–4. bekk skólans. Eins
og Morgunblaðið greindi frá í gær
stendur til að tveir bekkir í skól-
anum verði árgangablandaðir, einn
bekkur með börnum í 1. og 2. bekk
og einn bekkur með börnum í 3. og
4. bekk.
Að sögn Erlends Pálssonar, for-
manns Foreldrafélags Vesturbæjar-
skóla, er býsna mikill kurr yfir mál-
inu þar sem aðeins eru fjórir dagar
síðan foreldrum var tilkynnt um
breytingarnar en skólasetning er í
dag. „Þetta er óþekkt og eins og
stendur í bréfinu þá er þetta gert út
af húsnæðisskorti og það er eðlilegt
að fólk bregðist illa við því. Þegar
maður fer að kynna sér málið betur
þá eru víða blandaðir bekkir þannig
að þetta er ekki nýtt og þarf svo
sem ekki að vera óskapleg nauð.“
Hann segir hins vegar margar
spurningar hafa vaknað hjá foreldr-
um varðandi hið nýja fyrirkomulag.
„Það verður að setjast niður og tala
við þá. Auðvitað hefði átt að ræða
við þá strax í vor þegar ljóst var að
stefndi í þetta. Fólk veit ekki neitt
og í rauninni veit ég sjálfur sáralítið
um það hvernig þessu verður hátt-
að. Þessu var haldið leyndu þangað
til núna bara þremur dögum fyrir
skóla og það er eiginlega það sem er
að hvekkja fólk.“ Aðspurður segir
hann foreldrafélagið og foreldraráð
ekki hafa vitað um breytingarnar
fyrr en bréfið barst.
Fundað með skóla-
stjóra um málið
Að sögn Erlends verður haldinn
fundur í kvöld með foreldrum þeirra
barna sem verða í blönduðu bekkj-
unum. Þar muni skólastjóri svara
spurningum og sömuleiðis verði
reynt að fá fulltrúa SAMFOKS
(Sambands foreldrafélaga og for-
eldraráða í skólum Reykjavíkur á
grunnskólastigi) og Fræðsluráðs á
fundinn. Hann segir fundinn öllum
opinn og hefst hann klukkan 20 í
Vesturbæjarskóla í kvöld.
Foreldrar óánægðir
vegna lítils fyrirvara
Vesturbær
Árgangablöndun í Vesturbæjarskóla
REKSTARAÐILI nektar- og veit-
ingastaðarins Club Clinton, sem rek-
inn var í Aðalstræti 4, hefur farið
fram á samningaviðræður við borg-
aryfirvöld vegna bótaábyrgðar borg-
arinnar í tengslum við stöðvun starf-
semi staðarins. Borgarráð synjaði
staðnum um vínveitingaleyfi í fyrra-
sumar auk þess sem nýtt deiliskipu-
lag Grjótaþorps bannar rekstur næt-
urklúbba á svæðinu.
Í bréfinu er rakið að málefni Club
Clinton hafi verið til umfjöllunar hjá
Lögreglustjóranum í Reykjavík
vegna ætlaðra brota á löggjöf um
áfengisveitingar og skemmtanahald.
Segir að lögmenn ákæruvaldsins hafi
farið yfir rannsóknargögn og ákveðið
að láta málið niður falla „enda komst
ákæruvaldið að þeirri niðurstöðu að
undirritaður rekstraraðili staðarins
hafði á engan hátt brotið í bága við lög
um áfengisveitingar og skemmtana-
hald,“ segir í bréfinu.
Þá segir: „Ljóst er að enginn laga-
legur grundvöllur var fyrir ákvörðun
Reykjavíkurborgar að þessu leyti en
aðgerðir lögreglu hafa stórskaðað
hagsmuni fyrirtækisins auk þess sem
stórlega hefur verið vegið að mann-
orði undirritaðs.“
Bendir rekstraraðilinn á að hann
hafi áður áskilið sér rétt til að krefjast
bóta fyrir það tjón sem deiliskipulag
Grjótaþorpsins hefði í för með sér fyr-
ir starfsemi hans. Þá hafi Reykjavík
skapað sér bótaábyrgð þar sem for-
sendur þess að svipta staðinn vínveit-
ingaleyfi byggðust á því sem er kallað
„rangar og villandi upplýsingar frá
Lögreglustjóranum í Reykjavík.“
Club Clinton
krefst bóta
Miðborg