Morgunblaðið - 22.08.2002, Blaðsíða 22
ERLENT
22 FIMMTUDAGUR 22. ÁGÚST 2002 MORGUNBLAÐIÐ
YFIRVÖLD í Írak efndu í gær til
blaðamannafundar þar sem þau
skýrðu frá sinni útgáfu af dauða
hryðjuverkamannsins Abu Nidals.
Sögðu þau, að hann hefði stytt sér
aldur, stungið byssuhlaupi upp í
munn sér og hleypt af. Bandaríkja-
menn segja, að vera hans í Bagdad
sýni út af fyrir sig tengsl Íraks-
stjórnar við alþjóðlega hryðjuverka-
starfsemi.
Taher Jalil Habbush, yfirmaður
írösku leyniþjónustunnar, sagði á
fundinum, að Abu Nidal, sem var 65
ára að aldri, hefði fyrirfarið sér þeg-
ar leyniþjónustumenn komu að
sækja hann í yfirheyrslu.
„Hann fór inn í herbergi til að
skipta um föt og þá kvað við skot-
hvellur. Í ljós kom, að hann hafði
stungið byssunni upp í sig og skotið
hlaupið út um hnakkann,“ sagði
Habbush. „Hann lést átta klukku-
stundum síðar á sjúkrahúsi.“
Samtök Abu Nidals lýstu því hins
vegar yfir í gær að leiðtoginn hefði
verið myrtur.
George Bush Bandaríkjaforseti
tjáði sig stuttlega um málið í gær og
virtist draga frásögn íraskra stjórn-
valda í efa. Alltjent hlyti að teljast
sérkennilegt að maðurinn hefði
framið sjálfsmorð með því að skjóta
sjálfan sig fjórum sinnum í höfuðið.
„Ég veit ekki hvernig hann lést.
Raunar þurfum við að bíða og fá
staðfest að hann sé í raun allur,“
sagði forsetinn.
Ekki sárt saknað
Dauða Abu Nidals var annars
fagnað í Bandaríkjunum. „Að Íraks-
stjórn skuli hafa veitt honum hæli
sýnir tengsl hennar við alþjóðlega
hryðjuverkastarfsemi,“ sagði Ari
Fleischer, talsmaður Hvíta hússins.
„Hans verður ekki sárt saknað.“
Habbush sagði, að Abu Nidal hefði
komið „ólöglega“ til Íraks frá Íran
árið 1999 og þá verið með falskt,
jemenskt vegabréf. Sagði hann, að
Jemenar þyrftu ekki vegabréfsárit-
un til að koma til Íraks en „arabískt
vinaríki“ hefði varað við komu hans.
Að sögn Habbush var lengi leitað
að Abu Nidal í Írak en þar hefði hann
notað annað nafn. Sýndi hann mynd-
ir af honum blóði drifnum og einnig
myndir af honum á sjúkrahúsinu.
Habbush sýndi mynd af jemenska
vegabréfinu og sagði, að önnur vega-
bréf og skilríki með ólíkum nöfnum
hefðu fundist á heimili hans. Þar
hefðu líka fundist skotvopn, átta
ferðatöskur, útbúnar sem sprengju-
gildra, og bréf á dulmáli. Það hefði
verið ráðið og af því mætti sjá hvaða
ríki hefði fjármagnað starfsemi
hans. Sagði Habbush, að um það yrði
þó ekki upplýst að sinni.
Sagður bera ábyrgð
á dauða 900 manna
Abu Nidal var gistivinur Íraka á
áttunda áratugnum en var rekinn úr
landi 1983 og sakaður um starfsemi,
sem „ógnaði öryggi ríkisins“. Hann
varð fyrst kunnur 1974 er hann sagði
skilið við Fatah-hreyfingu Yassers
Arafats en þá stofnaði hann sína eig-
in hreyfingu, Fatah-byltingarráðið,
með það fyrir augum að herða bar-
áttuna gegn Ísrael.
Samtök Nidals stóðu fyrir flug-
ránum og morðum og myrtu meðal
annars marga araba, til dæmis hóf-
sama Palestínumenn, sem vildu
semja við Ísraela. Meðal kunnustu
hryðjuverkanna eru árásirnar í flug-
höfnunum í Róm og Vín í desember
1985, árás á samkunduhús gyðinga í
Istanbul 1986 og ránið á bandarískri
farþegaþotu í Karachi sama ár.
Nidal er grunaður um að hafa látið
myrða Abu Iyad, varaformann PLO,
Frelsisfylkingar Palestínumanna, og
einnig annan háttsettan PLO-mann,
Abu Hul. Hefur Nidal verið kennt
um dauða alls 900 manna.
Reuters
Taher Jalil Al-Habbush, yfir-
maður írösku leyniþjónustunn-
ar, heldur á myndum af líki Abu
Nidals á blaðamannafundi í gær.
Stakk hlaupinu
upp í sig og
hleypti af
Segjast hafa fundið fjölda vegabréfa,
skotvopn og átta sprengjugildrur
Bagdad. AFP.
Írakar lýsa dauða hryðjuverka-
mannsins Abu Nidals
GERT er ráð fyrir að dómarar í
Danmörku ákveði í dag eða á
morgun hvort grundvöllur sé til
að fangelsa tvo menn sem grun-
aðir eru um að hafa myrt dæmd-
an barnaníðing í borginni Midd-
elfart sl. laugardag, að sögn
Berlingske Tidende.
Hinn myrti, Villy G. Andersen,
var 63 ára gamall. Hann var á
ferð í bíl sínum í grennd við
markað í bænum rétt við endann
á brúnni yfir Litlabelti skömmu
fyrir hádegi á laugardag með
eiginkonu sinni. Hún sat við hlið-
ina á honum í rauðum Passat-
skutbíl þeirra. Skotið var á hann
úr hvítum sendibíl sem ók upp að
hlið bílsins og hitti eitt skotanna
hann í höfuðið. Konan sá ekki
mennina og gat því ekki lýst
þeim en mörg vitni voru yfir-
heyrð og sáu nokkur þeirra
sendibílinn aka hratt af vett-
vangi. Á honum var skilti með
áletruninni „Útleiga“.
Í fyrstu var ekki útilokað að
um voðaskot úr léttum riffli hefði
verið að ræða. Lögreglan hefur
nú lagt fram ýmsar vísbendingar
um sekt mannanna tveggja sem
eru 53 og 63 ára gamlir og frá
borginni Kolding. Er talið að
ástæðan geti verið að hinn myrti
hafi leitað á níu ára gamla dóttur
annars mannsins. Andersen hafði
hlotið dóm fyrir kynferðislega
misnotkun á börnum.
Danskur barna-
níðingur myrtur
TILKYNNT hefur verið að
George W. Bush Bandaríkjaforseti
muni ekki sækja ráðstefnu Sam-
einuðu þjóðanna um sjálfbæra þró-
un sem hefst í Jóhannesarborg í
Suður-Afríku á mánudag. Bush
sendir Colin Powell utanríkisráð-
herra í sinn stað en ákvörðun
Bush hefur þegar valdið miklum
vonbrigðum.
Eitt stærsta verkefni ráðstefn-
unnar er að finna leiðir til að tak-
ast á við fátækt í heiminum og
segja talsmenn mannúðarsamtaka
það mikil vonbrigði að forseti rík-
asta lands í heimi telji ekki ástæðu
til að taka þátt í því.
Tíu ár eru nú liðin frá fyrstu
ráðstefnunni um sjálfbæra þróun,
en hún var haldin í Rio de Janeiro
í Brasilíu. Er gert ráð fyrir að á
ráðstefnunni nú verði rætt um ár-
angur af þeirri stefnumótun, sem
sett var í Rio. Í Rio var m.a.
ákveðið að stefnt skyldi að því að
helminga hungur í heiminum fyrir
árið 2015 en ljóst er nú að það
markmið mun ekki nást, og að
setja þurfi ný markmið í Jóhann-
esarborg.
Ný mark-
mið sett í
Jóhannes-
arborg
! " #
$
% & ' (! )* ! +,-./
". "8 +
"
=
;+
B8
;
" ++ 8
4B404 )) 8
>
0 '
% ,1 '
%22 (2 *'&
&'&
&"
+
*=
<'&"
+ !
:'& ;
*'&
+
! 9
0
-(-
3(-
3@
4(-
!
&(-
3(-
!5 )
@ -
3 >@
5
;
8
22 (2 22(22
3 3 > MAXINE Carr var í gærmorgun úr-
skurðuð í átta daga gæsluvarðhald,
en hún hefur verið ákærð fyrir að
hindra framgang réttvísinnar við
rannsókn á hvarfi og morði á tveimur
10 ára gömlum stúlkum í Englandi.
Sambýlismaður Carr, Ian Huntley,
hefur verið ákærður fyrir að hafa
rænt stúlkunum og myrt þær.
Carr sat í réttarsalnum í 20 mín-
útur meðan ákæran á hendur henni
var lesin upp, og talaði aðeins tvíveg-
is, í fyrra skiptið þegar hún staðfesti
nafn sitt og það síðara þegar hún
staðfesti heimilisfang. Var hún
klædd gallabuxum og stuttermabol,
ómáluð og þreytuleg. Lögmaður
hennar óskaði ekki eftir því að hún
yrði látin laus gegn tryggingu.
Mikill viðbúnaður var við dóms-
húsið í Peterborough í gærmorgun,
en yfirvöld óttuðust að einhver
myndi reyna að taka lögin í sínar
hendur og ráða Carr af dögum. Tug-
ir lögreglumanna gættu hennar þeg-
ar henni var ekið til dómhússins, þar
sem æstur múgur beið Carr. Fólkið
hrópaði ókvæðisorð og formælingar
að Carr þar sem hún sat í lögreglu-
bílnum.
Að þingfestingu málsins lokinni
hafði mannfjöldinn fyrir utan dóms-
húsið margfaldast og taldi þá fleiri
hundruð manns. Þurfti að kalla til
fleiri lögreglumenn til að hafa hemil
á múgnum og varaði lögreglan fólk
við því að ganga út á akveginn þar
sem bifreiðin með Carr innanborðs
„næmi ekki staðar fyrir neinum“. Á
þá fullyrðingu reyndi ekki.
Gengið úr skugga um sakhæfi
Stúlkurnar tvær, sem hétu Holly
Wells og Jessica Chapman, hurfu 4.
ágúst þar sem þær voru á gönguferð
í Soham, heimabæ sínum. Í kjölfarið
hófst einhver umfangsmesta leit í
breskri glæpasögu. Lík, sem lög-
regla staðfesti í gær að væru af þeim,
fundust um helgina í skógarrjóðri
um 11 km frá Soham.
Huntley kom ekki fyrir rétt í gær
en hann er vistaður á réttargeðdeild
á öryggissjúkrahúsi í Nottingham-
skíri, þar sem geðlæknar munu úr-
skurða um sakhæfi hans. Læknarnir
hafa 28 daga frest til að rannsaka
hann, en sá frestur getur verið fram-
lengdur. Reynist hann ósakhæfur af
andlegum ástæðum geta geðlækn-
arnir haldið honum þar út í hið óend-
anlega. Á Rampton-réttargeðdeild-
inni sitja sumir hættulegustu glæpa-
menn Bretlands, þar á meðal einn
versti kvenkyns raðmorðingi í
breskri sögu, Beverly Allitt, „Engill
Dauðans“, sem myrti fjögur börn á
fyrri hluta tíunda áratugarins.
Æptu ókvæðisorð
og formæltu Carr
Staðfest að líkin
eru af stúlkunum
London. AP, AFP.
Reuters
Tvær konur í bresku borginni Peterborough hrópa ókvæðisorð að lögreglubíl með Maxine Carr innanborðs í
gær. Unnusti Carr, Ian Huntley, hefur verið ákærður fyrir morðið á Holly Wells og Jessicu Chapman.