Morgunblaðið - 15.09.2002, Blaðsíða 25

LISTIR
MORGUNBLAÐIÐ SUNNUDAGUR 15. SEPTEMBER 2002 25
w w w. i n t e r c o i f f u r e . i s
Brósi, Caracter, Carmen, Cleo, Dúddi, Elegans, Hár- og snyrt ing, Hárný,
Hársaga, Höfuðlausnir, Jói og félagar, Medulla, Möggurnar, Salon Veh, Perma.
Skógarhlíð 18, sími 595 1000.
www.heimsferdir.is
Heimsferðir bjóða nú einstakt tæki-
færi til að kynnast tveimur fegurstu
borgum mið-Evrópu í einni ferð.
Borga þar sem menning, listir og tón-
list eru í hávegum höfð. Beint flug
Heimsferða til Budapest frá Íslandi
þann 14. október þar sem fararstjóri
Heimsferða tekur á móti hópnum.
Ekið beint til Vínar þar sem dvalið er
í 3 nætur. Á 4 degi er ekið til Buda-
pest þar sem dvalið er í 4 nætur.
Beint flug til Íslands.
Aðeins 30 sæti
Verð kr. 79.950
á mann í tvíbýli.
Verð kr. 91.900
á mann í einbýli.
Innifalið: Flug, gisting með morgun-
verðarhlaðborði, akstur til og frá flug-
velli erlendis og á milli áfangastaða, far-
arstjórn, flugvallarskattur og gjöld.
Ekki innifalið: Skoðunarferðir og að-
gangseyrir á tónleika, siglingar og söfn.
Ferðatilhögun:
14. okt. Flogið til Budapest, komutími kl.
20.15. Ekið beint til Vinar, um 3 klst. akst-
ur. Gist á góðu hóteli í miðborg Vínar.
Vínarborg, fögur og glæsilega borg. Tign-
arlegar byggingar borgarinnar láta engan
ósnortinn. Höfuðborg Austurríkis, borgar
tónlistar og hins keisaralega glæsileika.
14.–17. okt. Dvalið í Vínarborg. Notum
tímann til að kynnast þessar fögru borg.
Við skoðum sérkennilegt fjölbýlishús
hönnuðarins Hundertwasser, Hofburg, höll
austurrísku keisaranna, miðbæinn og Stef-
ánskirkjuna, sem er tákn borgarinnar,
brögðum á hinni frægu Sachertertu og
margt fleira kemur við sögu. Bregðum okk-
ur á vínartónleika með dásamlegri tónlist
og vínarvölsum. Eyðum kvöldstund í
skemmtanahverfinu Grinzing svo fátt eitt
sé nefnt.
17. okt. Ekið frá Vín til Búdapest, heillandi
borgar með magnaða sögu. Glæsilegur
arkitektúr, frábær matargerð seiðandi síg-
aunatónlist og sígild meistarverk ásamt sér-
lega elskulegu viðmóti landsmanna gerir
þessa borg einstaka í Evrópu.
17.–21. okt. Dvalið í Búdapest. Gist á góðu
3 * hóteli rétt við miðbæ borgarinnar. Í
Búdapest verður boðið uppá kynnisferð um
Budapest. Þar sem við kynnumst Budahæð-
um með kastalanum og Mattheusarkirkj-
unni, Gelert hæð, hetjutorginu og ýmsum
glæsibyggingum eins og óperunni, kirkju
heilags Stefáns, þinghúsinu og ýmsu öðru í
þessari stórkostlegu borg.
Vikuferð
Vín og Budapest
14. október
frá kr. 79.950
Vegna mikils áhuga boða Landsteinar enn á ný til 140 stunda forritunar-
námskeiðs í Navision Financials/Attain. Á námskeiðinu öðlast þátttakendur
djúpan skilning á virkni og uppbyggingu þessa vinsæla upplýsingakerfis og
að námskeiði loknu verða þeir gjarnan umsjónarmenn kerfisins sem eiga
auðvelt með að koma auga á möguleika þess og aðstoða samstarfsfólk.
Námskeiðið hefst þann 2.október 2002 og því lýkur 11. desember 2002.
Kennt verður í húsakynnum Landsteina að Grjóthálsi 5 á mánudögum og
miðvikudögum milli kl 18 og 21 og á laugardögum frá kl. 9 til 12. Verð
námskeiðsins er 156.000 kr. Nánari upplýsingar er að finna á vef Landsteina
www.landsteinar.is.
Umsóknir sendist á tölvupóstfangið namskeid@landsteinar.is.
Umsóknarfrestur er til 25. september nk.
Skapaðu þér tækifæri í atvinnulífinu !
- Nám í hönnun og notkun í Navision Attain
Sími 570 7000
Lithimnulestur
Með David Calvillo
Alla fimmtudaga
og föstudaga
Lithimnulestur er gömul fræðigrein þar sem
upplýsingar um heilsufar og bætiefni eru
lesnar úr lithimnu augans.
Á fimmtudögum og föstudögum í vetur mun
David Calvillo vera með lithimnulestur í
Heilsubúðinni, Góð heilsa gulli betri. Uppl. og tímapantanir í s:561-5250.
NJÓTTU hvers einasta tóns ... er
yfirskrift tónleikanna í Salnum kl.
21 í kvöld, sunnudagskvöld. Það
er japanska djasshljómsveitin
Japonijazz sem leikur fjölbreytta
blöndu af tónlist úr austri og
vestri. Salsa og bossa nova bland-
ast japanskri danstónlist, þjóð-
lögum og popptónlist en grunn-
tónninn er þó alltaf úr latino jazz.
Hljómsveitin er sett saman af
mörgum fremstu djasstónlist-
armönnum Japans, sérstaklega til
þess að spila á erlendri grund.
Það er hljómborðsleikarinn Toru
Nakajima sem leiðir hljómsveitina
en bakgrunnur hans er í djassi og
suður-amerískri tónlist. Sviðs-
framkoman er lífleg og saman
mynda saxófónn, flauta, trommur,
söngur, bassi og gítar upplifun í
bland við ýmis skrítin hljóð sem
koma úr barka bassaleikarans
Takahashi Getao. Aðrir í sveitinni
eru Caorinho Fujiwara, söngur og
gítar, Miyamoto Dairo, saxófónn
og flauta, Ogimi Gen, ásláttur og
Takeda Tatsuhiko, trommur.
Til Íslands kemur Japonijazz á
vegum sendiráðs Japans með liðs-
styrk Japan Foundation á tón-
leikaferð sinni um Evrópu. Að-
gangur að tónleikunum er
ókeypis.
Japanskir djass-
leikarar í Salnum
Djasssveitin Japonijazz leikur í Salnum í kvöld.
MORGUNBLAÐINU hefur bor-
ist eftirfarandi yfirlýsing frá Leik-
skáldafélagi Íslands:
„Það er sérstakt fagnaðarefni
að áherslum í verkefnavali Þjóð-
leikhússins hafi nú verið breytt á
þann veg, að innlend samtímaleik-
ritun fær jafn verðugan sess á
verkefnaskránni og raun ber vitni.
Þá hefur leikhúsið einnig boðað
tímabært átak til að efla nýja leik-
ritun og er það afar mikils virði.
Nú ber svo við að tveir leiklist-
argagnrýnendur hafa brugðist á
mjög neikvæðan hátt við þeim
mikilsverðu tíðindum sem hér
hafa orðið, þeir Stefán Sturla Sig-
urjónsson á Rás 2 sunnudaginn 1.
september og Jón Viðar Jónsson í
þættinum Ísland í dag á Stöð 2
mánudaginn 2. september.
Með því tilfinningalega uppnámi
sem einkenndi neikvæð viðbrögð
þessara manna við boðaðri vetr-
ardagskrá Þjóðleikhússins lítur
stjórn Leikskáldafélags Íslands
svo á, að þeir hafi gert sig van-
hæfa til að fjalla opinberlega um
nýja, innlenda leikritun á komandi
vetri.
Af þessu tilefni er ástæða til að
rifja upp afstöðu leiklistargagn-
rýnenda fyrri tíma, sem Ásgeir
heitinn Hjartarson orðaði svo í
hnotskurn árið 1960, í tilefni af tíu
ára afmæli Þjóðleikhússins: „Það
sem framar öllu hefur hamlað ör-
um viðgangi og vexti leikhússins
er skortur hæfilegra innlendra
viðfangsefna, íslenzkra leikrita –
það er löngu viðurkennt af öllum,
og raunar óþarft að ræða. Þjóð-
leikhús sem verður að sækja allt
eða flest til annarra landa er „illa
rætt og undarlega sett“ og hlýtur
að kafna undir nafni, og fullum
þroska ná listamenn sviðsins aldr-
ei nema þeir fái að túlka sitt eigið
þjóðlíf, lýsa því sem þeir þekkja
og skilja betur öðrum.“
Stjórn Leikskáldafélags Íslands
óskar Þjóðleikhúsinu til hamingju
með vetrardagskrána og hvetur
önnur leikhús til að fara að for-
dæmi þess, og þá sem geta aukið
veg innlendrar leikritunar til að
styðja það myndarlega.“
Yfirlýsing um verk-
efnaval Þjóðleikhússins
TVÆR ungar listakonur, Margrét
Hrafnsdóttir söngkona og Hrönn
Þráinsdóttir píanóleikari, sem enn
stunda framhaldsnám erlendis,
héldu tónleika sl. fimmtudagskvöld í
Listasafni Sigurjóns Ólafssonar.
Hér er á ferðinni efnisfólk, sem þó á
enn ýmislegt ógert, enda var efnis-
skráin eins og söngvarinn væri að
leita fyrir sér hvar best væri að hasla
sér völl og einnig eins og efnisskráin
væri hugsuð til prófs, þar sem tekið
var á þremur ólíkum þáttum; tónlist
frá barokktímanum, rómantískum
söngverkum og nútíma revíu- og
dægurtónverkum.
Tónleikarnir hófust á aríu Semele
úr óratoríunni (ekki óperunni) Se-
mele eftir Handel (ekki Händel). Se-
mele var dóttir Kadmosar í Þebu og
var hjákona Seifs og átti með honum
Díonísus. Samskipti þeirra og örlög
Semele eru tilgreind hjá Homer en
hjá Handel er Semele túlkuð ástsjúk
og haldin óþrotlegri löngun til karla.
Þessi túlkun Handels vakti mikil við-
brögð hjá yfirstéttinni í London á
sínum tíma, er fannst sér misboðið.
Í aríu Semeke eftir Handel, Le
Violette eftir Alessandro Scarlatti og
í She never told her love eftir Haydn
var raddbeiting söngkonunnar allt
önnur er síðar gat að heyra í Frauen-
liebe und Leben eftir Schumann,
þremur lögum eftir Grieg og tónlesi
og aríu Maríu úr Seldu brúðinni eftir
Smetana. Af eðlilegum ástæðum
breytti svo söngkonan aftur um
söngstíl í tveimur Überbrettl-söngv-
um eftir Schönberg. Slík stílskipti
útheimta mikla þjálfun í raddbeit-
ingu en geta verið beggja blands, því
mismunur á stíl er ekki síður mis-
munur í túlkun en raddbeitingu.
Að þessu leyti var söngur Mar-
grétar Hrafnsdóttur nokkuð mislit-
ur, eins og hún sé ekki enn fyllilega
búin að samhæfa hljómgun raddar-
innar. Þrátt fyrir þetta var söngur
hennar oft fallega mótaður og t.d. í
Frauenliebe, í Du Ring an meinem
Finger, gat að heyra sérlega innilega
túlkun, þótt lagaflokkurinn í heild og
reyndar flest viðfangsefnin á tón-
leikunum hafi á köflum verið allt of
hægt flutt, er rændi flutninginn
spennu og jafnaði út í eitt flest við-
fangsefnin.
Í Überbrettl-söngvunum eftir
Schönberg, Galatheu við ljóð eftir
Wedekind og Seit ich so viele Weiber
sah við ljóð úr leikverki eftir Schik-
aneder var söngur og leikur Mar-
grétar mjög góður.
Hrönn Þráinsdóttir lék á margan
hátt mjög vel á píanóið, þótt meiri
hraði hefði gefið henni betra tæki-
færi til að sýna tækni sína enn frekar
en hér gat að heyra. Í heild var flutn-
ingurinn oft áferðarfallegur, en ein-
um of hægferðugur, og verður því að
bíða þess enn að þær stöllur ljúki
námi og sýni þá hvað í þeim býr.
Hægferðugur
flutningur
TÓNLIST
Listasafn Sigurjóns Ólafssonar
Margrét Hrafnsdóttir og Hrönn Þráins-
dóttir fluttu söngverk allt frá barokktím-
anum til nútímans. Fimmtudaginn 5.
september.
EINSÖNGSTÓNLEIKAR
Jón Ásgeirsson