Morgunblaðið - 21.09.2002, Blaðsíða 49

MORGUNBLAÐIÐ LAUGARDAGUR 21. SEPTEMBER 2002 49
Nýbýlavegi 12, Kópavogi,
sími 554 4433.
Mikið af fallegum
peysum
frá kr. 1.990
Skipulagt
til framtíðar?
Kynningar- og umræðufundur um niðurstöður leiðtoga-
fundar Sameinuðu þjóðanna um sjálfbæra þróun í
Jóhannesarborg nýverið verður haldinn í hátíðarsal
Háskóla Íslands, mánudaginn 23. september kl 17.
Kynning á helstu niðurstöðum leiðtogafundarins
Siv Friðleifsdóttir, umhverfisráðherra.
Niðurstöður leiðtogafundarins frá sjónarhorni þingmanns
Katrín Fjeldsted.
Er sjálfbær þróun í sjónmáli?
Hjörleifur Guttormsson.
Niðurstöður leiðtogafundarins
frá sjónarhóli umhverfissamtaka
Ólöf Guðný Valdimarsdóttir.
Sjálfbær þróun: Tískuhugtak á tyllidögum
eða fyrirheit um bjarta framtíð
Kolbrún Halldórsdóttir.
Hvað hefur miðað? Hverjar voru væntingar?
Hvar þarf að gera betur? Hugleiðingar háskólamanns
Júlíus Sólnes.
Í lok fundarins verður fundargestum gefinn kostur á að
leggja spurningar fyrir frummælendur.
Fundarstjóri: Ágúst Einarsson, forseti Viðskipta-
og hagfræðideildar Háskóla Íslands.
Umhverfismennt
alla ævi
Ráðstefna Umhverfisfræðsluráðs
í samvinnu við Skóla á grænni grein
Sólheimum í Grímsnesi
föstudag 27. september 2002
DAGSKRÁ
09.00 Rútuferð úr Reykjavík.
10.00 Setning: Siv Friðleifsdóttir, umhverfisráðherra.
10.15 Margrét Júlía Rafnsdóttir: Umhverfismennt - leiðin frá Dagskrá 21 til grunnskólans.
10.45 Hafdís Ragnarsdóttir: Umhverfisstefna í grunnskóla.
11.15 Kaffi.
11.30 Kristín Norðdahl: Hugmyndir leikskólabarna um náttúruna.
12.00 Sigrún Helgadóttir: Skólar á grænni grein.
12.15 Hádegisverður.
13.15 Fræðsla um Sesseljuhús og umhverfisstarf á Sólheimum.
14.00 Anna Borg Harðardóttir: Norðurberg - umhverfisvænn leikskóli.
14.15 Auður Þórhallsdóttir: Fossvogsskóli - Grænn skóli.
14.30 Sigurður St. Helgason: Náttúrufræðikennsla á Laugarvatni.
14.45 Jóhann Guðjónsson: GLOBE verkefnið.
15.00 Kaffi.
15.30 Árni Sverrir Erlingsson: Umhverfisstarf í Fjölbrautarskóla Suðurlands.
15.45 Baldur Gunnlaugsson og Sveinn Aðalsteinsson: Nám á umhverfisbraut
Garðyrkjuskólans á Reykjum.
16.00 Dr. Björn Gunnarsson: Umhverfisfræðinám í Háskóla Íslands.
16.15 Guðmundur Andri Thorsson: Umhverfismennt alla ævi.
16.45 Ráðstefnuslit.
17.00 Rútuferð til Reykjavíkur.
Ráðstefnustjóri: Gunnhildur Óskarsdóttir.
Skráning fer fram í umhverfisráðuneytinu, s. 545 8600 eða á postur@umh.stjr.is.
Vinsamlega skráið ykkur í síðasta lagi miðvikudaginn 25. sept. Þátttaka er ókeypis.
Vinsamlega tilgreinið netfang og takið fram hvort þið hyggist þiggja ókeypis
ferðir með rútu frá Reykjavík (Umferðarmiðstöðinni) til og frá Sólheimum og
hvort þið viljið þiggja hádegisverð á Sólheimum á kr. 1.250.
Konur og kynferði
Helgarnámskeið 27.-29. sept.
Átt þú slæmar minningar tengdar kynlífi?
Ert þú tilbúin að vinna úr þeim, hleypa gleði inn í skuggana og skapa
þína eigin framtíð?
Tilfinningalosun og heilun: Líföndun, fyrirlestrar, raddheilun, yoga,
hugleiðsla o.fl.
Guðrún Arnalds,
hómópatía,
nudd og líföndun,
s. 896 2396/561 0151
Gitte Lassen,
ráðgjafi, heilari
og miðill
s. 861 3174
Íris Sigurðardóttir,
blómadropar - heilun,
s. 866 2420
isblom@simnet.is
Kynningarfyrirlestur þriðjud. 24. sept. kl. 21.00 í Heilsuhvoli
TÉKKNESKI stórmeistarinn
Tomas Oral sigraði Stefán Krist-
jánsson með 4 vinningum gegn 2 í
Hreyfilseinvíginu sem háð var í
Þjóðarbókhlöðunni. Oral hóf einvíg-
ið á þremur vinningsskákum. Í
fjórðu skákinni varð síðan jafntefli
og þar með hafði Oral tryggt sér
sigur í einvíginu. Fimmtu skákinni
lauk einnig með jafntefli. Sjötta
skákin varð hins vegar afar fjörug
og átti gífurlegt tímahrak sinn þátt í
því. Stefán stýrði hvítu mönnunum
og Oral beitti Sikileyjarvörn. Eftir
22 leiki hafði hvorugum tekist að
skapa sér umtalsverð færi, en í 23.
leik lék Stefán slökum leik sem gaf
Oral gott tafl. Eftir það var tíma-
hrakið í algleymingi og strax í
næsta leik lék Stefán öðrum slökum
leik sem virtist leiða til tapaðrar
stöðu. Oral hélt yfirburðunum í
tímahrakinu, en í 28. leik var komið
að honum að leika af sér og taflið
jafnaðist. Tímamörkin voru við 30.
leik og ósjaldan hafa síðustu leik-
irnir fyrir tímamörk ráðið úrslitum.
Heilladísirinar snérust á sveif með
Stefáni og 29. leikur Oral reyndist
alvarlegur afleikur sem gaf Stefáni
kost á þvinguðu máti, þannig að
Oral gaf taflið þegar hann sá hvað
við blasti.
Þetta ágæta framtak Taflfélags-
ins Hróksins og Hreyfils á örugg-
lega eftir að reynast Stefáni gott
veganesti í framtíðinni. Það er einn-
ig athyglisvert, að þjálfun Zigurd
Lanka, sem Stefán stundaði sam-
hliða einvíginu, skilaði sér strax.
Þannig mun lokastaðan í fjórðu
skákinni, þar sem Stefán náði fyrsta
jafnteflinu, hafa komið upp við
skákrannsóknir á námskeiðinu hjá
Lanka.
Taflfélagið Hellir teflir
í Evrópukeppni taflfélaga
Taflfélagið Hellir tekur þátt í
Evrópukeppni taflfélaga sem fram
fer í Halkidiki í Grikklandi dagana
22.–28. september nk. Hér er um að
ræða einn stærsta skákviðburð
hvers árs, en meðal keppenda eru
flestir sterkustu skákmenn heims.
Má þar nefna sjálfan Braingames-
heimsmeistarann Vladimir Kram-
nik. Einnig tekur sterkasta skák-
kona allra tíma, Judit Polgar, þátt í
mótinu og einn yngsti stórmeistari
allra tíma, Radjabov, sem er aðeins
14 ára. Hann vakti mikla athygli í
keppni heimsins og Rússlands með
frábærri frammistöðu.
Hellir er eina íslenska félagið sem
tekur þátt í keppninni nú, en alls
taka þátt í keppninni um 44 af
sterkustu skákfélögum Evrópu.
Helli hefur oft gengið vel í keppn-
inni. Árið 1997 komst félagið í 8 liða
úrslit og í fyrra hafnaði félagið í 10.
sæti og var félagið þá efst sveita frá
Vestur-Evrópu!
Í fyrra fengu tveir liðsmenn borð-
averðlaun fyrir góðan árangur.
Ingvar Ásmundsson á sjötta borði,
en hann var elstur keppanda og
Hannes Hlífar Stefánsson fékk
borðaverðlaunum á fyrsta borði
ásamt Ivanchuk og Dreev. Frammi-
staða Hannesar vakti mikla athygli,
en hann vann m.a. núverandi
FIDE-heimsmeistara Ruslan Pon-
omariov í frægri skák. Lið Hellis
skipa:
1. SM Hannes Hlífar Stefánsson
2. SM Helgi Ólafsson
3. FM Ágúst Sindri Karlsson
4. FM Ingvar Ásmundsson
5. FM Snorri Guðjón Bergsson
6. FM Andri Áss Grétarsson
Liðsstjóri og varamaður: Gunnar
Björnsson
Sigurður Daði með
forystu á Haustmóti TR
Sex umferðum er lokið á Haust-
móti Taflfélags Reykjavíkur. Sig-
urður Daði Sigfússon hefur tekið
forystuna í A-riðli með 5 vinninga.
Staða efstu manna í riðlinum er
þessi:
1. Sigurður Daði Sigfússon 5 v.
2. Davíð Kjartansson 4½ v.
3. Kristján Eðvarðsson 4 v.
Í B-flokki er staða efstu manna
þessi:
1. Stefán Bergsson 5½ v.
2.–3. Guðni Stefán Pétursson,
Stefán Freyr Guðmundsson 5 v.
Í C-flokki er Sturla Þórðarson
efstur með 5½ vinning.
Sjöunda Halló!
skákmótið á sunnudag
Sjöunda mótið í Bikarsyrpu
Halló! fer fram sunnudagskvöldið
22. september, en það síðasta verð-
ur haldið 24. nóvember og verður
það jafnframt Íslandsmótið í net-
skák. Þeir sem hafa teflt í einhverju
af sex fyrstu mótinu þurfa ekki að
skrá sig heldur er nægilegt að
tengjast ICC skákklúbbnum fyrir
klukkan 20. Aðrir þurfa að skrá sig
á Hellir.is
Tefldar verða níu umferðir. Um-
hugsunartími er fjórar mínútur á
skák auk þess sem tvær sekúndur
bætast við eftir hvern leik.
Bikarsyrpa Halló! á ICC er
keppni um hver fær flesta vinninga
samtals í 8 af 10 mótum. Vinningar í
landsliðsflokki Íslandsmótsins telja
tvöfalt.
Keppt verður í fimm flokkum og
eru sigurvegararnir í hverjum flokki
jafnframt bikarmeistarar Halló! í
viðkomandi flokki. Flokkarnir eru
opinn flokkur, undir 2.100, undir
1.800 og stigalausir. Stigaflokkar
miðast við íslensk stig 1. apríl 2002.
Röð efstu manna í bikarsyrpunni:
1. Snorri Guðjón Bergsson 31,5 v.
2. Björn Þorfinnsson 29,5 v.
3. Rúnar Sigurpálsson 28,5 v.
Nánari upplýsingar er að finna á
www.hellir.is
Stefán sigraði í lokaskákinni
SKÁK
Þjóðarbókhlaðan
HREYFILSEINVÍGIÐ 2002
14.–19. ágúst 2002
Stefán Kristjánsson
Daði Örn Jónsson
Guðrún Arnalds, símar 896 2396 og 551 8439
Líföndun
Guðrún Arnalds verður með helgarnámskeið
í líföndun helgina 5. og 6. óktóber
Djúp öndun hreinsar líkama og sál, eykur bjartsýni
og lífsorku og blæs burtu kvíða og kvillum.
Jóga mánudaga og miðvikudaga kl. 17.30 v/Háaleitisbraut 11
„Tíminn er líf og lífið býr í hjartanu“
EINKATÍMAR: HÓMÓPATÍA - NUDD - LÍFÖNDUN