Morgunblaðið - 21.09.2002, Blaðsíða 12

FRÉTTIR
12 LAUGARDAGUR 21. SEPTEMBER 2002 MORGUNBLAÐIÐ
FYRIR tveimur árum ákváðu
stjórnendur Háskólans í Reykjavík
að taka þátt í samstarfi virtra há-
skóla í Evrópu, Bandaríkjunum og
Mexíkó um kennslu og þróun fjöl-
þjóðlegs stjórnunar- og viðskipta-
náms, þar sem rík áhersla er lögð á
hagnýtingu upplýsingatækni. Sam-
starf þessara 10 skóla, Aþenu-há-
skóla, Viðskiptaháskólans í Kaup-
mannahöfn, ERASMUS í Rotter-
dam, EGADE í Monterrey í Mexíkó,
ESADE í Barcelona, Georgia í Atl-
anta í Bandaríkjunum, HR, Kölnar-
háskóla í Þýskalandi, Denver-há-
skóla í Bandaríkjunum og Viðskipta-
háskólans í Bergen, nefnist GeM,
Global eManagement, og hóf 31
nemandi þetta 15 mánaða nám við
HR í janúar 2001, en tæplega 60
sóttu um. Kennslan er á ensku og
eru kennarar meðal annars frá sam-
starfsháskólunum, en náminu er
ætlað að undirbúa stjórnendur
framtíðarinnar fyrir þátttöku í al-
þjóðlegu viðskiptaumhverfi.
Allir, sem hófu nám, útskrifast í
dag og hefst hátíðin í húsakynnum
skólans klukkan 13. Á námstímanum
hafa nemendurnir sótt þrjár viku-
langar námsstefnur á Spáni, í
Bandaríkjunum og Mexíkó og unnið
viðamikil hópverkefni með nem-
endum samstarfsskólanna. Í liðinni
viku fór fram sameiginleg GeM út-
skriftarathöfn í EGADE viðskipta-
háskólanum í Monterrey og markaði
hún lokin á námsstefnu, þar sem
nemendur kynntu m.a. niðurstöður
lokaverkefnavinnu sinnar.
Námið nýtist vel
Í útskriftarhópnum eru m.a. lög-
fræðingar, verkfræðingar og læknir.
Meðal þeirra sem eru að útskrifast
er Elín G. Ragnarsdóttir, þjónustu-
stjóri Norðurljósa, sem útskrifaðist
sem leikskólakennari 1991 og í
stjórnun frá framhaldsdeild Kenn-
araháskóla Íslands 1997. Hún segir
að staðið hafi til að ljúka masters-
námi í stjórnun frá KHÍ, en þegar
hún hafi ráðið sig, fyrir hálfgerða til-
viljun, í vinnu hjá Íslenska útvarps-
félaginu hafi hún kynnst viðskipta-
umhverfinu og það hafi vakið áhuga
hennar svo um munaði. „Hjá Ís-
lenska útvarpsfélaginu taldi ég mig
vera komna í það umhverfi sem ég á
heima í. Styrkleikar mínir nýttust
mér þar sem aldrei fyrr. Tölvu- og
upplýsingatæknin hefur verið eitt af
mínum helstu áhugamálum og hef
ég notað tölvuna og Internetið mikið
í tengslum við það sem ég hef tekið
mér fyrir hendur. Ég var lengi vel
bara óhræddur „takka-fiktari“ en
eftir að hafa lokið forritunarnámi í
Rafiðnaðarskólanum með vinnunni á
Stöð 2 var ég komin með ódrepandi
áhuga. Einn kaldan vetrarmorgun
horfði ég með öðru auganu á morg-
unsjónvarp Stöðvar 2 og þar birtist
mér Agnar Hansson, forseti við-
skiptadeildar HR, líkt og vitrun frá
æðri máttarvöldum. Hann talaði við
mig og engan annan, að mér fannst,
og boðaði fagnaðarerindið. MBA-
nám í rafrænum viðskiptum. Ég
hafði himin höndum tekið. Þetta
nám var svar við bænum mínum.
Hérna voru saman komin á einum
stað helstu hugðarefni mín. Rafræn
viðskipti. Eftir þetta var ekki aftur
snúið.“
Elín er gift Ásmundi Helgasyni,
sem er einn af eigendum auglýsinga-
stofunnar ABX, og eiga þau fjögur
börn á aldrinum sex til fimmtán ára.
Þegar námið hófst vann hún við al-
menna deildarstjórn í þjónustudeild
Íslenska útvarpsfélagsins. Mikið var
að gera í skólanum, m.a. í alþjóðleg-
um verkefnum, en hún var í verk-
efnahópi með tveimur Dönum, Mex-
íkana og Íslendingi. „Þetta hefur
verið ótrúlega skemmtilegt og ég
hvet alla sem hafa áhuga á að
mennta sig í krefjandi og hagnýtu
framhaldsnámi til þess að velta
þessu námi fyrir sér,“ segir hún og
vísar til þess að námið komi henni
vel í starfi.
Í júlí sem leið bauð Hermann Her-
mannsson, sjónvarpsstjóri Norður-
ljósa, Elínu starf þjónustustjóra
Norðurljósa og sinnti hún náminu
með fullu starfi undir lokin. „Þetta
var stanslaus vinna allan daginn, á
kvöldin og um helgar, en námið hef-
ur nýst mér mjög vel. Það hefur
víkkað sjóndeildarhringinn auk þess
sem ég hef kynnst mjög mörgu góðu
fólki.“
Hún segist hafa tekið námið á
seiglunni og áréttar að álagspunkt-
arnir gleymist fljótt þó brekkurnar
hafi virst brattar á tíðum. „Þegar ég
var send í munnlegt próf í ensku hjá
dönskum prófessor var ég að hugsa
um að pakka niður og þakka fyrir
mig. Mér leist ekki á blikuna enda
ekki hefð fyrir öðru en skriflegum
prófum í gömlu skólunum mínum.
Það tók líka á að kynna verkefnin á
ensku en ég sjóaðist í þessu og var
orðin nokkuð örugg þegar á leið.“
Elín segir að það hafi hjálpað mik-
ið að vera í hópi fólks með ólíkan
bakgrunn hvað menntun varði. „Ég
komst fljótlega að því að það var
ekki bara ég sem var að lesa við-
skiptafræði fyrir byrjendur til
klukkan þrjú á nóttunni til að kom-
ast inn í ný og framandi hugtök. En
ég er gríðarlega ánægð og stolt með
þennan áfanga og að hafa fengið
þetta einstaka tækifæri til að kynn-
ast samnemendunum. Ég á eftir að
búa að þessu alla ævi.“
Námið og vinnan
fara saman
Baldur Örn Guðnason, fram-
kvæmdastjóri Sjafnar hf. og Mjallar
hf. og starfandi stjórnarformaður
Hörpu Sjafnar hf., segir að ástæða
þess að hann hafi farið í umrætt nám
hafi verið sú að þetta alþjóðlega nám
hafi heillað sig. 10 háskólar hafi ver-
ið að þróa sameiginlegt nám og hann
hafi séð fyrir sér að reynsla og þekk-
ing hvers skóla myndi nýtast í nám-
inu, sem væri fyrir bragðið með al-
þjóðlegu ívafi.
Áður en Baldur Örn hóf námið
hafði hann starfað í 14 ár hjá Sam-
skipum og verið í framkvæmda-
stjórn fyrirtækisins í átta ár. Eftir
að hafa unnið við uppbyggingu fyr-
irtækisins erlendis flutti hann heim
um áramótin 2000/2001 til að taka
við rekstri Sjafnar á Akureyri og
segir að hann hafi talið það ágætan
tímapunkt til að fara í andlega end-
urhæfingu og skella sér í námið sam-
hliða nýjum verkefnum og nýjum
starfsvettvangi.
Baldur Örn segir að námið og
vinnan hafi farið vel saman. End-
urskipulagning starfsemi Sjafnar
hafi verið nauðsynleg og hann hafi
getað nýtt sér verkefnavinnu og
fleira í náminu í verkefnavinnu í
starfinu, m.a. í markaðsmálum, fjár-
málum og stefnumótun. Námið
gangi mikið út á það að vinna verk-
efni og hann hafi getað unnið þau í
tengslum við starfið.
Kennsla fór fram á fimmtudögum,
föstudögum og laugardögum í ann-
arri hverri viku. Baldur Örn segir að
hann hafi þurft að vera töluvert á
ferðinni vegna vinnunnar og hann
hafi getað tengt vinnuferðirnar
námsferðunum. Á þessum tíma hafi
Sjöfn þróast úr því að vera efnaverk-
smiðja í það að verða eignarhalds-
félag í Hörpu Sjöfn hf. og Mjöll hf.
og segja megi að sú stefnumótun og
breytingar, sem hafi orðið á Sjöfn,
hafi verið hluti af verkefnum og
vinnu sem hann hafi þurft að vinna í
skólanum. „Þetta féll því vel saman
en þetta var mikil vinna og mikið
álag,“ segir hann.
Baldur Örn tók stúdentspróf við
Menntaskólann á Akureyri 1986 og
samhliða vinnu hjá Samskipum hef-
ur hann sótt ýmis námskeið í Banda-
ríkjunum og Evrópu. Hann er
kvæntur og eiga þau hjón þrjú börn
á aldrinum tveggja til 14 ára. Baldur
Örn segir að það hafi verið mjög
gaman að setjast á skólabekk á ný
og vinnan og vinnuálagið gleymist
fljótt. Hann hafi eignast góða félaga
en námið hafi kallað á mikinn aga og
skipulagningu á tíma. Hann var með
Dana, Bandaríkjamanni og Hollend-
ingi í verkefnahópi og segir að eftir
sitji góð sambönd og vinátta. Fjöl-
skyldan hafi sýnt náminu góðan
skilning og stuðning, en nú taki við
að bretta upp ermarnar og fara að
vinna af enn meiri krafti með þá
þekkingu, sem fengist hafi í náminu,
sem veganesti. „Ég sé fyrir mér að
hafa 20 til 30 fleiri klukkutíma tíma
til ráðstöfunar fyrir fjölskylduna,
frístundir og meiri vinnu í hverri
viku. Það verður því hægt að sinna
mörgum viðfangsefnum.“
Fyrstu MBA-nemendurnir verða útskrifaðir í dag frá Háskólanum í Reykjavík
Heillandi nám með
alþjóðlegu ívafi
Tímamót verða í sögu
Háskólans í Reykjavík í
dag, þegar fyrstu nem-
endur skólans útskrifast
með MBA-gráðu frá við-
skiptadeild skólans, en
þar á meðal eru Baldur
Örn Guðnason og Elín
Guðrún Ragnarsdóttir.
Morgunblaðið/Árni Sæberg
Elín Guðrún Ragnarsdóttir og Baldur Örn Guðnason útskrifast með al-
þjóðlega MBA-gráðu frá viðskiptadeild Háskólans í Reykjavík í dag.
Í UMRÆÐUM um húsaleiguverð á fundi
borgarstjórnar Reykjavíkur á fimmtudag voru
kynnt gögn frá fundi félagsmálaráðs á mið-
vikudag þar sem fram kemur að mikill munur
væri á húsaleigu á almennum markaði og fé-
lagslegum íbúðum. Sjálfstæðismenn sögðu við
umræðurnar að skortur á leiguhúsnæði í
Reykjavík stafaði af of litlu lóðaframboði
meirihlutans en fulltrúar Reykjavíkurlistans
sögðu hækkandi vexti á lánum til félagslegra
íbúða draga úr áhuga á byggingu þeirra.
Fram komu í ræðum borgarfulltrúa allra
flokka þau sjónarmið að brýnt væri að byggja
upp leigumarkað, marka stefnu í húsaleigu-
málum og að borgaryfirvöld verði að taka
höndum saman við stjórnvöld að auka framboð
á leiguhúsnæði.
Björk Vilhelmsdóttir, borgarfulltrúi Reykja-
víkurlistans, hóf umræðuna og vitnaði til bók-
unar borgarfulltrúa Sjálfstæðisflokksins í
borgarráði sl. þriðjudag. Segir þar að rætt hafi
verið um mikla hækkun húsaleigu á almennum
markaði í Reykjavík og að félagsmálaráðherra
telji að menn ofmætu húsaleigu. Segir að
fulltrúar leigusala og leigutaka hafi mótmælt
þeim orðum. Sjálfstæðismenn setja fram þá
skoðun í bókuninni að mikilvægt sé að haldgóð-
ar og hlutlægar upplýsingar um húsaleigu liggi
fyrir og ekki sé deilt um það með þeim hætti
sem verið hafi.
Björk sagði að félagsmálaráð borgarinnar
hefði einmitt kannað húsaleigumarkaðinn og
greindi frá því að meðal leiguverð á fjögurra
herberga íbúð á almennnum markaði væri
rúmlega 66.500 krónur en hjá Félagsbústöðum
rúmlega 40 þúsund krónur. Tveggja herberga
íbúð væri leigð á 45 þúsund krónur að með-
altali á almennum markaði en 24 þúsund hjá
Félagsbústöðum. Einnig sagði hún hafa verið
óskað eftir samanburði við leigu hjá félagasam-
tökum, svo sem Öryrkjabandalaginu, Sjálf-
björgu o.fl. og hjá öðrum sveitarfélögum. Sagði
hún þar koma fram að Félagsbústaðir, félaga-
samtök og Kópavogur og Hafnarfjörður væru
með mjög sambærilegt leiguverð. Félagsbú-
staðir væru með lægsta verðið á tveggja her-
bergja íbúðum en það hæsta á fjögurra her-
bergja íbúðum. Markaðist það af því að
fyrirtækið hefði nýverið keypt allmargar
stærri íbúðir sem hefði áhrif á leiguverðið.
Segir hækkandi vexti
draga úr uppbyggingu
„Það mun breytast á næstunni þegar leigu-
verð verður tengt fasteignamati og mun þá
leiguverð nýkeyptra íbúða í flestum tilfellum
lækka,“ sagði Björk. Hún sagði það vekja
undrun sína að ekki skyldi hafa verið rætt
meira um áhrif vaxtahækkana á lánum til upp-
byggingar félagslegra íbúða, ríkisvaldið hefði
staðið fyrir því að hækka vextina í byrjun síð-
asta árs úr 1% í 3,5%. Þetta hefði haft í för með
sér rekstrarerfiðleika hjá leigusölum og nú
horfði svo að annaðhvort yrði að hækka leigu-
verð félagslegra íbúða eða draga úr kaupum á
félagslegu leiguhúsnæði. „Borgin greiðir um-
talsverðar fjárhæðir í rekstrarframlag með fé-
lagslegum leiguíbúðum og ef auka þarf það
rekstrarframlag mun það að sjálfsögðu koma
niður á möguleikum okkar til að fjölga íbúð-
um,“ sagði Björk. Sagði hún áhrif vaxtahækk-
unarinnar hafa verið þau að ásókn í að nýta
lánsheimildir hjá Íbúðalánasjóði til byggingar
félagslegs íbúðarhúsnæðis hefði stórminnkað.
Hún sagði uppbyggingu leigumarkaðarins í
höfuðborginni umfangsmikið verkefni og að fé-
lagsmálaráð myndi í næsta mánuði kynna hug-
myndir starfshóps um hvernig vinna megi að
henni.
Segir að marka þurfi
skýra stefnu
Björn Bjarnason, oddviti sjálfstæðismanna í
borgarstjórn, sagði borgaryfirvöld hafa ráð-
andi stöðu á húsnæðismarkaðnum bæði sem
leigusali og með framboði á byggingarlóðum.
Nauðsynlegt væri að borgin hefði skýra stefnu
í þessum málaflokki sem byggð væri á hald-
góðum upplýsingum, m.a. um leigukjör. Hann
sagði húsnæðisskort hafa aukist í borginni,
haft hefði verið eftir framkvæmdastjóra Fé-
lagsbústaða að um 780 manns væru á biðlista
eftir félagslegu húsnæði og hefði þeim fjölgað
mjög í sumar. Þá sagði hann formann Stúd-
entaráðs hafa sagt að um 600 manns væru á
biðlista eftir íbúðum í stúdentagörðum.
„Ég er ekki í neinum vafa um til hvers má
rekja þessa óheillaþróun. Undirrótin er hin
óskynsamlega lóðastefna eða réttara sagt lóða-
skortsstefna, sem hefur verið fylgt hér í
Reykjavík undanfarin ár undir forystu R-
listans, hafta- og skömmtunarstefnan,“ sagði
Björn. Hann kvaðst velta fyrir sér hversu lang-
ur biðlisti þyrfti að verða eða hve hátt leigu-
verð íbúða þyrfti að vera áður en Reykjavík-
urlistinn viðurkenndi mistök sín. „Verði
skipulega unnið að þeirri úttekt, sem við sjálf-
stæðismenn viljum að borgarstjóri geri á þessu
máli, fæst að minnsta kosti grundvöllur til að
greina vandann – en það er forsenda skyn-
samlegra lausna,“ sagði Björn ennfremur.
Lokað á félagslega kerfið
Ingibjörg Sólrún Gísladóttir borgarstjóri
benti á í þessari umræðu að borgin hefði síð-
ustu tvö ár úthlutað lóðum fyrir 370 íbúðir með
lágmarksgjaldskrá gatnagerðargjalda. Hún
benti einnig á að lokað hefði verið á félagslega
íbúðalánakerfið og því væri meiri ásókn en áð-
ur í leiguíbúðir og ekki væri hægt að kenna
lóðaskorti í Reykjavík um skort á íbúðum í
þessu skyni.
Ólafur F. Magnússon, óháður borgarfulltrúi,
sagði sök ríkisvaldsins ljósa, að hafa lagt niður
félagslega kerfið og vísað fólki á almennan
markað. Það breytti ekki þeirri staðreynd að
borgin yrði að auka framboðið á almennum
markaði og í félagslega kerfinu. Borgin og rík-
isvaldið yrðu að taka höndum saman um lausn
vandans.
Borgarfulltrúar telja brýnt að byggja upp húsaleigumarkað í Reykjavík
Mikill munur á
verði húsaleigu