Morgunblaðið - 27.09.2002, Blaðsíða 6
FRÉTTIR
6 FÖSTUDAGUR 27. SEPTEMBER 2002 MORGUNBLAÐIÐ
ÖRYGGISVIKAN hófst á því að samgönguráð-
herra, formaður samgöngunefndar Alþingis, for-
maður siglingaráðs og siglingamálastjóri tóku
þátt í björgunaræfingu í frífallandi björgunar-
báti af Goðafossi, flutningaskipi Eimskips. Skip-
ið lá við festar í Sundahöfn og stundvíslega
klukkan 11 fyrir hádegi þeyttu íslensk skip
flautur sínar í eina mínútu eins og mælst hafði
verið til.
Þeirra á meðal voru Goðafoss og Sæbjörgin,
skólaskip Slysavarnafélags Íslands. Nokkrum
mínútum síðar var björgunarbátnum varpað í
sjóinn. Báturinn fór á bólakaf í höfninni með til-
heyrandi gusugangi áður en hann skaust upp á
yfirborðið aftur. Sturla Böðvarsson
samgönguráðherra sagði eftir á að
ferðin hefði verið „mjög athyglisverð“
og undirstrikaði jafnframt mikilvægi
þess að björgunaræfingar af þessu tagi
væru haldnar reglulega.
Sturla sagði í ræðu sem hann hélt
um borð í Sæbjörgu í gær að þeir sem
best þekktu til sjómennsku og hefðu
fylgst með öryggismálum sjómanna
vissu að með skipulögðum vinnubrögð-
um mætti fækka slysum. Ráðherra
benti á að hann hefði beitt sér fyrir
gerð langtímaáætlunar í öryggis-
málum sjófarenda sem samþykkt var
samhljóða á Alþingi 2001. Fyrsti
áfangi þeirrar áætlunar gildir til 2003
en þar er megináhersla lögð á fyrir-
byggjandi aðgerðir og að auka vitund
sjómanna og útgerða um slysahættu.
Áætlunin er unnin í samvinnu ým-
issa hagsmunaaðila og tekur á mörg-
um þáttum sem snerta sjómannslífið, svo sem
menntun og þjálfun sjómanna, gerð fræðsluefnis
og leiðbeininga, og samræmdrar slysa- og sjúk-
dómaskráningar sem stefnt er að því að taka í
gagnið, svo dæmi séu nefnd. Samkvæmt áætlun-
inni er stefnt að því að fækka sjóslysum um að
minnsta kosti þriðjung fram til ársins 2004 og
draga úr tjóni vegna þeirra. Ráðgert er að verja
45 m.kr. í tengslum við áætlunina til ársins 2003.
Þá hefur samgönguráðuneytið jafnframt ákveðið
að öryggismál sjófarenda verði framvegis hluti
af samgönguáætlun.
Ráðherra sagði að endurskipulagning sjóslysa-
rannsókna hefði verið orðin tímabær og í því
sambandi hafi ný lög verið sett um rannsóknar-
nefnd sjóslysa og í kjölfarið gerðar grundvallar-
breytingar á starfsemi nefndarinnar.
„Hún er nú mun sjálfstæðari, hefur skyldur til
að koma með tillögur að úrbótum um það sem
miður fer, auk þess sem hún vinnur að gerð öfl-
ugs gagnagrunns sem hefur að geyma mikil-
vægar upplýsingar,“ sagði ráðherra. Er gagna-
grunninum ætlað að gegna lykilhlutverki í því
forvarnarstarfi sem unnið verður að í slysa-
varnamálum á næstu árum, að sögn ráðherra.
Unnið að gerð margs konar
fræðsluefnis fyrir sjómenn
Samgönguráðuneytið fól í fyrra Siglingastofn-
un Íslands að fara með framkvæmd langtíma-
áætlunar í öryggismálum sjófarenda.
Í framkvæmdaáætlun sem samgönguráðherra
hefur staðfest er að finna yfirlit um verkefnin,
markmið þeirra, fjármögnun o.fl.
Samkvæmt sjómannalögum skal leiðbeina ný-
liða um störf sem hann á að sinna og hefur
bæklingur verið útbúinn um hvernig staðið skuli
að fræðslunni. Þá er á það bent að mikilvægt er
að þekking yfirmanna á skipum sé góð og að
þeir sæki endurmenntunarnámskeið í verkstjórn
og öryggisstjórnun. Við framkvæmd lang-
tímaáætlunarinnar er unnið að gerð margs kon-
ar fræðsluefnis fyrir sjómenn, sem verður dreift
á sérstakri heimasíðu um öryggismál sjómanna,
í handbókum, myndböndum, tölvudiskum og
bæklingum. Er meðal annars unnið að gerð
fræðsluefnis um stöðugleika skipa og verður
efnt til sérstaks kynningarátaks um þann þátt
meðal skipstjórnarmanna og sjómanna. Einnig
býður Slysavarnaskóli sjómanna nú upp á
fimm daga námskeið í öryggisfræðslu. Sam-
kvæmt reglugerð um lögskráningu sjómanna
nr. 880/2001 má ekki ráða mann til starfa á
skip eða lögskrá sjómann nema hann hafi sótt
slíkt námskeið og hafi sótt endurmennt-
unarnámskeið á fimm ára fresti.
Þá er á það bent að stöðugt þurfi að auka
öryggi við siglingu skipa sem flytja farþega og
er ætlunin að kortleggja hættulegar sigl-
ingaleiðir og að sigling farþegaskipa verði tak-
mörkuð við öruggar siglingaleiðir. Í tilkynn-
ingu frá forsvarsaðilum Öryggisviku sjómanna
kemur fram að kastljósinu hafi áður verið
beint að öryggi skipa og búnaði þeirra. Nú sé
hins vegar ætlunin að leggja áherslu á sjó-
manninn sjálfan og það sem hann geti sjálfur
lagt af mörkum til að bæta vinnuumhverfi sitt
og auka öryggi á sjó. Skipti þar mestu að-
gæsla, varkárni og hirðusemi.
Öryggisæfingar í öllum
skipum á þriðjudag
Í gær var alþjóðasiglingadagur IMO haldinn
og var dagurinn helgaður sjómönnum og við-
horfi þeirra til eigin öryggis og annarra í
áhöfnum skipa. Í öryggisviku sjómanna, sem
stendur til 3. október nk., verður áhersla lögð
á slysavarnir og æfingar um borð í skipum.
Að undirbúningi öryggisvikunnar standa,
auk samgönguráðuneytisins, Siglingastofnunar
Íslands og Slysavarnaskóla sjómanna, Land-
helgisgæslan, Samband íslenskra kaupskipa-
útgerða, Landssamband íslenskra útvegs-
manna, Landssamband smábátaeigenda,
Farmanna- og fiskimannasamband Íslands,
Vélstjórafélag Íslands, Sjómannasamband Ís-
lands og Reykjavíkurhöfn.
Í dag, föstudag, mun Slysavarnaskóli sjó-
manna bjóða upp á fræðslu fyrir sjómenn í að
halda æfingar um borð í skipum, bæði í
Reykjavík og víðsvegar um landið.
Á laugardag verður dagskrá á Miðbakkanum
í Reykjavík þar sem þyrla Landhelgis-
gæslunnar æfir björgun úr sjó og Sæbjörgin
verður opin gestum. Slysavarnadeild kvenna
mun selja kaffi og kökur en auk þess verða
varðskip og önnur skip úr íslenska flotanum til
sýnis.
Á mánudag verður Slysavarnaskóli sjómanna
með fræðslu fyrir sjómenn í Reykjavík og á
landsbyggðinni. Á þriðjudag í næstu viku
verða björgunaræfingar um borð í íslenskum
skipum og hafa forsvarsaðilar öryggisviku sjó-
manna mælst til þess að allir sjómenn taki þátt
í æfingum um borð í skipum hvar sem þau
kunna að vera stödd. Öryggisvikunni lýkur síð-
an á fimmtudag með ráðstefnu um öryggismál
sjómanna í Borgartúni 6.
Öryggisvika sjómanna haldin í tengslum við alþjóðasiglingadag IMO
Stefnt að fækkun
sjóslysa um a.m.k.
þriðjung til 2004
Í öryggisviku sjómanna sem hófst í gær og stendur til 3.
október nk. verður áhersla lögð á slysavarnir og æfingar
um borð í skipum. Rík áhersla er lögð á að sjómenn eigi
þátt í að bæta eigið vinnuumhverfi.
Hilmar Snorrason, skólastjóri Slysavarnaskólans, tók á
móti Sturlu Böðvarssyni samgönguráðherra. Hjá þeim
stendur Guðmundur Hallvarðsson alþingismaður.
Morgunblaðið/Þorkell
Um borð í bátnum voru m.a. Sturla Böðv-
arsson samgönguráðherra, Guðmundur Hall-
varðsson, formaður samgöngunefndar Al-
þingis, Ragnhildur Hjaltadóttir, skrifstofu-
stjóri í samgönguráðuneytinu, og Hermann
Guðjónsson siglingamálastjóri.
Flugslysið í
Skerjafirði
Væntanlega
búið að taka
síðustu
skýrsluna
EGILL Stephensen, saksóknari
hjá lögreglunni í Reykjavík, segir
að skýrslutökum vegna lögreglu-
rannsóknar á flugslysinu í Skerja-
firði sé væntanlega lokið. Síðast
var tekin skýrsla vegna málsins í
síðustu viku.
Embættið mun síðan meta hvort
ákært verði í málinu eða það látið
niður falla.
Rúmlega tvö ár eru nú liðin frá
flugslysinu í Skerjafirði. Í byrjun
þessa árs var talið að rannsókninni
væri lokið en Egill segir að þá hafi
komið í ljós að taka þurfti eina
skýrslu til viðbótar. Illa gekk að
ná í þann sem þurfti að yfirheyra
og þegar hann loks kom til lands-
ins varð að bíða eftir lögmanni
hans. Sú skýrsla hafi síðan kallað
á enn eina skýrslugjöfina sem sé
nú lokið. Þá hafi rannsókn málsins
verið tímafrek þar sem hin meintu
brot varði mjög flókna löggjöf,
bæði loftferðalögin og aragrúa fyr-
irmæla.
Skotvopnum
og hnífum stol-
ið frá Útilífi
ÞREMUR haglabyssum, riffli, skot-
færum og hnífum var stolið úr
versluninni Útilífi í Glæsibæ en inn-
brotið uppgötvaðist um klukkan níu
í gærmorgun þegar starfsfólk versl-
unarinnar mætti til starfa.
Lögreglunni í Reykjavík var þá
tilkynnt um stuldinn. Rannsókn
stendur yfir en auðgunarbrotadeild
lögreglunnar hvetur þá sem vís-
bendingar geta gefið til að hafa
samband. Verslunarstjóri Útilífs
segir að engin merki hafi verið um
innbrot.
Leitað að heitu
vatni í Eyjum
LEIT að heitu vatni, til upphit-
unar húsa, í Vestmannaeyjum, er
hafin að sögn Friðriks Friðriks-
sonar, veitustjóra Hitaveitu Suð-
urnesja í Vestmannaeyjum. Hita-
veitan stendur að verkefninu auk
Orkustofnunar. Friðrik segir að
markmiðið sé að búið verði að
staðsetja borholu, þar sem næst í
heitt vatn, í vetur. Nú eru hús í
Eyjum hituð með fjarvarmaveitu
en finnist heitt vatn til að hita hús-
in með myndi það spara töluverð-
an kostnað í orkukaupum.
Að sögn Friðriks er áætlaður
kostnaður leitarinnar um fimm
milljónir kr. Hann segir að einkum
verði leitað á sprungusvæðunum
tveimur í Eyjum. „Við ætlum að
skoða tvö sprungukerfi, annars
vegar frá Dalfjalli út á Ystaklett,
sem er eldra sprungukerfið og
hins vegar frá Eldfellinu og út á
Stórhöfða.“
Skarst tals-
vert á höfði
ÖKUMAÐUR bifreiðar slasaðist
talsvert þegar hann ók á vegþreng-
ingu á Arnarnesvegi í Lindahverfi í
Kópavogi um klukkan 2:30 í fyrri-
nótt.
Ökumaðurinn, sem var einn í bif-
reiðinni, skarst talsvert á höfði og
var fluttur á slysadeild Landspítala
háskólasjúkrahúss. Lögreglan í
Kópavogi grunar hann um ölvun við
akstur.
♦ ♦ ♦
♦ ♦ ♦
♦ ♦ ♦