Morgunblaðið - 27.09.2002, Qupperneq 27

BÍLAR
MORGUNBLAÐIÐ FÖSTUDAGUR 27. SEPTEMBER 2002 27
KRINGLUNNI, S. 568 9017LAUGAVEGI 91, S. 511 1717
Meiriháttar
nýmerki dsending
Gallabuxur ný snið/þvegnar
Jakkar - bolir - peysur - belti
Nýjar dragtir
Herra jakkaföt
15% afsálttur
þessa helgi
Fallegir haustlitir
Skúli Skúlason, sölustjóri hjá
Toyota á Íslandi, segir að nýr Land
Cruiser sé afar mikilvægur bíll fyrir
fyrirtækið. „Þetta er algjörlega nýr
bíll sem er byggður á forveranum
sem hefur verið á markaði á Íslandi
síðan í júlí 1996 og hefur selst í
1.650 eintökum. Bílnum er ætlað að
keppa á mjög sterkum markaði í
Evrópu. Í Þýskalandi er mesta bíla-
sala í Evrópu og bíllinn er hannaður
m.a. til að standast kröfur þar. Þar
fara hagsmunir okkar og Þjóðverja
saman því þeir síðarnefndu vilja
hafa jeppa sterkbyggða. Þeir draga
á eftir sér hestakerrur, báta og hjól-
hýsi. Við fengum því þarna nýjan bíl
sem gefur ekkert eftir í þægindum
og búnaði og ekki heldur í styrk,“
segir Skúli.
Hann segir að þróunin hafi verið
sú hjá mörgum keppinautanna að
fara í átt til meiri þæginda á kostn-
að jeppaeiginleikanna. „Land
Cruiser er byggður á grind, með
hásingu að aftan, stærra framdrifi
en forverinn, sverari öxla og verður
kynntur með sömu samrásardísil-
vélinni en fæst að auki í mars með
nýrri V6, fjögurra lítra vél, 250
hestafla, sem lofar mjög góðu. Við
kynnum bílinn í LX, GX og VX en
breytum þó búnaði með bílnum. Það
er alveg ljóst að bíllinn mun færa sig
til innan flokksins. Bíllinn er bæði
stærðarlega og útlitslega að færa
sig inn í lúxusflokkinn en heldur
áfram jeppaeiginleikunum.“
Grunngerðin, LX, verður með
varadekkinu á afturhleranum, og
verður sá bíll einkum ætlaður til
breytinga. Hann verður ekki tekinn
með brettaköntum og álfelgum
enda eru það hlutir sem eru teknir
af bílnum ef honum er breytt. LX
mun líklega kosta tæpar fjórar
milljónir kr. Það sem hann hefur
umfram núverandi gerð í búnaði er
m.a. hraðastillir, hiti í framsætum,
ABS-hemlar, toppgrindarbogar og
hann er kominn með sex örygg-
ispúða í stað tveggja áður. GX hefur
brettakanta, álfelgur, handstýrða
loftkælingu og þokuljós að framan
umfram LX. VX er að auki með
tölvustýrða loftfjöðrun, tölvustýrða
loftkælingu og leðuráklæði. VX
mun kosta á bilinu 5-5,2 milljónir kr.
Verðið hækkar, að sögn Skúla, en
hann bendir á að bíllinn verður mun
betur búinn en áður. Toyota getur
ekki kvartað undan viðtökunum því
nú þegar hafa 150 manns á Íslandi
pantað nýju gerðina og það áður en
bíllinn er formlega kynntur. Hann
verður kynntur í byrjun janúar.
Toyota fær 170 bíla fyrstu þrjá mán-
uði ársins. Umboðið á Íslandi er það
söluhæsta í Evrópu. Markaðs-
hlutdeild Toyota á Íslandi hvað
varðar Land Cruiser er nálægt um
2,5% af heildarsölu á þessari gerð í
Evrópu. Heilarsalan á bílnum á Ís-
landi er rúmlega 3%.
150 Land Cruiser pantaðir áður
en formleg kynning hefst
Toyota Land Cruiser 90 er nýr bíll á gömlum grunni.
ÞAÐ telst ávallt til tíðinda þegar nýir
bílar eru kynntir í fyrsta sinn, ekki
síst þegar um er að ræða bíla í jeppa-
flokki sem njóta sífellt meiri vinsælda,
jafnt í Evrópu sem Bandaríkjunum.
Tveir nýir jeppar voru frumkynntir á
bílasýningunni í París sem hófst í
gær. Hulunni var þá svipt af lúxus-
jeppunum og systurbílunum Volks-
wagen Touareg og Porsche Cayenne,
en þetta er í fyrsta sinn í sögunni hjá
báðum framleiðendum sem þeir setja
á markað jeppa. Bílarnir voru jafn-
framt þróaðir sameiginlega af fyrir-
tækjunum tveimur en er þó beint inn
á ólíka markaði. Touareg mun keppa
við aðra stóra og vel búna jeppa en
Cayenne er í flokki út af fyrir sig þar
sem hann býður upp á óvenjumikið
vélarafl og er sagður sameina kosti
jeppans og sportbílsins með sérstæðu
fjöðrunarkerfi sínu.
Einnig kynnti Toyota aðra kynslóð
Land Cruiser 90. Bíllinn hefur stækk-
að og er nú mun betur búinn en áður.
Breytingar á útliti bílsins eru þó hóf-
samar. Jafnframt kom fram á blaða-
mannafundi á sýningunni að
Volkswagen hefur uppi áform um að
framleiða og setja á markað jeppa
sem verður minni en Touareg.
Það er margt fleira sem gleður
augað á Parísarsýningunni en jeppar.
Þar eru yfir 50 heims- og Evrópu-
frumsýningar á ökutækjum og tækni-
búnaði af ýmsum toga. Parísarsýn-
ingin dregur að sér flesta gesti allra
bílasýninga í Evrópu. Hún er haldin
annað hvert ár og síðast sóttu hana
um 1,5 milljónir manna. Eins og
vænta má eru franskir bílaframleið-
endur áberandi á sýningunni. Renault
er með stærsta einstaka sýningar-
plássið og stór hluti þess fer undir
kynningu á annarri kynslóð Mégane.
Þar er á ferðinni róttæk breyting,
jafnt í útliti sem búnaði. Bíllinn hefur
fengið svipað lag og Avantime; með
kúptri afturrúðu og óvenjulega lög-
uðum afturenda. Margir velta fyrir
sér hvort Patrick le Quement, yfir-
hönnuður Renault, hafi gengið of
langt að þessu sinni og misbjóði
íhaldssömum gildum bílakaupenda.
Hann hefur þó oftar slegið réttan tón
og er mikilsvirtur hönnuður í bíla-
heiminum. Mégane er á nýrri gerð
undirvagns sem einnig verður notað-
ur í næstu gerðum Nissan Almera og
Tino. Mégane verður framleiddur í
nokkrum gerðum, þ. á m. sem þriggja
og fimm dyra hlaðbakur og langbak-
ur.
Citroën kynnti Pluriel og þykir
mörgum sem fyrirtækið sé að endur-
heimta fyrri þrótt sinn sem hönnuður
tímamótabíla. Þetta er þriggja dyra
hlaðbakur en honum er hægt að
breyta á fáeinum sekúndum í opinn,
sportlegan bíl.
Fjöldi annarra bíla var kynntur á
sýningunni sem fjallað verður um á
næstunni.
Jeppar og Frakkar í París
Bílasýningin í París
hófst í gær. Þar eru
heims- og Evrópufrum-
sýningar á yfir 50 öku-
tækjum og tæknibúnaði.
Guðjón Guðmundsson
skoðaði sýninguna, þar
sem franskir framleið-
endur eru áberandi.
Morgunblaðið/Guðjón
Parísarsýningin laðar að sér flesta gesti allra evrópskra bílasýninga.
Volkswagen Touareg er ætlað að keppa við
aðra stóra og vel búna jeppa.
Kynnt er ný kynslóð af Renault Mégane, sem tekið
hefur miklum breytingum frá fyrri gerð.
gugu@mbl.is