Morgunblaðið - 27.09.2002, Blaðsíða 21
ERLENT
MORGUNBLAÐIÐ FÖSTUDAGUR 27. SEPTEMBER 2002 21
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
F
LU
1
88
31
09
/2
00
2
www.flugfelag.is
Fjörið er í Færeyjum
Starfsmannafélög,
klúbbar, hópar!
Nú er komið að því að halda árshátíðina
í Þórshöfn í Færeyjum.
Hafið samband við Bergþóru eða
Kristjönu í hópadeild Flugfélags Íslands
í síma 570 3035 eða 570 3038.
Einnig er hægt að senda fyrirspurnir
á netfang hopadeild@flugfelag.is
Flug og gisting hjá frændvinum okkar, Færeyingum,
er notaleg upplifun. Þórshöfn tekur vel á móti ykkur
og skilur eftir góðar minningar.
Góð hótel, fyrsta flokks veitingar og veisluaðstaða.
Næturlífið kemur á óvart og það er gott
og ódýrt að versla.
RÚMLEGA sextugur maður, sem
var þrjá mánuði á reki úti á hafi í
skemmdum seglbáti, snéri á mið-
vikudag aftur til síns heima í
Bandaríkjunum en fulltrúar land-
helgisgæslunnar þar í landi segja
hann afar heppinn að vera enn á lífi.
Richard Van Pham, sem er 62
ára, var bjargað um borð í banda-
ríska herskipið McClusky í síðustu
viku eftir að sást til hans tæplega
450 km suðvestur af strönd lýðveld-
isins Costa Rica í Mið-Ameríku. Van
Pham hafði lagt upp frá Long
Beach í Kaliforníu um mitt sumar
og hugðist halda til Santa Catalina-
eyju, skammt frá Los Angeles.
Mastur seglbátsins brotnaði hins
vegar í tvennt þegar Van Pham
hreppti mikið óveður, og utan-
borðsmótor bátsins skemmdist
einnig, auk talstöðvarinnar.
Rak bátinn því á haf út, án þess að
Van Pham, sem var fæddur í Víet-
nam, gæti nokkuð gert nema reyna
að halda í sér lífi. Það gerði hann
með því að veiða fisk úr hafinu og
ýmsa sjávarfugla, auk þess sem
hann safnaði regnvatni til að
drekka. Van Pham missti 18 kg í
sjóferð sinni en var þó sagður við
ágæta heilsu. „Þetta er harður
nagli,“ sagði Gary Parriott, skip-
stjóri McClusky. „Ég er ekki viss
um að ég hefði staðið mig jafn vel
og hann.“
AP
Skipverjar af herskipinu McClusky ræða við Van Pham um borð í segl-
báti hans eftir að þeir sigldu fram á hann 17. september sl.
Var þrjá mánuði á reki
í skemmdum seglbáti
Los Angeles. AP.
HORST Köhler, yfirmaður Al-
þjóðagjaldeyrissjóðsins, sagði í
gær, að horfurnar í efnahags-
málum heimsins hefðu versnað
en of mikil svartsýni væri þó
ástæðulaus. Er því nú spáð, að
hagvöxtur í heiminum verði
3,7% á næsta ári en ekki 4%
eins og talið var á vorfundi
sjóðsins. Enn er talið, að hann
verði 2,8% á þessu ári. Köhler
sagði, að efnahagslífið hefði
sýnt mikla seiglu í áföllum síð-
ustu tveggja ára og full ástæða
til að ætla, að það nái sér aftur á
strik á næstu tveimur árum.
Rússar vilja
fresta ISS
RÚSSAR hafa ekki lengur efni
á að standa við skuldbindingar
sínar gagnvart smíði Alþjóð-
legu geimstöðvarinnar, ISS, og
vilja að hún verði sett í bið.
Kom þetta fram hjá Sergei
Gorbúnov, talsmanni rúss-
nesku geimvísindastofnunar-
innar. Deginum áður var haft
eftir Valerí Rjúmín, ráðamanni
hjá stofnuninni, að ástandið
væri „alvarlegt“ og því hefði
hann skrifað NASA, banda-
rísku geimvísindastofnuninni,
og lagt til frestun á smíðinni.
Meðlag fyrir
mistök
ÍTALSKUR kvensjúkdóma-
læknir, dr. Ruggero Pasqua-
letto, hefur verið dæmdur til að
greiða meðlag með barni, sem
kom í heiminn vegna mistaka,
sem skrifuð eru á hans reikn-
ing. Eru meðlagið og bætur til
konunnar alls tæpar níu millj-
ónir íslenskra króna. Konan,
tveggja barna móðir, bað lækn-
inn að sjá um, að hún ætti ekki
fleiri börn, og límdi hann þá
saman eggjaleiðarana með þar
til gerðu lími. Segist hann hafa
sagt konunni, að líkurnar á að
hún ætti barn þrátt fyrir þetta
væru 15 á móti 1.000, en við það
vill hún ekki kannast.
Danir vilja
evruna
MEIRA en helmingur Dana er
hlynntur því að taka upp evr-
una sem gjaldmiðil. Kemur
þetta fram í könnun, sem
danska hagstofan annaðist fyr-
ir Den Danske Bank. Sam-
kvæmt henni eru 56% lands-
manna hlynnt evrunni, 28% á
móti og 16% óákveðin. Meira en
60% þeirra óákveðnu hallast
fremur að stuðningi við evruna
en hitt. 53% Dana greiddu at-
kvæði gegn evrunni í þjóðarat-
kvæðagreiðslu árið 2000.
Fjórfaldur
Saddam
SADDAM Hussein, forseti
Íraks, er með þrjá tvífara að
minnsta kosti og lætur þá koma
fram fyrir sína hönd við ýmis
tækifæri. Var þessu haldið
fram í gær í þýsku sjónvarps-
stöðinni ZDF, sem sagði, að
Saddam hefði sjálfur ekki kom-
ið fram opinberlega frá 1998.
Hefur stöðin þetta eftir vís-
indamanni, sem segist styðjast
við greiningaraðferðir, sem
notaðar séu hjá FBI, banda-
rísku alríkislögreglunni.
STUTT
Verri horf-
ur í efna-
hagsmálum