Morgunblaðið - 27.09.2002, Blaðsíða 12

HÖFUÐBORGARSVÆÐIÐ
12 FÖSTUDAGUR 27. SEPTEMBER 2002 MORGUNBLAÐIÐ
ODDVITI framsóknarmanna í bæj-
arstjórn Mosfellsbæjar segir að-
gerðir nýs meirihluta vegna fjár-
hags bæjarins vera pólítískt
sjónarspil til að fela hækkanir og
hrekja fólk úr starfi. Hann segir árs-
hlutauppgjörið engan veginn gefa
rétta mynd af afkomu ársins í heild
þar sem stærstu tekjumánuðina, júlí
og desember, vantar í úttektina.
Framsóknarmenn héldu um
stjórnartaumana í Mosfellsbæ
ásamt G-listanum undanfarin tvö
kjörtímabil en samkvæmt úttekt
sem nýr meirihluti sjálfstæðis-
manna lét gera á fjárhagnum var
rekstrarkostnaður bæjarfélagsins
97 prósent af skatttekjum fyrstu sex
mánuði ársins. Þröstur Karlsson,
oddviti framsóknarmanna, segir að
þetta gefi ekki rétta mynd af stöðu
bæjarsjóðs. „Það vantar inn í þetta
heilmikið af tekjum sem koma inn í
júlí og desember en sá mánuður er
nær því tvöfaldur hvað varðar
tekjur. Þannig að það skekkir
myndina töluvert.“
Hann segir rekstrarkostnað fyrri
meirihluta hafa verið í kring um 78–
84 prósent af skatttekjum og það
geti ekki hafa breyst mikið þar sem
ekki hafi verið ráðist í nýjar fjárfest-
ingar eða bætt við mannskap. „Það
getur alls ekki staðist að hin end-
anlega niðurstaða ársins sé 97 pró-
senta rekstrarkostnaður. Við vissum
reyndar vel að við vorum að skuld-
setja bæjarsjóð þegar við einsettum
skólann því það var ekki hægt nema
byggja upp skóla. Lágafellsskóli
einn og sér kostaði okkur um 800
milljónir og það tekur í budduna hjá
litlu sveitarfélagi með 6.000 manns
að byggja upp skólamannvirki fyrir
1,5 milljarða á átta árum. Það er
bara eins og hjá einstaklingum sem
eru að byggja yfir sig húsnæði þeg-
ar fjölskyldan er að stækka.“
„Ekkert hættuástand“
Hann bendir á að Eftirlitsnefnd
sveitarfélaga hafi farið yfir stöðu
bæjarsjóðs árlega á undanförnum
árum. „Hún lagði blessun sína yfir
þetta, að þetta væri allt innan marka
og gæti alveg greiðst niður. Það
væri ekkert hættuástand enda lögð-
um við fram áætlanir um niður-
greiðslu skulda næstu árin eftir
þetta átak sem við höfum verið í
núna með einsetningu skólans.“
Núverandi meirihluti hefur gagn-
rýnt að þjónustugjöld bæjarins séu
of lág og hyggst meðal annars
hækka þau til að bregðast við fjár-
hagsvandanum. Inntur eftir því
hvort ekki hefði verið eðlilegt að
hækka gjöldin fyrr með tilliti til
þeirra miklu fjárfestinga sem bær-
inn fór í vegna einsetningarinnar
segir Þröstur þjónustugjöld Mos-
fellinga svipuð og hjá mörgum sveit-
arfélögum á höfuðborgarsvæðinu.
„Við lítum svo á að þegar verið er
að byggja skóla þá er hann ekki
byggður til eins árs heldur til tuga
ára og þá er kannski eðlilegt að
greiða það niður á löngum tíma. Það
er ekki eðlilegt að hækka öll þjón-
ustugjöld upp úr öllu valdi bara til
að íþyngja fjölskyldufólki því meiri-
hluti Mosfellinga er fjölskyldufólk
með börn. Við lítum þannig á að það
sé eðlilegt að hafa eitthvert greiðslu-
plan sem við getum staðið við og
klárað.“
KPMG segir stöðu
bæjarsjóðs trausta
Þá bendir hann á að í niðurlagi
skýrslu KPMG endurskoðenda sem
stóðu á bak við úttektina nú segi að
þrátt fyrir skuldsetningu bæjarsjóðs
telji þeir „að þegar horft er til
heildareigna og framtíðarmöguleika
sveitarfélagsins sé staða bæjarsjóðs
í heildina litið traust,“ svo vitnað sé
beint til niðurlagsins. „Hvernig geta
menn skrifað svona niðurlag í síð-
ustu setningu ef allt er í kaldakoli?“
spyr Þröstur.
Hann segir því gripið til of harka-
legra aðgerða miðað við stöðuna og
gagnrýnir hugmyndir um að selja
hitaveituna og fleiri eignir sem hann
segir einsýnt að muni hækka heita-
vatnsverð til bæjarbúa. Staða bæj-
arsjóðs gefi ekki ástæðu til aðgerða
af þessu tagi.
Lán tekin vegna áhorfenda–
palla en fólki sagt upp
„Það er eitthvað annað sem er á
bak við, þetta er bara pólitískt sjón-
arspil til að hrekja eitthvert fólk úr
starfi og fela hækkanir og fleira á
bak við stöðu sem er ekki raunhæf.
Á sama tíma og þeir eru að segja
upp fólki eins og jafnréttisfulltrúa
sem er í 20 prósent starfi og at-
vinnu- og ferðamálafulltrúa sem er í
100 prósent starfi þá var ákveðið á
síðasta fundi að skuldsetja bæinn
um 15 milljónir til að kaupa áhorf-
endabekki til að klára fyrir áramót
sem er ekki einu sinni á fjárhags-
áætlun. Þetta er gert þegar staðan
er slík að segja þarf upp fólki sem er
kannski að þéna einar 3–4 milljónir
á ári. Það sýnir kannski hvað er að
gerast.“
Í fréttatilkynningu sem bæjar-
fulltrúar minnihlutans sendu frá sér
í gær er auk þessa gagnrýnd sú
ákvörðun að færa svið bæjarins
rekstrarlega undir stjórn bæjar-
stjóra. Það sé miðstýring og „ein-
ræðistilburðir, sem þekktist í tíð
sjálfstæðismanna í Mosfellsbæ á
fyrri tímum,“ eins og segir í tilkynn-
ingunni.
Oddviti framsóknarmanna í bæjarstjórn gagnrýnir aðgerðir vegna stöðu bæjarsjóðs
Pólítískt sjónarspil til
að hrekja fólk úr starfi
Mosfellsbær
HJÓNIN Elínborg Kristinsdóttir og
Guðni Sigurjónsson, sem eru á sjö-
tugsaldri, mæla með fjallgöngum í
sumarfríinu, en saman gengu þau á
fimm fjöll í sumar og frúin bætti við
þremur að auki.
Elínborg segir að þau hafi ferðast
mikið um landið í sumarfríum sín-
um, en þetta hafi verið í fyrsta sinn
sem þau hafi eytt tíma í fjallgöngur.
Hún segist hafa tekið eftir lítilli bók
á bensínstöð, Leiðabók UMFÍ, og
gripið hana með sér, en þar hafi
hún séð ýmsar merktar gönguleiðir
í verkefninu „Fjölskyldan á fjallið“
sem væri liður í átakinu „Göngum
um Ísland“.
Þegar hún hafi farið að kynna sér
þetta nánar hafi hún komist að því
að búið hafi verið að setja póstkassa
með gestabókum á fjölmörg fjöll
víða um land og þar sem þau hafi
ekki verið búin að skipuleggja sum-
arfríið nákvæmlega hafi þau ákveð-
ið að ganga á nokkur fjöll og skrá
nöfn sín í gestabækurnar á hæstu
tindum.
Fyrsta vikan erfiðust
Þau voru í sumarfríi á Suðurlandi
og byrjuðu á því að ganga á Búrfell
í Grímsnesi 27. júlí, en síðan bættust
Hjörleifshöfði, Goðatindur, Hvíta-
fell og Þorbjörn við. Þá var Guðni,
sem er 67 ára, búinn með sumarfríið
sitt en Elínborg, sem er 61 árs, átti
eftir nokkra daga frá fyrra ári og
notaði þá til að ganga ein á Reykja-
borg, Hestfjall og Mælifellshnjúk,
en síðasta fjallganga hennar í þess-
ari lotu var í byrjun september.
Hún segir að fyrsta vikan hafi
verið erfiðust enda hafi þau þá ekki
verið í neinni þjálfun en Goðatindur
og Mælifellshnjúkur hafi sennilega
tekið mest í. Reykjaborgin hafi ekki
verið mjög erfið, hún hafi verið öll-
um hnútum kunnug við Hestfjall í
Borgarfirði, en Mælifellshnjúkur-
inn hafi verið nokkuð spennandi og
því hafi hún drifið sig norður við
fyrsta tækifæri. Gangan á toppinn
hafi tekið um tvo og hálfan tíma en
verið frekar auðveld.
Elínborg segir að þótt þau séu
ekki annálað göngufólk hafi þau
tekið forskot á sæluna og gengið úr
Skaftafelli inn að Morsárjökli viku
áður en tekist hafi verið á við fjöllin
og það hafi reynst ágætis upphitun.
Göngurnar hafi síðan heppnast vel
og vel gæti hugsast að þau héldu
uppteknum hætti í framtíðinni.
„Mér finnst þetta nokkuð áhuga-
vert, ekki síst vegna þess að útsýnið
frá þessum stöðum er geysilega fal-
legt.“
Hjónin vinna hjá Strætó bs. en El-
ínborg starfar auk þess hjá Myll-
unni-Brauði hf. Hún segir að þau
séu heilsuhraust og svona göngur
bæti heilsuna enn frekar enda mæli
hún hiklaust með þeim. „Þetta
styrkir mann að svo mörgu leyti,
eykur þol og fleira, auk þess sem öll
útivera er af hinu góða.“
Gekk á átta fjöll í sumarfríinu
Reykjavík
Morgunblaðið/Golli
Hjónin Guðni og Elínborg notuðu sumarfríið til að ganga á fjöll.
KRISTINN Bjarnason, annar af
tveimur framkvæmdastjórum bygg-
ingarfélagsins Gígant ehf., sem sér
um framkvæmdir við byggingu fjöl-
býlishúss í Suðurhlíð 38 í Reykjavík,
segir að samkvæmt nýjum teikn-
ingum, sem gerðar voru að kröfu
byggingaryfirvalda, sé byggingin nú
um 17 cm lægri en samþykkt deili-
skipulag leyfir.
Að sögn Kristins var salarhæð
kjallarans höfð 32 cm lægri en gert
var ráð fyrir í upphafi. Þá hefur
þakkantur verið lækkaður um 25
cm. Samkvæmt þessu er byggingin
57 cm lægri en upphaflega var gert
ráð fyrir í samþykktri byggingar-
leyfisumsókn. Í henni var kveðið á
um að húsið mætti vera 12,4 m á
hæð en samþykkt deiliskipulag
gerði aftur á móti ráð fyrir að það
mætti vera 12 m. Þar sem kjallari
var 32 cm lægri en gert var ráð fyr-
ir samkvæmt upphaflegri teikningu
var byggingarleyfishafa gert að
lækka húsið um tæpa tíu sentimetra
og skila inn nýrri og breyttri um-
sókn. Sem fyrr segir hefur bygg-
ingin verið lækkuð um 17 cm og eru
teikningarnar nú til skoðunar hjá
borgarlögmanni.
Kristinn bendir jafnframt á að
samkvæmt þessu sé hæð hússins,
umfram það sem fram kom á skýr-
ingaruppdráttum, sem kynntir voru
íbúum á sínum tíma, undir 1,7 metr-
um.
Hann ítrekar það sem fram hefur
komið að sá uppdráttur hafi ekkert
lögformlegt gildi.
Sagt var frá því í Morgunblaðinu
fyrr í vikunni að í bréfi arkitekta-
stofunnar Úti og inni, sem hannaði
húsið, og sent var skipulagsyfirvöld-
um, komi fram að þegar deiliskipu-
lagsuppdráttur var gerður af lóðinni
í upphafi árs 2000 hafi ekki verið til
hæðarblöð af svæðinu og urðu hönn-
uðir að miða við hæðarlínur sem
komu fram á eldri skipulagsupp-
drætti.
Fjölbýlishúsi breytt til samræmis við skipulag
Húsið
var
lækkað
Suðurhlíðar
Morgunblaðið/Kristinn
EKKI er svigrúm í Ráð-
húsi Reykjavíkur til að
taka við nýrri starfsemi
sem bætist við í stjórn-
sýslu borgarinnar en
langt er síðan byggingin
var orðin of lítil fyrir
starfsemi sína. Hluti
hennar fer því fram í
Tjarnargötu 12 eða
gömlu slökkvistöðinni
sem er gegnt Ráðhúsinu.
Að sögn Ólafs Jóns-
sonar, rekstrarstjóra
Ráðhússins, kom fljót-
lega í ljós, eftir að Ráð-
húsið var tekið í notkun,
að það var ekki svigrúm í
því fyrir þá starfsemi sem var talið
eðlilegt að færi fram í ráðhúsi.
Árið 1998 hafi Borgarendur-
skoðun flutt út úr húsinu og yfir í
Tjarnargötu 12, sem er í eigu
borgarinnar. „Um svipað leyti og
tölvuþjónusta varð til þá fór hún
þar yfir líka. Í dag eru borgarráðs-
fulltrúar með vinnuaðstöðu í
gömlu slökkvistöðinni auk þess
sem ný starfsemi, sem heitir Upp-
lýsingatækniþjónusta Reykjavík-
urborgar, er þar til húsa en hún
tilheyrir Ráðhúsinu.“
Ólafur segir ekki útlit fyrir að
starfsemin dreifist enn frekar.
„Við höfum til þess að gera verið
með sama starfsmannafjölda í
deildum Ráðhússins í langan tíma
og erum ekki með sérstök áform
um að stækka mikið. En við verð-
um eins og allir aðrir að vera
viðbúin því að taka þátt í þróun og
breytingum og sveigja okkur að
þeim. Það er ekkert sérstakt uppi
á borðinu í dag en maður veit ekki
hvað morgundagurinn ber í skauti
sér.“
Ráðhúsið löngu
orðið of lítið
Miðborg
Morgunblaðið/Sverrir
Vinnuaðstaða borgarfulltrúa er meðal þess
sem er að finna í Tjarnargötu 12.