Morgunblaðið - 27.09.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 27. SEPTEMBER 2002 VERÐ Í LAUSASÖLU 190 KR. MEÐ VSK.
Þú hringir
Nú fæst Gotti einnig
í 500 g stykkjum!
MAÐUR var myrtur í húsi við
Klapparstíg í Reykjavík í gær-
kvöldi og er maður í haldi lögregl-
unnar, grunaður um verknaðinn.
Klukkan 21.35 í gærkvöldi fékk
lögreglan tilkynningu um líkams-
árás í húsi við Klapparstíg og hafði
maður verið stunginn, en árásar-
maður var á bak og burt þegar lög-
regla og sjúkralið komu á staðinn.
Að sögn lögreglu var sá sem fyrir
árásinni varð með lífsmarki þegar
að var komið en hann lést af sárum
sínum skömmu síðar.
Svæðið í grennd við húsið, þar
sem morðið var framið, var strax
girt af og fór þegar fram víðtæk leit
að hugsanlegu árásarvopni og
meintum árásarmanni. Skömmu
síðar fengust þær upplýsingar hjá
lögreglunni að maður væri í haldi
vegna málsins, en að öðru leyti
varðist lögreglan allra frétta af
málinu enda rannsóknin á frum-
stigi.
Maður
myrtur í
Reykja-
vík
Morgunblaðið/Júlíus
Lögreglan var með mikinn viðbúnað á Klapparstíg og í nágrenni vegna
morðsins og víðtæk leit að meintum árásarmanni bar árangur.
Meintur árásarmaður í haldi lögreglu vegna morðs
MARIS ehf. hefur keypt nýja níu
farþega þotu af gerðinni Cessna
Citation Excel og kemur hún til
landsins síðdegis á sunnudag, en hún
verður gerð út frá Reykjavíkurflug-
velli.
Vélin kostar tæplega 11 þúsund
dollara, kringum einn milljarð
króna, að sögn Björns Rúrikssonar,
framkvæmdastjóra Maris, en eign-
arhaldsfyrirtækið er að helmingi í
eigu Sundt AS í Noregi og að helm-
ingi í eigu íslenskra fyrirtækja. Þot-
an er rekin í samvinnu við norska
fyrirtækið Sundt Air AS og er skráð
í Noregi.
Björn Rúriksson, flugmaður og
ljósmyndari, segir að hann hafi byrj-
að að vinna að þessum kaupum vorið
2000. Hann segir að mikill markaður
sé fyrir svona þjónustu á Íslandi og
bendir á að fullkomin fundaraðstaða
sé um borð með síma og faxtæki,
hægt sé að bjóða upp á heitan og
kaldan mat og vel fari um farþega.
Ísland sé á hraðferð inn í framtíðina í
nýjum tækifærum og nýjum hlutum,
og starfsmenn margra fyrirtækja
hafi þörf fyrir svona einkaþotu
vegna ýmissa mála. Eins sé mikið ör-
yggi fólgið í því fyrir Íslendinga að
eiga svona vél í Reykjavík. Þotan
geti verið tilbúin til flugs með
skömmum fyrirvara komi upp neyð-
aratvik eins og t.d. flutningur með
líffæraþega eða líffæragjafa, en þess
beri að geta að vélin standi öllum til
boða.
Fyrst og fremst er gert ráð fyrir
að óskað verði eftir vélinni í styttri
ferðir, þ.e. eins til tveggja daga ferð-
ir. Björn segir að flugtími vélarinnar
til London sé rúmlega tveir og hálfur
tími, tveggja tíma flug sé til Glasgow
og um þriggja tíma til Brussel og
Kaupmannahafnar. Miðað við fulla
vél segir hann að verðið fyrir hvert
sæti til London sé um 160 þúsund
krónur og um 80 þúsund til Færeyja,
en síðan þurfi að borga flugmönn-
unum uppihald að auki. Þá má nota
hana til innanlandsflugs en flugtím-
inn milli Reykjavíkur og Akureyrar
er kringum 20 mínútur.
Lítil þota í
íslenska
flugflotann
VIÐSKIPTI með hlutabréf Búnað-
arbankans fyrir tæpa 2,5 milljarða
króna voru tilkynnt til Kauphallar
Íslands í gær. Ekki var tilkynnt
hverjir áttu þessi viðskipti en þetta
eru um 10% af heildarhlutabréfum
bankans.
Lokagengi bréfanna var 4,63,
hækkaði um 2,9% frá deginum áður.
Mikil viðskipti
með hlutabréf
Búnaðar-
bankans
LÖGREGLAN í Reykjavík handtók í
gærmorgun vaktmann Búnaðarbank-
ans sem grunaður er um að hafa afrit-
að skjöl í bankanum sem komust í
hendur forstjóra Norðurljósa í sum-
ar. Vaktmaðurinn var handtekinn í
höfuðstöðvum bankans við Austur-
stræti á áttunda tímanum í gærmorg-
un. Á upptökum á öryggismyndavél-
um sést hvar maðurinn fór í fyrrinótt
inn á læstar skrifstofur og grúskaði í
skjölum. Samkvæmt heimildum
Morgunblaðsins setti maðurinn á sig
hanska áður en hann handlék skjölin.
Maðurinn var yfirheyrður og síðan
sleppt, en lögreglan vill ekki tjá sig
nánar um málið á þessu stigi.
Vaktmaðurinn hefur unnið hjá
bankanum í um tvö ár, aðallega á
vöktum um kvöld og helgar. Guðjón
Jóhannesson, innri endurskoðandi
Búnaðarbankans, segir að á upptök-
um úr öryggismyndavélum sjáist
maðurinn greinilega brjóta gegn
starfsskyldum sínum, m.a. með því að
grúska í skjölum á skrifborði starfs-
manns. Guðjón vildi ekki greina nán-
ar frá í hverju meint brot mannsins í
fyrrinótt fælust, eða hvaða skjölum
maðurinn hefði haft aðgang að. Lög-
reglunni í Reykjavík hefðu verið af-
hent öll gögn um málið og væri fram-
haldið í hennar höndum. Af hálfu
bankans væri talið að full sönnun væri
fyrir þessum brotum mannsins og
hefur honum verið sagt upp störfum.
Rannsókn verður að leiða í ljós
hvort hann hafi sent skjöl
Í fréttatilkynningu frá Búnaðar-
bankanum segir að maðurinn sé
grunaður um að hafa afritað skjöl á
skrifstofum bankans og komið þeim í
hendur þriðja aðila. „Reynist þessi
grunur á rökum reistur hefur hann
brotið trúnað við bankann og lög um
þagnarskyldu sem starfsmenn bank-
ans eru bundnir,“ segir í tilkynning-
unni. Aðspurður segir Guðjón að átt
sé við trúnaðarskjöl úr bankanum
sem komust í hendur forstjóra Norð-
urljósa í sumar. Rannsókn lögreglu
verði að leiða í ljós hvort vaktmað-
urinn hafi verið þar að verki.
Gripið til ráðstafana í bankanum
Eftir að fyrrnefnd skjöl komust í
hendur forstjóra Norðurljósa greip
bankinn til margvíslegra ráðstafana
til að komast að því hver hefði farið
með skjölin út úr bankanum, m.a. var
fylgst með ferðum manna með örygg-
ismyndavélum. Þá átti bankinn góða
samvinnu við lögregluna í Reykjavík.
Guðjón Jóhannesson segir að grunur
hafi fallið á vaktmanninn fyrir um 10
dögum þar sem ferðir hans um skrif-
stofur bankans þóttu grunsamlegar. Í
fyrrinótt hafi hann síðan greinilega
brotið af sér og í kjölfarið var haft
samband við lögregluna, sem handtók
manninn.
Stal glæpnum
Sigurður G. Guðjónsson, forstjóri
Norðurljósa, sagðist í samtali við
Morgunblaðið hafa fengið skjölin af-
hent og að sá sem það gerði hefði haft
samband við sig að fyrra bragði. Við
yfirheyrslu hjá lögreglu í lok júlí neit-
aði Sigurður að gefa upp hver afhenti
honum gögnin. Spurður um viðbrögð
við handtökunni sagðist Sigurður
vera ánægður með að starfsmenn
bankans teldu sig hafa náð manninum
sem stal glæpnum frá þeim. Að hans
mati hafi starfsmenn bankans stund-
að glæpsamlega háttsemi innan bank-
ans. „Þeir afhentu trúnaðarupplýs-
ingar, sem er brot á bankalögum, og
sömdu að auki við þriðja aðila um að
koma Norðurljósum í gjaldþrot. Von-
andi finna þeir líka þá sem ætluðu að
standa fyrir þessari glæpastarfsemi.“
Aðspurður segir Sigurður að eftir að
þessar upplýsingar voru gerðar op-
inberar hafi bankinn farið sér hægar í
aðgerðum gegn Norðurljósum.
19. júlí sl. sendi Sigurður G. Guð-
jónsson, forstjóri Norðurljósa, fyrir
hönd Norðurljósa Fjármálaeftirlitinu
kæru þar sem hann fór þess á leit við
eftirlitið að það tæki þegar til rann-
sóknar þá fyrirætlun starfsmanna
Búnaðarbankans. að knýja Norður-
ljós í gjaldþrot í þágu þriðja manns,
eins og það var orðað í kærunni.
Í Morgunblaðinu 23. júlí var haft
eftir Árna Tómassyni, bankastjóra
Búnaðarbanka Íslands, að rannsaka
ætti innan bankans hvort skjölin, sem
Sigurður G. Tómasson hefði lagt fram
með kæru til Fjármálaeftirlitsins,
væru komin frá bankanum.
Um var að ræða drög að yfirlýs-
ingu Fjölmiðlafélagsins ehf. ásamt
fylgiskjölum þar sem lagt var á ráðin
um yfirtöku félagsins á Norðurljós-
um. Í skjölunum koma m.a. fram upp-
lýsingar um skuldastöðu Norðurljósa
og númer og staða lánasamninga
Búnaðarbankans til Norðurljósa eru
tilgreind. Sigurður G. Guðjónsson,
forstjóri Norðurljósa, kærði í kjölfar-
ið bankann til Fjármálaeftirlitsins
fyrir brot á lögum um bankaleynd.
Lögreglan í Reykjavík handtók vaktmann Búnaðarbanka Íslands
Upptaka sýnir vakt-
mann grúska í skjölum
HAUSTIÐ er tími sveppanna, berj-
anna og haustlitanna. Nauðsynlegt
er að taka plastpoka meðferðis þeg-
ar farið er í gönguferðir á haustin
því það er aldrei að vita nema mað-
ur gangi fram á breiðurnar af góm-
sætum sveppum. Betra er þó að
hafa varann á og ekki tína sveppi
sem maður þekkir ekki. Ósagt skal
látið hvort þessi sveppur sé matar-
sveppur en girnilegur er hann engu
að síður.
Morgunblaðið/Kári
Sveppatím-
inn kominn
♦ ♦ ♦