Morgunblaðið - 29.09.2002, Blaðsíða 4
FRÉTTIR
4 SUNNUDAGUR 29. SEPTEMBER 2002 MORGUNBLAÐIÐ
FINNUR Ingólfsson, formaður ál-
viðræðunefndar stjórnvalda, segir
að samningaviðræður vegna kaupa
Alcoa á Reyðaráli af Norsk Hydro
og Hæfi gangi ágætlega og stefnt sé
að niðurstöðu um eða upp úr
miðjum október. Hann segir við-
ræðurnar hafa tekið lengri tíma en
talið var í fyrstu, en um flókið mál sé
að ræða. Meðal þess sem Alcoa leit-
ar eftir er sú vinna við umhverfis-
mat sem Reyðarál hafði innt af
hendi. Vonast Finnur eftir því að
niðurstaðan verði jákvæð fyrir Al-
coa.
Þessa dagana eru staddir hér á
landi fulltrúar verkfræðifyrirtækis
ásamt starfsmönnum Alcoa sem eru
að fara yfir tæknilega þætti samn-
ingaviðræðna um byggingu álvers-
ins í Reyðarfirði. Eitt af því sem
verið er að skoða, að sögn Finns, er
samanburður á stærð álversins og
mismunandi framleiðslutækni.
Reiknað er með að þeim samanburði
verði lokið í lok október og skýrsla
verði send til Skipulagsstofnunar.
Rætt um orkuverð
og hafnaraðstöðu
Einnig eru í gangi viðræður við
Landsvirkjun um orkuverð og við-
ræður við heimamenn á Austfjörð-
um um hafnaraðstöðu. Finnur segir
þessar viðræður ganga samkvæmt
áætlun og að ekkert óvænt hafi
komið upp sem muni tefja ferlið.
Samkvæmt viljayfirlýsingu, sem
undirrituð var í júlí í sumar, er
stefnt að því að niðurstaða verði
komin um alla þætti álversins í jan-
úar næstkomandi. Samningum um
orkuverð og hafnaraðstöðu á að
vera lokið fyrir árslok.
Um næstu helgi er von á aðal-
samningamanni Alcoa, Michael
Baltzell, til landsins ásamt fylgdar-
liði. Að sögn Finns er um hefð-
bundna vinnuferð að ræða en marg-
ar slíkar hafa verið farnar milli
Íslands og Bandaríkjanna síðustu
mánuði. Þá hafa viðræður um orku-
verð m.a. farið fram með aðstoð
fjarfundabúnaðar.
Kaup Alcoa á Reyðaráli af Norsk Hydro og Hæfi
Viðræður hafa tekið
lengri tíma en ætlað var
VEITINGASTAÐURINN Dodici
Apostili í Veróna á Ítalíu, eða Post-
ularnir tólf, hefur látið framleiða
fyrir sig Valpolicella og Amarone
rauðvín sem er sérstaklega til-
einkað Sigrúnu Hjálmtýsdóttur
sópransöngkonu, Diddú. Vínið er
framleitt af einum fremsta vín-
gerðarmanni Ítalíu, Giovanni Alle-
grini. „Þetta kom mér skemmti-
lega á óvart, en þeir kunna sig
þarna suðurfrá,“ segir Diddú.
Upphaf þessa má rekja til grein-
ar er birtist á ferðasíðum Morg-
unblaðsins í mars sl. þar sem
Diddú fór lofsamlegum orðum um
veitingastaðinn. Er hann nærri 300
ára gamall og hefur ætíð verið í
eigu sömu fjölskyldunnar.
Fyrirsögn greinarinnar var
„Ævintýri að heimsækja Postulana
tólf“. Sagði Diddú þar frá dvöl
sinni á Ítalíu er hún bjó í Veróna
ásamt fjölskyldu sinni og stundaði
söngnám í Mílanó.
Eigendur Postulanna tólf lásu
reyndar ekki greinina fyrr en Ein-
ar Gunnlaugsson, tækniteiknari í
Reykjavík, hringdi í þá í maí sl. og
pantaði borð á staðnum vegna
ferðar sinnar til Veróna nú í sept-
ember. Var hann með greinina við
höndina en þar tók Diddú einmitt
sérstaklega fram að panta þyrfti
borð tímanlega. Vitnaði Einar til
greinarinnar og sagðist hann í
samtali við Morgunblaðið hafa
fundið strax fyrir miklum áhuga
Ítalanna. Lét hann þýða greinina
yfir á ítölsku og sendi til Veróna.
Báðu eigendurnir líka um heim-
ilisfang Diddúar.
Svo var það um miðjan sept-
ember að Einar fór á veitingastað-
inn ásamt ferðafélögum sínum. Er
eigendurnir höfðu áttað sig á
hverjir væru komnir dró einn
þeirra, Antonio Cioco, fram rauð-
vínsflösku framleidda af Allegrini
fjölskyldunni og sýndi þeim.
Fannst þeim mikið til koma en enn
meira er bakhliðin kom í ljós og við
þeim blasti mynd af Diddú. Var þá
upplýst að eftir borðpöntun Einars
í vor létu þeir framleiða rauðvínið
henni til heiðurs. Nýlega fékk hún
sendar til landsins sex flöskur í
trékassa í sérstakri hraðsendingu.
Á bakhlið flöskunnar stendur í
lauslegri þýðingu: „Vín Diddúar,
val sópransöngkonu.
Með angan vináttunnar, lit mel-
ódíunnar og bragði Verónu.
Lagað fyrir frú Sigrúnu Hjálm-
týsdóttur, vin Verónu og Verónu-
búa.
Postularnir tólf, sumarið 2002.“
Diddú heiðursgestur veitinga-
staðarins til eilífðarnóns
Að sögn Einars hefur Diddú ver-
ið gerð að heiðursgesti veitinga-
staðarins til eilífðarnóns. Hann
segir að vínið verði boðið öðrum
matargestum og til standi að fram-
leiða fleiri tegundir henni til heið-
urs. „Ég sagði þeim að framleiða
mikið magn því að Íslendingar
myndu flykkjast á staðinn og panta
vínið.“
Diddú segir að sendingin hafi
komið sér gersamlega á óvart. „Ég
átti aldrei von á svona uppákomu
þótt ég hafi mælt með einu veit-
ingahúsi,“ segir hún og bætir við
að ef til vill ætti hún að leggja þá
iðju fyrir sig. Hún segir það ekki
síður skemmtilegt að vínið sem sé
tileinkað sér sé annars vegar mjög
fín framleiðsla af Valpolicella og
hins vegar Amarone, sem sé uppá-
halds ítalska vínið sitt, en það hafi
mennirnir ekki haft hugmynd um.
„Við erum svona andlega skyld,“
segir söngkonan, sem er á tón-
leikaferðalagi í Frakklandi með
Önnu Guðnýju Guðmundsdóttur
undirleikara.
Rauð-
vín til-
einkað
Diddú
Morgunblaðið/Árni Sæberg
Á bakhlið flöskunnar stendur í
lauslegri þýðingu: „Vín Diddú-
ar, val sópransöngkonu. Með
angan vináttunnar, lit melódí-
unnar og bragði Verónu. Lagað
fyrir frú Sigrúnu Hjálmtýsdótt-
ur, vin Verónu og Verónubúa.
Postularnir tólf, sumarið 2002.“
ESJAN skartaði hvítum toppi í
gærmorgun, en snjóað hafði efst í
fjallið yfir nóttina. Segir Páll Berg-
þórsson veðurfræðingur og fyrr-
verandi veðurstofustjóri, að það sé
ekki óvenjulegt að fyrst sjáist
snjór í Esjunni í lok september. Þá
megi eiga von á snjó í fjöllum, þó
reyndar geti snjóað í há fjöll í flest-
um mánuðum ársins hér á landi.
Páll segir að veturinn leggist
ágætlega í sig. Esjan sé búin að
vera snjólaus í nærri mánuð, séð
frá Reykjavík, sem sé mjög sjald-
gæft og hafi ekki komið fyrir allt
frá því á sjöunda áratugnum til
ársins 1998. Snjórinn bráðni ekki
allur nema á hlýindaskeiðum.
„Þegar svo er verður maður að
reikna með því að það séu meiri
möguleikar en ella á því að vet-
urinn verði mildur, en auðvitað eru
alltaf breytingar frá ári til árs. Það
eru litlar líkur á hörðum vetri,“
segir Páll.
Þá bendir hann sömuleiðis á að
mjög lítið sé um hafís norður und-
an Íslandi, sem einnig sé vísbend-
ing um mildan vetur. „Ef sjórinn er
mildur norður undan verður norð-
anáttin alltaf heldur hlýrri en hún
væri annars og það munar svo mik-
ið um það.“ Páll segir að þá sé
gróðurhúsaáhrifa greinilega farið
að gæta í heiminum sem minnki
aftur líkur á hörðum vetrum.
Morgunblaðið/Kristinn
Litlar
líkur á
hörðum
vetri
ÞETTA fallega aðmírálsfiðrildi
settist í hár Salóme Jórunnar Bern-
harðsdóttur, átta ára, í Slyppugili í
Þórsmörk um síðustu helgi. Salóme
Jórunn segir að nokkur fiðrildi hafi
verið í gilinu, strákar sem voru
þarna líka hafi haldið að fiðrildin
væru fuglar þar sem þau voru svo
stór.
Hún segir að hún hafi aldrei fund-
ið neitt svona fallegt í náttúrunni.
Fiðrildið hafi dáið stuttu eftir að
myndin var tekin. „Ég reyndi að
gefa því blóm en það leit ekki við
því,“ segir hún og bætir við að fiðr-
ildið hefði hvort eð er dáið í kuld-
anum í vetur. Mamma hennar hafi
gefið fiðrildinu sykurvatn en það
hafi ekki gengið. „Ég ætla að stoppa
það upp og hafa það í herberginu
mínu,“ segir Salóme Jórunn.
Skordýrafræðingar segja að
óvenjumikið sé um stór og falleg
fiðrildi í ár. Þau hafi borist hingað
norður á bóginn með heitum vind-
um.
Morgunblaðið/Kristinn
Héldu að
fiðrildin
væru fuglar
Morgunblaðið/Kristinn
MIKILL minnihluti þjóðarinnar
styður árás á Írak, samkvæmt nið-
urstöðum könnunar sem Gallup
gerði 11.-25. september. Um 21%
sagðist styðja árás á Írak, en 79%
voru mótfallin árás. Þrír hópar voru
spurðir þriggja mismunandi spurn-
inga. 12% sögðust styðja árás
Bandaríkjamanna og Breta á Írak,
en 12% sögðust mótfallin. Stuðning-
ur við árás jókst þegar fólk var spurt
hvort það styddi árás með fulltingi
Sameinuðu þjóðanna. 34% sögðust
styðja slíka árás og 66% sögðust ekki
styðja hana.
Mikill munur reyndist vera á af-
stöðu kynjanna til árásar, en konur
styðja síður árás en karlar. 32%
karla studdu árás, en 10% kvenna.
Eins er mikill munur eftir því hvort
fólk styður ríkisstjórnina eða ekki,
stjórnarandstæðingar reyndust
frekar á móti árás en þeir sem styðja
ríkisstjórnina. 32% stuðningsmanna
ríkisstjórnarinnar sögðust styðja
árás, en 18% stjórnarandstæðinga.
Meirihluti
mótfallinn
árás á Írak