Morgunblaðið - 29.09.2002, Qupperneq 17

erum ekki síður stolt af því hversu
stórt hlutfall félaganna eru ungt
fólk. Ég get nefnt sem dæmi að á
póstlista fyrir félaga á aldrinum
18–27 ára eru 460 til 470 félagar.
Skýringin felst án efa í því hversu
mörg spennandi verkefni á vegum
Norræna félagsins snúa að ungu
fólki. Flestir þekkja væntanlega
Nordjobb-verkefnið, þ.e. tækifæri
ungs fólks til að vinna sumarvinnu
í einhverju hinna Norðurlandanna.
Við höfum tekið þátt í þessu verk-
efni í 17 ár og sent að jafnaði 200
ungmenn til hinna Norður-
landanna undanfarin sumur, þ.e.
svipaðan fjölda og stærri þjóðir á
borð við Svía. Af öðrum verkefnum
sérstaklega ætluðum ungu fólki er
hægt að nefna Snorraverkefnið,
lýðháskólana og styrki til að auð-
velda bekkjardeildum á Íslandi að
heimsækja bekkjardeildir á hinum
Norðurlöndunum. Ekki má heldur
gleyma því að ungt fólk tekur oft
virkan þátt í að rækta vinabæja-
tengsl á milli bæja úti á lands-
byggðinni, t.d. myndast oft sérstök
tengsl á milli íþróttahópa, kóra og
skáta í bæjunum.“
„Svona gerum við“ á afmælisári
Óðinn minnir á að nýtt verkefni
undir yfirskriftinni „Svona gerum
við“ í tilefni af afmælisárinu verði
unnið af 15 til 18 ára ungmennum
hér á landi og á hinum Norður-
löndunum. „Við byrjuðum á því að
velja 8 íslenska bæi og vinabæi
þeirra til að vera með í verkefninu
– alls 40 bæi. Eitt til þrjú ung-
menni í hverjum bæ taka að sér að
fylla út gátlista í tengslum við um-
hverfisvernd í bænum og velta því
síðan fyrir sér hvernig þau vilja
hafa bæinn sinn eftir 10 til 15 ár.
Eftir að þeim áfanga lýkur hittast
ungmennin síðan í íslensku vina-
bæjunum og koma að því loknu öll
saman á tveggja daga fund,
„Stefnumót 21“, í Reykjavík. Nafn-
ið er dregið af Staðardagskrá 21
enda tengist umhverfisverkefnið
þeirri dagskrá.“
Sigurlín segir að hin Norrænu
félögin hafi stundum kvartað yfir
því að ekki séu nógu margir fé-
lagar á aldrinum 25 til 40 ára. „Á
þessum aldri hefur fólk náttúrlega
margt á sinni könnu, t.d. barna-
uppeldi og húsnæðiskaup. Þess
vegna hefur víða borið á því að
þessi hópur hefur ekki gefið sér
tíma til að starfa innan Norrænu
félaganna. Hins vegar verður að
segjast eins og er að við höfum
ekki átt við sama vanda að stríða
hér á landi. Þvert á móti hefur fólk
á þessum aldri verið afar drífandi
innan Norræna félagsins. Hugsan-
lega er ein af ástæðunum fyrir því
hversu algengt er orðið að Íslend-
ingar stundi nám á hinum Norð-
urlöndunum. Ekki má heldur
gleyma því hversu gaman er að
starfa innan svona félags en starf-
semin er meira og minna byggð á
sjálfboðaliðastarfi.“
Tvöfalt stærra húsnæði
Eins og áður segir flutti félagið
fyrir stuttu í fyrsta sinn í eigið
húsnæði við Óðinsgötu 7. „Við er-
um ákaflega stolt af því að okkur
hefur tekist að festa kaup á hús-
næði. Sem betur fer áttum við fyr-
ir útborguninni og afborganirnar
af lánunum eru ekki hærri en
húsaleiga. Við erum því ekki að
steypa okkur í skuldir með kaup-
unum og nýja húsnæðið er tvöfalt
stærra heldur en leiguhúsnæðið í
Bröttugötunni eða samtals um 190
m2. Með því skapast ýmsir nýir
möguleikar, t.d. á því að halda
smærri fræðslufundi og námskeið
hérna á Óðinsgötunni í staðinn fyr-
ir að leigja húsnæði úti í bæ. Ég
get þar nefnt íslenskunámskeið
fyrir þátttakendur í Snorraverk-
efninu og Nordjobb og trúlega
verður ráðstefnan fyrir starfsmenn
stofnananna fjögurra haldin hér.
Með sama hætti getum við boðið
deildunum á höfuðborgarsvæðinu
og vináttufélögum eins og Dansk-
íslenska félaginu afnot af húsnæð-
inu eftir skrifstofutíma á kvöldin,“
segir Sigurlín og getur ekki neitað
því að hún sé að komast í hátíð-
arskap vegna afmælisins. „Við ætl-
um að efna til veglegrar afmæl-
isveislu á sunnudaginn. Hér inni
ætla starfsmennirnir í sérmerktum
bolum að kynna starfsemina og
bjóða gestum og gangandi upp á
kaffi og bakkelsi. Úti á torginu
verður reist stærðarinnar sam-
komutjald og þar verður boðið upp
á fjölbreytta afmælishátíð á milli
tvö til fimm. Má þar nefna að hinn
virti sænski vísnasöngvari Mikael
Wiehe ætlar að taka lagið. Flens-
borgarkórinn syngur nokkur lög
og rappararnir Blazroca og Sesar
A leika listir sínar. Allir ættu því
að finna eitthvað við sitt hæfi á af-
mælishátíðinni.“
ago@mbl.is
MORGUNBLAÐIÐ SUNNUDAGUR 29. SEPTEMBER 2002 17
 Skrifstofa Norræna félagsins á
Íslandi er til húsa á Óðinsgötu 7
í Reykjavík, s. 511 0165,
norden@norden.is, opið kl. 9–
16. Norræna upplýsingaskrif-
stofan er til húsa á Glerárgötu
26 á Akureyri, s. 460 1462, ak-
ureyri@norden.is. Heimasíða fé-
lagsins er www.norden.is
 Norrænu félögin á Norðurlönd-
unum standa sameiginlega að
svokölluðu Nordjobb-verkefni á
Norðurlöndunum á hverju sumri.
Nordjobb felur í sér tilboð til
Norðurlandabúa á aldrinum 18
til 25 ára um sumarvinnu í ein-
hverju Norðurlandanna öðru en
sínu eigin. Ungmennin fá hús-
næði til umráða og stendur til
boða að taka þátt í tómstunda-
dagskrá á vegum verkefnisins.
Sem dæmi um áhugann á Norð-
urlöndunum má nefna að 2.729
umsóknir bárust frá ungmenn-
um á öllum Norðurlöndunum á
síðasta ári. Af þeim fengu 737
vinnu á vegum Nordjobb. Hlut-
fallslega flest ungmenni hafa
tekið þátt í verkefninu frá Ís-
landi. Má þar nefna að af 311
umsækjendum stunduðu 185
íslensk ungmenni sumarvinnu á
vegum Nordjobb í einhverju af
hinum Norðurlöndunum á síð-
asta ári.
 Norræna félagið veitir styrki til
nemendaskipta og ferðalaga
nemendahópa til hinna Norður-
landanna. Aðstoð er veitt við að
koma á tengslum við „vina-
bekki“ á Norðurlöndunum.
 Norræna félagið rekur upplýs-
ingaþjónustuna Halló Norð-
urlönd í síma 511 1808 og
hallo@norden.is um réttindi og
skyldur á hinum Norðurlönd-
unum.
Á heimasíðu Halló Norðurlönd
www.norden.org/hallonorden/is
er líka að finna gagnlegar upp-
lýsingar, t.d. um atvinnuleys-
isbætur, fjölskyldubætur og líf-
eyrisgreiðslur. Þar er líka að
finna gátlista fyrir þá sem eru að
flytja og ábendingar um gagn-
lega vefi.
 Norræna félagið veitir upplýs-
ingar um lýðháskóla, norrænar
sumarbúðir og tungumála-
námskeið á hinum Norðurlönd-
unum.
 Snorraverkefnið gefur Íslend-
ingum á aldrinum 18 til 23 ára
tækifæri til að kynnast byggðum
Vestur-Íslendinga í Manitoba og
Kanadabúum/Bandaríkjamönn-
um í sama aldurshópi tækifæri
til að kynnast rótum sínum á Ís-
landi. Verkefnið byggist á því að
Norður-Ameríkubúarnir dvelja í
sex vikur á Íslandi og Íslending-
arnir í sama tíma á slóðum Vest-
ur Íslendinga í Kanada. Norður-
Ameríkubúarnir fá tækifæri til
að búa hjá íslenskri fjölskyldu,
læra íslensku, kynnast menn-
ingu og náttúru þjóðarinnar fyrir
utan að hafa upp á íslenskum
ættingjum sínum. Með sama
hætti gefst Íslendingunum tæki-
færi til að dveljast hjá kan-
adískum fjölskyldum, bæta
enskukunnáttu sína, kynnast
menningu og náttúru þjóð-
arinnar og hafa upp á ættingjum
sínum í Vesturheimi.
Norrænir punktar . . .