Morgunblaðið - 27.11.2002, Blaðsíða 1

STOFNAÐ 1913 278. TBL. 90. ÁRG. MIÐVIKUDAGUR 27. NÓVEMBER 2002 mbl.is
Flugkappar
af Mánagarði
Leikskólabörn í heimsókn hjá
flugfélaginu Geirfugli 18
Bíladellumaður
allra tíma
Glæsikerrur skipta engu minna máli
í lífi Bonds en konur Bílar 10/12
Tónlist er
andleg iðkun
KK með útgáfutónleika í
Austurbæ í kvöld Fólk 45
STJÓRNVÖLD í Bandaríkjunum
lögðu í gær til, að Heimsviðskipta-
stofnunin beitti sér fyrir því, að árið
2015 yrði búið að afnema alla tolla á
framleiðsluvöru. Ekki er búist við, að
stór þróunarríki á borð við Indland
og Brasilíu muni taka tillögunni
fagnandi og ekki heldur ýmsar
greinar bandarísks iðnaðar.
Robert Zoellick, viðskiptafulltrúi
Bandaríkjastjórnar, sagði, að sam-
kvæmt tillögunni ætti að vera búið
að lækka alla tolla í 8% 2010 og síðan
skyldi fella þá alveg niður á næstu
fimm árum. Tollar, sem nú eru 5%
eða lægri, skyldu hins vegar vera
horfnir 2010.
Þessi tillaga verður lögð fram í
Doha-viðræðunum á vegum Heims-
viðskiptastofnunarinnar en hún er að
nokkru leyti svar við þeirri gagnrýni,
sem Bandaríkjastjórn hefur sætt
vegna aðgerða til verndar bandarísk-
um stáliðnaði og landbúnaði. Nýtur
hún mikils stuðnings samtaka
bandarískra útflytjenda og formaður
þeirra, Bill Reinsch, hrósaði George
W. Bush forseta og stjórn hans fyrir
frumkvæðið. Sagði hann, að sam-
þykkt tillögunnar myndi leiða til
aukinnar velmegunar um allan heim.
Minnti hann á, að alger niðurfelling
tolla hefði verið markmið GATT, Al-
menna samkomulagsins um tolla og
viðskipti, við stofnun þess fyrir rúm-
lega hálfri öld.
Bandaríkjastjórn lagði fram líka
tillögu um viðskipti með landbúnað-
arvöru í júlí síðastliðnum og þar er
áherslan á minni niðurgreiðslur.
Supachai Panitchpakdi, yfirmaður
Heimsviðskiptastofnunarinnar, tel-
ur, að mörgum þróunarríkjum muni
reynast það erfitt að afnema tolla
með öllu, en sagði, að bandaríska til-
lagan væri samt mjög jákvætt inn-
legg í væntanlegar viðræður.
Bandaríkin vilja
tollalausan heim
Besta leiðin til að
auka velmegun
Washington. AFP.
VARAFYLKISSTJÓRI í fylk-
inu Zamfara í Nígeríu hefur
hvatt múslima til að drepa
blaðakonuna sem skrifaði grein
um fegurðarsamkeppnina
Ungfrú heim, en hún varð
kveikjan að blóðugum uppþot-
um og dauða um 220 manna.
„Úthella má blóði Isiomu
Daniel rétt eins og guðlasts-rit-
höfundarins Salmans Rushd-
ie,“ sagði varafylkisstjórinn og
kvað dóminn byggjast á kenn-
ingum Kóransins. Isioma Dan-
iel, sem nú fer huldu höfði,
sagði í greininni, að Múhameð
hefði vafalaust líkað keppnin
vel og viljað kvænast einhverri
fegurðardrottningunni.
Dauðasök
að móðga
Múhameð
Kano, Lagos. AFP, AP.
HEILDARÚTGJÖLD heil-
brigðis- og tryggingamála-
ráðuneytisins verða rúmlega
100 milljarðar króna á næsta
ári skv. fjárlagafrumvarpi
næsta árs að meðtöldum þeim
viðbótarfjárveitingum sem
gerð er tillaga um í umfjöllun
fjárlaganefndar. Hafa þau
ekki fyrr farið yfir 100 millj-
arða en gert er ráð fyrir að á
þessu ári verði um 92 millj-
örðum varið til heilbrigðis-
mála.
Meirihluti fjárlaganefndar lagði í gær fram
breytingartillögur við fjárlagafrumvarpið og legg-
ur til að útgjaldaliður frumvarpsins hækki um 4,3
milljarða kr. Mest hækka útgjöld til heilbrigðis-
mála, eða um 1.572 milljónir, og til menntamála, um
1.177 milljónir.
Er m.a. lögð til 700 millj. kr. hækkun framlaga til
Landspítala – háskólasjúkrahúss.
Lyfjaútgjöld aukast um 7% á ári
Í áliti heilbrigðis- og trygginganefndar Alþingis,
sem fylgir fjárlagatillögunum, segir að fjárlaga-
frumvarpið geri ráð fyrir að heildarútgjöld heil-
brigðisráðuneytisins verði rúmlega 100 milljarðar,
gjöld ráðuneytisins umfram tekjur nemi rúmlega
96,7 milljörðum kr. og af þeim séu 76,7 milljarðar
beint framlag úr ríkissjóði og 20 milljarðar inn-
heimtir af ríkistekjum.
„Tekin hefur verið saman útgjaldaþróun helstu
málaflokka hjá ráðuneytinu næstu fjögur árin. Þar
er gert ráð fyrir að framlög til tryggingamála auk-
ist að jafnaði um 4% á ári, framlög til sjúkratrygg-
inga aukist um 5% á ári og lyfjaútgjöld um 7% á ári
en árleg umsýsla eftirlitsstofnana aukist um 1% á
ári,“ segir í nefndarálitinu.
Heilbrigðis-
útgjöld
yfir 100
milljarðar
Framlög til trygginga
aukast um 4% á ári

Útgjöld/10
DAGLEGT líf milljóna manna fór verulega úr skorðum í gær
vegna verkfallsaðgerða í nokkrum Evrópuríkjum. Mestar voru
þær í Frakklandi og Bretlandi en nokkur ókyrrð er einnig á
Ítalíu.
Í Frakklandi varð að aflýsa um 90% af öllu áætlunarflugi
vegna verkfalls tveggja stéttarfélaga flugumsjónarmanna og lít-
ið var um ferðir lesta og strætisvagna. Söfnuðust starfsmenn
þeirra saman í París til að leggja áherslu á bætt kjör og starfs-
öryggi og mótmæla fyrirhugaðri einkavæðingu ríkisstjórnar-
innar. Sýnir myndin göngu þeirra um borgina en búist hafði
verið við, að allt að 100.000 manns myndu taka þátt í henni.
Auk þess hafa franskir vöruflutningabílstjórar verið með miklar
mótmælaaðgerðir síðustu daga.
Í Bretlandi hafa 52.000 slökkviliðsmenn verið í verkfalli og í
gær lögðu kennarar í London og margir starfsmenn sveitar-
stjórna um allt landið niður vinnu. Í Róm á Ítalíu komu um
20.000 manns saman til að styðja starfsmenn Fiat-verksmiðj-
anna en fyrirhugað er að fækka þeim um rúmlega 8.000.
Ringulreið vegna verkfalla
AP