Morgunblaðið - 27.11.2002, Blaðsíða 2

Morgunblaðið/Sverrir
Tómas Ingi Olrich menntamálaráðherra afhenti verðlaun í getraun við athöfn í Þjóðmenningarhúsinu í gær.
TÓMAS Ingi Olrich mennta-
málaráðherra veitti í gær verðlaun
til vinningshafa í getrauninni
Segðu mér... Getraunin fór fram á
sýningunni Vísindahlaðborðið í
Ráðhúsi Reykjavíkur 5. og 6. nóv-
ember og var hluti af Vísindadög-
um 2002.
Dregið var úr réttum svörum og
hlutu 15 ungmenni verðlaun. Þau
voru: Arndís Ásgrímsdóttir, Helga
Sif Víðisdóttir og Magnús G. Lár-
usson í Víðistaðaskóla, María Ösp
Ómarsdóttir og Perla Dögg Jens-
dóttir í Hjallaskóla, Viðar Örn Vík-
ingsson og Snævar Örn Ólafsson í
Hvaleyrarskóla, Bjarni Árnason og
Kristján Sigurðsson í Varmárskóla,
Einar Bjartur Egilsson, Borg-
arskóla, Rósa Hauksdóttir, Hvassa-
leitisskóla, Thelma Rut Hauks-
dóttir, Klébergsskóla, Arnór
Guðmundsson, Korpuskóla, Aðal-
björg Guðmundsdóttir, Lækjar-
skóla, og Sunna Björg Einarsdóttir,
Tjarnarskóla. Verðlaunin voru
bækur, reiknivélar og landakort
sem Bókabúðir Máls og menningar,
Bræðurnir Ormsson og Landmæl-
ingar Íslands lögðu til.
Verðlaun fyrir vísindagetraun
FRÉTTIR
2 MIÐVIKUDAGUR 27. NÓVEMBER 2002 MORGUNBLAÐIÐ
Yfir 100 milljarðar
Útgjöld heilbrigðis- og trygg-
ingaráðuneytis fara í fyrsta sinn yfir
100 milljarða kr. á næsta ári. Spáð
er, að útgjöld til tryggingamála auk-
ist um 4% á ári næstu fjögur ár, um
5% til sjúkratrygginga og lyfja-
útgjöld um 7% árlega.
Sjónvarpsþáttur um Stein
Jón Óttar Ragnarsson rithöf-
undur er að ljúka við sjónvarpsþátt
um Stein Steinarr, sem sýndur verð-
ur á Skjá einum um jólin. Segir
hann, að Steinn eigi ekki minna er-
indi við samtíma okkar en Björk og
Eminem.
Íslenskt flug til Kína
Áritaður var í gær í Peking loft-
ferðasamningur milli Íslands og
Kína en með honum fá íslensk flug-
félög rétt til flugs til Kína með far-
þega og vörur. Getur hann opnað ný
tækifæri fyrir íslensk flugfélög.
Heimur án tolla
Bandaríkjastjórn hefur lagt til, að
Heimsviðskiptastofnunin beiti sér
fyrir því að afnema alla tolla á fram-
leiðsluvöru fyrir 2015. Segir hún, að
það muni verða til að auka viðskipti
og velmegun um allan heim.
Risavaxið ráðuneyti
George W. Bush, forseti Banda-
ríkjanna, hefur undirritað lög um
nýtt heimavarnaráðuneyti, sem á að
auka öryggi landsmanna og koma í
veg fyrir hryðjuverk. Á vegum þess
munu starfa 170.000 manns.
2002
MIÐVIKUDAGUR 27. NÓVEMBER BLAÐ B
REYNT AÐ SPORNA VIÐ ÚTÞENSLU ÓLYMPÍULEIKA / B2
GÍSLI Kristjánsson, lyftingamaður, setti tvö
Íslandsmet og jafnaði eitt þegar hann keppti
í gærkvöldi á heimsmeistaramótinu í ólymp-
ískum lyftingum í Varsjá í Póllandi. Gísli,
sem keppir í + 105 kg flokki, byrjaði á því
að snara 150 kg, sem er met. Þá jafnhattaði
hann 185 kg, sem er metajöfnun. Hann lyfti
samanlagt 335 kg, sem er Íslandsmet. Ekki
var vitað í hvaða sæti Gísli hafnaði í gær-
kvöldi, en í viðtali við Morgunblaðið fyrir
helgi sagðist hann eiga litla möguleika á
verðlaunasætum, en sagðist ætla að bæta sig
og það gerði hann. Þegar Gísli, sem er fyrsti
Íslendingurinn til að keppa á heimsmeist-
aramóti í ólympískum lyftingum í langan
tíma, varð Norðurlandameistari í fyrra –
snaraði hann 147 kg og jafnhattaði 177 kg.
Gísli með tvö
met í Varsjá
SÆNSKI kylfingurinn Annika Sö-
renstam bar sigur úr býtum á þrett-
ánda atvinnumannamóti sínu á
þessu keppnistímabili um sl. helgi,
ellefu mót vann hún í Bandaríkj-
unum auk þess sem hún vann tvisv-
ar á evrópsku mótaröðinni á keppn-
istímabilinu.
Sörenstam átti í harðri keppni
við hina áströlsku Rachel Teske á
lokamóti kvennatvinnukylfinga í
Bandaríkjunum og tókst þar með
að jafna 39 ára gamalt met Mickey
Wright en hún sigraði á 13 atvinnu-
mannamótum árið 1963.
Tímabilið gaf vel í aðra hönd fyr-
ir Sörenstam því hún önglaði sam-
an 244 milljónum ísl. kr. í verð-
launafé en Pak Se Ri frá
Suður-Kóreu var þar næst í röðinni
148 millj. kr.
Afrek sænska kylfingsins er með
eindæmum en hún hefur unnið rétt
tæpan milljarð ísl. kr. á keppn-
isferli sínum og á keppnistíma-
bilinu sem lauk um sl. helgi sigraði
hún á 13 mótum af þeim 25 sem hún
tók þátt í.
Jafnvel Tiger Woods kemst ekki
með tærnar þar sem hin 28 ára
gamla Sörenstam hefur hælana ef
afrek þeirra á sl. keppnistímabili
eru borin saman.
Sörenstam tók þátt í 23 mótum í
Bandaríkjunum, vann 11, þar af eitt
stórmót. Hún vann sér inn um 250
millj. kr., varð 20 sinnum í hópi 10
efstu. Ef tekið er mið af því verð-
launafé sem var í boði fyrir sigur á
mótaröðinni náði Sörenstam 64,5 %
af þeirri upphæð á tímabilinu. Hún
lék að meðaltali á 68,7 höggum.
Tiger Woods lék á 18 mótum,
vann 5 þeirra, þar af 2 stórmót. Ti-
ger vann sér inn um 600 millj. kr.,
varð 10 sinnum í hópi 10 efstu. Ti-
ger náði í 44% af því verðlaunafé
sem var í boði fyrir sigurvegarana
á mótaröðinni. Hann náði ekki að
skáka Sörenstam ef litið er á með-
alskor hans, en þar lék hann á 69
höggum að meðaltali.
Duranona er staddur hér á landi,kom í viku heimsók til að
heilsa upp á vini og kunningja.
Hann sagðist í samtali við Morg-
unblaðið ekki hafa verið að leika
handknattleik að undanförnu. „Það
stóð til að ég léki með Eyjamönnum
í vetur en það varð ekkert úr því.
Þegar ég fór frá Eyjum lá leiðin til
Grikklands. Ég hafði talað við for-
ráðamenn félags þar og allt virtist
klappað og klárt en þegar ég kom
þangað og við ræddum peningamál-
in var orðin talsverð breyting á
þeirri upphæð sem við ræddum í
síma og ég fór heim aftur,“ segir
Duranona um gang mála síðustu
mánuðina hjá sér.
Spurður um nánustu framtíð seg-
ist hann ekki vita hvað sé framund-
an. „Það er stundum hringt og
spurt hvort ég sé til í að spila hér og
þar. Ég er í raun til í að spila hvar
sem er ef viðunandi samningar
nást. Ég gæti til dæmis alveg hugs-
að mér að spila með liði hér í
Reykjavík eða nágrenni. Það er allt
inn í myndinni hjá mér. Þetta er í
raun mjög erfitt. Ég verð ekkert
yngri með árunum og það er erfitt
að komast á samning hjá félagi þeg-
ar maður er ekkert að spila og því
geta liðin ekki séð mann í leik. Mig
vantar að sýna mig einhvers stað-
ar,“ segir Duranona sem lék sem at-
vinnumaður í fimm ár í Þýskalandi.
Hvað um íslenska landsliðið, áttu
von á að leika með því á ný?
„Það er mjög erfitt fyrir lands-
liðsþjálfarann að velja mig þar sem
ég er ekkert að spila. Ef ég fer hins
vegar að spila og stend mig vel er
aldrei að vita hvað gerist – það er
vel hugsanlegt að ég yrði valinn í
hópinn á ný.“
Morgunblaðið/Golli
Julian Róbert Duranona, handknattleikskappi, í stuttri heimsókn á Íslandi.
Heldur sér í
æfingu í Essen
JULIAN Róbert Duranona, handknattleiksmaður, fyrrverandi
leikmaður með KA og landsliðinu, býr um þessar mundir í Ess-
en í Þýskalandi – er ekki að leika handknattleik en heldur sér
sjálfur í æfingu og vonast eftir að komast að hjá einhverju liði á
næstunni.
Julian Róbert Durnona í stuttri heimsóknSörenstam
slær öll met
ÁRNI Gautur Arason, landsliðsmarkvörður Ís-
lands í knattspyrnu, gekkst undir aðgerð á nára
sl. fimmtudag og voru það læknar norska liðsins
Rosenborg sem framkvæmdu aðgerðina í
Þrándheimi.
Að sögn Árna eru meiðslin vel þekkt hjá
knattspyrnumönnum og vonaðist hann til þess
að geta leikið knattspyrnu á ný eftir tvo mánuði
eða svo. „Ég fór í aðgerðina daginn eftir lands-
leikinn gegn Eistum í Tallinn en við verðum að
bíða og sjá hvort þetta hafi heppnast, það á eftir
að koma í ljós,“ sagði Árni í samtali við Morg-
unblaðið í gær. „Ég mun fara til Taílands í
tveggja vikna frí á næstunni auk þess sem ég á
eftir að klára ritgerð í lögfræðinni heima á Ís-
landi,“ bætti hann við og sagðist ætla að dvelja á
Íslandi um jól og áramót. „Rosenborg mun taka
þátt í móti á Kanaríeyjum í byrjun janúar og ég
mun fara með í þá ferð en sé ekki fram á að leika
neitt með liðinu á því móti.“ Þess má geta að
Árni Gautur er einnig meiddur á olnboga og
íhuguðu læknar liðsins að laga þau meiðsli um
leið og hann fór í aðgerðina á nára en þeir
ákváðu að bíða með þá aðgerð þar til síðar.
Læknar Rosenborg hafa haft í nógu að snú-
ast eftir að keppnistímabilinu lauk og má nefna
að keppinautur Árna um markvarðarstöðuna,
Espen Johnsen, fór undir hnífinn á mánudag en
áður höfðu Roar Strand, Espen Johnsen, Dag-
finn Enerly, Frode Johnsen, Ståle Stensaas og
Janne Saarinen farið í aðgerðir.
Árni Gautur
fór í aðgerð
SÉRRIT MORGUNBLAÐSINS UM BÆKUR miðvikudagur 27.nóvember 2002
BÆ UR
Með auga fuglsins
Hávar Sig-
urjónsson
ræðir við
Eystein
Björnsson
AÐ SEGJA alla sólarsöguna get-
ur verið mjög erfitt fyrir þann sem
verður fyrir jafn hroðalegri árás og
íslenska stúlkan Sól sem er aðalper-
sóna fyrstu skáldsögu ljóðskáldsins
Sigurbjargar Þrastardóttur. Þessi
átakanlega reynsla er bakgrunnur
og hreyfiafl sögunnar þar sem hin
tuttugu og fjögurra gamla Sól byrj-
ar af veikum mætti að aðlagast líf-
inu á ný. Undir og yfir liggja djúp
sorg, mikill ótti og ákaft þunglyndi
en allt þetta sýnir höfundur svo vel
að lesandi verður djúpt snortinn.
Sigurbjörg leikur sér með nafnið
Sól sem merkir birtu, yl, gróandi og
stundum við að lýsingar á fólki og
umhverfi og faðmlögunum sjálfum
séu of langdregnar en það varð þó
ekki til þess að áhugi minn á afdrif-
um Sólar minnkaði. Persónulýsing
Sólar í þessari fyrstu persónu frá-
sögn verður smátt og smátt heilleg
og áhugaverð þegar brotunum er
raðað saman. Þó að hún hafi verið
einræn og sérstök sem barn og ung-
lingur hefur hún verið tilfinningarík
og viðkvæm og haft mikla þörf fyrir
annað fólk. Meðal annars þess
vegna verður einsemd hennar og
sjálfkjörin einangrun svo dapurleg.
Það er merkilegt hvernig ungir
rithöfundar flæða fram um þessar
mundir. Hjá þeim er mikið um
fyrstu persónu frásagnir þar sem er
eins og horft sé í gegnum myndavél-
arauga eða öllu heldur kvikmynda-
vél. Persónum, stöðum og atvikum
vegna þess að það á að faðma þá
sem maður er ósáttur við og þá sem
hafa gert manni eitthvað segir hún.
Súlurnar eru margar og verkefnið
erfitt í byrjun: ,,Það þarf að vanda
sig við að faðma byggingar eins og
annað fólk... þegar fáir eru í sjón-
máli æfi ég mig betur... ég kemst
smám saman upp á lagið (bls.14).
Sól virðist á mörkum geðveiki en við
dæmum hana ekki þannig heldur
viljum við trúa því að þetta sé henn-
ar leið til bata. Hún getur alls ekki
þolað tilhugsunina um snertingu við
fólk og velur súlur í staðinn. Á leið
sinni um borgina rifjar hún upp í
brotum fortíð sína og bernsku á Ís-
landi og hamingjuríkar stundir sem
hún trúir að komi aldrei aftur.
Smátt og smátt tekst henni að koma
einhverri hugsun að því sem gerðist
en á mjög erfitt með það. Það jaðrar
von en aðalpersónan verður fyrir
reynslu sem er alger andstæða
þessa; árás í dimmum skógi í skjóli
nætur. Fyrir árásina leikur allt í
lyndi hjá stúlkunni sem hefur tekið
sér þetta nafn. Hún hefur látið
draum sinn rætast, dvelur í sól og
sumri í draumalandinu Ítalíu og lífið
bókstaflega blasir við henni. Eftir
árásina tekur myrkrið völdin og
þrátt fyrir mikinn lífsvilja verður
henni hvað eftir annað um megn að
tjá sig og hvað þá að segja alla sólar-
söguna.
Að megninu til gerast samtíma-
atburðir sögunnar í gamalli, ónafn-
greindri borg á Ítalíu. Þar býr Sól
og lærir tungumál og þar er ráðist á
hana. Við fylgjumst með henni þar
sem hún reynir að taka borgina í
sátt á ný með því að faðma allar súl-
ur innan gömlu borgarmúranna
Fyrir og eftir
SKÁLDSAGA
Sólarsaga
SIGURBJÖRG ÞRASTARDÓTTIR
JPV forlag, Reykjavík 2002, 232 bls.
Leiðin til Rómar eftir
Pétur Gunnarsson er
sjálfstætt framhald af
bók Péturs, Myndin af
heiminum, sem var til-
nefnd til Íslensku bók-
menntaverðlaunanna
árið 2000.
Á 12. öld er öll Evrópa
á faraldsfæti til Rómar. Þar leita menn
sálu sinni hjálpar og freista þess að greiða
götu hennar til himna. Á 20. öld liggja líka
leiðir til Rómar en ólíkt pílagrímum fyrri
tíma fer Máni þangað á puttanum.
Í fréttatilkynningu segir m.a.: „Líkt og í
Myndinni af heiminum beitir Pétur hér
sjónarhorni nútímans á atburði úr verald-
arsögunni – og öfugt: Nýlegir atburðir eru
líka skoðaðir í ljósi sögunnar. Þannig flétt-
ast tímarnir saman og bókin verður stór-
skemmtileg ferð um heimssöguna, með
sérstakri áherslu á Ísland.“
Útgefandi er Mál og menning. Bókin er
175 bls., prentuð hjá Odda hf. Kápa var
hönnuð af Næst. Verð: 4.690 kr.
Leiðin til Rómar
Pétur Gunnarsson
Sveigur heitir nýjasta
skáldsaga
Thors Vilhjálmssonar.
Höfundur heldur hér
áfram að gera skil þeim
tímum sem voru baksvið
Morgunþulu í stráum en
fyrir þá bók hlaut hann
Íslensku bókmennta-
verðlaunin árið 1998.
Hér er sögð saga Guð-
mundar skálda, fátæks drengs á 13. öld
sem elst upp við kröpp kjör en kemst í vist
með munkum þar sem hann lærir til bókar.
Fulltíða maður lendir hann í slagtogi með
helstu höfðingjum aldarinnar, þar á meðal
Sturlu Sighvatssyni.
„Með orðkynngi sinni og stílgnótt, djúpri
innlifun og sterkri samúð færir hann okk-
ur nær tímum sem um margt minna á okk-
ar daga í viðsjám sínum og heimsend-
augg,“ segir í fréttatilkynningu.
Útgefandi er Mál og menning. Bókin er
208 bls. og prentuð í Odda hf. Kápu hann-
aði Jón Óskar Hafsteinsson. Verð: 4.490 kr.
Sveigur Thors
Thor Vilhjálmsson
Heimssaga Péturs heldur áfram
Pétur
Gunnarsson
Á 12. öld er öll Evrópa á faraldsfæti til Rómar. fiar leita menn
sálu sinni hjálpar og freista fless a› grei›a götu hennar til
himna. Á 20. öld liggja líka lei›ir til Rómar en ólíkt
pílagrímum fyrri tíma fer Máni flanga› á puttanum. Hér
fléttast saman tvennir tímar, líkt og í fyrri bók Péturs,
Myndinni af heiminum, sem var fádæma vel teki›. Lei›in til
Rómar er annar hluti í sagnaflokki Péturs, Skáldsaga Íslands.
verslanir
Komin í
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
E
D
D
1
94
95

11
/2
00
2
Yf ir l i t
Kynning – Blaðinu í dag fylgir tímarit-
ið Lifun. Tímaritinu verður dreift um
allt land.
Í dag
Sigmund 8 Viðhorf 30
Viðskipti 13/14 Minningar 30/35
Erlent 15/17 Kirkjustarf 36
Höfuðborgin 18 Staksteinar 38
Akureyri 19 Bréf 40
Suðurnes 20 Dagbók 42/43
Landið 21 Fólk 44/49
Listir 22/23 Bíó 46/49
Umræðan 24/25 Ljósvakamiðlar 50
Forystugrein 26 Veður 51
* * *
Handfrjáls búnaður í bíla
fyrir flestar gerðir GSM síma.
Ísetning á staðnum.
Alhliða
lausn í
bílafjármögnun
Suðurlandsbraut 22 • Sími: 540 1500
FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
Vesturhraun 3, 210 Garðabæ
sími 565 5333
 SENDIHERRANN VELUR BRESKT
 BÍLARNIR HANS JAMES BONDS
 TRABANT Á 100 EVRUR
VW GOLF REYNSLUEKINN 
JEPPAHORNIÐ Á SÍNUM STAÐ 
SAAB ÞRÓAR 9-2 
NORÐMENN
BREYTA
SUZUKI XL-7
PORSCHE CAYENNE Jeppi og sportbíll
Stöðnun
á Veður-
stofu
STÖÐNUN ríkir á helstu sviðum
Veðurstofu Íslands vegna fjárskorts.
Þetta kom fram í viðtölum fulltrúa
Veðurstofunnar við nefndarmenn í
umhverfisnefnd Alþingis að því er
segir í nefndaráliti umhverfisnefnd-
ar um frumvarp til fjárlaga.
Í fjárlagafrumvarpinu er gert ráð
fyrir 408,7 millj. kr. til Veðurstof-
unnar en fulltrúi hennar telur það
ekki duga. Greindi hann frá því að
hagræðingarkröfum síðustu ára
hefði aðallega verið mætt með frest-
un verkefna, vanrækslu í viðhaldi og
seinkun á endurnýjun tækja og stífu
aðhaldi í rekstri. Hagræðing sem
krafist er af stofnuninni mundi bein-
ast að rekstri hennar á landsbyggð-
inni því lengra yrði ekki gengið í
Reykjavík, segir m.a. í álitinu.
Hagræðingu
mætt með frestun
verkefna
Metdagur í Blóðbankanum
En betur má ef
duga skal því
enn vantar blóð
ALLS komu 197 manns og gáfu
blóð í Blóðbankanum sl. mánu-
dag og var þetta metdagur í
blóðsöfnun að sögn Sigríðar Ósk-
ar Lárusdóttur, forstöðumanns í
Blóðbankanum.
„Í fyrra gáfu ríflega 200
manns blóð á einum degi en þá
tókum við líka á móti blóði í
Kringlunni en það hafa aldrei
komið jafnmargir í Blóðbankann
á einum degi og gefið blóð. Það
er opið til kl. 15 hjá okkur á
morgun (í dag) og blóðsöfnunar-
bíllinn verður líka fyrir framan
Bifreiðar og landbúnaðarvélar
uppi á Höfða og þar geta menn
því líka gefið blóð. Á fimmtudag-
inn verður svo aftur tekið á móti
blóði til kl. 19 í Blóðbankanum.
Okkur vantar meira af blóði, það
er svo mikil notkun, það hefur
mikið verið um blæðingar og að-
gerðir þessa dagana þannig að
ég hvet fólk eindregið til þess að
koma og gefa blóð,“ segir Sigríð-
ur.
Lést af
slysförum
KRUFNING hefur leitt í ljós að
rúmlega þrítugur maður, sem fannst
illa á sig kominn á stigagangi húss
við Funahöfða í Reykjavík um
helgina og lést síðar á sjúkrahúsi,
hafi látist af slysförum en ekki vegna
áverka af mannavöldum.
Maðurinn var illa haldinn þegar
lögregla kom að honum í stigagangi í
húsi við Funahöfða aðfaranótt laug-
ardags. Lést hann á sjúkrahúsi af
áverkum sínum um sólarhring síðar.
Maðurinn var meðal leigjenda í hús-
inu.
Ekki ástæða til
að halda Ástþóri
HÆSTIRÉTTUR felldi í gær úr
gildi gæsluvarðhaldsúrskurð yfir
Ástþóri Magnússyni en Héraðsdóm-
ur Reykjavíkur hafði úrskurðað
hann í gæsluvarðhald fram á föstu-
dag. Var honum því sleppt úr haldi.
Í dómi Hæstaréttar kemur fram
að þótt orðsending frá Ástþóri hafi
gefið tilefni til þess að hann yrði
sviptur frelsi og leit gerð í húsakynn-
um samtakanna Friðar 2000, sem
orðsendingin var sögð koma frá,
verði að líta til þess að af hálfu rík-
islögreglustjóra hafi í engu verið
rökstutt fyrir Hæstarétti hvaða
ástæður væru fyrir því að svipta
hann frelsi lengur en þegar væri orð-
ið.
Í yfirlýsingu frá Ástþóri, sem dag-
sett er 24. nóvember en barst Morg-
unblaðinu í gær, segist hann vera
orðinn pólitískur fangi á Litla-
Hrauni. Þar segir m.a. að „við hefð-
um rökstuddan grun um að ráðist
yrði gegn íslenskri flugvél með flug-
ráni eða sprengjutilræði“. Orðsend-
ingin var send að kvöldi föstudags til
1.246 aðila, þ.á m. til ráðherra, al-
þingismanna, ýmissa embættis-
manna og fjölmiðla.
Í dóminum segir að lögregla hafi
nú tekið skýrslu af Ástþóri, gert leit í
húsakynnum og tölvubúnaði Friðar
2000 og jafnframt tekið skýrslur af
manni sem telst forsvarsmaður Frið-
ar 2000, einum starfsmanni og fyrr-
nefndum manni sem Ástþór sagði að
hefði sent sér tölvupóst. Komst
Hæstiréttur að þeirri niðurstöðu að
ekki væru rök fyrir því að Ástþór
sæti áfram í gæsluvarðhaldi á grund-
velli rannsóknarhagsmuna.
SVÍAR lögðu í gær fram formlega kvörtun til
vörsluaðila stofnsáttmála Alþjóðahvalveiðiráðsins
(IWC) vegna aðildar Íslands að ráðinu. Er haft
eftir Lenu Sommestad, umhverfismálaráðherra
Svíþjóðar, í fréttaskeyti Associated Press að Svíar
séu ekki mótfallnir aðild Íslands sem slíkri að
ráðinu, heldur fyrirvara Íslendinga vegna alþjóð-
legs banns við hvalveiðum.
Íslendingar fengu í október aðild að Alþjóða-
hvalveiðiráðinu að nýju á fundi sem haldinn var í
Cambridge í Englandi. Réð atkvæði Svía úrslitum
í flókinni atkvæðagreiðslu. Hafa Svíar lýst því yfir
að um mistök hafi verið að ræða og að þeir vilji fá
niðurstöðunni breytt. Slíkt er hins vegar ekki
hægt, að sögn Árna M. Mathiesen sjávarútvegs-
ráðherra. „Þeir geta ekki heldur ógilt að fyrirvar-
inn var samþykktur. Atkvæðagreiðsla er atkvæða-
greiðsla,“ sagði Árni.
Stefán Ásmundsson, þjóðréttarfræðingur og
aðalfulltrúi Íslands hjá IWC, kvaðst líta svo á, þar
til annað kæmi í ljós, að Svíar væru með aðgerðum
sínum í gær að koma á framfæri mótmælum vegna
fyrirvara Íslendinga við hvalveiðibannið.
Slík mótmæli væru ekki einsdæmi á vettvangi
ráðsins og Íslendingar hefðu raunar vitað að þetta
stæði til af hálfu Svía. Þeir hefðu boðað mótmæli í
lok fundarins í Cambridge, eftir að Íslendingar
höfðu verið samþykktir aðilar að ráðinu.
Sagði Stefán að þetta hefði því ekki áhrif á stöðu
Íslands í ráðinu. Jafnvel þó að Svíar hefðu gert
mistök á sínum tíma hefðu þeir engar forsendur til
að taka aðild Íslands að ráðinu upp að nýju.
„Þetta er í raun það sem við höfum alveg frá
upphafi sagt að hvert aðildarríki hefði rétt á að
gera. Við höfum ekki talið rétt af þeim að gera
þetta og við hvetjum ríki ekki til þess að leggja
fram þannig einhliða mótmæli gegn okkar fyr-
irvara en það sem við höfum sagt alveg frá upphafi
er að það sé einstakra aðildarríkja að taka afstöðu
til okkar fyrirvara en ekki hvalveiðiráðsins sem
slíks,“ sagði Stefán.
Stefán kvaðst ekki hafa séð mótmæli Svíanna og
það ætti því eftir að koma í ljós hvort Íslendingar
teldu ástæðu til að gera athugasemd við eitthvað í
orðalagi þeirra.
Svíar mótmæla fyrirvara Íslands við hvalveiðibann Alþjóðahvalveiðiráðsins
Ekki áhrif á aðild Íslands
♦ ♦ ♦