Morgunblaðið - 27.11.2002, Blaðsíða 39

FRÉTTIR
MORGUNBLAÐIÐ MIÐVIKUDAGUR 27. NÓVEMBER 2002 39
BIKARSYRPU Halló! sem staðið
hefur yfir allt þetta ár lauk á sunnu-
daginn með hápunkti keppninnar, Ís-
landsmótinu í netskák, sem jafn-
framt var 10. mót syrpunnar.
Arnar E. Gunnarsson sigraði á Ís-
landsmótinu eftir æsispennandi
keppni og bráðabana gegn Stefáni
Kristjánssyni. Þessir tveir skák-
menn urðu efstir og jafnir á mótinu
með 8 vinninga af 9 og urðu því að
tefla tveggja skáka einvígi um Ís-
landsmeistaratitilinn. Það dugði þó
ekki til og þeir skildu aftur jafnir. Þá
var tefldur bráðabani og sá sem fyrr
ynni skák mundi hampa titlinum.
Fyrstu, annarri og þriðju skákinni
lauk öllum með jafntefli. Það var svo
loks í fjórðu skákinni að Arnar hafði
sigur og tryggði sér Íslandsmeist-
aratitilinn.
Tómas Veigar Sigurðarson varð
Íslandsmeistari í flokki skákmanna
með minna en 1.800 skákstig og
Hlynur Gylfason í flokki stigalausra.
Lokastaðan á Íslandsmótinu:
1. Arnar E. Gunnarsson
8 v. + 3½ v.
2. Stefán Kristjánsson 8 v. + 2½ v.
3.–4. Davíð Ólafsson og
Björn Ívar Karlsson 5½ v.
5.–9. Björn Þorfinnsson, Halldór
Brynjar Halldórsson, Hrannar Bald-
ursson, Snorri G. Bergsson og Gylfi
Þórhallsson 5 v.
10.–12. Rúnar Sigurpálsson, Arnar
Þorsteinsson og Hrannar B. Arnars-
son 4½ v.
13.–15. Jóhann H. Ragnarsson,
Bragi Halldórsson og Sæberg Sig-
urðsson 4 v.
16. Magnús Magnússon 3½ v.
17. Sverrir Unnarsson 3 v.
18.–20. Gunnar Björnsson, Davíð
Kjartansson og Tómas Veigar Sig-
urðarson 2 v.
Allir þessir 20 skákmenn unnu sér
rétt til þátttöku í landsliðsflokki með
góðri frammistöðu í bikarsyrpunni.
Á undan keppninni í landsliðs-
flokki var keppt í opnum flokki Ís-
landsmótsins. Ólíkt því sem oft gerist
við slíka flokkaskiptingu var þessi
flokkur afar sterkur og margir kepp-
endanna hefðu sómt sér vel í lands-
liðsflokknum. Ingvar Þór Jóhannes-
son sigraði á mótinu, hlaut 8 vinninga
í 9 skákum. Alls tóku 30 skákmenn
þátt í opna flokknum og því tefldu um
50 manns í Íslandsmótinu í netskák
að þessu sinni. Röð efstu manna:
1. Ingvar Þór Jóhannesson 8 v. af 9
2. Jón Viktor Gunnarsson 7½ v.
3.–4. Ríkharður Sveinsson og Sig-
urður Daði Sigfússon 6 v.
5.–9. Róbert Harðarson, Ólafur
Kristjánsson, Sigurður Eiríksson,
Sigurður Ólafsson og Sigurður Páll
Steindórsson 5½ v.
10.–14. Halldór Grétar Einarsson,
Sigurjón Þorkelsson, Pálmi R. Pét-
ursson, Magnús Örn Úlfarsson og
Andri Áss Grétarsson 5 v.
15.–18. Heimir Ásgeirsson, Gunn-
ar Skarphéðinsson, Jón Magnússon
og Arnaldur Loftsson 4½ v.
o.s.frv.
Arnar E. Gunnars-
son lét sér ekki nægja
Íslandsmeistaratitil-
inn, heldur náði einnig
bestum samanlögðum
árangri og sigraði því í
bikarkeppni Halló!
Hann hlaut 58½ vinn-
ing og hafði 5 vinninga
forskot á næstu menn.
Hrannar Baldursson
sigraði í flokki skák-
manna með minna en
2.100 skákstig, Tómas
Veigar Sigurðarson í
flokki skákmanna með
minna en 1.800 skák-
stig og Þórður Harðar-
son í flokki stigalausra.
Röð efstu manna í bikarkeppninni:
1. Arnar E. Gunnarsson 58½ v.
2.–3. Björn Þorfinnsson og
Snorri G. Bergsson 53½ v.
4. Rúnar Sigurpálsson 51 v.
5. Davíð Ólafsson 49 v.
6. Hrannar Baldursson 48 v.
7. Arnar Þorsteinsson 47½ v.
8. Gylfi Þórhallsson 45½ v.
9. Stefán Kristjánsson 43 v.
10. Halldór Brynjar
Halldórsson 42 v.
Í flokki undir 2.100 skákstigum:
1. Hrannar Baldursson 48 v.
2. Halldór Brynjar
Halldórsson 42 v.
3. Björn Ívar Karlsson 40½ v.
Í flokki undir 1.800 skákstigum:
1. Tómas Veigar Sigurðarson 30 v.
2. Sigurður Ingason 29 v.
3. Þórður Harðarson 21 v.
Í flokki stigalausra:
1. Þórður Hrafnsson 21 v.
2. Hlynur Gylfason 20 v.
3. Sveinn Rúnar Eiríksson 7½ v.
TR bikarmeistari ÍAV
A-sveit Taflfélags Reykjavíkur
átti ekki í vandræðum með A-sveit
Taflfélagsins Hellis í úrslitum bikar-
keppni ÍAV sem fram fór um helgina.
TR hafði nánast tryggt sér sigurinn í
hálfleik, en þá var staðan 4½–1½.
Þetta er í annað sinn sem þessi
keppni fer fram og lagði TR Helli
einnig örugglega að velli í úrslitum í
fyrra. Jón Viktor Gunnarsson og
Magnús Örn Úlfarsson stóðu sig best
TR-inga og sigruðu í báðum skákum
sínum. Þá var ánægjulegt að sjá
Héðin Steingrímsson við skákborðið,
en hann stóð sig frábærlega og hlaut
1½ vinning gegn 2 stórmeisturum.
Taflfélag Garðabæjar, sem stóð
fyrir bikarkeppni ÍAV, vandaði mjög
til keppninnar og úrslitadagurinn
var ein samfelld skákhátíð. Hún
hófst á því, að stórmeistarinn Helgi
Ólafsson tefldi fjöltefli við 20 börn.
Bláa lóns mótið var síðan mót U-20
landsliða Íslands, Þýskalands,
Frakklands og Svíþjóðar sem fram
fór á skákþjóninum PlayChess. Úr-
slitin urðu þessi:
1. Þýskaland 9 v. af 12
2. Ísland 5½ v.
3. Svíþjóð 4½ v.
4. Frakkland 5 v.
Keppendur Íslands voru:
1. Stefán Kristjánsson 2½ af 3
2. Davíð Kjartansson 1½ af 3
3. Sigurður P. Steindórss. 1 af 3
4. Halldór B. Halldórsson ½ af 2
v. Björn Ívar Karlsson 0 af 1
Lið ríkisstjórnar-
flokkanna tapaði fyrir
stjórnarandstöðunni
6½–9½. Gunnar Birgis-
son og Guðjón Guð-
mundsson tefldu fyrir
ríkisstjórnarflokkana
en Lúðvík Bergvinsson
fyrir stjórnarandstöðu
sem fékk Gunnar
Björnsson að láni vegna
óviðráðanlegra forfalla.
Einnig fór fram tví-
keppni í skák og bridge
en þar vann Sveinn
Rúnar Eiríksson.
Samhliða úrtslitaleik
bikarkeppninnar fór
fram sterkt lokað netmót 34 kepp-
enda á PlayChess. Meðal verðlauna-
hafa voru þeir Stefán Kristjánsson
og Bergsteinn Einarsson sem fengu
ChessBase Megabase í verðlaun.
Það er sjaldgæft að skipuleggj-
endur leggi jafnmikið á sig og Tafl-
félag Garðabæjar gerði vegna úrslita
bikarkeppni ÍAV. Ýmsum þótti þeir
hafa gert vel í fyrra þegar keppnin
fór fyrst fram en að þessu sinni slógu
þeir sjálfum sér rækilega við.
Sigurður Daði og Jóhann
Ragnarsson efstir á Skákþingi
Garðabæjar
Skákþingi Garðabæjar lauk með
sigri Sigurðar Daða Sigfússonar.
Hann var hálfu stigi fyrir ofan Jó-
hann H. Ragnarsson, en þeir fengu
báðir 6 vinninga á mótinu. Þar sem
Sigurður Daði er ekki félagsmaður í
TG hlaut Jóhann H. Ragnarsson tit-
ilinn Skákmeistari Garðabæjar. Í
þriðja sæti varð Skúli H. Sigurðar-
son með 5 v. Í 4.–5. sætir urðu Páll
Sigurðsson og Björn Jónsson með
4½ vinning.
Unglingaflokkurinn var einnig
spennandi, en þar sigraði Sverrir
Þorgeirsson með 3½ vinning og 20,5
stig. Annar varð Hilmar Þorsteins-
son einnig með 3½ vinning, en 20
stig. Þriðji varð síðan Stefán Daníel
Jónsson með 2 vinninga.
Guðmundur fékk 6½ vinning
á HM ungmenna
Guðmundur Kjartansson fékk 6½
vinning í 11 umferðum á heimsmeist-
aramóti ungmenna sem haldið var á
Krít. Guðmundur keppti í flokki 14
ára og yngri. Hann sigraði Vic Neil
Villanueva frá Filippseyjum í loka-
umferðinni. Dagur Arngrímsson,
sem tefldi í flokki 16 ára og yngri,
hlaut 5 vinninga en hann tapaði fyrir
kólumbíska skákmanninum Sergio
Barrientos (2.235) í lokaumferðinni.
Fararstjóri var Sigurbjörn J.
Björnsson.
Arnar Gunnarsson
Íslandsmeistari í netskák
Daði Örn Jónsson
SKÁK
ICC
ÍSLANDSMÓTIÐ Í NETSKÁK
24. nóv. 2002
Arnar Gunnarsson
FLENSBORGARSKÓLINN í Hafn-
arfirði og Tölvulistinn hafa gert
samning um 22Mbits þráðlaust net-
kerfi frá Planet sem Tölvulistinn er
umboðsaðili fyrir á Íslandi. Flens-
borgarskólinn hefur undanfarin ár
notað 3Mbits þráðlaust netkerfi frá
Breezecom fyrir fartölvur nem-
enda. Með því að taka í notkun
22Mbits netkerfi er stokkið yfir það
stig að nota 11Mbits kerfi, en það er
víða mikið notað í dag. Flensborg-
arskólinn mun áfram styðja Wind-
ows XP home stýrikerfið á fartölv-
um fyrir nemendur skólans þannig
að þeir þurfi ekki að leggja út í
aukakostnað fylgi það stýrikerfi
tölvum þeirra. Með þessu nýja net-
kerfi er stuðningur við IEEE 802.11
staðalinn, en hann er afturvirkur
fyrir eldri netkort, t.d. 11Mbits,
segir í fréttatilkynningu.
Axel Pétur Gylfason, kerfisstjóri Flensborgarskólans, og Hafþór Helgason,
framkvæmdastjóri Tölvulistans.
Flensborgarskólinn og
Tölvulistinn semja
MORGUNBLAÐINU hefur borist
eftirfarandi tilkynning frá fjármála-
ráðuneytinu um vörugjöld af bíla-
leigubílum:
„Vegna umfjöllunar í fjölmiðlum
síðustu daga um breyttar reglur um
skilyrði fyrir því að bílaleigur fái notið
lækkunar á vörugjöldum af bílaleigu-
bílum vill fjármálaráðuneytið taka
eftirfarandi fram: Árið 2000 beitti
fjármálaráðherra sér fyrir lagabreyt-
ingu sem veitti bílaleigum verulega
lækkun á vörugjöldum af bílaleigubíl-
um. Frumkvæði að breytingunni kom
frá Samtökum ferðaþjónustunnar og
var yfirlýst markmið hennar að gera
bílaleigum kleift að bjóða fjölbreytt-
ara úrval fólksbifreiða á lægra verði
til leigu fyrir erlenda ferðamenn.
Fjármálaráðuneytið setti á grund-
velli laganna reglugerð þar sem fram
komu skilyrði sem bílaleigur þurftu
að uppfylla til þess að öðlast rétt til
þess að fá lækkun vörugjalds. Ákvæði
reglugerðarinnar miðuðu að því að
tryggja það skilyrði fyrir vörugjalds-
lækkun að viðkomandi bílar yrðu ein-
ungis leigðir skammtímaleigu, hvort
heldur til ferðamanna eða til annarra
nota.
Ákveðnar bílaleigur hafa á síðustu
misserum auglýst bíla til langtíma-
leigu. Svo dæmi séu nefnd hefur í
sumum tilvikum verið boðið upp á
„aukabíl á heimilið“ og í öðrum hefur
verið tekið fram að lágmarksleiga
væri sex mánuðir. Með slíkum við-
skiptaháttum voru bílaleigur farnar
að njóta lækkunar vörugjalds af bíl-
um sem nýttir voru á annan hátt en
gert var ráð fyrir í lögum. Jafnframt
varð afleiðingin sú að bílaleigur voru
komnar í samkeppni við rekstrarleig-
ur og jafnvel bílainnflytjendur sem
ekki njóta sambærilegra lækkana á
vörugjöldum. Það var ekki tilgangur
lagabreytingarinnar að efnt yrði til
óeðlilegrar samkeppni af því tagi.
Ráðuneytið gerði athugasemdir við
Samtök ferðaþjónustunnar um að það
teldi langtímaleigu ekki samræmast
áðurgreindum reglum um lækkun
vörugjalda á bílaleigubílum. Í fram-
haldi af því taldi ráðuneytið nauðsyn-
legt að breyta skilyrðum fyrir niður-
fellingu vörugjalda af bílaleigubílum
þannig að ljóst væri að bílar sem not-
aðir væru til langtímaleigu nytu ekki
lækkunar vörugjalda og jafnframt til
að tryggja að slíkar heimildir yrðu
ekki misnotaðar. Í þessu skyni var
reglugerðinni breytt og það skilyrði
sett fyrir lækkun vörugjalda að leigu-
tími skuli aldrei vera lengri en 30 dag-
ar og að bílaleigu sé óheimilt að gera
leigusamning við sama leigutaka, ein-
stakling eða lögaðila, eða aðila tengd-
an honum, innan 45 daga frá því að
fyrri leigusamningur rennur út.
Slíkar takmarkanir falla þó brott
eftir 18 mánuði frá nýskráningu, hafi
bifreið verið nýtt sem bílaleigubifreið
í þann tíma.
Í fjölmiðlum hefur því verið haldið
fram að með þessum skilyrðum séu
sett óeðlileg höft á hvenær og við
hverja bílaleigur eigi viðskipti.
Ráðuneytið vill taka fram að skil-
yrði þessi hafa engin áhrif á það við
hverja bílaleiga getur átt viðskipti eða
hve oft, heldur er með skilyrðum
þessum leitast við að tryggja að þeir
bílar sem notið hafi vörugjaldslækk-
unar séu einungis nýttir við leigu til
ferðamanna og annarrar skammtíma-
leigu, eins og gengið var út frá við
setningu laganna.
Reglugerðarbreytingin girðir á
engan hátt fyrir að bílaleigur geti
þegar þannig stendur á leigt út bíla
lengur en í 30 daga eða til sama aðila
oftar en á 45 daga fresti, svo fremi að
til þess séu nýttir bílar sem full gjöld
hafa verið greidd af eða eru ekki leng-
ur háðir takmörkunum samkvæmt
ákvæðum reglugerðarinnar.“
Tilkynning frá fjármálaráðuneyti
Vörugjöld af
bílaleigubílum
NÝR íslenskur fjölmiðill hefur
hafið göngu sína. Fjölmiðillinn
tunga.is er frétta- og upplýs-
ingamiðill. Fyrirtækið bak við
miðilinn er íslenskt örfyrirtæki,
Útgáfa á íslensku ehf. Netið
verður notað sem miðlunarform
á léninu www.tunga.is. Netút-
varpsviðtöl og netsjónvarpsvið-
töl munu mynda grunn marg-
miðlunar hins nýja fjölmiðils. Á
tímum minnkandi lýðræðisþátt-
töku er nauðsynlegt að veita öll-
um gagnvirkan margmiðlunar-
aðgang að faglegri umfjöllun
einstakra mála og almenningur
getur með virkum hætti tekið
þátt í þjóðfélagsumræðu á
www.tunga.is, segir í fréttatil-
kynningu.
Nýr upplýsingamiðill
hefur göngu sína
sparaðu fé og fyrirhöfn
MIKIÐ ÚRVAL
HAGSTÆTT VERÐ
LOFTPRESSUR
TILBOÐ
SDAGA
R